日本橋海鮮丼 つじ半 TSUJIHAN

今日喺東涌東薈城血拼完，發現咗隱藏版日式美食寶藏，就係黎自日本東京魚市場級別既過江龍海鮮丼霸主つじ半，終於唔使飛日本都可以食到！🔥 炙燒鰻魚丼鰻魚肉質豐腴到入口即化，秘製醬汁甜香滲透每粒飯粒，玉子燒綿密鬆軟！特上海鮮丼鋪到滿瀉既三倍增量海膽，濃郁甘甜，一勺舀起竟有爆漿三倍既增量鮭魚子！紅鱈蟹肉絲絲鮮甜，仲有金槍魚赤身，搭配脆嫩象拔蚌、彈牙魷魚和鯡魚子鹹香交響，最驚喜係藏係底既金槍魚蓉，每一口都吃出驚喜層次！另有✨隱藏食法必試✨ 吃剩三分之一可以召喚店員加入乳白鯛魚高湯，瞬間變身暖胃茶漬飯！高湯溫柔引出海膽的深邃鮮甜，鮭魚子在熱湯中半融爆發海洋精華，螺肉魷魚吸飽湯汁後口感更顯Q彈～…查看更多

朋友推介這裏，今晚便專程來到這裏。特上海鮮丼$298，材料包括：海膽、紅雪蟹、鮭魚子、赤蝦、鯡魚子、象拔蚌、螺肉、魷魚、金槍魚、金槍魚蓉，整個當飯的海鮮都很新鮮。因為這個當飯用了很多不從材料絞碎之後混合而成的金槍魚蓉，味道層次豐富，帶點魚的油脂香氣，又帶有點爽脆的口感，喜歡嘗試不同同類型海鮮的，必點這個丼飯。差不多吃到一半的時候，記得見店員添加這裏特製八個鐘頭的鯛魚湯，因為這個丼飯是兩飯的，加上湯底之後，餘下的刺身，已經被熱騰騰的鯛魚湯淥過，魚肉味道層次更加豐富。這個餐還有兩片三文魚和油甘魚刺身，油甘魚旁邊加上一種特製醬汁台增加由金魚的鮮甜味道。來增加油甘魚的鮮甜味道。稻庭烏冬配和牛丼御膳$188，包括有烏冬、和牛丼、刺身和茶碗蒸。稻庭烏冬爽口彈牙，湯底是味噌湯底的鮮甜味道。和牛丼內的和牛脂肪甘香，肉質鮮嫩，加上點醬油，便已經非常美味。刺身有赤蝦、油甘魚、三文魚和帶子，其中以赤蝦最為爽口彈牙。茶壺蒸的蛋鮮嫩無比，味道鮮甜。店內有位年輕女孩，動作勤快，態度親切，在這個年代實屬罕見，值得表揚。…查看更多

跟朋友去東涌東薈城Shopping後 ，大家共識食日本菜，見到呢間係日本幾出名仲成日排長龍嘅嘅海鮮丼店。見時間尚早未見咁多人就即刻入去試下。日本橋海鮮丼 つじ半 TSUJIHAN 店裡以簡潔日式裝潢，我跟朋友坐吧台座位。海鮮丼分別是梅、竹、松、特上，最特別的是“一丼二食”，先品嚐鮮魚生丼飯，吃剩餘3份1加入鯛魚高湯品嘗湯漬飯。..我地揀左一個幾經濟嘅豪華海鮮丼**$118擺盤精美，已經胃口大開。用上多款時令新鮮刺身，切片又夠厚身--赤蝦，吞拿魚蓉，超厚燒玉子，吞拿魚，油甘魚，帶子，三文魚，緋魚子，款款新鮮甜美，這個價錢確是超值。仲可以加$18有沙律及茶碗蒸。..呢款就必點特上海鮮丼**$298呢個一丼二食的特上套餐打卡度滿分！先品嚐前菜，4片時令刺身配特特製的胡麻醬。丼飯高高的刺身山盡是頂級刺身食材--頂級北海道馬糞海膽以及鮭魚子，滑不溜口的鮮甜，配上紅鱈蟹，赤蝦，鯡魚子，象拔蚌，魷魚，金槍魚，金槍魚蓉，滿滿口感豐富的海鮮鮮味，吃著幸福感滿滿！吃剩餘3份1就請師傅加入鯛魚高湯，旋即變成湯漬飯，微熱的清甜高湯配搭海鮮丼飯，以這價錢品嚐到2食的滋味，又幾抵！…查看更多

