牛惣居酎屋

營業中

休息中

店鋪位於銅鑼灣一個較隱蔽的小巷內,環境清幽雅致,頗有情調。店內裝潢簡潔雅緻,不失高檔日系風格，不僅主打各式和牛燒烤，其他的串燒都做得唔錯，,色香味俱全，而且周六至四夜晚九點到十點半仲有夜市限定，多款串燒低至15蚊，真係非常抵食！！牛骨髓牛骨髓串燒真係第一食，賣相好吸引，入口最突出的特點就係鮮甜濃郁、軟滑綿密,肉香四溢,好有層次感，加上蔥花同蘿蔔茸的調味方式更能突出呢個特點。秋葵豚肉卷很有創意的配搭，融合了秋葵的清爽與豚肉的鮮嫩，秋葵本身帶有一股天然的清甜清爽味道,經過簡單烹飪後外皮保持可口的脆度，軟滑多汁的豚肉片與外皮的清脆爽口形成反差。雞肉大蔥肉質鮮嫩多汁，雞肉保留了內裏的鮮嫩汁水，大蔥帶有清爽的甜味,給人一種軟嫩多汁的口感，加上適量的醬油、料酒等調料,讓整個串燒香氣四溢。牛舌牛舌肉質細膩軟嫩,入口幾乎化在口中,口感極為滑嫩，經過高溫串燒後散發出濃郁的牛肉香氣,帶有一股甘甜味，酥脆焦香的外層,與内部軟嫩多汁的口感形成對比。橫格肌Set牛橫格肌位於牛肉的橫膈膜部位,肉質細嫩多汁,食落感覺鹹香中帶有一絲甜味，入口即化的鮮嫩,但又有咬勁十足的爽口。自家制豆腐豆腐鮮嫩，口感綿密柔滑,入口即化

上次同朋友食完不同部位的雞串燒，諗諗不忘，一直話想話睇下有冇專門食牛串燒的餐廳。係同事介紹下，就嚟咗呢間居酒屋。一睇餐牌就知嚟啱地方，有好多唔同牛部位的串燒，仲有不同內臟。如果唔食牛，都會有豬同雞可以㨂，最鐘意係佢都有小食同刺身。最有驚喜係伊佐木刺生，一條魚有三種食法，刺身有火炙厚切同薄切，條魚骨可以炸或煲湯。好鐘意的魚湯，係奶白色，味道非常鮮甜❤️串燒就叫咗幾串，都有問下店員推介。有牛舌，牛小腸，蜜糖芥辣和蒜香橫格肌，全部味道同口感都唔一樣。牛舌同牛小腸牛脂比較重同香口。而橫格肌就比較軟熟，個人鐘意蒜香口味多d. 而自家制豆腐口感特別，先炸後烤，仲有3款調味可以選擇。每次去居酒屋都會食燒飯團，食咗鹹牛肉同明太子口味。幾鐘意鹹牛肉口味，比較少見，同埋燒到非常香口❤️餐廳是開放式廚房，但完全無油煙味，用餐環境寬敞舒適。職員十分友善，服務非常好，會建議分量同菜式。以居酒屋嚟講價錢合理，可以再去。

銅鑼灣登龍街牛惣居酎屋主打牛串燒和燒酎，有牛不同部位的串燒，比較少吃到的牛內臟部位都有。店內環境像極日本居酒屋，掛住日本既朋友，一定要來。🔸生野菜沙律 ($28)野菜清新， 爽口， 配上自家製味噌醬，是一道開胃前菜🔸刺身盛合（五點） ($338)有海膽、帶子、三文魚、油甘魚和甜蝦🤭推介海膽，入口即化，紫菜夾住來食，鮮味十足。帶子新鮮，爽甜🔸清酒煮蜆 ($118）蜆肉大隻又肥美，嫩滑，湯汁有淡淡的酒香，清甜可口，我差不多把成個湯飲完🔸橫格肌SET ($148)富含纖維質的橫膈肌略帶油脂，而且牛味濃，分別有四個不同口味，黑燒，蜜糖芥辣，Wasabi和蒜香 4 個口味，由淡味到濃味黑燒橫格肌 - 滲透出陣陣黑芝麻香蜜糖芥辣橫格肌 - 香甜帶少許芥辣的味道Wasabi橫格肌 - 因為我鍾意食辣，所以我最喜歡這款蒜香橫隔肌 - 以自家調配的蒜味、葱末、酸汁為醬汁調味，這款都很惹味🔸牛舌 ($68) 肉質軟腍爽口，有濃郁的牛味，越嚼越香，牛舌係厚切的，再加上少少鹽，味道更有層次，最愛🔸牛小腸($43) 牛小腸纖細柔軟、入口容易，牛小腸烤熟了以後吃起來越嚼越香，讓人停不下筷子🔸蘆筍豚肉卷 ($34)

