My Burger (東廣場)

營業中

休息中

繼續喺東廣場發掘美食，今日行過呢間burger，聞到好香決定試吓。打開餐牌，見到好多唔同款式，有傳統嘅牛肉漢堡，又有特色啲嘅咕嚕雞肉漢堡。我就叫咗牙買加辣雞漢堡。嚟到見到大大份，裏面有烤雞扒、生菜、蕃茄、沙律醬，幾惹味，不過我覺得雞扒乾咗啲。價錢都算幾實惠，單買$49如果加埋湯同埋沙律，就+大約$20。間鋪呢唔算好寬敞，不過裝修都算有特色，有美國風味，如果通風做得好啲就好lu，因為食完成個身都有浸味。

🍍菠蘿烤雞漢堡 $52😋：8.5/10菠蘿夾burger真係好fresh而烤雞就好juicy一啲都唔會乾仲勁大塊 凸晒出黎仲大過塊包！啲個包都好正 係有烘過個底～所以底塊包皮係脆脆地而且成個包都好大夾埋沙律醬同埋生菜成個包超豐富不過佢咁厚食到我好呢hea🤣但真心高汁！🐥牙買加辣雞漢堡 $49😋：8/10呢個包食落比較重口味係會咸辣味重啲同埋食落塊雞會乾身啲就冇烤雞咁juicy塊雞都幾入味下不過佢都有沙津醬襯番個包所以整體食都唔會乾～辣得幾惹味😚加唔同價錢會有唔同既set分別叫左薯條+飲品set (+$20)同埋雞翼+飲品set (+$22)👉🏻薯條係好粗身 而且食得出係好鮮炸薯仔味都好重☺️👉🏻雞翼係水牛城雞翼 雞翼成隻都勁入味🥴都很不錯特飲就係跟餐就半價既～🥤熱情果梳打 $34（跟餐+$17）食burger就係會想飲有汽既！佢會將用淨既果罐梳打汽水比埋你～本身未加就好夠味Fill埋果一半汽水就唔太夠味不過咁就唔會咁甜不過食炸嘢飲汽水真心爽🥴🥤Oreo朱古力奶昔 $38（跟餐+$19）佢既奶昔都幾就色！好濃味😚落足料飲落仲有粒粒oreo碎增添口感👅：大大個burger仲要加錢轉set真係

今日想食漢堡包呀🍔起觀塘站行五分鐘就到東廣場食食呢間My burger 雖然鋪仔細細 但可以睇出店內有掛裝飾 俾客人坐既凳仲係鐵通 有種近歐洲工業風裝潢叫左個大啡菇芝士牛肉漢堡同埋牙買加辣雞漢堡🍔然後起等待包包期間 好快就送上左沙律 有碗細細既沙律菜給左胡麻醬仲有塊蕃茄 唔會好hea 幾好首先講下佢個大啡菇芝士牛肉漢堡🍔牛肉好厚身漢堡裏邊有蕃茄洋蔥芝士大啡菇煎得好香口 幾種味道匯集起來好Match 正正叫餐配左汽水 有埋薯條 🍟 炸得內皮脆內裡蓉軟 然後講埋佢個牙買加辣雞漢堡🍔一黎到俾佢個樣嚇一嚇因為佢膚色好黑黑 不過食落超香雞表面滿滿既香料同雞肉兩者配合得非常融洽燻烤過呢種香料既雞雞真係辣得過癮 係我鐘意既香辣 唔係辛辣唔係麻辣 超滿足 如果之後黎觀塘想食漢堡包 我會想返黎呢度食返辣雞漢堡

1.牙買加辣雞漢堡（$49)🍔👍🏻
張相已經話到比你知，塊雞扒有幾大塊，仲用左牙買加香辣香料醃製，超級惹味！！！😍😍😍包一樣出色，🍞麵包面底都焗過，食落去外脆內軟，超高質！！！🤤🤤🤤不過如果你唔食得辣，就建議揀其他，初時食（食開小辣嘅朋友仔）仲會接受到，但食完辣味就會不斷湧出，好個引！😋彤樂評分：10/10
2. set menu：A.薯條＋飲品（$20)🍟飲品就係汽水，不過薯條真係脆、粗、長！！！好食！彤樂評分：9/10
.
成日都係咁嘅價錢，抵食！