日本過江龍海鮮丼 一丼兩食超滿足！行完東薈城outlet，緊係要試吓呢間bookmark 左嘅日本過江龍嘅海鮮丼專門店啦！佢哋主打「一丼二食」，店員會好細心教你點食，儀式感十足！  ✨必試「特上海鮮丼」一上枱就震撼！材料堆到成座山咁高，有齊海膽、三文魚籽、象拔蚌、赤蝦、金槍魚蓉、魷魚…仲有增量版鮭魚子，多到瀉！全部切到細細粒，撈埋鼓油同wasabi，一啖食落去，鮮甜、爽脆、creamy一次過爆發，味覺感受忙到不得了！食到剩三分一，就可以叫店員加鰹魚湯變茶漬飯，再加埋柚子皮碎，清新解膩，完全係第二種享受～  🌊「海膽帆立貝鮭魚子丼」平靚正之選！如果想食得精啲，呢碗性價比超高！加拿大海膽鮮味帶creamy，帆立貝甜到漏，仲有爆脆嘅鮭魚子，一粒粒喺口入面「啪啪聲」，撈飯食簡直無得輸！  總括嚟講，材料新鮮、一丼二食獨特風味，食完仲可以繼續shopping，東涌友同遊客都要試吓啦！…查看更多

今日假期嚟到東涌outlet shopping，商場超級多人，行街行到攰，搵間食肆醫下肚，見到呢間日本餐廳出邊排晒隊，見到Menu主打食刺身丼飯，仲有烏冬，價錢都好親民，決定試吓炙燒三文魚丼$98三文魚堆到好似成座山咁高，有成10幾塊三文魚，三文魚屬於三文魚腩非常肥美，炙燒過嘅魚油脂係口中爆發，入口甘甜食到一半，原來內有乾坤，飯裏面仲有一層好厚嘅玉子燒，玉子燒蛋味好重，甜甜地加味淋一齊整，玉子嘅質地好滑✨特上海鮮丼$298特上海鮮丼超震撼，刺身款式非常多，有增量海膽、紅鱈蟹、增量鮭魚子、赤蝦、鯡魚子、象拔蚌、螺肉、魷魚、金槍魚、金槍魚蓉等，海膽嘅份量真係比得超大方，非常飽滿，濃稠感十足，味道甘甜，芳香四溢，其他刺身魚整成嘅海鮮山，非常鮮味丼飯仲會跟四片刺身，可以揀油甘魚或者三文魚，我哋揀咗油甘魚，非常厚切和新鮮，魚肉白皙有彈性，脂肪含量適中，口感清淡略帶甘甜食到如下三分之一嘅時候，可以跟日本嘅食法一樣叫職員加入鯛魚高湯同埋少量嘅柚子皮係丼飯中，成為鯛魚高湯漬飯，鯛魚湯非常鮮甜，一個丼飯有兩種食法…查看更多

今日嚟到Outlet Shopping見到呢間主打海鮮丼既餐廳好吸引❤️ 裝潢好有一種日式優雅嘅感覺🇯🇵 服務細節都有一種日式既SOP既專業🎏 味道新鮮而出色有體會到一種日本老店既精神✈️⭐️ 特上海鮮丼 🌊嚟到一定要試佢嘅招牌特上海鮮丼💙 用了豐富又海膽紅雪蟹🦀鮭魚子赤蝦金槍魚等既海鮮😋每一啖鮮甜嘅口感尤其係海膽絕對值回票價🥹 就咁食一口蛋黃醬油已經充滿鮮味🍳 食到一半配上時令刺身加入鰹魚高湯🍲 配上絲絲既柚子🍊鮮味更提升了一個層次🤪⭐️ 金槍魚丼 🐟完全滿足晒我呢個吞拿魚控🥰 每一塊吞拿魚都充滿油亮口感帶油脂香🩷 半溶既口感好新鮮🤩配上吞拿魚蓉鹹鮮口感一流😎…查看更多

