宏

這間日本餐廳開業超過十年，位於尖沙咀美麗華廣場1期，主打日式Fusion輕食、自家品牌卷蛋、雪芳蛋糕及甜品，嚴選優質新鮮食材，多款材料更由日本直送，食物均即叫即製，而蛋糕則每天新鮮手工製作。店內環境寬敞舒適，裝潢以簡潔的白色為主調，配搭日系木傢俱，營造出悠閒舒適的氛圍，適合多人聚會。最新推出「超級夏日蛋白質」及「特色拿鐵」系列，健康且性價比高，非常值得一試。明太子醬厚燒玉子燒 - $35紮實豐厚的玉子燒甜滋滋，有濃厚的蛋香，淋上辛而不辣的明太子醬，還有少少木魚絲。牛柳粒蛋白麵 - $108一粒粒牛柳脂肪雖少，但勝在軟腍多汁，有少少黑椒及蒜香提起牛肉味，細膩柔滑的蛋白麵煙韌彈矛，清爽不油膩，有椰菜絲及紅蘿蔔絲等，還跟一碗味噌湯。牛肉壽喜燒定食 - $168海藻烏冬 +$10牛板腱結實中帶有嫩滑，中間有一條透明嫩筋，吸飽鹹甜的壽喜燒汁，可蘸上幼滑的日本生蛋液；鍋內有嫩滑的豆腐、爽脆的椰菜及多汁的香菇等蔬菜，幼細的海藻烏冬爽滑且有嚼勁，同樣跟一碗味噌湯。凍抹茶鮮奶配小抹茶卷 - $58濃郁滑順的宇治抹茶，有著良好的甘苦平均，加上順滑的鮮奶，細膩有回甘，還有迷你抹茶卷，鬆軟綿密的海綿蛋糕卷著滑順濃郁的抹茶奶油內餡，出苦甜交織好有層次。凍抹茶草莓鮮奶配小抹茶草莓卷 - $68抹茶鮮奶再加上酸甜的草莓醬，有少少軟糯的草莓肉，而迷你抹茶草莓卷中間換上原味奶油內餡，加上草莓果肉好香甜。…查看更多

好記得好多年前就係衝住呢間鋪嘅抹茶甜品而嚟！嗰種好濃郁嘅抹茶味到而家仍然歷歷在目。事隔多年再次嚟到，就一次過食晒晚飯同埋甜品🍦★🍦抹茶軟雪糕芭菲鐵塔 $98好濃郁嘅抹茶雪糕🍦🥹💚配料豐富，包括白玉丸子、抹茶啫喱、杏仁脆片、紅豆。食到好飽但係非常滿足！🥭班蘭芒果卷蛋(大） $32 🍵抹茶卷蛋（小）$18兩款卷蛋都好鬆軟，而且個cream都好軟滑。不過作為抹茶控嘅我今次係比較鍾意班蘭芒果呢一款。班蘭味係異常地濃郁🥹好香🍲牛肉壽喜燒定食 $168鍋物配料分量不少，有娃娃菜、冬菇、大蔥、紅蘿蔔、䈮蒻等。牛肉鮮嫩，另外配上生雞蛋🥚可隨意沾上🧇窩夫配炸雞煎蛋🍳 $118影完一陣先食炸雞，依然能保持香脆。建議窩夫要落楓糖醬🍯…查看更多

- 尖沙咀｜宏 -▪️牛肉壽喜燒定食🐮牛肉採用牛板腱，牛味香濃。而除咗牛，仲有好多其他配料，包括蒟蒻、冬菇、蘿蔔、甘荀仔🥕、豆腐、大蔥、娃娃菜🥬，同埋雞蛋🥚，非常豐富。另外因為唔想食飯，加錢轉咗烏冬，雖然上枱嘅就比較似蕎麥麵🍜，但食落都唔錯▪️窩夫天守🧇窩夫有三層，食落香脆。窩夫口味、雪糕，同埋醬，全部都可以自己配搭。最底層揀咗抹茶曲奇🍪配栗子蓉🌰，中間揀咗雜果，面頭嘅雪糕就揀咗芒果味🥭、抹茶味🍵同埋朱古力味🍫，另外醬就揀咗焦糖醬同朱古力醬🍫，整體口感味道有層次▪️水果味梳打 - 蜜桃🍑🥤蜜桃香甜，配埋梳打水，飲落清爽▪️朱古力咖啡 (凍)🍫☕️朱古力味同咖啡味配合得唔錯，而且幾順滑宏📍尖沙咀彌敦道132號美麗華廣場1期4樓408號舖…查看更多

