尚鮮海鮮料理

正式秋天終於黎到🍁秋意十分明顯，朋友相約喺佐敦一間人氣頗高嘅火鍋店打邊爐🍲佐敦其實真系好多好野食，位置又理想。尚鮮海鮮料理地方吾大，個人欣賞地方私隱度較一邊火鍋店高，吾會好嘈。湯底有吾少養生之選，適合著重健康嘅人💪🏼另外見到牛肉類有牛尚盛有勁多款牛肉，都咪話吾正🤩湯底系姫松茸冬瓜湯+三高茶什菌湯，姫松茸冬瓜湯聽個名都知滋補😆姫松茸味道香濃，冬瓜肉淋淋哋ok。三高茶什菌湯好清，淡淡清香。田園蔬菜盛仲要有機，蔬菜都可以好食過人😁🌽🥬🍅有粟米、菜、蕃茄等等，非常健康的配搭。火鍋店都食到脆肉鯇🐟脆身程度就一般，魚肉味正常。丸類打邊爐一定要叫😆鮮打四寶丸有牛丸、豬肉丸、墨丸、蝦丸，幾款丸類彈牙入味，尤其蝦丸真系吾錯。黑豚肉片配火鍋夠曬高級🐷豬肉好靚，脂肪部分多，整熟後好味道。呢度牛肉有好多款選擇，我哋叫咗牛三拼，牛三拼有雪花牛柳粒、特尚手切牛、本地手切牛，特尚手切牛脂肪分佈十分均勻😍牛柳粒好有嚼勁，本地手切牛都吾錯。餃子要咗雙拼，有木耳鮮蝦雲吞同埋西洋菜香菇餃。鮮蝦雲吞鮮蝦爽口新鮮，有埋木耳絲好健康。西洋菜香菇餃香菇味突出🍄有家常風味。…查看更多

今晚同細佬去了佐敦食呢間尚鮮海鮮料理，今次係第一次食這裡的火鍋，有驚喜。可能我們早到，所以不太多人，店員好有禮貌，經常幫我們加水和聊天本Menu好厚，好多選擇鍋底雙拼：秘製傳統土鄉清湯+血池麻辣湯清湯好清甜，又多皮蛋和豬肉；而麻辣湯，辣椒愈泡愈辣，有點麻辣感，口感我最四式丸尚盛有鮮牛丸、松露豬肉丸、墨魚丸和芥末籽蝦丸，全部都係新鮮手打丸，夠晒彈牙，真系好食，跟出面食到既口感完全唔同牛三拼有雪花牛柳粒、特尚手切牛和本地手切牛；牛肉真係唔錯，肥瘦均勻，纖維豐富，油潤甘香。田園盛（有機）有3款時菜、蘿蔔、4個超甜粟米和3個蕃茄，好滿足台式鴨血店員和我們說，一定要放係麻辣湯耐D，估唔到越耐越好味五味豚拼盤有豚肉片、黃沙豬膶、豬皮、越式扎肉和豬頸肉等。豬肉片肥瘦層次分明，肉味濃郁有嚼口。豬膶新鮮，豬頸肉嫩滑，豬皮好爽口，索晒湯汁嘅精華，好惹味店員更和我說豉油是老闆自己炒，唔快之得味道唔會太鹹，另外麻辣湯底是也自家出品，仲可以買幾包回去呢…查看更多

呢幾日天氣轉凍咗，最啱就係打邊爐。今日嚟到佐敦呢間火鍋店，裝修闊落舒服，入面唔會好大油煙味，坐得非常舒適。✨牛三拼分別有雪花牛柳粒，特上手切牛同本地手切牛。一上枱隔離座位嘅客人都忍唔住話啲牛好靚。牛肉肥瘦相間，油脂分布均勻，而且份量都好多添。我最鍾意食佢嘅得特上手切牛，牛肉唔會切得好薄，咬落口牛味濃郁，肉汁充足，真係好好食。✨四色丸尚盛呢個手打丸拼盤好特別，每一種丸入面都有唔同嘅內餡，分別係金沙鮮牛丸、松露豬肉丸、甜薯墨魚丸、芥末籽蝦丸。我最鍾意食嘅係芥末籽蝦丸，入面嘅芥末籽味道比較溫和，用嚟襯蝦丸，令到個味道更加鮮甜，非常唔錯！✨木耳鮮蝦雲吞&西洋菜香菇餃木耳鮮蝦雲吞入面真係有超大隻蝦，而且木耳爽口，個皮夠薄，拎嚟打邊爐非常之啱。西洋菜香菇餃係素餃黎，西洋菜嘅味道唔算好濃，而香菇食落去有少少肉嘅質地，但係由於呢隻餃係冇肉既，食落去好清爽！✨鮮炸脆響鈴呢度嘅響鈴係即叫即炸㗎，一上枱已經聞到勁香。食落去同出面自己買嘅完全唔同，炸到好鬆化，但質地比較紮實，食得出腐皮既豆香味～✨田園盛呢個蔬菜拼盤超足料，有蕃茄、蘿蔔、粟米、生菜、娃娃菜、油麥菜！而且全部都塞到滿哂，啲菜仲好新鮮！粟米超甜，就連平時我打邊爐唔係好食粟米嘅都食晒！…查看更多