難得平日放假，有半天hea 吓，可以去銅鑼灣搵食。朋友介紹一間非常高質嘅串燒店，可以慢慢食慢慢傾。😋餐廳處於銅鑼灣登龍街美食集中地，入內已感到濃厚嘅居酒屋氣氛。除了一系列以牛嘅內臟作主打串燒，仲有新推的午市刺身定食。午市刺身定食$188刺身定食包括油甘魚，帆立貝，三文魚和赤海蝦。另加$38 仲可以追加日本海膽，甘甜鮮味，配以紫菜口感豐富。油甘魚肥美，三文魚帆立貝同樣鮮甜！海帶豆腐味噌湯熱辣辣的，仲有麻醬豆腐和蟹柳沙律，味道出色！串燒咁出名，當然唔可以錯過😍牛心管串燒～有點似雞軟骨，切成細細塊方便咀嚼。雞芯~唔韌，喜歡非常入味嘅胡椒鹽作調味，令串燒特別惹味。😋雞腎～唔會好硬淨，爽口的好入味。牛柏葉～沒有特別處理過，有點靭，應該是牛百葉的原始味道。萵筍牛肉卷，牛肉夾卷着爽口多汁嘅萵筍，蔬菜配搭香口嘅牛肉超美味！😋牛沙瓜～一致認為這款串燒的醬汁最為惹味！牛沙瓜外皮香脆又帶薄薄的的脂肪層，十分香口滿牛脂香氣。牛舌～屬於高質嘅牛舌，火候掌握得啱啱好，外皮少少焦香，入口好爽仲勁juicy !牛橫隔肌set～分別有四種調味。由淡味開始食。牛橫隔肌肉質有點似牛仔柳，處理得好好唔會燒到全熟，嫩滑中帶點肉

本來滿心期待嘅生日飯誰知道係一次唔好經驗冇下次囉～串燒味道普通，但服務態度好差尤其係當晚唯一一個女侍應諗住慢慢食，先叫咗4樣串燒點知要成一個鐘先黎齊啲野…仲要係催單情況下😅呢一個鐘至少聽到三檯同侍應催order…估唔到我最後都要催埋一份🥲坐隔離檯一位女士，催話爭碗烏冬同燒芝士女侍應去check 單，之後話烏冬漏咗單芝士燒緊（重點係：一句對唔住或唔好意思都冇）女士：我真係好想食烏冬，但7點要交檯，咁係咪趕唔切？女侍應：係呀！女士：咁唔要烏冬燒芝士上檯，女侍應同女士講：你7點要交檯，你快啲食！女士好配合話好！我就聽到著火！家陣係你地漏單遲出餐，仲要一啲禮貌都冇叫個客人食快啲？搞笑嘅係最後到差唔多7點45分，最少三張二人檯係吉嘅！包括想食烏冬而被漏單嗰位女士張檯！女侍應啲服務態度唔該train 吓先同flexible 啲！仲有其他吉檯兼冇客排隊walk in 或booking 啲人未黎，係咪應該最基本嘅禮貌同客人溝通呢？！本身覺得D串燒普通，見到咁嘅服務態度即時唔加單，催埋最後樣嘢埋單走人！雞皮蝦卷：雞皮唔香脆，蝦身好乾，兩姐之間夾住塊紫蘇葉，整體唔融合！三樣嘢各自各精彩😂失望！牛舌：4樣燒