位於尖沙咀美麗華商場的宏，以日式輕食和主打人氣打卡甜品，去開尖沙咀都到訪一下，順道醫下個肚。😚🫶🏻✨ 蜜桃水果梳打（$48），整杯飲品都有香甜的蜜桃味，加左檸檬味道更清新。🍹🍋✨ 朱古力咖啡（$42），咖啡加左cream令咖啡味道唔會好濃，但朱古力味非常濃郁，因為沉係杯底好多朱古力醬，飲用前需攪拌一下，同埋雖然係咖啡飲品都好適合晚上飲用。☕️🍦🍫✨ 牛肉壽喜燒定食（$168），冬天都會想叫返一份暖笠笠嘅壽喜燒，定食都包了很多不同款式的配料。當然不少得主角牛板腱，卷至盛放中的玫瑰，很吸睛。牛板腱的脂肪位置較少，而且牛肉鮮味濃郁，沾一下生蛋味道更加滑溜。Sukiyaki 湯底煲過的大蔥、娃娃菜和白蘿蔔超甜。另外的配料包了蒟蒻、冬菇、豆腐、甘筍仔、白飯和小食中華沙律，定食套餐都很豐富。🍲🐮😋✨ 窩夫天守（$158），專登留肚食呢款幸福窩心甜品。甜品自由組合，窩夫可選選2款、雪糕選3款、醬選2款，撞出不同的味道。窩夫口味選了雜果和抹茶，窩夫的層與層之間就夾住了一層不同款式的水果、一層抹茶曲奇和栗子蓉，切開的窩夫都很有驚喜，一層是原味窩夫蛋味濃香，外脆內軟。另外2層是抹茶味窩夫，口感帶點煙韌，抹茶味豐富。有窩夫又點少得雪糕，仲可以有3款唔同口味，就選了雲呢拿、抹茶、朱古力。配料醬就選了焦糖和雲呢拿，這個窩夫天守唔止睇得仲食得，仲多左份滿足感，絕對是開心之選。🧇🍓🫐🍊🍵🍧☺️❤️…查看更多