好耐未打過邊爐，搵左呢間好評如潮既餐廳同朋友試下，就係佐敦附近，交通方便～餐廳環境：餐牌入面既食物都好吸引，揀左湯底先：個皇牌之選- 龍皇海鮮鍋好似好正咁！ 於是我地揀左黎試下。先上湯底：龍皇海鮮鍋睇落去好足料，龍蝦好多肉，湯呈金黃色，入面仲有其他海鮮材料，飲落好鮮甜，係濃濃海鮮既鮮甜！海蝦都好正～牛柏葉：好大碟，size都好厚好大片鮮味好爽口！牛三拼： 雪花牛柳粒、特尚手切牛、本地手切牛好有牛味！有脂肪分佈、唔怕靭、都唔油膩！鮮打四寶丸：（牛、豬、墨魚、蝦丸），漸變顏色咁樣排列，賣相都好靚，亦都好有光澤！食落都起晒膠、好彈牙！新鮮！白鱔片：切得夠薄、一拾就好快熟，而且好爽口、亦都冇泥味清潔得好好好鮮甜！木耳鮮蝦雲吞：都好唔錯，蝦好甜西洋菜香菇餃：都好香菇味～田園盛： 娃娃菜、蕃茄、雞髀菇、粟米蔬菜料吸收湯嘅精華一齊食總結：呢間係一間有心機嘅火鍋料理，個湯底十分正！d配料都唔錯、新鮮！…查看更多

打邊爐一向都係我既至愛，過一段時間就想打返個邊爐。今日就揀左呢個尚鮮，因為睇中左佢既燉湯系列。我地最後揀左養生既川貝海底椰燉鱷魚肉。跟住叫左牛肉三併，四色丸，雙併餃，菜，午餐肉，蜂巢豆腐，金菇等等。。。好豐富呀～～～生啤而家做緊優惠，買一送一🍺🍺🍺出得黎食就要蠔一蠔佢，幾鮮甜😝😝😝未打邊爐之前就試左個燉湯先，飲得出好足料。我飲左2碗湯😛😛午餐肉砌得好靚，粟米好甜好味道。牛三併-三種唔同口感同味道既牛，滿足食牛既朋友仔。四色丸-d丸全部都係有餡，隻隻都唔同，好特別。好似粒牛丸，以為流沙蛋黃，原來唔係，係1/4個蛋黃係入面，好應節（sorry, 聯想左月餅🥮）。好有特色既四式丸，唔係度度都有。最後一提，個鍋真係好大，未試過咁大個鍋，感覺好似全部野放哂入去都夠位，打得好暢快。早場或夜場仲有discount。…查看更多

早前和兩位朋友一齊來到尚鮮打邊爐，印象中我好像沒有來過無煙火鍋，所以當我入到酒家門口，聞唔到陣陣油煙味，感覺不錯。店舖座位不太多，幸好我朋友醒目，一早 book 定位，因為去到 8 點左右就 full 晒啦。每張枱都幾大，座位係梳化椅，大大張坐得幾舒服。上菜之前我們可自行配搭豉油的材料，記得早點整呀，因為上菜時會拿走的。 火鍋的湯底是尚鮮龍皇海鮮湯。不過，原來在正式打邊爐之前，我們先飲碗龍蝦海鮮湯啦！濃稠的海鮮湯混合了新鮮龍蝦、大蝦和蟹餚成，而沒有添加任何味精。湯的味道很香甜濃郁，仲有一些海鮮肉的鮮味，好好飲。龍蝦和蟹都大大隻好多肉，肉質鮮甜。清酒冷鮑魚 - 其實我有懷疑過，鮑魚係咪已經煮熟，不過為安全起見，我們一致認為要煮一陣至食。涮過的鮑魚味道較淡，已經食唔出酒味，但肉質都很新鮮而有嚼勁。牛三拼：有特尚手切牛、牛邊位、安格斯牛柳粒等。牛肉都相當新鮮，脂肪都均勻分佈，薄切的牛肉很快便熟了，唯牛柳粒需要涮欠一點，咬落去都幾稔易入口，都幾有牛肉的鮮味。四色丸尚盛：包含金沙牛丸、黑松露豬肉丸、甜薯墨魚丸、玫瑰鮮蝦丸。每粒肉丸很明顯係人手搓的，並非批發的現成貨，肉質都相當彈牙爽口，肉質都頗稔。墨魚丸裡面有少少紫薯蓉添，都幾追得上紫薯潮流喎，但係最衰我點了豉油，就食唔到裡面粒紫薯係乜味啦。另外仲有黑松露豬肉丸，可能太好食的關係，都俾我兩個朋友搶先食晒 lu。燒芝心獅子九卷 - 裡面有芝士，岩晒我呢個芝士怪啦，尤其在涮熱左之後，咬落去有些芝士流出，好味道。田園盛 - 有生菜啦、有蘿蔔啦、有粟米啦、有冬菇和雜菇等，份量十分豐富，材料都相當新鮮。百花釀油條 - 呢個我勁推介！平凡的油炸鬼，釀了蝦肉後味道更鮮甜，鍾意涮火鍋又得，就咁食都得，因為釀蝦肉已經煮熟。每件油炸鬼炸到脆卜卜，但我覺得放在火鍋浸稔左就浪費了脆卜卜的口感。鮮炸響鈴 - 涮過都仲好好味喎，感覺上仲減少左油膩感~原來呢晚我們三個女生，唔覺唔覺已叫左好多野食，個個食到捧住個肚走。呢餐均人消費約 300 多，價錢實在唔平，但勝在食物質素夠新鮮。…查看更多