2 Soon Cafe

營業中

休息中

誤打誤撞黎咗呢間仲試業緊嘅新cafe。門面黎講相當特別，成間cafe都係行紅磚風，樓底又非常高，有少少置身沙漠洞穴嘅感覺。可能因為我地去得早，坐低嗰下仍然有啲空位，但走嗰刻門外已經一大條隊。🌟牛肋條芝士鍋貼腸粉 5/5睇menu時已經覺得呢個菜式本身非常新奇，應該是參考了Dutch Baby同北非焗蛋嘅fusion菜，作為佢地舖頭主打點都要試一試。一開始都怕牛肋條會唔淋，因為好多做唔到以牛肋條做菜式都有呢個通病。但入口嗰下非常有驚喜，牛肋條煮得好淋好入味，而牛肋條底下嘅腸粉癡住焦糖化嘅脆parmesan cheese，雖然腸粉本身冇乜味，但配埋個汁，蛋同芝士真係非常得！大推！🌟秘制和牛漢堡 4/5漢堡非常足料，搭搭埋埋嘅高度基本上個口細啲都食唔晒。每層配料都做好咗調味。和牛亦都好Juicy，熟度大概係medium，啱啱好。最驚喜嘅係佢嘅洋蔥圈，普遍餐廳做洋蔥圈都係就咁將生洋蔥沾炸漿就炸，好多時炸完個洋蔥都非常生，呢個洋蔥圈好明顯係先調味炒熟，做好咗camelization再炸，洋蔥唔生之餘仲非常有風味，連平時唔食洋蔥嘅我都食晒！🌟Matcha Dirty & Americano 4/5

Hello 大家好👋🏻！今日我嚟到位於太子嘅「2 Soon Cafe」。 有朋友介紹呢間新開嘅Cafe， 話佢好有特色。 我呢啲偽文青點都要試下嘅，睇下間嘢真係有特色還是我朋友嘅眼光獨具特色😅。今次同大家分享一下佢哋嘅主菜、甜品，當然唔少得果杯啡啦。 分享食物之前，我想回應下， 我證實到我朋友講嘅嘢係啱嘅， 佢哋嘅裝修佈置有濃厚嘅沙漠風格，恕小弟見識淡，從未見過有Cafe會同沙漠扯上關係😆。感覺好新鮮好開心。美食攻略：除咗裝修環境特別之外，佢哋嘅食物都真係好有意思😌。「牛肋條芝士鍋貼腸粉」😍，邊有Cafe會Serve 腸粉架，真係顛覆我三觀呀😅。不過又真係幾好味， 芝士配牛肋條本身已經好夾，加埋隻溫泉蛋令到個醬汁更Rich, 而腸粉可以完完全全將啲醬汁掛起，咁新穎又有智慧嘅做法真係值得大讚😋。 佢地嘅「黑松露忌廉貓耳朵」都值得推介，黑松露夠香，當中配有香菇、番茄、菠菜苗，令到個忌廉汁無咁膩。而貓耳朵粉嘅形狀及大細完全承載忌廉汁，真心感受到佢地設計菜式嘅心思。至於甜品，我哋試咗個西班牙油炸鬼， 配上佢哋自家製嘅莓果醬，嘩… 連我呢個平時唔多食甜品嘅都食到Lam Lam脷你就知咩事啦😆。佢