每年紀念日都會去東涌搭一次360纜車，順路會去埋東薈城名店倉 shopping ，今年覺得outlet特別多遊客，氣氛好熱鬧。經過日本橋海鮮丼 見到餐牌好吸引，尤其是那兩款主打的海鮮丼——「豪華海鮮丼」與「特上海鮮丼」，光是食材的組合就已經讓人感受到滿滿的奢華感。特上海鮮丼 $298特上海鮮丼簡直將奢華推向了極致，增量的海膽、紅鱈蟹、鮭魚子、赤蝦、鯡魚子等，都是頂級的食材，每一樣都讓人驚艷不已。海膽的色澤鮮艷，橙黃色的外觀令人食指大動，質感飽滿且顆粒分明，入口時帶著淡淡的甜香，滑順如奶油般的質地讓人一試難忘。鮭魚子的爆漿口感與紅鱈蟹的鮮甜相互輝映，赤蝦的彈牙與鯡魚子的鹹鮮更是為這碗丼飯增添了豐富的味覺體驗。象拔蚌、螺肉、魷魚讓整碗丼飯的鮮味更加濃郁，每一口都是海洋的精華。一丼二食的驚喜店員簡單介紹了一丼二食的吃法，讓人耳目一新。淺嚐兩片配襯特製胡麻醬口味的時令日本空運刺身。品嚐刺身與秘製醬汁拌好的丼飯，刺身的嫩滑與微涼口感讓人胃口大開。當丼飯吃到約三分之一時，可以請店員加入日本的三藏芹與茗荷，再倒入鯛魚高湯，丼飯變為湯漬飯。鯛魚高湯的濃郁奶白色澤，帶著淡淡的柚子清香，將所有海鮮的鮮味完美昇華。將預留的魚刺身放入飯中，高湯的熱力將刺身焯至微熟，剛剛好的肉質更加軟嫩，入口即化，帶來另一種截然不同的味覺享受。豪華海鮮丼 $118性價比超高，這款丼飯以多款豪華刺身為亮點，赤蝦、三文魚、吞拿魚、油甘魚和吞拿魚蓉的組合，每一種刺身各有風味與質感。赤蝦的甜味與彈性十足的口感，搭配三文魚的豐腴油脂，入口即化，帶來滿滿的幸福感。吞拿魚的鮮美與油甘魚的清爽相得益彰，而吞拿魚蓉則為整碗丼飯增添了一絲綿密的口感，讓每一口都充滿層次感。刺身的鮮美，是一場味蕾的盛宴，值得每一位海鮮愛好者前來品嚐。…查看更多

今次喺東涌Outlet行街時發現咗呢間主打海鮮丼飯嘅日本餐廳，由超豪華海鮮丼到平民價炙燒丼飯都有～餐廳環境簡約舒服，出品新鮮👍 ❀——❀——❀— 𝓦𝓮 𝓸𝓻𝓭𝓮𝓻𝓮𝓭 —❀——❀——❀ 特上海鮮丼 ｜$298真係堆到成座山咁高！鋪滿咗多款名貴食材如海膽、紅鱈蟹、鮭魚子、赤蝦、鯡魚子、金槍魚蓉等每啖都充滿海洋鮮味～食到一半時，侍應仲會幫你加上日本鯛魚高湯，瞬間變成暖笠笠嘅茶漬飯，湯底鮮甜，米飯吸滿湯汁，係雙重享受！✨ ---炙燒鰻魚丼 ｜$108CP值非常高！丼飯上有一大塊鰻魚，肉質肥美，配埋厚厚嘅 玉子燒，飯面輕輕淋上少許醬油，味道濃郁但唔會過鹹❀——❀——❀——❀——❀——❀——❀——❀——❀ …查看更多

