牛肉壽喜燒

同2個朋友喺元朗行街，諗住搵個坐得耐既地方食野傾下計，黎左野川拉麵の深燒食堂，有串燒刺生，啱晒我地。我地都鐘意試多d唔同款既野食，所以叫左好多款小食串燒，有d仲有半價，勁抵食😍刺身壽司：🍤六品刺身盛合（$300）🍤鰻魚壽司（$19-分享價）🍤火焰三文魚壽司（$34-分享價）🍤三文魚籽壽司（$27-分享價）海膽份量好足，刺身清新鮮味，火焰三文魚入口即溶😋串燒：🍤燒豬頸肉串（$30）🍤招牌雞翼串（$26）🍤燒火雞腎串（$26）🍤燒安格斯牛肉串（$50）🍤燒扇貝（$90）🍤香辣牛油錫紙金菇（$40）🍤香蒜大茄燒（$40）安格斯牛肉串一d都唔韌，辣味扇貝好夠味，大茄燒啖啖茄肉，豬頸肉好爽口😋😋😋其他熟食：🍤牛肉壽喜燒 （$100）暖胃之選，勁抵食，好大鍋🍤甜薯香芋丸（$33）🍤芝麻雞翼（$39-分享價）🍤椒鹽雞軟骨（$33-分享價）雞軟骨啱晒一邊傾計一邊口痕食下，粒粒卜卜脆 ，雞翼好香脆😋😋…查看更多

同朋友喺元朗又新街搵食,俾佢哋大大個易拉架吸引咗,分享佢地社交平台有部分款式可以半價,睇落啲嘢又啱食我哋就坐低啦～餐廳裡面啲霓虹燈整得幾靚,今日天氣涼涼哋,我哋揀咗座出邊,方便睇住架車。📌燒扇貝（蒜蓉）落咗勁多蒜蓉超爆香,扇貝好大粒。📌厚燒牛舌牛味濃郁,厚實有嚼勁。📌燒黑豚肉五花腩 燒過的油脂特別香口,濃郁不油膩。📌燒豬頸肉落咗黑椒去燒好惹味,夠厚身,口感豐富。📌四品刺身盛盒包括三文魚腩6切、甜蝦4隻、活赤貝、北寄貝4片。活赤貝嘅裙邊位仲會做成小卷,可以食晒每一個部位。三文魚腩勁肥美,油脂好香,全部都好新鮮鮮甜。📌花之戀上面佈滿蟹子,但比想像中細件,如果多啲沙律醬會更加好。📌吉列炸蝦配冷稻庭烏冬(胡麻醬）烏冬夠煙韌,浸落去胡麻醬度濃郁香醇,炸蝦炸到脆卜卜但唔會好油膩📌牛肉壽喜燒肉質好嫩滑,裡面多種蔬菜啲配料都吸收曬壽喜燒醬汁精華。📌煮活蜆（清酒湯）活蜆鮮甜,肉質彈牙,配合清酒湯煮出鮮味,香氣醉人。📌Hoegarden 500ml可以大大杯暢飲📌鯊魚特飲鯊魚口入面放咗啲紅色嘅糖漿，好有特色，荔枝，青檸，椰果梳打，清新開胃。整體嚟講,食物種類真係好多元化,我哋今次食晚飯見19:30已經爆場,佢哋營業時間開到02:00,下次過嚟食宵夜都幾啱。…查看更多

