富臨皇宮

轉天氣 秋風起 就當然要食大閘蟹☺️☺️原來依家啲大閘蟹任食 咁豐富😍🫛手拍青瓜⋯⋯好新鮮 勁爽脆🌶️麻辣鴨絲⋯⋯夠哂入味 🍍菠蘿生炒骨⋯⋯有啲失準☘️生拆蟹粉扒豆苗⋯⋯呢碟好正 有食唔完嘅菜🥦蠔皇原只鮑魚⋯⋯飽魚入哂味😋但西蘭花太硬🪿金陵片皮鴨賣相一百分💯鴨皮夠脆 片得夠薄 加上少量油脂夾埋配菜 醬料 人間美食😋😋🦀大閘蟹一口氣 叫左六隻🦀🦀🦀🦀🦀🦀熱辣辣 香噴噴上台☺️☺️隻隻拆開 都會漏膏🤤🤤口水跟住蟹膏一齊流啲膏仲要多到 漏左系只碟$498+1 任飲任食 款式多到食唔哂 又有汽水 啤酒任飲 有豆苗 鮑魚 片皮鴨 大閘蟹樣樣都十分出色 👍🏻👍🏻份量超大抱住個大肚腩出門口 可以下次再戰🤤🤤🤤一大班人食應該更開心🥳…查看更多

我哋去到天水圍探朋友，因為老人家比較多所以我哋去咗酒樓食飯，一家大小都啱食！初頭見到食評咁差都有卻步，但因為想坐得舒服啲嘅關係就試吓啦！唔知係好彩定係咩，食完之後我整體嘅感覺都非常之好，決定寫一篇幫佢大平反一下！酒樓就係商場嘅一角。晚飯時間已經坐滿左人，唔少人都係預訂枱來。初頭以為集團式都好貴，點知原來勁多燉蛋小菜燒味等，全部都一百幾十好抵食！其實仲有好多好抵食嘅選擇，影唔晒要咗個晚飯孖寶，燉湯加琵琶豆腐只係148。原本係配魚湯，我哋加左＄40，要咗螺頭燉湯。材料十足！而且一啲都唔油膩！入邊有大量嘅姫蟲茸同埋螺頭豬展等材料。啖湯真係好甜，飲完唔口渴。我哋四個人，每人分到兩至三碗。呢個就係燉湯孖寶，職員將湯分好之後將材料放上碟。勁大碟！下方就係琵琶豆腐，熱辣辣，豆腐混上魚肉碎好鮮甜。另一個晚飯孖寶就係龍蝦伊面配燒味。我哋揀咗用芝士焗伊麵。芝士份量好多而且芝士味好濃郁，每一條伊面都掛上芝士。龍蝦肉都好多！彈牙！絕冇將價就貨。龍蝦伊面孖寶嘅燒味我哋揀咗配乳鴿。兩樣夾埋只係＄238！乳鴿唔係太大隻所以肉好嫩！乳鴿唔需要額外再點淮鹽或者係喼汁已經好入味。不錯！另外仲叫咗片皮鴨，只售＄148！職員將一整隻乳鴿推出來，響顧客枱邊將皮一片片片開。最後配上薄餅同京蔥海鮮醬食。薄餅熱辣辣，而且有兩籠，唔使怕唔夠薄餅。食飯點少得要叫返個菜平衡一下。我哋清清地叫咗上湯蝦干雜菜煲。蝦乾都好大隻， 而且富有蝦嘅鮮味。湯底清甜，仲有我好鍾意嘅腐竹同雲耳，夠晒健康！呢度晚飯嘅甜品仲好抵食！呢個燉雙皮奶只係$10.8!係即叫即整，要預早20分鐘order。黎都仲係有保鮮紙包住。好滑，奶味濃郁！食過今餐晚飯後，我覺得食物嘅質素好好。唔明白點解之前咁多負評！值得一提係呢度嘅服務質素都好好。有安排入座、到坐低點嘢食、到埋單，店員反應都好迅速，而且笑容可恭，中間仲不停主動幫我地換碟。綜合食物嘅質素價錢同埋服務我都好滿意。希望可以keep到水準，媽媽仲準備母親節話來食多次飯。…查看更多