戀上台式料理

營業中

休息中

前排同朋友去將軍澳海旁遛狗，行到有啲肚餓嘅時候咁啱經過呢間台式料理，所以就入去試下～*燒肉推介👍🏻牛肉拼盤 $288牛肉拼盤有牛小排、牛胸腹、牛肩胛、薄切牛舌🐮牛肉嘅油脂分佈得好平均，雪花紋理好靚，所以食落牛肉味好香好濃，肉質鮮嫩柔軟，油而不膩😍個人最鍾意牛舌，配上餐廳自己調嘅醬汁好惹味！*台式蚵仔麵 $68我地揀咗蕃茄湯底+刀削麵🍅🍜入面嘅蚵仔超多，應該有10隻以上，隻隻肉質都好肥美，完全唔腥！蕃茄湯底濃郁，刀削麵口感有韌性，好食😋*我的最愛 $40呢杯係菠蘿百香果梳打🍍～顏色超夢幻，黃藍漸變色～飲落好清爽，好濃郁嘅菠蘿同百香果味，配上有汽嘅梳打水，超級醒神✨*Pinku Pinku $45呢杯係奶蓋玫瑰荔枝綠茶冰🌹賣相非常符合佢個名，好少女心嘅粉紅色💓荔枝味好突出，配埋沙冰質感，好清涼🥰

今日去咗將軍澳覓食，喺openrice見到呢間好多好評，所以同朋友食呢間台式餐廳！呢間餐廳好特別，平時食開韓式/日式燒肉，但喺台式餐廳食燒肉又真係未試過，所以我哋嗌咗清一色燒肉🤤 牛肉拼盤 $288佢嘅拼盤超級打卡able，好似九宮格咁，而且每格都係滿滿嘅肉！每塊都超厚，而且每格都有4-6塊肉，包保食到滿足😍特選燒肉拼盤 $258呢個燒肉拼盤係集合咗豬肉同牛肉，心思思唔知食豬定牛嘅朋友一定要揀呢款！一次過滿足你兩個願望～每塊都超級大同油脂分佈好平均，食落啖啖都好入味！雪崩珍珠朱古力 $44呢杯嘢飲令我勁surprise，佢啲奶蓋係多到瀉出嚟，飲落同一般嘅朱古力唔同，佢嘅朱古力味好濃，加埋啲奶蓋更加有層次～黑糖珍珠鮮奶 $38鍾意食珍珠嘅朋友一定要試呢杯！台式餐廳又點可以少咗黑糖珍珠鮮奶，呢杯冇話特別甜，好適合燒完肉即刻飲啖！

出咗去將軍澳做嘢，放工之後沿着海旁睇吓有咩餐廳想試，見到呢間台式餐廳，除咗有地道台菜，仲有燒肉拼盤、酸菜魚等唔同特色料理，就入咗去食餐好嘅慰勞吓自己！戀戀蚵仔煎香港好少見嘅蚵仔煎，味道好還原到台灣風味，蠔肉鮮甜多汁，煎餅又唔會煎得太淋，份量十足！松茸燉雞必試滋補系列！個湯好清甜，燉雞肉質細嫩，松茸口感爽滑。牛肉拼盤有齊四份唔同部位嘅牛肉，分別係牛舌、牛肩胛、牛小排同牛空腹，燒完充滿牛油香，而且肉質好嫩滑，性價比好高！雪崩珍珠朱古力呢款絕對係超邪惡之選，有齊晒奶蓋、珍珠、凍朱古力，一次過滿足晒我所有肥肥嘅願望！荔枝沙冰夏天飲佢就最消暑，荔枝沙冰好清爽，飲落唔會死甜！椰奶仙草芋圓食得台灣料理當然唔少得芋圓，芋圓煙靭有口感，仙草亦可以中和咗燒肉嘅油膩感。

上網見評價好似幾好，咁見openrice訂座感謝祭有特價，就揀左呢間$20訂左原價$288燒肉拼盤。點知一上個拼盤，哇咁細碟嘅! 每樣都得三四件，夾埋都係10-12件，仲要超級薄，燒燒吓都因為痴底散曬。好彩係特價咋所以都算啦，但如果我原價$288叫呢碟肉，實好嬲😅 不過餐廳環境係海邊係chill嘅，同埋員工態度都ok，所以一路食都舒服嘅。但後黎見到隔離枱唔係用$20優惠叫呢個拼盤，係大碟啲架!! 起碼多3分1!! 之前去過幾間感謝祭嘅餐廳，每間啲份量都係original嘅份量，唔會因為你係特價而偷工減料，因為餐廳做呢個promotion就係想客人覺得好食，吸引佢地下次再食嘛，同埋你寫明係賣呢樣產品俾我，你結果偷雞縮細份量其實即係呃人，如果我早知我特價只係買一個特價嘅份量，我就唔會買啦😥我地仲有叫其他飯菜同小食，如果我早知偷工減料，我可能其他野都唔叫，淨係食完個燒肉就走🤣

