牛極 (雅怡居)

營業中

休息中

石燒牛肉已經興起一段時間🍖 到依家仲可以屹立不倒既鋪頭～ 到底有咩魔力呢🥰 曾經係午巿食過牛極 坐得幾舒服 睇餐牌覺得性價比幾高🤨 白飯🍚沙律🥗湯🥣🥄任裝(´･_･`) 絕對食得飽👹 而且款式好多，除左牛之外，有雞肉、豚肉、鰻魚等選擇😍 而且質素都唔錯 有少少驚喜 所以決定晚巿都要試一次👻晚市反而只有牛肉😂 不過都有六種牛牛比大家揀🥢 唔同牛牛 唔同gram數 價錢都唔同😗 同一大班朋友去食飯 仲可以sʜᴀʀᴇ食🤍 唔怪得佢全場爆滿啦🥺🥕牛柳 200 ɢʀᴀᴍ $110 餐牌上面有寫明係邊一款既牛牛🐮牛極係用ᴇxᴄᴇʟ既牛柳 瘦肉比例大 所以油脂含量較少 佢既肉質係最柔嫩 最岩當牛排🥰 雖然佢適合三到五成熟 但七成都唔差🤍 自己操刀可以控制生熟程度 唔怕ᴏᴠᴇʀᴄᴏᴏᴋᴇᴅ 每一啖都有淡淡既牛香味係口入邊💖 勁juicy🥰 其實全部調味料我都無落 就咁食都好食 絕對係性價比極高之選😋

牛極聽朋友講牛極既鐵板牛好好味性價比又高，於是一齊去試下，門口有部日本好多餐廳都有既買票機，真係好特別，點完餐之後入座就可以去拎海帶麵豉湯，沙律同埋飯。飲完湯，食埋沙律🥗個鐵板牛就到啦我地叫左牛柳同牛肩脊，第一次食真係唔知原來係外熟內生再慢慢燒到自己中意既熟度。兩款牛都好香口，牛肩脊真係好香好好味，燒一燒點個汁配埋白飯真係好正。牛柳都好好味，好香牛味又好滑。邊切邊燒真係好有特式，個感覺好似去左日本旅行咁，掛唔之得之前見咁多人排隊食啦。

近排都好多唔同嘅石燒牛出現，而深水埗呢間都係相對抵食! 最平$80 就有交易，仲要湯, 沙津，白飯都係任裝，一定夠飽!叫野食只要係門口買飛就得都都幾方便，今次就試左180g ($80) 牛肩排 同 200g牛柳 ($110)一黎到石燒熱騰騰都咪話唔吸引，牛味都幾香，仲有牛油紙係面插住唔驚彈到周圍都係油👍店內仲有圍裙提供，真係夠哂細心😉 不過石板真係好熱，如果唔想牛肉過熟就要快手啦XDD先講牛肩肉排，肉身有咬口，油脂分布都幾靚，牛味突出😚😚真係唔錯牛柳的話肉身會較淋，油脂更多，一口肉汁就彈哂出黎，牛味較牛肩仲重，好味!😍重點係牛嘅份量真係唔少，就算唔添湯同飯，其實我地兩個食肉都已經好飽，性價比真係無得輸😋

收工梗係去同朋友聚一聚啦，長沙灣地鐵站一出好快到，位置方便，餐牌好簡單，唔使左諗右諗，夠晒方便。我揀咗180g牛柳，朋友揀咗200g牛肩扒。等緊嘢食嘅時候侍應同我講連沙律吧同白飯係任食，睇下沙律吧都好乾淨企理，沙律菜夠曬新鮮，仲有湯同醬汁任添，一定唔會驚唔夠飽啦！牛柳同牛肩扒都係用好熱嘅鐵板上菜，上菜嘅時候用紙巾蓋住。牛柳超肥美，肉質好嫩滑，口感非常正，牛肉嘅香味好濃郁，撈少少鹽同黑椒超惹味！牛肩扒肉質比牛柳更實淨，口感彈牙，而且200g已經好大塊，抵食推介！

到深水埗買嘢，路過”牛極”牛牛專賣店！ 🥩D燒烤牛肉味撲曬出嚟，♨️肉汁吱吱渣渣響，於是我就入去落order 了！🐃熱石牛餐通常都係揀一款肉，然後湯🥣丶沙律🥙丶白飯任裝🍚⋯⋯即使是大食積都一定吃得飽，而且好抵食入～$80起🤭今次我吃牛柳200g 都好夠大件🥩，加生蒜🧄配日本白飯可謂一絕！用熱石的好處是自己調節生熟，牛柳本身較瘦，我就燒到5成左右🩸，keep 多啲用汁！平平地，有得玩、有得吃....正！🦉