今晚約咗朋友一家大細一齊食飯，去咗又新街附近覓食，揀咗間日式餐廳有串燒、拉麵、刺身及啤酒等，舖頭仲營業到凌晨2:00，好適合一班人聚會摸下酒杯仔，人均約$260‼️🫶🏻四品刺身$200赤貝鮮脆彈牙，三文魚油脂豐腴，北寄貝甜嫩滑順，甜蝦鮮甜Q彈，醬油提味，拼盤靚色新鮮🫶🏻牛肉壽喜燒$100牛肉薄切嫩滑入味，壽喜燒汁甜鹹濃郁，配蛋絲蔬菜暖胃，熱騰騰煮食煙韌🫶🏻雪場蟹柳拉麵$66蟹柳鮮甜彈牙，拉麵Q彈湯底清澈鮮美，配海苔提鮮，份量足經濟🫶🏻黑糖糍粑$38糍粑外脆內軟糯，黑糖漿甜香淋上回甘，熱食拉絲過癮🫶🏻小食拼盤$100（脆米流心芝士波/榴槤炸彈/芝麻雞翼/吉列魚手指/即炸蝦片）流心芝士波咬開芝香爆汁，榴槤炸彈香濃脆爽，芝麻雞翼香脆入味，吉列魚手指金黃鬆軟，蝦片即炸脆響，拼盤多樣開胃，經典分享爆燈🫶🏻蒜蓉燒金蠔3隻$141金蠔肥美鮮汁，蒜蓉燒後香辣撲鼻，熱食時蠔肉彈牙唔柴🫶🏻芝士燒扇貝3隻$90扇貝鮮嫩芝士融化拉絲，燒後金黃香濃，鹹甜平衡不膩，簡單燒烤層次豐富，配啤酒一流🫶🏻燒日本甜薯6粒$24甜薯外焦內軟甜香，燒後煙韌自然甜，經濟小食解饞🫶🏻燒黑豚肉五花腩1串$90黑豚肥瘦平衡，燒後汁水鎖住煙香，脆嫩過癮🫶🏻燒豬頸串1串$60豬頸嫩滑多汁，燒烤焦香入味，簡單串燒但火候一流，配啤酒解膩🫶🏻燒雞軟骨2串$24雞軟骨Q彈脆香，經濟小食煙韌，啃食過癮解饞🫶🏻厚燒牛舌1串$72牛舌厚實嫩滑，燒後外脆內軟煙韌🫶🏻曲奇雪糕配紅豆冰$60曲奇雪糕奶滑，紅豆冰清涼甜糯，暖涼對比解膩🫶🏻活乳酸芝士奶蓋$30奶蓋滑順酸甜，活乳酸口感層次豐富🫶🏻Hoegaarden（500）$47小麥啤酒清新果香，配串燒完美…查看更多

每次經過呢個位，都被佢七彩霓虹燈裝飾吸引😆😎戶外馬路邊可以帶埋毛孩一齊食飯又方便睇車！‼️第一個最令我驚訝係六品刺身盛合 $259二百幾就食到半版鮮海膽，油甘魚，三文魚腩，北寄貝，甘蝦，帶子，每款三片厚切。每樣都新鮮鮮甜，誠意十足！‼️牛肉壽喜燒 $100差不多每檯都有叫，一鍋上有齊多種蔬菜。湯底唔會過甜，牛肉片肥瘦適中。鍋底仲配上冬粉，份量兩個人剛剛好。‼️蒜蓉燒扇貝 $30隻蒜蓉調味，不敗之選‼️脆脆鰻魚串 $44串厚肉鰻魚，燒到外皮鬆脆，啖啖肉‼️厚燒牛舌 $32串雖然不是心見中厚切，但燒得入味有咬口‼️芝士年糕3件 $29我最愛澱粉之選，外脆內裡軟綿綿，濃厚芝士配年糕，煙煙韌韌。‼️蜜瓜雪條特飲 $44呢到嘅特飲非常打卡，而且好大杯蜜瓜雪條配乳酸梳打好夾，雪條溶後嘅蜜瓜味令飲品更香甜幼滑‼️特濃忌廉焦糖咖啡 $50焦糖咖啡愛好者必點，我見到真身時心心眼😍杯上一層濃厚忌廉，再配Lotus 焦糖脆餅及焦糖粒粒值回票價，咖啡香濃，簡直焦糖大爆發，而且不會想像中超甜，朋友評價甚高👍…查看更多