🎱卡肥，出場啦！熊妹太耐冇帶卡肥出嚟食嘢啦！今次特登揀間日式輕食店《宏》，有卡肥最愛的蛋包飯同熊妹最愛的抹茶芭菲，鹹魚青菜，各有所愛！💕📌位於尖沙咀美麗華廣場4樓的《宏》係一間日式輕食餐廳，地方都幾大下，裝修行日式簡約風，以白色同木系為主，感覺好鮮明，樓底高好開揚，有好多張四人枱，仲有好多張可坐多人嘅梳化枱，枱與枱之間都有好大段距離，感覺上坐得好舒服，就算熊妹講嘢大聲少少都唔怕比隔離聽到。📌餐牌主食有日式蛋包飯🍛、意粉🍝、烏冬🍜同埋定食🍱，會附送日式沙律或者麵豉湯🍵，價錢由$138至$168 ，加$50可以轉套餐，包咖啡或者茶同埋一件小卷蛋，最後收埋加一服務費。⤴️📌《宏》主打的輕食有日式小食揚物，仲有招牌甜品日式雪糕、日式卷蛋同窩夫，食完主食仲可以食甜品，真係大快朵頤。😋日式漢堡扒蛋包飯， $138📌曾經，日式蛋包飯🍛係卡肥的常餐，可以話都試盡各款口味菜式的蛋包飯。漢堡包好厚實超大一塊，咬落去啖啖肉，絕對真材實料唔野少，配濃味燒汁真係好惹味。蛋包飯外皮包咗一層蛋皮🍳，煎熟左的蛋皮咬落去比較實在，唔係帶蛋汁個款流質性，變成煎熟咗蛋香味重啲。:)一般嘅蛋包飯都可能會用上白飯🍚，多數就係靠啲醬汁吊味。《宏》的蛋包飯係有驚喜架！佢係用咗西炒飯做飯底，西炒飯係用上茄汁、喼汁等等嘅調味料炒埋一碟，令到就咁食個炒飯都會好有味，而且仲有啲菇做配料，又唔係食白飯咁掛。如果想濕潤啲又可以點埋燒汁一齊食，由於用咗西炒飯做飯底，就可以同木一身配上的燒汁更為撘配，代替原本一般蛋包飯用嘅茄汁，鹹中帶點酸甜，多一重醬汁嘅味道，食得出《宏》喺材料配搭方面有用多一點心思，唔錯。仲跟上嘅餐前日式沙律🥗，有啲椰菜絲、粟米粒🌽同埋蕃茄仔🍅，撈埋日式芝麻醬，酸酸甜甜非常開胃。牛肉壽喜燒定食， $168📌好少日式輕食店會有牛肉壽喜燒呢款定食，而且價錢仲要係百零蚊，一定要點嚟試吓啦。首先店員會遞上一個迷你鐵爐，點着火🔥，喺上面就可以慢慢煲熱著牛肉壽喜燒鍋🥘。牛肉壽喜燒鍋嘅湯底係偏甜嘅火鍋湯，有五六片大片火鍋牛肉，肥肉位唔多，差唔多只在邊緣。首先，將跟上的日本生蛋🥚打勻，變成一碗生蛋汁，再夾起一片滾熱嘅牛肉片，沾上蛋汁，熱呼呼的牛肉片上的熱力可以令蛋汁沾滿牛肉面上，形成蛋漿黎食，食落口滑潺潺又軟熟的牛肉，本身已帶有浸滿偏甜火鍋湯湯味，呢個就係牛肉壽喜燒嘅滋味。鍋物入邊仲有幾舊冬菇🍄、甘筍🥕、日本大蔥、嫩豆腐同埋娃娃菜，配料連湯撈落飯一齊食，係非常送飯嘅餸菜。跟餐仲有一碗麵豉湯🍵，入邊有油豆腐同海帶片，唔算話好鹹，食飯前暖一暖胃，就係日本定食嘅特色。小食拼盤， $98叫咗兩款煮食，都想食啲炸物小食咬下口🍢，過吓癮，小食拼盤有齊明太子雞翼、炸雞軟骨粒、炸花枝餅同炸芝士圈，全部都啱食又可以試多幾款。拼盤份量都幾多下，明太子雞翼有兩隻，雞翼外皮揸到金黃色，雞肉入邊釀咗啲明太子醬，辣辣地，連埋雞肉一齊食，啖啖肉同平時要食拆骨嘅雞翼好唔同。炸花枝餅同炸芝士圈都有三四件，炸雞軟骨粒有一大堆，各款炸物炸皮唔算厚，咬落去香口，點埋跟上嘅明太子醬一齊食，呢款小食咁惹味，食吓食吓真係食到停唔到口。👅抹茶芭菲， $78📌食咗咁多鹹食，當然要點返個飯後甜品先大完🈵喇。其實熊妹都係衝着《宏》呢款招牌抹茶芭菲而來，真係好期待！芭菲特獨特之處就係望落去以為只係一杯軟雪糕🍦，但係食食吓就會發現一層一層嘅驚喜😍，食完一層嘅配料又會再發現下一層嘅配料，而且會不斷同軟雪糕撈埋一齊食，有好多種材料好多種味道，所以熊妹最喜愛就係呢款甜品 ，而《宏》的抹茶芭菲真心多不同款的配料之餘仲要係大大份，熊妹極力推介給喜歡吃芭菲的朋友。抹茶控，抹茶婊，抹茶熊嘅熊妹對住呢款抹茶芭菲真係招架不住！首先，賣相已經驚喜到暈！呢款新推出嘅夏日芭菲，主角除咗有抹茶軟雪糕，入面仲有牛奶雪糕，下面配料包含咗一層粟米片一層抹茶啫喱，側邊包圍着好多粒抹茶糯米糍，最特別既係有一件抹茶小卷蛋同抹茶macaron，成杯抹茶芭菲真係抹茶到暈，抹茶雪糕抹茶味香濃，連埋各款抹茶味嘅配料，絕對滿足到抹茶愛好者。📌熊妹做錯了，真的做錯了😞，熊妹唔應該當呢杯抹茶芭菲係飯後甜品，應該做飯前甜品，甚至係呢餐食嘅主食，咁就可以讓胃的每一個角落同舌尖上的味蕾盡情咁享受到呢杯抹茶芭菲的美味。草莓慕絲蛋糕， $42真係估唔到原來《宏》有同《香港遺傳性乳癌家族資料庫》合作，推廣「Pink Desserts 2023」，就係推廣餐廳有幾款指定的粉紅甜品，售賣款項嘅一半會捐去資料庫為高風險嘅遺傳性癌症人士作為研究基金的用途，有得食又有得做慈善，何樂而不為？😝草莓慕絲蛋糕都好大一件，直程有一個飯碗咁大，唔係hightea嗰啲細件甜品。粉紅色賣相好吸引，外表一個粉紅半圓球就係有忌廉慕絲組成，士多啤梨味🍓酸酸甜甜冇藥水味，食落去好mossy好creamy，唔會話落咗好多魚膠粉好膠好實，而且仲有一層士多啤梨醬，再添多一重酸甜嘅效果，餅底係軟淋的曲奇餅底🍪，同埋軟綿嘅慕絲一齊食落去又幾夾。日本綠茶-玉露，$28食完咁多炸物，飲返杯日式熱茶絕對可以解下油膩。好驚訝嘅係《宏》竟然有熊妹平時去便利店都會買開嘅淳茶舍-玉露。熊妹點解咁鍾意飲玉露🍃，因為佢係淡味綠茶之餘又好重煎香嘅茶味，飲落去茶葉嘅回香味仲會停留喺鼻腔入邊，但係又冇紅茶咁濃味，大愛。💓📌《宏》無論主食、小食、甜品、飲品味道，賣相，份量都一樣有驚喜，熊妹味蕾大滿足之餘，卡肥又頂住個大肚離開，係一間值得推介嘅日式輕食餐廳。…查看更多