因為呢排返工時間比較彈性，所以食Lunch去咗食熱石牛扒🙈，慢慢燒嚟食，平日未必食得切。不過其實成個過程都唔使食好耐，哈哈。熱石牛扒我食過幾次，但就未嚟過牛極，今次係同事帶我嚟食。一入鋪頭，我哋就喺門口部機落咗單先。餐廳主打石燒牛扒🥩，要揀嘅就係牛嘅邊個部位或者邊款牛，同埋份量。餐廳幾大同寬敞，而且環境望落都光猛企理，特別係自助區好乾淨，仲不時會見到店員出嚟抹下、Refill返啲食材👍。牛柳200G($110)，我嚿牛柳個樣成嚿石頭咁，好好笑😂，牛柳出面的確已經係熟熟哋的啡色，但一切開入面又真係如佢Poster所講係一成熟(Rare)，再自己慢慢用嚿石燒熟去。雖然我聽過人講，熱石牛扒一路切一路燒嚟食會比較能夠鎖住啲肉汁，但我驚陣間嚿石唔夠熱要換，好鬼煩，所以一次過切哂先。估唔到啲肉一直放喺嚿石上面，個樣熟哂，但肉質竟然完全無變鞋😍，正呀。而且佢嚿石好夠熱，我食到最尾一嚿佢都仲係出緊煙。牛肩排180G($80)，呢個係我同事叫，不過我都試咗幾粒😙。雖然係牛肩排，但無平日咁多筋，肉質唔錯。肉味嚟講我就覺得牛柳出啲同好味啲，但牛肩排個味其實都ok。牛扒以外嘅嘢都係自助，包括湯、飯、沙律同醬汁

平平地石燒牛扒，任食前菜，白飯同蕃茄牛肉湯，白飯可以加海苔粉。《牛肩排 180g》$80認可安格斯牛肉 Certified Augus Beef, 即係top 20% 左右，同USDA choice 差不多同級數，想食幾多成，自己燒。牛肩排特別之處係中間有一根透明的筋，不過本人覺得有點韌。《牛柳 200g》$110Excel Genuinely Better 呢個牌子無乜見過，牛柳油花比較少，但牛柳肉質同牛肉味都比牛肩排好，醬汁同牛柳都幾夾。總括嚟講，$100左右食半自助牛扒都算實惠。

又到了深水埗長沙灣去辦事，這次也在網上搜了一下，找到這家吃牛扒的牛極，便走過去看看！原來這裡是供應著一成熟的牛排，讓客人自行於熱石上烹調，能自己煮，好像很好玩呢！這裡的白飯、沙拉、麵豉湯和醬料等都是自助，可以按喜好、食量拿取。牛肩排 Top Blade Myscle uscle 180g $80$80就能以熱石燒牛扒，還能有自助吧，這個價錢真的蠻實惠的，牛扒品質也不錯。想多吃點肉還可以點300g或360g。牛柳 Tenderloin $110比起牛肩排我更愛牛柳，配上蒜蓉真的很不錯，還可以按自己喜好選熟度。燒久了熱石不夠熱也可以要求更換呢。

牛極係一間食石燒牛排的餐廳，採取自助形式，有點餐機：自助沙律、白飯、醬料：仲有牛肉湯都係任拎任添的！重點係牛扒價錢唔貴，$80已經可以食到。牛肩排（$80）及牛柳（$110），若你唔係大胃王的話，最小份量的180-200g已經好夠食。牛扒上檯時只有一成熟，其餘時間就靠呢塊熱石板煎熟，所以自己想食幾熟就幾熟。檯面上仲有粉紅岩鹽及黑椒等你調味，我就鍾意加少量黑椒更香。切開牛扒，真係medium rare，所以可以再煎多陣，$100左右價錢有牛扒食，都算係平價美食之選。

近期興起的石板燒牛肉店開得成行成市，今天終於有機會一試。入店內先到自助售票機購票，即使不懂使用售票機，熱心的店員也很樂意幫忙。先選擇想點的牛肉及重量，以現金付款，取票後交給店員，店員便會帶領入座。入座後自行取餐具及調味醬汁，三款醬汁分別有自家製燒肉汁、蒜蓉及辛味燒汁。每張枱上亦備有喜瑪拉雅山岩鹽及黑胡椒。湯、米飯及前菜沙律是放題形式任添任吃的。是日供應的是日式牛肉湯，味道似羅宋湯，味道濃郁，材料十足。前菜沙律是椰菜絲沙律，可自由添加芝麻醬或柚子沙侓汁。分別選了牛肩排和肉眼，牛肉煎香外層，以一成熟放上熱石板供應，讓客人能自行以熱石煎至自己喜歡的熟成度，牆上亦掛了烹調指示提示客人將牛肉切細以熱石烹調。牛肉肉質柔軟，並沒有因價錢而拉低食物及服務質素，性價比高，值得一試。