東涌瘋狂購物完之後一定要食餐好👍🏻日本嘢一定冇得輸，呢間仲係日本過江龍，佢哋有吧枱位置可以睇住師傅用心準備食材，推薦佢哋嘅Bar枱位置。特上海鮮丼佢哋嘅食材好頂級✨海膽多到嚇死人，除咗海膽海膽仲有紅鱈蟹、鮭魚子、赤蝦😀😁魷魚、金槍魚、金槍魚蓉。刺身嘅份量仲多過飯。海膽色澤質感飽滿，食落去鮮甜。鮭魚子色澤靚粒粒分明，咬落去鮮香。佢哋嘅食法好特別，呢個海鮮丼首先會有四片刺身，食完兩片就可以食個飯，食淨三分之一，就可以問職員攞啲高湯倒落去飯，成為泡飯。剩低嗰兩片刺身再放入去，用高湯嘅熱力將刺身燙熱。刺身飯就變為油甘魚漬飯✨一個飯兩種食法豪華海鮮丼豪華海鮮丼都好正㗎，100頭就已經食到三文魚、吞拿魚蓉、甜蝦、帶子等等，多種海鮮丼飯，呢個價錢份量十足超抵！…查看更多

海鮮丼在香港很多地方都有供應，只要刺生新鮮已經好好味。但要論到茶清飯，就確實不是可以讓人有驚喜。日本橋海鮮丼，以東京過江龍名號，確實有其道理。******************************日本橋海鮮丼以東京過江龍名號，選址於東涌東薈城，看似要吸引不是遊客這麼簡單。餐廳裝潢保留了日本的文調氣息，店舖不算大，但座位都充足。前來時分已過了午飯時段，所以座位都相對較多。餐牌食物以海鮮丼為主，還有期間限定之選，加HKD18升級為套餐，包了茶碗蒸及沙律客，非常吸引。此外，特上海鮮丼可以2食，就是變成茶漬飯，入座已經被那魚湯的湯底味道吸引著，所以不能不吃茶漬飯。豪華海鮮丼 HKD118，再升級為套餐。豪華海鮮丼，以當日時令海鮮為配料，今天海鮮包括了三文魚、 金槍魚、帶子、調魚、 鯡魚子、赤蝦和玉子燒，飯底還有青瓜絲和准山粒，配上蛋黃鼓油醬汁和芥末，刺身鮮甜，簡單加少許芥末蛋黃醬汁而吃，已經吃到海鮮的鮮甜美味。升級沙律非常新鮮爽脆，茶碗蒸蛋滑溜，鮮味十足，吃完成份海鮮丼已經讓人滿足。特上海鮮丼 HKD298，附上自家製蛋黃鼓油醬汁和自家製麻胡醬汁時令刺生，把紅鱈蟹、赤蝦、鯡魚子、魷魚、象扙蚌、金槍魚切粒、最後把海膽增量、鮭魚子增量和金槍魚蓉放入米飯之上，成一座塔，賣相很及引。先試時令刺身，刺身的油脂味不錯，簡單加少許麻胡醬，醬汁很香，但又不會搶過刺身原有鮮味，非常美味。先把蛋黃鼓油汁加入飯中，再把飯和刺身塔拌勻，吃上口每口飯都吃出刺身的鮮味，還有象扙蚌的爽脆口感，魷魚膠質感，都讓人難忘。保留少許飯和刺身，變成一道茶漬飯，店員還會加多少許白飯，才放入刺身在飯之上，然後把調魚湯加入飯之中，最後加上葸粒，那鮮味十足的魚湯和海鮮丼，把那鮮味變得更香濃。喝上一口湯，完全有著蛋黃醬和和海鮮丼的鮮味，連湯飯一拼吃下，讓人十分驚喜，絕對不能錯過這碗茶漬飯。…查看更多

今日同朋友到東涌食飯，去到餐廳不需要等位就可以入座 。我們叫了特上海鮮丼和炙燒鮭魚丼 。特上海鮮丼內的海鮮種類繁多，包括海膽、紅鱈蟹、鮭魚子、赤蝦、鯡魚子、象拔蚌、螺肉、魷魚、金槍魚及金槍魚蓉，還有三片新鮮的油甘魚刺身，讓人一口吃下去就能感受到海洋的鮮美。這道海鮮丼的特色在於可以選擇加高湯以茶績飯，讓整個用餐體驗更上一層樓。高湯的鮮甜與米飯的香氣交織，形成了完美的搭配。此外，我們還點了炙燒鮭魚丼，鮭魚的外層微微焦香，內裡卻保持著柔嫩的口感，讓人回味無窮。整體而言，這間餐廳的海鮮丼不僅新鮮美味，還能享受到多樣化的口感與風味 。…查看更多