牛惣居酎屋居酒屋串燒夜😆橫格肌set ($138)牛舌 ($58/串)牛骨髓 ($40/串)雞軟骨 ($28/串)蘆筍豚肉卷 ($32/串)山葵醬燒廣島蠔 ($58/隻)咸牛肉燒飯團 ($38/件)橫格肌set 一共有4種口味，包括左wasabi、蜜糖芥末、蒜香同黑燒 (黑芝麻醬) 黑芝麻醬同牛嘅配搭係特別嘅但我個人都係中意平凡嘅蒜香👀牛骨髓應該係今次最新奇嘅菜式平時比較少見，一於試下口感比較軟糯，味道亦唔係好濃烈，都可接受牛舌依然都係我串燒中嘅最愛🤤厚切唔韌，外脆內軟亦好juicy 有串燒當然都要叫酒🤭今次就試左home made liquor 叫左菠蘿同雜莓可惜同朋友都覺得比較一般🙈

識飲識食嘅朋友都知銅鑼灣有好多日式居酒屋，今次經朋友介紹就嚟咗呢間喺永光中心嘅餐廳🍴餐廳坐位有分普通枱同埋吧枱，餐廳燈光暗暗地咁好有氣氛，適合情侶嚟談情說愛💑首先嚟嘅係生野菜沙律，食返啲菜感覺健康啲🤣之後送嚟嘅係刺身盛盒，入面有赤蝦、帆立貝、三文魚同油甘魚🐟每件刺身都好新鮮肥美，甜蝦都好大隻🦐野飲方面我地就叫咗Fig Liquor同Suntory Red🥃酒係鋪頭自家制作的，超級有心機一定要叫返杯試吓😍牛腸都係其中一樣我勁鐘意食嘅野😆估唔到喺度可以食到，咬落去好爽口，正過平時街邊食到嗰啲好多🤫下樣就係平時比較少食到嘅牛肝🤩店主叫我地盡快食，因為啱啱新鮮出爐先係最正😯月見免治牛肉棒一定要試，大大條好足料🤩好多唔同部位嘅肉混合埋一齊而成，油脂均勻，加埋個月見汁食落更加正🥳牛沙瓜，其實就姐係牛肚，係比較少有得食嘅部位嚟嘅，咬落好爽脆同煙韌😋明太子燒飯團做到外脆內軟，出面啲飯燒到焦焦地勁香🤤出面塊紫菜都好脆，成個配搭超有水準的！！！再嚟就係我最鐘意嘅牛舌😛厚切牛舌勁正！都做到外脆內軟嘅效果，而且好有牛香，一定要試😛最後就係橫格肌Set，由左至右分別係蔥燒、Wasabi、蜜糖、黑芝麻醬牛個人最鐘

近日秋意涼風，今晚约了太座吃暖心的日式串燒， 識飲識食的朋友介绍這樓上店，更幫手訂了位😀六時入座未見人潮，此居酒屋以牛串燒主打，佈置簡约，氣氛不錯😀點菜前先選了飲品，自家制雜莓酒及無花果酒，兩種都果香渗溢，各有千秋，佐膳佳選😋先來了日式刺身盛合(五款)，有三文魚，帆立貝，油甘魚，赤蝦，海膽，用料錯，新鮮味美😋串燒:😋😋雞心:爽口脆嫩窩筍牛肉捲:外鮮內爽，好口感牛舌:烧得爽滑，有咬感牛肋條:肉味濃，肉汁仍在山葵醬燒廣島蠔:全餐之最愛，蠔鮮甜醬汁惹味，入口溶化金錢肚: 煙韌有嚼勁橫格肌四味: 黑芝麻醬，蜜糖芥辣，山葵，葱香(左至右)，一種牛肉配四款味道，有創意雞中翼:脆而乾明太子燒飯團:外脆内香，好飽肚好滿足的一餐日式串燒😋😋👍🏼👍🏼