之前係東廣場搵食已經成日見到 My Burger 好多人食，加上好耐冇同朋友食Burger，所以今晚決定食 My Burger 啦。My Burger 有不同款式的包，唔想食包都仲有All day breakfast，價錢尚算合理。磨菇牛堡 - 用料充足新鮮，磨菇加上牛的口感一流，加上個包都好軟熟，值得一試。牙買加辣雞漢堡 - 雖然雞肉有少少太熟，但肉質都算滑，加上牙買加香辣香料絶對夠惹味。唔記得影薯條，但都影左個洋蔥圈。洋蔥圈味道唔錯，但個人較鐘意跟返薯條多D。黑醋粟果茶 - 因為唔想飲汽水，所以同朋友都想試下飲茶，味道唔會太甜，而且可以添飲，算係唔錯啦。洛神甜梅茶 - 最初以為D杯茶會係甜，但原來都係偏酸，個味其實同黑醋粟果茶差不多。整體而言，雖然唔算特別平，但Burger 質素唔錯。餐廳唔適宜坐好耐傾計咁，但食物都係值得一試的。

觀塘返工既好處就係附近多野食！今日lunch去左試間漢堡店～ 店唔算大，但都算坐得舒服唔會話好逼。我同朋友一行兩人，試左兩款唔同既漢堡。友人試左經典牛肉，不過佢係偏食既人，所以走晒蕃茄同菜，只剩包+牛+牛油+芝士佢話幾好味，牛肉唔會太乾，幾香，都幾多肉汁，可以一試！我就愛辣，所以試左牙買加辣雞，佢地個包同平時果啲唔同，都幾好咬口，不過一上發現砌到好核突變左菜還菜，肉還肉咁咬，都幾狼狽下。佢啲菜都幾大片，幾新鮮；塊雞就少少辣，偏乾，麻麻地。個醬都冇咩味。佢啲包都係加$20 可以轉套餐，我地揀左加$20 配薯條加汽水。呢度係用粗薯條，新鮮炸既，上果陣熱辣辣，好食！總結覺得個薯條做得比較出色，漢堡就一般。

只愛吃中菜的爸爸工作關係在外吃飯，於是和媽媽去試一些其他菜式，太太提議my burger。店內有高枱也有普通枱，各式其式，裝修帶點舊美國風，為店鋪營造一點主題和氣氛。記得之前lunch時吃過牙買加辣雞漢堡，所以這次試試其他的，最後order了蘑菇洋蔥牛肉漢堡，也是很好吃。其實這樣的配搭也是很classic的配搭，它的汁很香，吸收了汁的洋蔥變得更可口。 加二十蚊配套餐有薯條/薯圈/洋蔥圈 和 飲料，和外面的鋪頭相比也不算太貴，而最特別的是這裡也有一些手工啤酒，我亦選了一款來試試，有點花香的，味道也比普通啤酒更豐富，值得一試。 

今日黎到東廣場，聽聞有間隱世漢堡店晚上7點已坐滿。等左一陣先可入坐聽見個個都叫牙買加辣雞漢堡，就叫左黎試下，同叫左一條魚等左10分鐘左右就有呀，即叫即整睇上去個雞黑黑地，唔知仲諗住燶左所以就上google神望一望原來係用香料煙熏起來所以黑色。牙買加喔，香港少有香辣得黎又特別，食落去真好味如果食得辣既，呢個係幾好的選擇因本人食得好辣，下次叫加辣先。唔錯唔錯下次再黎

人工手製漢堡包最近成為了我頗為喜愛的菜色之一，不同的手工漢堡包店在香港九龍各地都不乏捧場客。之前在牛頭角光顧了一間手工牛肉漢堡包的小店，今次在觀塘一間廣場地下吃到另一款人手烤雞肉漢堡包。觀塘這個東廣場跟牛頭角的得寶商場一樣，只算是二線商場，人流和風頭被旁邊的大商場搶走了不少。觀塘在午餐時間後，人們大多返回工廠大廈工作，下午茶多以外賣為主，商場食肆舖面不會再聚集太多食客，職員都可以有更多心機跟你解釋和推銷。跟牛頭角的「漢堡X」和一般快餐店一樣，觀塘「My Burger」都是先點餐付錢，然後再領取食物。我竟然一時忘記了，還以為去一般餐廳食飯，坐低點了菜後還在呆着，等到店員提點後才如夢初醒，急急付錢再取食物。可能我最近很少食快餐了，麥X勞連同KXC最近兩個月都只吃了兩三次，我連快餐店飲食的基本步驟程序也幾乎忘記。真的很對不起，我在Openrice還是喜歡一般餐廳的點菜模式多一點。「My Burger」的漢堡包價錢比「漢堡X」貴了一點點，細看餐牌上的價錢曾經貼上貼紙，看來這店菜式價錢曾經作出改動，是漢堡包太受歡迎還是通貨膨脹的關係，就見仁見智了。不過「My Burger」餐牌選擇亦比「漢堡X」