牛角日本燒肉專門店 (皇室堡)

天氣轉涼，今晚晚餐食燒肉先，去左牛角。周六6點到達，陣間就有位。一如既往，牛角主打牛，有唔同地方同唔同部位嘅牛。主餐牌亦有豬肉，雞肉，海鮮，麵飯，燒野菜，水果，同甜品。究極佐賀產A5極上和牛牛肋肉 $168 另加一究極佐賀產A5極上和牛牛肋肉可揀原味，燒肉汁，塩醬，或者黑椒塩。我哋揀左原汁原味。呢款係數量限定，係稀少部位，一客得4件，伴有名牌上枱。我哋燒到3成熟就食，所以唔太稔。不過食落油花豐富好多汁。當然價錢唔平。特選燒肉六品盛合 $278 另加一特選燒肉六品盛合分別有美國上級牛頸脊，熊本豚梅肉，豚肉燒，雞腿肉，肩脊肉，同牛舌。每款4件。可揀原味，燒肉汁，或者塩醬。我哋揀左原汁原味。美國上級牛頸脊牛味幾好，肉汁豐富，唔算太韌。肩脊肉就較韌。牛舌太薄切而冇乜質感，又太韌。熊本豚梅肉幾稔又富豬味。豚肉燒好脆。雞腿肉雖然冇乜雞味，不過都算嫩滑。呢個盛合有好有唔好，價錢可以啦。王樣!魷魚 $108 另加一魷魚原條上枱，只係剪左鬚出黎。質素好新鮮，燒完有少少脆皮，真係好食。王樣! 腹胸肉 (蒜香炭燒醬) $89 另加一睇餐牌都唔知係咩肉。原來係一條長牛肉條醃好左，上面加左蒜蓉。我哋燒到外面脆皮，而入面仲稔，蒜香炭燒醬味道調得好好味，正。牛角冷麵 $75 另加一牛角冷麵一大兜，冷麵幼身好有嚼勁，上面有一隻温泉蛋，伴有兩塊叉燒，少少泡菜同青瓜絲。上面灑上少少白芝麻粒同京蔥。個汁芝麻味好香，另上香醋俾你加。呢個冷麵我會推介。今餐食物質素都唔錯。服務座位正常。以冇得任食黎講，呢個價錢都可以。…查看更多

牛角的午餐一向好抵食！幾十蚊就可以有燒肉 仲要飯任食(可惜weekend 唔供應)做會員都好多優惠 食兩到三次 用啲 coupon 基本上都會回到本牛角質素唔錯，講講今次食咩先牛油帶子～好咸 冇咩鮮味牛角冷麵～好清爽 同燒肉好夾 好開胃燒肉～一向好味 個豬扒的汁係醬油加一隻蛋 個名好靚 叫月見 點左幾好食成日聽人講 鯛魚燒好好食 咁今次就試一試啦 價錢就唔算平啦 $38 2件 唔算大件 但幾好玩好食 外表燒得暖暖地 同有少少脆 入面吉士好夾 食的時候加 cream 幾得意如果牛角可以有多啲 set 係 weekend同晚市 就好啦 單點始終有啲貴 不過耐唔耐一試都唔錯…查看更多

去牛角食過咁多次dinner，基本上未試過有一次喺冇book枱既情況下可以walk-in直入。不過，可能係因為weekdays既關係，今次等左大概半個鐘到就有位。同其他分店一樣，餐廳抽風做得非常好，裏面絕對聞唔到油煙味，侍應亦都十分細心，喺落單既時候提醒大約需要既等候時間同埋枱上各種調味料既用法。石鍋泡菜牛肉飯($62)︰上枱既時候熱辣辣，D湯重係boiling temparture咁非常正！泡菜既肉味同埋D湯飯撈埋一齊放入口食既味道非常特別，有少少酸辣湯既口感之餘亦都食到白飯煙韌既口感，好特別。不過，可能因為放左喺石鍋裏面太耐既關係，D牛肉食到尾段既時候好似有少少overcooked咁，「鞋sap sap」之餘亦都過老，下次再食既時候一定要先拎起，咁肉質應該會好好多！牛角冷麵($62)︰湯底酸酸「mei mei」，非常特別，絕對係開胃之選，可以中和返食肉果種感覺。溫泉蛋同埋泡菜都煮到啱啱好，就算凍左都唔會有種好奇怪既感覺。麵身方面，雖然雪凍左，但都仲食到少少煙韌既感覺，口感一流。主角牛肉雖然好似typical既街邊火腿感覺，冇乜特別，但係要盛讚D配料青瓜，因為當佢撈左落個湯之後真係十分開胃，刺激味蕾之餘重可以令到胃口大增！燒肉五品盛合($168)︰種類就算多喇，豬頸肉、雞、牛肋肉、胸腹肉同埋牛舌重有冬菇同埋粟米全部都有齊，但係由於價錢關係份量略少，有少少到喉唔到肺既感覺。牛肋肉同埋胸腹肉口感一流，絕對交足功課，但係冬菇同埋粟米因為烤熟既關係口感略差，收乾晒水「乾爭爭」之餘重要食唔到乜野鮮味，要落D調味料落去先叫做勉強入得口！總括黎講叫做唯持到一貫既集團式質素，above average咁啦。只可惜每一次等位既人都係多到乜咁，想試多幾次都唔得！…查看更多