下班後，約了家人在元朗附近吃東西。🥢牛肉壽喜燒🍜🍝🍲這個牛肉壽喜燒份量多，材料足。首先有滿滿的牛肉片鋪在上面，下面還有娃娃菜、粉絲、冬菇、豆腐和小棠菜等材料，當全部材料都吸收了壽喜燒汁的時候，變得相當惹味！❤️🥢日式燒半殼蠔🦪生蠔有幾種味道選擇包括蒜蓉燒辣、芝士燒和蒜蓉燒，而我選擇了蒜蓉燒。生蠔肥美新鮮，一流！👍🏻🥢招牌雞翼串家中小孩最喜歡吃雞翼，他吃得津津有味。🥢燒安格斯牛肉安格斯牛肉非常鮮嫩多汁，而且沒有渣。🥢香草羊仔架🍗羊仔架取自bb羊仔肋脊部位做成，肉質幼嫩多汁，而且沒有騷味。🥢A4和牛🍖A4和牛肉質有彈力，口感有咬勁，多汁，還有濃郁的牛肉香氣，有少許黑椒的麻辣味提升味覺層次。🥢燒鱈魚乾燒鱈魚乾無論作為下酒菜或是小吃也是十分吸引，我家孩子當餅乾吃，吃了不少。🥢各款壽司🍣🍤🍢我們點了鰻魚壽司、玉子壽司、火焰三文魚壽司、三文魚子壽司，飯團大小適中，上面的海鮮等材料份量多。喜歡三文魚子壽司，十分新鮮，口感十足。🤤🍹紅豆冰雲呢拿雪糕加紫薯雪糕份量非常多，紫薯配紅豆冰也十分夾。🍹朱古力oreo芝士奶蓋芝士奶蓋軟綿綿的，引人入勝。…查看更多

今次特登同好友嚟到元朗食街，一間人氣居酒屋#野川拉麵の深燒食堂 同佢大食一餐，由於營業至深宵，可好好慶祝兼吹水一番！❇️牛肉壽喜燒大大煲，十分足料！牛肉量多，肉味香濃，鮮甜，入面有肥牛，娃娃菜，粉絲等，吸收曬壽喜燒汁！相當好食！❇️吉烈炸蝦配綠茶冷麵可自行加蔥，wasabi等配料，令成個汁口感提升左，將綠茶冷麵沾一沾，爽口兼彈牙，成個set食到炸蝦味之餘。 整個配搭好match！❇️燒油金魚頭1客❇️芝雞翼3隻（分享價）大大隻雞翼尖，外脆內裡夠juicy！❇️椰汁流心球 五件一咬，西米流曬出黎，椰汁味濃。❇️暴醬芝士腸2串❇️蜜汁燒牛丸2串❇️鮑魚2隻口感彈牙，仲做緊優惠，非常抵食。❇️牛油蒜蓉焗蜆蜆肉鮮美又冇沙，牛油增添風味，回味無窮。❇️奇異果芝士奶蓋500MI佢地仲有特色飲品，品嚐了奇異果，清膩又解渴。❇️曲奇，朱古力雪糕2球雪糕有曲奇味，當然要飲曲奇味啦，話晒系M記食特別貴，再揀多個朱古力味，我和朋友每人一球，食到舔舔脷。…查看更多

