拉麵台風

🍜 特盛魚介豚骨拉麵（$123）配料豐富份量十足，有6塊紫菜、2塊叉燒、1隻溏心蛋，筍同芽菜各1份，而且可以因應自己嘅食量同口味選擇麵量，醬汁多寡同有冇蔥；湯底用豬筒骨，豬背脂同雞骨等材料熬成，加上魚介粉，濃厚嘅湯底更加係鮮味十足，麵條較粗身，食落彈牙有嚼勁而且好掛汁；叉燒大塊得嚟頗厚身，肥瘦適中，而且燒得肉香軟嫩不油膩；溏心蛋生熟程度啱啱好；芽菜爽脆帶麻油香味；筍入口爽甜🍅 伊台風（$98）伊台風係蕃茄芝士加魚介豚骨湯底，完美咁將意式風味同豚骨拉麵糅合一齊，湯底味道比較似意式蕃茄濃湯，蕃茄控嘅朋友應該會好鍾意；粗身麵條好掛汁，配料方面除咗紫菜、叉燒，筍之外，仲有酸甜嘅蕃茄粒同細滑嘅芝士🍺 拉麵用手工啤（$50）呢枝手工啤酒係餐廳同本地酒廠love Craft聯乘，樽身印有好可愛嘅卡通公仔同寫住酒嘅種類Cold IPA，啤酒帶有淡淡嘅果味唔太甜，酒味亦唔重，同拉麵嘅濃湯好夾之餘唔會搶左湯底嘅味道，酒身順滑易入口，氣唔算多，慢慢飲都唔會頂胃…查看更多

呢間拉麵台風係一間喺荃灣開業多年嘅人氣拉麵店，平時行荃灣最出名嘅天橋或者搭巴士果陣都會成日經過見到，相信呢間拉麵店已經成為咗唔少人眼中嘅地標！聽講餐廳有時仲會有日本師傅駐場添啊，係正宗嘅日式風味啊～特盛魚介豚骨拉麵💰HK$123成碗拉麵超豐盛！足足有6片紫菜、兩片肥瘦均勻嘅日式叉燒、一整個半熟蛋、荀同埋芽菜！麵質韌性十足，而且掛湯能力高，特盛仲可以免費加麵變為200g麵添！湯底更加係整碗拉麵嘅精華所在，充滿住濃厚嘅魚介同埋豚骨風味，但同時又做到油而不膩，不愧為餐廳嘅招牌拉麵～紅色暴雨拉麵💰HK$88辣到揀咗小辣，味道係微微辣，唔會因為太辣而蓋過湯底嘅味道，仲係感受到好濃郁嘅魚介豚骨湯！推薦食得辣嘅朋友仔，挑戰吓呢到嘅9號風球辣🥹麵因為簡咗100g麵，所以可以按照個人喜好去換返半份配菜返來，另外仲有半個半熟蛋、一片日式叉燒、炙熱叉燒粒、荀、一片紫菜同埋芽菜，口感層次滿分～半熟蛋💰HK$18辣味芽菜💰HK$15微辣嘅味道再加埋爽脆嘅口感，同拉麵超夾～可樂💰HK$12另外，每張枱仲擺咗唔同嘅調味料，有蒜蓉、辣椒油、黑椒同埋七味粉等等，可以按照個人喜好加落去個麵到！個人最推薦呢到嘅辣椒油，甜甜辣辣，令到濃厚嘅湯底更惹味～…查看更多

桃芝冇夭夭，放工梗係要出嚟賀一賀佢荃灣呢間拉麵店，仍然排長龍㗎！不過裝修完，多咗位，好快就入得去食胃弟一見到呢碗紅色暴雨級辣度，就好想挑戰呢個難度，向桃芝致敬咁話特盛唔加錢可以揀200g拉麵，一上檯真係滿碗紅坐喺對面嘅大胃都聞到陣辣除，怕辣嘅大胃食佢兩啖，以麻居多但好快辣味就由喉嚨深處回湧，太厲害喇大胃都係安胃守己咁食佢地嘅招牌魚介豚骨拉麵，最多嗌埋特盛食飽啲魚介粉鋪喺麵上，有微辣芽菜亦有足足六塊紫菜，撈勻嚟食湯底好濃魚味特盛嘅話一碗有成三大條叉燒，索晒豚骨精華，又香又綿筍都係大大條，同樣入晒味好爽口溏心蛋勁靚仔，連湯食雙重享受每檯都有水可以任斟，亦有調味可以自由添配。但一見到鹽味梳打，就覺得好打耳，飲落又真係幾趣致，甜甜鹹鹹幾得意…查看更多