八雲札幌拉麵

營業中

休息中

舖位唔細，有卡位，有大枱，吧枱選擇。午餐來到，人流唔多，價錢唔貴。坐低先比杯熱茶你，枱面既熟雞蛋可隨便任食，不收費。.🔸牛油拉麵($68)分數: (6.8/10)上面有一大片牛油，十分邪惡，牛油係呢碗拉麵嘅精髓，令拉麵有牛油香味。麵既硬度剛好，有一塊叉燒，味道不過不失。.🔸炸豆腐分數: (6.6/10)熱到十分足夠，但炸豆腐外皮冧咗，底下好多汁但唔會好鹹，上面亦有木魚絲作調味。.💈筲箕灣筲箕灣東大街28-40A東興大廈地下5號舖

由於天氣凍, 特別想食D熱笠笠既晚餐, 所以走左入東大街既八雲醫肚我地坐低Order左2個拉麵, 分別係牛油拉麵同埋豬軟骨拉麵, 之後再補叫多個韭菜炒豬潤, 可能由於比較夜, 客人較少, 所以食物好快就到韭菜炒豬潤 - 豬潤炒得唔算爽, 但係都算新鮮又唔腥, 而且因為係open kitchen, 望住師傅即叫即炒特別有鑊氣, 讚喔!豬軟骨拉麵 - 淡淡的湯底加上一般的豬軟骨,感覺驚喜不大牛油拉麵 - 真係有大大片牛油遊緊水架!! 牛油融左落湯之後, 成碗湯拉麵既刻變左身咁, 又香又綿, 非常值得一試!經常覺得, 一碗拉麵好食與否, 好睇個人口味, 麵的軟硬, 湯既濃度, 配菜的多寡都好影響評價今次去八雲, 又係另一種口味既拉麵, 而且價錢亦比較相宜, 再去指數有80%!

昨天朝早上完日文班，中午12點令，走去筲箕灣行海防博物館......知道筲箕灣東大街係一條出名嘅食街，專登去個度食嘢兼行個圈睇下。本來幫襯「安利」魚旦粉，要等，唔去！去左隔離間餔，即「八雲札幌拉麵」！12點幾，間舖無乜人。睇餐牌，午餐$68，連加一$75 ，好抵咁。嗌左牛油拉麵、加燒雞翼，仲有汽水送。雞翼燒得啱啱好，皮脆！味道唔太鹹，加d檸檬汁好好食！d野食來得快、師父製作認真、賣相吸引！下次可以再來幫襯下，仲有好多嘢食！

喺門口見到呢間日本嘢裝修都幾好, 又新開未食過於是就入去試下, 當睇menu時發覺唔平, 仲要喺筲箕灣咁的價, 如果唔好食都唔會再幫襯, 因為東大街實在太多好嘢食......牛油拉麵: 好好味, 拉麵加埋啲湯底簡直係一流, 絕....完全飲晒個湯!!!咖喱豬扒飯: 無乜味, 份量唔夠食, 好細碟, 六十幾蚊, 一啲都唔抵食品!! 天悅嗰間好食好多, 仲要平佢一半...... 蟹子沙律ok蔥拉麵: ok, 啲蔥好食, 但食過加咗牛油的湯底後, 再食呢個就扣埋分, 真係差好遠呀!!!!日式煎餃子: 超失望, 一啲味都無, 個皮唔得個涵都唔得, 唔好食, 總之唔加錢叫無料免費雞蛋: 唔知呢間嘢係咪知道自己啲食物細份, 怕食唔飽人, 所以放咗啲旦喺到等人可以食飽啲!!! 我就好鍾意食旦, 但食一隻都已經飽晒, 我老公就食咗兩隻, 太貪心!!