大家好見到呢個Ironman 就知今晚到了元朗既野川拉麵の深燒食堂食晚餐這間餐廳各樣都有得食包括串燒 刺身 和食 拉麵上次來食午餐今次再來係食晚餐首先上左兩杯飲品忌廉綠茶紅豆冰比較有日本特色沫茶有D甘甘甜甜特濃忌廉焦糖咖啡都係多料仲有好多類杏仁糖同甜既餅干跟住上既係六品刺身盛合有六款刺身包括三文魚 油甘魚 帶子甜蝦 北寄貝同埋半板既海膽全部都好新鮮尤其海膽係完全無異味果一種跟住食埋赤蝦壽司同三文魚籽壽司都係好新鮮飯唔會好大舊果一種跟住再到了角切魚生沙律清一清腸胃雖然係角切但魚生都係好新鮮仲有酸酸甜甜既醬汁食左好多魚生跟住就食埋呢個牛肉壽喜燒這個壽喜燒係在枱上即煲牛肉部位都幾腍點埋蛋汁都幾正仲有好多蔬菜同粉條吸左壽喜燒汁這個都係$100都幾抵食最後食多個自家制叉燒拉麵蛋係半熟流心叉燒都幾腍加上地獄湯底少少辣甘就完成了這一餐總括這間店各樣食品都幾唔錯尤其板海膽同牛肉壽喜燒我幾鐘意某D菜式只要在社交平台俾like 仲會有特價…查看更多

餐廳霓虹燈吸引了我的視線，見到又是日本餐廳，就入去試下！Menu絕對多種類，另外見到有分享優惠價，計落絕對抵食！六品刺身盛盒六款刺身：甜蝦，北極貝，三文魚，帶子，海膽，油甘魚。質素來說是十分新鮮肥美厚切！滿滿一大盤，對得住價錢！芝麻雞翼三隻，炸物脆口，炸得金黃 ，肉質香嫩Juciy！廣島吉列炸蠔正常炸品，炸粉內的蠔亦大隻！接下來是串燒部份，是即叫即燒，上枱熱辣辣燒三文魚頭三文魚頭十分多肉，配合檸檬食用十分開胃！牛舌厚燒牛舌有咬口彈牙！香草燒羊仔架羊架已有調味，食落Juicy ，在燒焗那刻已鎖住肉汁，亦充滿羊羶香味！香蒜大茄燒落單都會問埋要辣定唔辣，好貼心！燒原條茄子加上蒜蓉，好香好惹味！牛肉壽喜燒配合濃郁的壽喜燒湯底，舖面的牛肉份量唔少！牛肉粉絲娃娃菜均入味，份量是足夠2人食。紅桑子生啤酸酸甜甜味道好開胃今次係餐廳逗留左2小時，環境舒服，是一個與朋友聚會吹水的消遣好地方！…查看更多

今晚去左元朗一間日式餐廳野川拉麵之深宵食堂食晚餐，餐廳從招牌至店內都係繽紛嘅霓虹燈裝飾，營造出一種現代與傳統交融嘅氛圍。坐低時發現張櫈係用七彩顏色嘅鐵桶製成，獨特設計甚有玩味感｡ 食物種類除左拉麵、烏冬外，仲有刺身、壽司、小食、串燒、甜品，飲品有更多選擇，啤酒、特飲、普通飲品等等，同朋友一邊食一邊飲，非常愜意｡ 我地點左兩個主食，一d小食，一個壽喜燒同飲品。牛肉壽喜燒：先上檯嘅係一個gas爐，然後到未煮熟嘅牛肉鍋，一邊滾嘅時候，傳黎陣陣壽喜燒特有嘅醬汁香味，牛肉鮮嫩多汁，唔會太肥，甜甜嘅醬汁，搭配生雞蛋，美味無比。軟殼蟹天婦羅：炸粉薄而且香脆鬆化，做到天婦羅外酥內嫩，而且每一啖都咬到有蟹肉，蟹肉散發出海鮮嘅鮮甜味道，真正感覺到自己係食緊蟹。吉列炸蝦配綠茶冷麵：金黃色嘅脆脆炸蝦，搭配清爽嘅綠茶冷麪，帶有淡淡茶香，再加埋特製調較嘅芥茉鵪鶉蛋冷麵汁，味道香濃。吉列豚肉讚岐手打烏冬：讚岐手打烏冬Q彈有嚼勁，搭配上濃郁嘅豬骨湯底，非常美味。而吉列豚肉炸得外脆肉嫩，外層酥脆、鬆化、乾身，豚肉juicy夠厚身。椒鹽雞軟骨同炸魷魚鬚都係送啤酒之選，兩款都炸得酥脆美味。雞軟骨脆口入味，椒鹽味香濃，一口一粒，非常好食。魷魚鬚雖然比較細小，但外層非常脆口，食落香甜又鮮美。魷魚牙有嚼勁，但又唔會煙韌。小食拼盤：包括脆米流心芝士波、榴槤炸彈、芝麻雞翼、吉列魚柳手指、即炸蝦片，呢個好抵食，份量足夠。芝士波係年糕，外面脆脆，入面軟糯，芝士香濃仲流心添。而榴槤炸彈外脆內軟，榴槤香濃，讓人回味無窮。青檸柚子梳打：結合左青檸同柚子蜜嘅酸甜味道，再加上氣泡水冰涼口感，令人倍感清涼舒爽，亦有助減膩｡ 整體而言，餐廳食物豐富多樣，味道好。服務員亦好勤快又有禮貌，令人食得開心又滿足，下次會再黎｡ …查看更多