天氣忽冷忽熱，係海邊吹過陣陣寒風，見到呢間餐廳有燒肉，二話不說就入咗嚟入嚟見到十分文青風嘅室內設計，木枱配有滿滿嘅書櫃，仲有好多綠色植物嘅點綴店面好大，有種去咗台灣嘅感覺有少少口渴，叫咗支冷泡茶，溫和嘅綠茶帶有茉莉花香，飲落好舒服，順喉自家製嘅茶，加上呢個景，真係好靚，即刻影返張呃like相，扮吓偽文青先上嘅係主食，鹽酥雞排魯肉飯(嚟食台灣菜點可以冇炸雞)雪白嫩滑嘅雞腿肉加上酥脆嘅外皮，配搭千島醬，十分香口美味魯肉飯亦有應有嘅水準，汁同飯嘅比例剛好，唔會太乾/太濕，十分滿意黃金花枝丸炸得外脆，外皮有咬口，入面更係有爽口彈牙嘅魷魚肉上面嘅黑松露醬有畫龍點睛之效，濃郁芬香如果唔太喜歡smoky嘅黑松露，店家亦預備咗泰式辣醬，十分體貼作為牛魔王，叫兩大碟牛不失為過呀！週一至週五，平日叫仲有8折每碟我哋都加咗蔬菜，有粟米同翠玉瓜美國特板牛小排好靚，雪花油脂均勻，燒起上嚟更有搶火嘅效果牛肉拼盤可以一次過滿足晒4個願望：有牛舌，牛肩，牛小排同牛胸腹牛舌薄切，燒兩燒已經熟咗，入口爽脆彈牙牛肩都有好濃郁嘅牛味，肉質鮮嫩，口感豐富，好快成盆肉俾我哋一班食肉獸清得7788呢度感覺好chill，唔單止中秋要

上網搵到將軍澳開左間新既台式料理，仲環對住個海，就緊係要黎試試啦$50黎講都算細碗，而且魯肉同醬都唔夠多，撈埋黎食會唔夠味同埋個飯係用較硬身既米，唔係台灣既珍珠米，比人感覺唔似魯肉飯個皮煎得唔夠脆，仲係好漿既狀態，如果煎耐啲會更好牛肉拼盤有4種唔同既牛，個人黎講最鍾意食牛舌比較厚身同彈牙而燒肉係真係比個網爐自己燒，都幾有趣個人黎講覺得個包唔太抵食，價錢同埋份量都唔抵，包入面既料唔多，所以$108有啲貴

餐廳係將軍澳海濱附近，如果唔係住個頭，比較難搵。😆 養狗嘅人應該幾開心，佢可以帶埋狗仔一齊食。大家食開嘅台式滷肉飯鹽酥雞等等都有，另外仲有台式爐邊燒。不過總覺得食燒肉單點，食得唔夠爽。--🐂 牛肉拼盤 HK$288佢有牛舌、和牛肩、牛小排、牛胸腹。我自己比較鐘意牛舌，雖然比較薄，不過燒起黎唔會容易un。另外，和牛肩肥得幾均勻，肉質不錯，幾有牛味。.🐖 美國黑毛豬 HK$98肉質唔會鞋，唔會特別肥，但份量唔算多。感覺牛肉比較抵食。.🍚 魯肉飯 配 滷水溏心蛋 前菜 HK$50味道正常，唔會太鹹，不過醬可以多啲。不過職員都好好，同佢講就比額外嘅你。.🧀 奶蓋紅茶 HK$35芝士奶蓋係鹹芝士係我鍾意嘅味道，不過唔係特別厚身。如果份量多啲會開心啲。茶就係普通嘅茶。.🍓 草莓沙冰 HK$30佢沙冰係碎冰，硬身飲起黎比較難，味道上係糖漿無特別。--📌 另收加一服務費