Chatterbox Café (K11 Musea)

每次經過K11 Musea既 Chatterbox Cafe 都見到排長龍，原來餐廳來自🇸🇬新加坡文華大酒店Chatterbox既延續，Chatterbox Cafe繼續將品牌故事同埋正宗嘅新加坡風味帶到其他地方。充滿大自然氣息既環境下可以嘆住新加坡美食，就好似係國外度假咁，真的太美好啦！菜式方面，除咗有被譽為海南雞始祖之外，仲有一系列新加坡地道菜，另增設有香港限定甜品供應㖭。文華海南雞飯    雞肉好嫩，皮薄爽滑，雞肉味道濃郁仲去咗骨，油飯用濃雞湯浸過同埋香料烹煮，啖啖飯粒都香氣十足。另外配備三色醬，用上新加坡出品嘅黑醬油、自家製薑蓉同辣椒醬。雞肉沙嗲    沙嗲串燒係好多香港人喜歡嘅美食之一。這個係用雞髀肉做超級Juicy，肉質又嫩滑，點一點秘製沙嗲醬，好食到唔停口呢。與一般嘅沙嗲醬唔同，加入左花生、椰奶、椰絲等等嘅材料，口感提升咗，煮得香濃，一吃就愛上。特色咸蛋雞翼    覺得用咸蛋黃煮嘅菜式味道濃郁，有一種獨特嘅香味。這款雞翼沾滿起沙嘅蛋黃碎，入口甘香惹味，外皮炸得金黃鬆脆，鹹香脆口極邪惡！雙球椰子雪糕    享用新加坡菜，食到最後就喜歡既甜品係椰子雪糕，濃郁椰香味 雪糕裏面啖啖都有新鮮椰子粒 質地幼滑，口裡充滿絲絲甜蜜的感覺！雪糕紅豆冰雪糕係餐廳自家製 散發雲呢拿香氣 奶味濃厚 紅豆軟綿香甜 冰涼解膩檸檬薏米水清香嘅檸檬與薏米很配，雖然沒有甜味， 但口感清新，潤喉解喝。凍檸檬茶茶底清徹，檸檬鮮香，冰冰涼涼，爽！…查看更多

新加坡名物嘅海南雞喺香港都食到啦！雖然仲未有機會去旅行，但可以喺K11食到鼎鼎大名嘅海南雞飯。文華海南雞飯 $118必食招牌菜，雞肉肉質嫩滑有雞味，無骨啖啖肉又肥瘦適中，一個人可以食哂成碟雞；油飯粒粒分明，入口甘香軟熟；雞湯清甜，提提大家，食雞的時候記得蘸辣椒醬、薑蓉和醬油，豐富味道層次。咖喱豬肋骨煲配白飯 $118熱辣辣成個煲上檯，keep住夠哂熱，咖喱味唔會一味死辣，反而好惹味。豬肋骨好入味，仲有薯仔、茄子等配料，佐飯一流。特色咸蛋雞翼 $78超邪惡美食，一客有6件，厚厚一層鹹蛋黃，味道超級濃郁，仲帶少少微辣，外皮香脆，惹味度十粒星！星洲彩色刨冰 $58賣相夠哂colorful，一睇個樣就知透心涼，除咗冰之外，仲有綠豆、紅豆、涼粉等等，材料豐富。原個鮮椰青 $48原個椰青上檯，味道清甜，清熱又解渴。…查看更多

呢間餐廳始於1971年，開業係新加坡文華大酒店🏨主打獲獎無數嘅文華海南雞飯同多款星洲佳餚美饌🇸🇬💗文華海南雞飯 ($118)走地雞以50分鐘慢煮，再去骨同切走多餘脂肪。加$10轉做雞髀肉，雞皮爽滑，肉厚之餘嫩滑多汁，雞鮮味濃🐔；油飯特意選用泰國舊米，煮得軟硬度適中，粒粒分明，充滿雞油香🍚；佐以一碗雞湯，師傅係浸雞嘅湯水加入蔬菜同嫩豆腐，飲落清爽鮮甜🍲；調味方面有新鮮磨成嘅薑蓉、新加坡總店秘製嘅辣椒醬同黑豉油💗白胡椒肉骨茶配白飯 ($108)肉骨茶以豬骨🦴、蒜頭🧄、胡椒🧂同藥草🌿提味，湯頭濃郁鮮甜，胡椒味重但唔搶鼻，微帶辛辣。有四大塊肥瘦適中嘅一字排骨，肉質軟腍鬆化，點少量辣椒黑豉油吊起肉鮮🍖配料有吸湯力十足嘅金針菇同豆卜。可以將脆卜卜油條浸落湯底一齊食💗特色咸蛋雞翼 ($78/6隻)以咖哩粉醃製雞翼，再炸至香脆，雞翼肉質嫩滑而且唔油膩🐥甘香撲鼻嘅咸蛋黃醬包裹住雞翼，質感幼滑得嚟起沙🥚配上微辣嘅小辣椒同咖喱葉嘅香味，非常惹味🌶…查看更多

係限堂食之際 我出最後一個美食post🥺就係喺K11 Musea 嘅Chatterbox Cafe呢間餐廳係嚟自新加坡嘅文華酒店所以一場嚟到 係一定要食招牌 文華海南雞飯($118)去骨海南雞腿配上雞油飯 令人垂涎欲滴🤤加上薑油,醬油同辣椒醬 加上雞肉一啲都唔膩雖然價錢有啲貴 但我覺得值得大家黎食🙋🏻‍♀️第二樣係招牌大蝦喇沙($158) 湯底味道香濃蝦味、咖哩香同椰香包含晒 而且湯底濃厚得黎唔會令人覺得好油膩好滯👍🏻最後叫左特色咸蛋雞翼 ($78)雞翼香脆可口沾上陣陣鹹香的咸蛋 惹味得黎又邪惡🤗最後配上一杯美祿恐龍 ($32) 完美一餐😋-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂…查看更多

尖沙咀新開嘅K11 Musea有好多唔同食肆，身為吃貨嘅我梗係要去朝聖下啦！由MTR層行入商場不久就見到有一間食肆大排長龍，主打海南雞飯，恰巧我同朋友都有興趣，就揀咗呢間做我地嘅晚餐。除左海南雞飯，對小食同飲品都好有興趣，好似美祿恐龍同埋咸蛋雞翼。上菜速度都幾快，先到咗飲品我點嘅美祿恐龍，朋友點咗涼粉豆漿，都好有特色。小食點咗特色咸蛋雞翼新鮮炸起熱辣辣，面頭嘅黃金太邪惡了，咸蛋黃好香，雞翼夠嫩，好香口～嚟到必點嘅item文華海南雞飯除左主角塊骨嘅海南雞，側邊仲有雞湯、油飯同埋三種醬汁，分別係特製雞飯醬油、辣椒醬同埋薑蓉。呢度嘅辣椒醬帶少許辣勁，幾過癮！雞肉好嫩滑，特別鐘意佢嘅油飯，好香仲粒粒分明，食到有濃縮左雞湯嘅精華，食到停唔到口～另一招牌—珍寶帶子喇沙椰香同喇沙醬嘅香都好balance，珍寶帶子好鮮甜新鮮。食物質素都幾好，會再嚟食海南雞飯啊！…查看更多