前陣子公司忙完單大嘢，老闆請客話想食串燒，就揀咗間公司附近嘅日式串燒店慶功。之前聽朋友講野川拉麵の深燒食堂啲串燒唔錯，價錢又抵。今次就自肥幫老闆訂位，試我想試好耐嘅餐廳。餐廳位於元朗又新街，港鐵站步行十分鐘左右就到，非常方便！用餐時間係星期六晚上六點，餐廳大約六成滿，但愈食門外就愈多人等位，建議想食就先訂位比較好。- 四品刺身盛合¹⁷⁹三文魚味道鮮味爽甜富甘香，魚油豐膄，肉質新鮮，極之爽口！活赤貝光澤亮麗，口感爽脆幼嫩，鮮甜厚肉彈牙！北寄貝味道甘甜，肉質肥厚，口感極佳！甜蝦肉質晶瑩剔透，入口質感嫩滑，味道極之鮮甜！- 牛肉壽喜燒¹⁰⁰牛肉口感爽嫩軟滑，牛味細緻油花適中。除了牛肉外，有金菇菜、粉絲、冬菇、蔬菜，豆腐等等，相當足料！而壽喜燒湯底鹹甜度適中，粉絲索晒湯汁一齊食都唔覺過濃，非常美味！- 帆立貝刺生六片⁴⁴帆立貝肉厚富彈性，味道鮮甜，口感豐富！- 芝麻雞翼三隻³⁹雞翼經炙燒後外皮變得金黃香脆，肉質嫩滑，肉汁滿滿，非常滿足！表面加有芝麻令整體味道提升不少！- 燒油甘魚頭⁸⁰油甘魚頭外皮燒得非常香脆，魚油脂香氣十足，肉質嫩滑鮮甜！- 脆脆鰻魚串⁴⁴鰻魚燒得金黃香脆，肉質肥美，口感彈牙！- 蒜蓉燒聖子⁵⁰燒聖子味道濃郁，加上蒜蓉燒到相當香口，而聖子肉鮮味十足又夠飽滿！- 燒韮菜串²⁴韮菜口感爽嫩，表面加有孜然燒起上來非常香口！- 燒日本甜薯²⁴外皮燒得香脆，口感軟糯，味道香甜濃郁。一口一隻，細細粒容易食！- 綠茶雪糕紅豆冰⁶⁰綠茶雪糕味道濃郁，紅豆煮得夠軟身，粒粒起沙。食完串燒解渴必選！- 忌廉紅豆奶茶⁵⁰奶茶醇香，忌廉綿滑！整體餐廳評分很高。餐廳環境闊落舒適，枱與枱距離充足，卡位很多好適合一大班朋友飯聚。店員服務態度好又夠細心，食材新鮮，款式又夠多樣化，唔止有串燒仲有刺身，壽司，拉麵等等，價錢非常經濟。係一間好值得推介嘅日本餐廳！…查看更多

