やき肉 (元州街)

同事在附近training完，邀請我去試試這間位於長沙灣的日式燒肉店。約6：30pm到餐廳，因為時間尚早，所以餐廳外只有1枱人在排隊等候，等了大約15min就入座，剛好安排了在餐廳角落的2人高枱，自成一角，感覺良好。入座時職員細心講解放袋位置，在枱的右下方。 枱上有一個迷你燒肉爐，點餐是採用裝了在牆上的ipad自助落單，但不可拿下來。因第一次來，想嘗試不同肉類，與朋友點了：1.牛五花SET 200g 燒汁味($71)2.牛板腱＋牛舌SET150g 鹽味($93) 1.牛五花SET 200g 燒汁味 (10/10分)：初時以為價錢最平，可能將貨就價，俾紙咁簿牛，但絕對不是！而是大驚喜！肉質有厚度，有點油脂，燒肉放上爐每邊燒到剛剛變色即可，入口很嫩滑juicy,有肉味😆200g份量很足夠，感覺性價比好高。2.牛板腱＋牛舌150g 鹽味 (6/10分＋9/10分）： 牛板腱很少油脂，吃起來較韌，比牛五花較有牛味，但可能叫了鹽味，第一口吃下去感覺較咸，咸味掩蓋了本身肉的味道，可能叫燒汁較好。 牛舌很大塊和簿身，吃下去軟綿綿得來有點咬口，很嫩滑，今次鹽味和牛舌味道感覺較配合，不會太咸，值得推介。 吃完後看到店外很多人排隊，但進餐時職員沒有催促我們，也沒有限時。整體感覺很抵食，以便宜價錢吃到高質的牛肉，環境和服務也很好，我應該會再來試其他款式呢😆…查看更多

話說有一日放假，忽然間好想食燒肉，但食量又唔算好大，同埋得自己一個人。我記得之前睇介紹見過話香港開咗間一人燒肉，上網搵咗好耐先知原來開咗喺深水埗，就即管去試吓。去到間野都等左5分鐘位，入座後第一個感覺就係簡潔，一個電子menu一個火爐，無了。我揀咗一個大盛燒肉set有齊牛肉、豬肉、雞肉，另外單點左牛舌同牛油金菇送餐時間都好快，個set有跟飯 kimchi 海帶湯，望落都幾豐富。唔講多，快d燒，餓死！牛舌係我最愛，唔洗燒太耐，加少少鹽巴，口感好正，豬牛雞我偏好雞，佢係雞脾肉，勁滑，又厚肉，最後整埋個金菇，d牛油溶唒超香，所有餤都好送飯，d質素堅ok，一定會再幫襯…查看更多

🥢深水埗新開最平$46獨食一人燒肉套餐🥢上次去日本旅行，一直經過一人燒肉的店，可惜每次經過都食飽左無緣食到，一直心想香港點解無一人一爐燒肉店呢，終於都俾我搵到一間剛開業的日本一人燒肉店，最平$46 就有交易，真係覺得抵食好感動🥢肉類可以選擇鹽燒或燒汁兩款，一人餐已附海帶湯，泡菜，白飯，泡菜感覺鮮爽，辣辣的，海帶湯味道清淡，配燒肉可解油膩🥢檯面有五款醬料提供，有味噌，檸檬，韓國辣醬，蒜蓉，醬油，鹽，可以瘋狂混醬🥢大盛燒肉set (牛五花+豚五花+雞腿肉）$95/ 300g 不用加一牛五花肉大大一片，肉味香濃，比較有𡁻頭。豚五花燒完充滿香氣，感覺不會油膩。雞腿肉燒完很香富有雞味，感覺同日本食的烤雞肉差不多，感覺很好🥢大盛燒肉 set (牛舌+牛板腱+牛五花）$135 / 300g 不用加一牛舌燒至剛剛好就夠，口感柔軟油膩香口，牛板腱燒完變小，味道更濃厚，質感薄身少少爽口，本身已有燒汁都夠味🥢感覺夠曬抵食，重點抽風非常好，一d 油煙味都無，燒肉熱辣辣的，又多醬料可以選擇，一個人都可以去食，用ipad 點餐唔洗同人講任何野，難怪有好多一個人男人去食，不過唯一唔好雖然個網是新的，但個爐入面仲有好多上手燒肉的污漬，一定要小心唔好掂到，而晚上需要少少時間排隊入座的…查看更多