今日送完機，我地去左東薈城行街食飯，東薈城有好多不同餐廳，我地去左「日本橋海鮮丼 つじ半 TSUJIHAN 」 食晚飯。日本橋海鮮丼 つじ半 TSUJIHAN是一間日本過江龍海鮮丼專門店，以「一丼二食」聞名，一碗海鮮丼具有「淨食」及「湯漬飯」兩種不同食法，享用兩種不同滋味。特上海鮮丼（$298）店員會先送上四片鯛魚刺身，先品嚐兩片沾有胡麻醬的鯛魚魚片，留下兩片稍後搭配湯漬飯再享用，鯛魚刺身配上特製胡麻醬，味道更提升。丼飯賣相吸睛，有增量海膽、紅鱈蟹、增量鮭魚子、金槍魚、赤蝦、、螺肉、象拔蚌、魷魚、鯡魚子、金槍魚蓉，堆成一座小山丘，再將豉油和芥末撈勻，再淋上丼飯上，滿滿的新鮮海鮮材料，每啖口感都極滿足。當丼飯吃剩約1/3份量時，將兩片鯛魚刺身放入米飯，再將熬制了8小時的鯛魚高湯加於丼飯中，高湯的熱力將鯛魚焯至微熟，令肉質軟嫩可口，最水後加入清香的柚子皮，味道清新，份外香濃鮮味。豪華海鮮丼（$118）有三文魚、鯛魚、吞拿魚、赤蝦、帶子等等刺身，魚生非常新鮮，一次過食到不同款式的魚生，魚生鋪滿在米飯上，完全不手軟的飽滿份量令我每啖都食到鮮甜美味的魚生。…查看更多

今天跟爸爸來到東薈城逛街，之後去到商場搵食，東薈城有很多不同種類的餐廳，看到這間日本餐廳，見他的餐牌食物圖物都相當美味，而且食客滿滿，爸爸說不如試一試。被安排到吧檯就位，清晰看到廚師為食客準備食材拼砌丼飯。看過餐牌後，我們點了一客炙鰻魚丼，另一個點了特上海鮮丼。食材新鮮，而且兩款食物都相當好味，首先說一說炙燒鰻魚丼，鰻魚丼香氣四溢，剛剛炮製好的炙燒鰻魚，不但香噴噴，而且看到整條鰻魚又長又肥美厚厚的，令人食指大動。鰻魚油香入口超惹味，配埋鰻魚汁拌飯，整碗丼飯相當大滿足及美味，除了有厚切鰻魚外，還有數件厚切玉子，甜甜的相當有口感。另一款點了特上海鮮丼，特上海鮮丼未來之前，會先品嚐前菜和刺身。刺身一共有四片，店員先建議先吃兩片，之後留下兩片會在最後跟鯛魚湯一起食用。鯛魚刺身片混上了胡麻醬，鯛魚片刺身鮮甜無比，混和了胡麻醬來吃更有另一種口味，十分特別。當廚師拼砌好海鮮丼後，看到這客特上海鮮丼賣相超級豐盛，一大堆豐富又色彩鮮艷的海鮮，形成柱體放置到丼飯中央。食材相當豐富，有海膽、紅雪蟹、三文魚子、赤蝦、緋魚子、象拔蚌、螺肉、魷魚、金䱽魚、金䱽魚蓉⋯⋯⋯混和了醬油跟Wasabi，之後慢慢添加於丼飯之中，十分美味，魚生不單止鮮甜，而且混和了飯粒一起進食相當好味 。每一啖飯都會吃到不同的海鮮。味道跟口感都相當好。一丼二吃當然沒有這麼簡單，當吃剩了三份一的丼飯，可以叫店員添上鯛魚湯，看到廚師會即場加熱和調味鯛魚湯。不用一會兒熱辣辣的鯛魚湯便送上。然後慢慢地加個丼飯之中，再把先前預留的兩片刺身放到湯飯內。這個鯛魚湯味濃，魚湯味很香甜，變成了湯飯口感和味道都大大不同，十分特別，而且一款丼飯可以吃到兩種不同的感覺和口味，相當滿足。鯛魚片放置於熱湯中微微加熱，鯛魚片都變熟了，嫩嫩的粉紅色，口感嫩嫩的，非常好味。餐廳不但有普通的丼飯，還有一丼二吃的海鮮丼，總有一款岩自己。…查看更多