今日入左元朗探我啊妹，元朗就唔係我地頭，所以就叫啊妹睇下有咩秘密店推介。介紹左呢間日式餐廳，去到門口睇一睇就見到營業時間早上7:00am-凌晨2:00am！元朗人真係有口福。三文魚腩刺身/帶子刺身 ：🌕🌕🌕🌕🌑三文魚腩好厚切大件，刺身都新鮮鮮甜。A4日本和牛 : 🌕🌕🌕🌕🌕價錢唔貴$148 份量好足。食落牛味好重，口感一啲都唔韌，但係又唔會覺得好重油脂。我覺得呢個真係必點。牛肉壽喜燒 ：🌕🌕🌕🌕🌑牛肉量多。配埋日本生雞蛋。配菜方面有娃娃菜、冬菇、金菇、粉絲。壽喜燒汁唔會太甜，又唔會太鹹。吉列豚肉拉麵 : 🌕🌕🌕🌕🌑我哋試咗芝士辣湯底，佢芝士味好濃郁，但又唔會太辣。如果鍾意食芝士一定要試吓。燒扇貝 ：🌕🌕🌕🌕🌕揀咗蒜蓉味，極多蒜蓉👍🏻，海鮮嚟講，價錢好經濟$28/一隻厚燒牛舌 : 🌕🌕🌕🌗🌑口感煙韌，味道都不過不失。綠茶紅豆冰加雪糕 : 🌕🌕🌕🌕🌕忌廉紅豆冰 ：🌕🌕🌕🌕🌕佢嘅特飲選擇好多，而且有好大杯，拍得住手搖店。店舖環境寬敞，唔會覺得好迫。…查看更多

之前經過元朗雞地呢頭，一直以為呢間野川拉麵係淨係食拉麵，點知原來佢係一間日式居酒屋，食物種類包羅萬有，有刺身、串燒、壽司、拉麵、仲有好多款賣相非常吸睛嘅特飲添～六品刺身盛合💰HK$298超豐盛！有半板海膽、三文魚、油甘魚、帶子、甘蝦同北寄貝！款款味道都好鮮甜～牛肉壽喜燒💰HK$98雞蛋另上用嚟點牛肉，令肥牛入口更加順滑！鍋入面嘅娃娃菜、菇類、粉絲同豆腐都吸收哂甜甜嘅壽喜燒湯底～大蝦天婦羅(6隻)💰HK$78炸得香脆，不油不膩，入面嘅蝦肉清爽彈牙！點天婦羅汁或者蘿蔔泥都好適合～蒜蓉燒扇貝(2隻)💰HK$56勁多蒜蓉鋪面，好惹味，味道新鮮～燒安格斯牛肉串(2串)💰HK$96食得出只係簡簡單單咁用咗鹽嚟調味，已經能夠凸顯到牛肉嘅味道！建議落埋七味粉一齊食，會更惹味～燒火雞腎串(2串)💰HK$48雞腎口感非常爽口，唔會韌～綠茶雪糕配綠茶紅豆冰💰HK$58濃濃嘅綠茶味，綠茶同紅豆嘅味道果然好夾，仲有埋綠茶雪糕可以食添～總括嚟講，呢到食物種類非常之多，而且價錢合理，好適合同朋友嚟食個宵夜飲返杯～…查看更多