最近香港開咗唔少熱石牛扒專門店，仲帶起咗食牛扒唔再係奢侈嘅事。今日同A姐去到長沙灣嘅牛極，呢度嘅牛扒主要嚟自美國、紐西蘭同日本，分為唔同種類同唔同份量，再喺塊火山石板上煎熟牛扒，而飯、沙律同日式牛肉湯都係無限添加，好抵食！無限添加：日式牛肉湯 + 沙律 + 飯喺自助售賣機揀完嘢食同搵埋位之後，即刻去自助區睇吓有咩食！日式牛肉湯一打開就有淡淡嘅牛肉味，仲有紅蘿蔔、牛肉粒同洋蔥，真材實料。椰菜沙律，新鮮爽口，加埋芝麻醬，非常開胃！仲有珍珠米白飯任裝，送飯一流！牛肩肉牛肩肉連火山石板上菜，渣渣聲，仲鋪廚房紙，為免油四濺，大家仲可以喺自助區拎圍裙。牛肉上菜嘅時候只有一成熟，大家可以根據自己嘅喜好，喺火山板上面烹調，就唔驚會太生，或者太熟。如果覺得熱石板不夠熱，可通知店員更換。牛肩肉肉質亂畫，入口一點也不韌，肉汁多到瀉。A姐喜歡切成一粒粒，自製一口牛！牛柳牛柳比牛肩肉嘅油花較少，牛肉味重，質感較實，不過依然嫩滑，肉汁豐富！大家可以按個人喜好加喜瑪拉雅岩鹽同黑椒調味，味道更有層次！（記住Like同Share畀朋友）By A姐M佬 玩樂日記 www.aandmdiary.com

鋸扒新體驗-石燒牛! 一個價錢，就有一個極厚切牛排，之後沙律、湯、飯任食lol 最平$80～.見到有傳單，話新店開張$80有牛肩肉眼180g，一於試下。原本除了在深水埗，牛極在旺角及荃灣都有分店。.見到店內好石燒「炸炸聲」，聽見到令人食指大動。.有好幾款扒扒的，有最平的牛肩肉眼，到牛助骨排（short ribs)、西冷、牛柳。到較矜貴的日本和牛。也有不同的size 任君選擇，180g~400g。價錢也相應不同，由$80-$350。.我同朋友就試下最平的牛肩肉眼180g($80)及貴少少的牛柳200g ($120)。.石燒，幾成熟自己決定，自己做「廚師」煎牛排。點切都得，好得意的食法。.上菜時，牛排用紙巾cover 住的，防止啲油彈出，我都建議大家拿一個拿裙。香氣四溢，急不及待食扒扒了！.扒扒好厚身，切的時候有肉汁，感覺新鮮。上菜時大約1成熟，我就喜歡切成「一口牛」，我朋友就切成一片片。.個人覺得牛柳比牛肩肉眼重牛肉味，肉質感比較「實」；而牛肩肉眼較「韌」最重要因爲是新鮮，所以2種肉都好好食，個人覺得2者差別都不太大。有3款醬汁，大家可以去自助區拿。.在自助區，飯、湯、沙律是任食的。湯是

是日星期五，想簡單係屋企附近食個飯早d翻去休息，一直都好想試呢間自助鐵板牛，今晚終於有機會！一入到餐廳既右邊就會見到呢部自助犯賣機，都幾得意既，不過入錢有少少難，店員會assist. 有自助區，白飯、湯、沙律同sauce 任裝，不要浪費喔！牛肩肉眼比牛柳薄少少，韌少少，其實係比較有口感，但牛味香好多！比較堆介牛肩肉眼喔🥰牛柳肉質軟熟d，但真係無咩牛味，要加沾調味料先有味🤔師傅係廚房內只會煎香外圍，入面係全生的，上枱時只有一成熟食客可根據個人喜好煎熟🤘🏻性價比極高🤩🤩 $120已經有200g牛柳或300g牛肩肉眼‼️近近地想鋸個平民扒，絕對係唔錯既選擇喔👌🏻👍🏻

最近香港大熱自助燒牛扒店，對於我嚟個牛魔王嚟講真係好消息，今日特登帶媽媽去試嚟間店嘅流程係一入門口先用自動售票機揀啱心水牛肉類形同重量，總共有六款，分別係：牛肩肉眼、牛肋骨排、西冷、牛柳、日本和牛，同埋每月推介店內仲有提供一次性圍裙俾客人使用，非常窩心體貼之後就會安排入座，交埋飛俾店員就可以先去自助吧，自助吧有沙律、麵豉湯、白飯同檸檬水，都係任食任飲，唔洗額外俾錢，非常抵呀！牛扒會由師父煎至約一成熟，再放到烘熱至攝氏300度嘅火山石板上面。派餐時香氣四溢，師傅煎牛扒時會加自家製和牛牛油，令肉味特別香濃每次切一小塊牛扒放喺熱石上面，按自己喜好燒至理想熟度有三款醬汁可以比客人揀你自己想沾的牛扒的醬西冷-四四方方，賣相很好，肉味重，油花不算多，但分佈平均，而且最有彈性！牛柳-油花較少，但瘦得嚟很淋，超嫩滑，肉汁很多，好juicy按個人喜好加點喜瑪拉雅岩鹽同黑椒調味，更有層次感