今日同朋友出銅鑼灣行街，中午時間佢老公就喺openrice揾到呢間有牛腸食，我朋友鍾意食牛腸，所以就即興book左呢度食晚餐，即日book 18:15，上到去我哋最早，之後大約19:30左右就full左喇！今晚主力串煩+飲洒！但餐廳待應話每款串款最少要order2串，呢個真係不解🤔！原全唔明白！呢間主要食牛，前菜叫左個雞泡魚干+燒明太子！雞泡魚干都不過不失，燒明太子就有青瓜、蒜片伴碟，一齊食，所以一啲都唔膩，好味！😋串燒叫左9款，大致都無特別，咁就只講下牛腸啦，因為都係呢款食材所以先幫襯：😋😋😋😋😋為最好食 有🥰為推介2款都有食：牛大腸😋😋-失望嘅，燒到好乾，3個人2串都食淨！牛小腸😋😋😋😋🥰-好大反差，多汁有咬口，今完2串再encore多一串！good！洒：叫左1支720mlSeka，2杯啤酒，1杯桃洒

若然早已心有所屬，懂得選擇當然是揀專門店最好，今晚正想吃牛串燒，銅鑼灣區非「牛惣居」莫屬，供應不同部位的串燒，牛肉固然有不用多講，刁難少少的牛心、牛肝、牛腸不算奇，但牛柏葉、牛筋也來串燒少見，若然燒功拿捏不到，可以很失敗，幸好，這夜全程沒有失手。 「牛惣居」位於永光中心，面積不大不小，正適合居酒屋的格調，佈置配合，來者為吃非裝潢。 我們坐在吧枱，旁看著師傅燒烤，原來現在有兩層烤架，上下層皆可燒適合不同熱度的食物。 去得居酒屋難免飲番杯，見到有自製果酒，不只有梅酒，菠蘿、無花果、白桃、荔枝、雜梅、咖啡口味真有趣！ 我兩人一菠蘿一雜梅，凍飲加冰，因為燒酒霸氣重，果香不明顯，菠蘿酒餘韻有少少菠蘿味，雜梅那杯不強。 生野菜沙律 $28新鮮爽脆，配麵豉醬非常合拍，麵豉醬本身味道唔錯，不過鹹，質感好，蘸串燒吃亦好。 時令活魚－間八 $398原條間八粗切及薄切兩款口感，配酸汁。 厚片食落啖啖肉，薄片清脆，蘸芥末豉油食亦好。銀雪魚西京燒 $58/串全晚銀雪魚最好，魚皮明顯的焦脆，魚肉油脂豐富，肉汁保持，所以口感嫩滑，醬油香甜，味道昇華。 羊扒 $65/串外表有焦香烙印，咬落有汁，中央粉紅香嫩，調味不重

每間串燒店必然會有拿手嘅串物，而將食材冠為店名嘅就更加唔駛左諗右諗要試咩。食牛串燒嘅話牛惣必然係我首選！牛惣（讀音：種）位處登龍街永光中心，同層有唔少優質食店都值得一試。店內最吸精嘅係一列列嘅酒瓶。牛惣有好多唔同種類嘅燒酎，其中大部分都可以一杯一杯咁點而唔駛一買就要成枝，愛酒之人可以一餐中品嚐唔同嘅酒款。顧名思義，牛惣主打係牛串燒，尤其難得嘅係好多唔同嘅部位，包括內臟，都係喺其他地方好難搵到嘅。其他串燒嘅種類都唔少，但今次以食牛為主。食過牛惣幾次，基本上有五款串燒係必點嘅，正好回味一下！未點菜之前，每枱店方都會提供一份前菜，配上店方自家嘅麵豉醬，非常開胃。先黎第一款必點嘅牛小腸 $40/串。牛小腸係呢度招牌菜之一，基本上你問店員建議，佢地都會介紹呢款你。小腸部位除咗豐富嘅脂肪外，本身皮脂亦好啱以串燒手法烹調，食起黎感覺既軟且脆，非常值得一試。另一款必點嘅係牛大腸 $38/串。雖然都係腸部份，但口感同小腸完全唔同。脂肪比例上大腸比較去多，入口香味比較重，口感有啲似豬大腸，但食落有絲絲嘅牛味，未食過嘅好難想像到牛串燒原來可以有呢種味道。再黎必點之一 牛沙瓜 $36/串。牛沙瓜即係第四個胃，