香江花月 (百誠大廈)

營業中

休息中

今日同老公去撐枱腳，揀咗間主打精緻嘅火鍋試一試！餐廳氣派十足，裝修好精緻，每張枱都好有私人空間👍🏻一坐低就送上兩杯蘋果茶，淨係個杯都加曬分😍杯茶亦都好香甜清新👍🏻👍🏻佢哋湯底都有十幾款，款款都好吸引！最後我哋揀咗豚肉白菜鍋，個湯鍋中間有一大個切到成朵花咁樣嘅大白菜，旁邊加咗薄切嘅豚肉，淨係湯鍋都已經超打卡able!! 滾起後先飲兩碗湯，少少蕃茄嘅酸味配埋成個豬肉湯底，口感清爽但油膩，非常好飲！再嚟就到差唔多枱枱都叫嘅香江拼😍😍😍成個擺盤都好似藝術品咁，真係忍唔住影咗好多相先開動😂 呢個牛肉拼盤包括咗安格斯肥牛、牛小腿、牛柳粒、牛心頂、牛脷、手切肥牛、黑柏葉&牛白肉🤤 佢哋唔止賣相吸引，肉質亦都非常新鮮，最有驚喜係牛心頂，因為之前無試過～原來係咁爽口👍🏻 安格斯肥牛肉味濃郁，另外亦好鍾意牛柳粒同埋牛脷～跟埋餐廳提供嘅烹飪時間參考煮出嚟份外好味🤤🤤我哋仲叫咗白鱔同枝竹，白鱔夠厚切好肥美，枝竹就索晒湯嘅精華～兩個都係我哋打邊爐嘅好朋友😚呢間餐廳做咗好多打卡位，下次要同班girlfriend過嚟吹水食飯影靚相😍😍

今日終於嚟到打卡火鍋店「香江花月」打邊爐，其實Bookmark左好耐，這裏得裝修漂亮有格調，座位寛敞舒適。入座時每人會有一杯welcome drink 桂花蜜，用了一精緻的器皿盛火鍋湯底，我選了🔸黑蒜豬骨窩($328) - 蒜香撲鼻，非常足料的湯底，湯底有4-5塊大大塊豬骨，再加上蒜頭，黑蒜，杞子、紅棗熬製，我未開胎打邊爐就經已飲了兩碗湯，同把豬骨食晒，豬骨十分鮮甜，好好味。火鍋料🔸香江拼($798) - 香江拼擺盤非常精美，全部是為打卡而設，上枱是好有驚喜，這個香江拼，可以食到不同部位的牛肉，包括有安格斯肥牛、牛心頂、牛小腿、牛脷、黑柏葉、牛白肉、牛柳粒和手切肥牛，每款牛肉都肉味十足。由於每款牛肉涮的時間都有所不同，餐廳細心地提供了最佳涮出時間，十分貼心。有些部位不是很常見，如牛心頂 - 口感爽脆。牛白肉 - 屬於牛胸前的一小塊脂肪，只有肥大牛隻才有的稀有部位，看似肥膩，其實口感爽脆，勒勁十足，帶有天然牛油香味，我好鍾意🔸七色丸($98)全都都是墨魚丸，但每一粒都配用不同食材，做出不同味道，有鹹蛋黃，黑松露，椰芋，南乳，青咖喱，紅咖喱，蟹籽口味，七彩繽紛，打卡一流🔸香芳幻($88)椰

喂食Niki去搵好嘢食😋見到朋友喺社交平台 post嘅相好靚所以今日同幾個朋友一齊嚟呢度打卡💕注意：- 我覺得同女性朋友你會開心好多💃坐低之後侍應會比杯荔枝茶我哋飲個杯好得意有條金魚喺杯底，好似游緊水咁🐠秘製花雕豬肚鍋個湯好好飲啊，好暖身之後點嘅餸其實唔使加調味料都好夠味瑰洛月🌹個玫瑰花冰好靚斟水落去玫瑰冰嘅時候個玫瑰冰會出現煙成件事好夢幻鳳琉香飲品嚟到之後會有個侍應特別係杯上面用機器射出泡泡呢個時候要捉緊機會影相📸️因為個泡泡好快就會爆破😅牛小腿$138牛嘅雪花都好多好有牛肉味海鮮串串$298鮑魚，海蝦🦞，帶子，魚肚，脆肉鯇魚🐟，魷魚🦑，土豆🥔，雞髀菇🍄海鮮有陣時都好怕麻煩，預先搞好一串串，可以食好多唔同種類嘅海鮮，都係一個好選擇👍🏻最後埋單嘅時候佢會比張明信片🎑我哋，可以寄返俾自己。原本以為過幾日就收到點知等咗一個月，如果可以快啲收到就好了。服務方面呢度嘅侍應都好殷勤，會推介我哋特別嘅菜式，亦都會時常留意幫手收碗執枱。整體來講呢間餐廳無論食物質素，服務態度，環境衛生我都好好，推介同女性朋友嚟開心打卡📷