傳承清湯腩專家

營業中

休息中

睇完《米紙》戰狼Fiona嘅介紹，一直都好想去，但次次都唔啱時間食唔成，今日見唔係太多人排就博一博，結果終於食到。由於佢哋只賣新鮮牛腩，每日限量供應，賣晒牛腩就收工，所以唔做晚市。今日下午3點已經冇晒崩沙腩、坑腩同爽腩，只係得番最普通嗰啲牛腩，仲要冇晒肥嘅，好可惜……今次我嗌咗碗牛腩河同細牛丸，老豆要咗牛腩麵，牛腩有牛味，但可能啲位唔靚，所以有少少韌，如果腍啲就好。湯頭好濃好好飲，河粉係幼河粉，煮得啱啱好，超易夾；爸爸話麵冇梘水味，幾好。牛丸彈牙，牛味亦好濃，但奇怪嘅係，牛丸個湯比牛腩河個湯淡少少，爸爸試完都有相同感覺。

啱啱收工食正腩尾，變晒柴皮～！下次早啲要嚟食頭腩，冇理由咁差嘅，只係唔啱時候 ja. 都夜晚七點幾，我估計要 11 點排頭位就有好嘢食，坑腩、爽腩，正宗乜腩都有，牛沙瓜都有得食～！

睇咗啲comment 同佢個招牌，抱有期望，一定唔係難食，但真心咁嘅質素完全與價錢不乎。個侍應hea 到完全唔想做咁，難怪隔離排長龍，呢間店我入坐時全店只得兩位客人。似乎呢個舖好快會換新店。