[元朗．串燒] | 宵夜好去處@野川拉麵の深燒食堂 | 講女美食團= = = = = = = = = = = = = =💬 總括： 宵夜首選，食物選擇多，串燒燒得有質素 環境：★★★★☆ | 味道：★★★★★ 服務：★★★★★ | 抵食：★★★★★————————————————元朗夜媽媽想食宵夜醫肚 一定會想起「野川拉麵の深燒食堂」 價錢平，食物選擇多 有齊前菜、燒物、炸物、一品料理、主食、甜品等 總有一樣啱你心水 - 食宵夜串燒必點，串燒種類多 ▼ 燒黑豚肉五花腩 黑豚五花腩肥瘦剛好，燒完表面脆口，迫出油分，係口中慢慢滲出甘香，不會好油膩 - ▼ 燒火雞腎串 火雞腎食落爽脆 - ▼ 厚燒牛舌 爽口厚切有咬口，入口Juicy牛味濃郁 -▼ 招牌雞翼串 雞翼都係串燒必點，雞皮燒得香口 -▼ 爆醬芝士腸、蜜汁燒牛丸 芝士腸，入口濃郁好香芝士味，燒牛丸外表甜甜地，唔會燒得太乾 - ▼ 大頭蝦 分享價優惠 $28 有2大隻 蝦肉新鮮爽口 - ▼ 吉烈蠔 外皮炸得香脆金黃，脆卜卜口感，中間嘅保持嫩口，好夠蠔味 - ▼ 牛油蒜蓉焗蜆 一份蜆份量好多，蜆肉大隻又新鮮無沙，每粒都吸盡牛油蒜蓉嘅香味 - ▼ 牛肉壽喜燒 壽喜燒分量多，鍋面鋪滿晒牛肉，入面有娃娃菜、金菇、冬菇，整鍋都係蔬菜及肉原汁，最後仲有吸盡甜甜湯底粉絲打底，好正- ▼ 指定芝士蛋糕 + 雪糕 最後加多個甜品，搽抹茶芝士蛋糕，抹茶味濃，入口香滑 - 由前菜食埋甜品，仲有埋海鮮，有好多款仲係分享價優惠就食到 ，每個人都不用$300出門口，CP值高，平、靚、正———————————————— ─ 🔎 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─餐廳：野川拉麵の深燒食堂 地址: 元朗又新街40-48號榮豐大廈地下B號舖————————————————…查看更多

入到元朗除咗要食香蕉仔泰國煎餅，都要揾間餐廳醫醫肚😋呢一間居酒屋食物好多元化，價錢又唔貴，同娘娘個晚就入去試下。💂🏻‍♀️《吉列炸蝦讚岐手打烏冬 》$76嗌咗濃豚骨湯底，配讚岐手打烏冬！食烏冬一定要食讚岐，夠彈牙同湯底又夾👍🏻配埋吉列炸蝦🍤好正！炸得好香脆，唔會有油益味，仲好新鮮。評分: 80/100💂🏻‍♀️《壽喜燒》$98壽喜燒最吸引嘅喺個湯底，甜甜地配搭牛肉🥩同蔬菜🥬都咁好味🤤 成個鍋鋪滿晒牛肉，仲有娃娃菜、金菇、冬菇等，仲有隻日本蛋。最驚喜嘅係有啲粉絲係底。食落易入口又好暖胃。評分: 80/100💂🏻‍♀️《香蒜大茄燒》$29燒得好軟身，啲蒜蓉多到好似唔洗錢咁舖哂係茄子的上面，辣辣地，調味料都足夠👍🏻評分: 85/100💂🏻‍♀️《燒扇貝》$22一隻分別嗌咗一個蒜蓉辣味同芝士味燒扇貝，一上碟就聞到好香濃郁的蒜香味，扇貝焗完都唔會話好韌。食咗一啖蒜蓉，配合埋扇貝汁嘅精華，真係好惹味，食唔停口。芝士味就比較濃郁，如果係芝士迷嘅話應該會好鍾意。評分: 85/100💂🏻‍♀️《自家製芝麻雞翼》$38兵仔好鍾意食啲炸野小食，芝麻雞翼都唔使我講就係炸到好juicy，唔會好似平時放題咁炸定！一咬啖雞翼，入邊仲有肉汁🍖3隻夠哂止口痕。評分: 80/100💂🏻‍♀️《牛油蒜蓉焗蜆》$38啲蜆好大隻好新鮮，一粒沙都無，洗得好乾淨！一放入口每一隻都索哂牛油蒜蓉嘅香味，份量同樣地都好多，真係好抵食。評分: 85/100💂🏻‍♀️《蜜汁燒牛丸+椒鹽雞軟骨》$18/ $28嗌咗燒牛丸，呢度嘅串燒質素都幾好，唔會燒得太窿，而且甜甜地，好似平時自己燒嘢食嘅感覺。椒鹽雞軟骨成鑼咁上，啲份量多到嚇親，份量多之餘，質素都好好👍🏻評分: 75/100💂🏻‍♀️《M5澳洲和牛》$84呢個係餐廳推介嘅，一上碟已經切好晒，用咗海鹽來調味，肉質鮮嫩，燒到啱啱好半生熟的質感，唔會燒到太靭太鞋，兵仔覺得好食😋評分: 80/100💂🏻‍♀️《日本信州蘋果梳打》$35飲品用好大個玻璃杯裝，將飲品倒插入杯中，再加大量碎冰，飲到尾都仲係好冰凍👍🏻評分: 85/100總結：個環境好大，同朋友夜晚黎真係一流，嗌啲小食串燒傾下計就可以傾成晚。餐廳嘅裝修都好特別，而且6:00後係社交平台 留言讚好仲可以享用多款低至半價優惠的食，上面兵仔同娘婷食嘅嘢好多都係用優惠價，cp值真係爆燈😂😂！頒發軍階：上將🎖🎖🎖🎖…查看更多