最近天氣炎熱，都係要搵返啲室內活動，打算到東涌都薈城逛逛，之前做定功課，搵下有咩好嘢食，原來被譽為東京海鮮丼排名第一的日本橋海鮮丼去年已進軍香港，當然要去試試餐廳有吧檯同普通座位，我們坐吧檯，可以欣賞廚師的手勢，見他們手起刀落起刺身，刀功一流見到特上海鮮丼 好吸引 $298先有新鮮刺身，新鮮又鮮甜，記得留返兩片刺身稍後放入高湯再吃:)海鮮丼包括海膽，紅雪蟹，鮭魚子，赤蝦，鯡飛魚子，象拔蚌，螺肉，魷魚，金槍魚，金槍魚蓉。 把拌好的醬油均勻淋在堆成一座刺身山上，食指大動。海膽質感飽滿，滑不溜口，其他海鮮食材也非常新鮮，味蕾大滿足吃淨三分一的時候，可叫他們加入鯛魚高湯，製成鯛魚高湯漬飯，實行一丼二食，再把剛才留下的兩片刺身加入，增加鮮味。魚湯是他們根據日本秘方，用上數十公斤新鮮食材淆製，非常鮮甜期間限定的，炙燒鰻魚丼 $108原條鰻魚上枱，長度仲長過碗的直徑，鰻魚肉質柔軟，皮脂肥美，加上特調醬汁，非常可口。鰻魚底下還有玉子燒，蛋香味美宇治抹茶布丁佐紅豆 $48這個布丁相當出名，一定要試下，賣相冇得彈，綠茶粉上面有個白色 [半] 字。口感也讚，滑溜布丁加上綿密紅豆，醇厚甘甜，令人難忘休息過後，繼續行街。…查看更多

今日嚟到東涌shopping，買咗好多戰利品，滿載而歸之後，當然係要搵吓嘢食東涌嘅商場最頂幾層同最底地牢嗰層都係食肆，比呢個俾呢間日本過江龍餐廳嘅Menu吸引咗，就一於入去試吓，餐廳環境裝修非常舒服，好似置身日本嘅感覺一樣✨特上海鮮丼$298分別有四片油甘魚，面淋上胡麻醬，刺身非常厚切和新鮮，魚肉白皙有彈性，脂肪含量適中，口感清淡略帶甘甜海鮮丼有四款唔同選擇，依款特上海鮮丼最震撼，飯上的海鮮刺身堆到山一樣高，刺身款式非常多，有增量海膽、紅鱈蟹、增量鮭魚子、赤蝦、鯡魚子、象拔蚌、螺肉、魷魚、金槍魚、金槍魚蓉等，海膽濃稠感十足，鮭魚籽，入口晶瑩爽彈，魚蓉質感質幼滑食到1/3的時候，叫店員將鯛魚高湯加入丼飯中，再在柚子皮，成為鯛魚高湯漬飯，店家獨有的一丼二食獨特方法，先試刺身鮮味，再試熱食嘅感覺，鯛魚湯非常鮮甜✨鯛出汁&刺身盛合御膳$208有沙律、茶碗蒸、刺身，鯛魚高湯，職員介紹先食前菜，沙律新鮮爽脆，茶碗蒸非常滑，刺身有三文魚、帶子，三文魚籽，炙燒海鮮球，海鮮球用左多款刺身食材整成，食落有多重口感，店員建議將刺身放入碗中整成丼飯，食到1/3的時候，將鯛魚高湯加入碗中宇治抹茶布丁佐紅豆可以以優惠價$30加配，布丁非常重蛋味，而且好creamy，有少少似法式焦糖燉蛋嘅感覺，抹茶粉茶味非常香濃，加埋紅豆一齊食，可以話係絕配…查看更多