二訪呢個日式西餐，主要打算嚟食甜品😂順道食個dinner😚✨日式漢堡扒蛋包飯 - 漢堡扒配燒汁甜甜地好夾，漢堡扒好厚肉好有質感，份量幾大，好有日劇住家飯嘅感覺😆✨牛肉壽喜燒定食 - 睇落似一人份細細鍋，但都有幾多塊牛牛🐂有差唔多8塊牛，而且d牛都幾有誠意，唔係急凍肥牛😝而且幾香牛味，沾埋生蛋食好滑好惹味，送飯食夠晒正🤤✨京都宇治抹茶軟雪糕芭菲 - 目測都幾巨下，2-3人share都ok，配料有紅豆、綠茶凍、白玉、杏仁脆餅同蜂蜜蛋糕，好有層次，而且雪糕裡面真係見到抹茶粉粒🍵真材實料，濃郁香醇😋✨竹炭黑芝麻大卷蛋 - 口感濕潤軟熟，不論係蛋糕定個cream，都食到滿滿芝麻味👍✨日本靜岡深蒸煎茶 - 食完heavy野同凍野最好飲啖熱茶解膩暖胃，茶味甘香，飲完一杯再加熱水都好夠味😸…查看更多

宏Hiroshi 由The one 舊鋪搬咗去Mira一期，最中意係抹茶甜品同朱古力卷蛋，不過新鋪menu改革咗，fusion咗有其他洋食更迎合大眾口味😋P.S白桃芭菲好吸引，但係食完飯太飽放棄了🥹環境：8/10半開放式餐廳設計，寬廠開掦！奶油日系風仲有兩幅打卡牆📸☘️食物：8/101️⃣牛肉壽喜燒定食 $148夏天冬天都好鍾意食壽喜燒🤣不過有冷氣就OK啦🤭壽喜燒湯底有超多片牛肉，仲有蔬菜配料，不過不失🙂2️⃣小食拼盤 2人 $98有分二人同埋四人份量，明太子雞翼，雞軟骨，芝士圈同埋花枝餅😝每人一件份量啱啱好，全部都冇骨啱晒懶人😜3️⃣日式疏乎厘班㦸 伴雪糕 $128有surprise😍即叫即做大概20分鐘～賣相igable 識重L , fluffy空氣感十足😋 絕對會為咗食呢個回頭🥰4️⃣Passion Fruit Lemonade $55大熱天必飲🍹，熱情果檸檬梳打超級解渴🍋，酸酸地好fresh🌱，重點唔會好甜最怕越飲越口渴🤣💰性價比：8/10 （$250-$300）有質素嘅日洋餐廳嚟講，主食同甜品都相當唔錯👍🏻絕對對得住價錢🥳…查看更多