聽人介紹呢間餐廳又多嘢食揀又抵食,一於嚟睇下!都幾多人等位,而且門口已經寫滿晒有優惠價嘅餐牌,真係好抵🤑!呢款小食拼盤除咗蝦片🦐,魚手指🐟,仲有我最愛嘅芝麻雞翼🐥,仲有榴槤炸彈同流心芝士波~蝦片上面有七味粉,略帶辣味🌶,但每塊都好鬆好脆~芝麻雞翼炸得好脆,隔離檯嘅人都有單點~而另一半就喜歡食榴槤炸彈💣~芝士燒扇貝比較濃味,但燒焦嘅芝士好香🧀,夾埋扇貝就啱啱好🦪~我真係好鍾意食燒牛舌👅最鍾意佢好軟熟,又有好香嘅油份同埋牛味🐮🐮叫大茄燒真係無錯🍆,條茄子真係好大條!最怕茄子燒唔熟,條脷會好痕...但佢哋燒到全條茄子都軟晒,又夠多汁,配埋大量嘅蒜蓉就好好味🧄🧄蜜汁墨魚丸嘅感覺好似去bbq燒丸子咁🍡有啲甜甜地又燒得好香~佢哋除咗好多燒物,仲有唔少刺身,壽司🍣同手卷選擇,而且都幾抵食~呢個帶子刺身幾新鮮幾甜,早知叫10片🙈油甘魚比較重油份,好新鮮無雪味~有三文魚籽當然要嗌🗣!三文魚籽比較細粒,但份量都ok~而且唔會太鹹,好香好香嘅三文魚籽鮮甜味😋一向都喜歡食壽喜燒🍲,因為湯底甜甜地,再索晒啲牛肉🐂同蔬菜🥬嘅鮮甜味~個底仲有啲粉絲,淨食呢個都夠飽👍啤酒超大杯好抵飲🍻,佢仲有其他水果味可以揀~另外仲叫咗個蘋果梳打🍎~甜甜地,最特別係反轉用酒杯上,打卡一流~萬聖節臨近🎃,佢哋仲搵咗畫師喺門口幫大家畫手畫面🖍,佢畫嘅公仔超靚超可愛💗!我等緊入座時,都見到有小朋友去畫~想畫個爛面裝都ok,我見到有個侍應畫咗,真到嚇咗一嚇😂😂叫到成檯都係嘢,兩個人食到捧住個肚都只係五百零蚊,真係幾抵食~難怪咁滿,仲咁多人排隊添!…查看更多