PHI Coffee & Pancake (屯門市廣場1期)

今日收工去到屯市行街，見到戲院對面竟然開咗一間新嘅Cafe，木系嘅裝飾加上乾花嘅配搭，裝修幾吸引。餐牌嘅種類唔算太多，主打梳乎厘pancake、意粉、甜品，我哋一行二人叫咗一個pancake、一碟意粉同一個甜品都夠晒食🤤黃金比例 原味梳乎厘$88一份有3件pancake，蛋味香濃，內裡鬆軟有空氣感，面頭加上忌廉唔算太甜，好好食！卡邦尼煙肉意粉$72性價比都幾高，喺屯門求其一啲Cafe食都差唔多要成舊水，份量幾足， 佢哋用嘅意粉偏幼身，食落有少少似天使麵，味道唔錯🙈🤓甜品必點特濃意大利芝士蛋糕$78咖啡粉甘香，加埋手指脆餅同埋cream，一啖食晒多重口感，不過要快啲食，放耐左嘅話，d cream會整淋左啲餅乾！…查看更多

屯門一系列商場雖多，但餐廳集中嘅樓層相信第一時間都會諗起Vcity同屯市三樓。一段時間冇嚟，記憶中嘅UA、茶木早已結業，取而代之係呢間離遠已經見到排哂長龍嘅cafe。幸好流動速度都幾快，唔夠15分鐘已獲安排入座。餐廳主打即叫即製梳乎厘，另外亦有幾款簡單三文治、沙律、意粉選擇。去得coffee shop，當然係為嘆靚啡而嚟。是日點嘅兩杯咖啡都以cold brew為基底，選用嘅咖啡豆濃淡酸甘適中，口感順喉細滑，容易被大眾接受。橘香冰搖咖啡 帶柑橘微香，有西西里咖啡嘅清新感，但又唔會令咖啡變酸。後者提拉米蘇咖啡 更似一道甜點，一半black coffee一半cream，表面灑上可可粉，再以手指餅為點綴。攪拌後入口豐盈，同Macchiato近似，唔好奶油嘅人可能會覺些少膩。吞拿魚沙律主要為羽衣甘藍同紫椰菜，拌以經微燻嘅吞拿魚，調味偏淡，略加black pepper辟腥，整體中規中矩。Tiramisu有驚喜，手指餅充分吸收咗espresso，咖啡味濃郁甘香，又無受潮變淋；配上無額外加糖嘅mascarpone，鬆化與細滑口感交雜，係一道越食越上癮又唔會過甜嘅「甜點」🥰壓軸嘉賓soufflé 登場✨莓果控見到都開心，顏色繽紛多彩，莓醬甜中帶酸，食起嚟更開胃。梳乎厘空氣感同鬆餅嘅綿軟參半，有口感，唔會好似食空氣咁，值得一試👍🏻👍🏻…查看更多

朋友相約我到屯門市廣場這間新CAFÉ，便想到之前吃過美孚那間，實屬不錯。這間的位置就正正位於戲院的對面，風格依然日系小清新的簡約風，有很多仿秋葉增添打卡感。價錢來說真的划算，沒有很多間咖啡店的飲品有做加配價錢。70%純黑朱古力梳乎厘 - $92絕對值得耐心等候半小時，每份即叫即製人手打泡忌廉。厚厚的梳乎厘充滿彈性，裡面的空氣感十足，輕盈如泡沫，入口即溶；且口感鬆軟，富有蛋香味，還有適當的濕潤感。黑朱古力醬較為濃郁，有獨特甜中帶微苦的口感。軟綿綿的慕斯同樣充滿朱古力味，好幼滑。還配些新鮮的士多啤梨和藍莓裝飾之餘，又帶點清香。蕃茄醬蝦意粉 - $88意粉掛滿香濃番茄汁，夾雜些蕃茄肉，充滿酸甜清香的味度。裡面也有十多隻已去殼去腸的新鮮蝦仁，肉質爽滑彈牙，富有鮮味。特濃意大利芝士蛋糕 - $78簡單用六根手指餅便組成如此賣相精緻的蛋糕。整個蛋糕表面充斥著濃厚的朱古力粉。每條手指餅之間的裡裡外外也有一點點的芝士慕斯餡，質感細膩軟滑，有一般霜霜的口感。手指餅本身外層裹著一層厚厚的砂糖，上層的還保持著乾爽，有酥脆的口感；而下層的吸收了大量的咖啡酒糖液，牢牢地抓著咖啡、朱古力、酒香三種風味。抹茶鮮奶 +$22抹茶搭配香濃的牛奶，口感柔順餘韻回甘的抹茶原始茶香，也有鮮奶的細滑。提拉米蘇咖啡 +$22精心調配得賣相吸睛之餘，又保留到咖啡的質素。上半杯濃厚的Tiramisù軟滑綿密，底部的咖啡則豆味香濃，那半根手指餅整根浸沒吸收味道，整體入口順滑。…查看更多