2020年12月2日之前見到有個四人套餐都好似幾吸引，於是今晚決定黎食。由於政府實施限聚令，每張枱只能坐兩個人，唯有分兩張枱坐。呢個四人套餐價錢係$888 ，有頭盤 - 醬燒BB乳豬 拼 素鵝丶海蜇。有湯 - 原窩花膠螺頭雞湯 。仲有三個主菜，翡翠蝦球桂花蚌丶北京片皮鴨一隻丶蟲草花蒸沙巴班。當晚仲加多左個口水雞，最值得一讚係呢條魚，非常滑，好好味，肉質鮮嫩。而花膠螺頭雞湯好足料，好多螺肉，花膠一般。片皮鴨今次有d失準，有輕微生，紅紅地。翡翠蝦球桂花蚌整得幾好，蝦夠大隻丶新鮮。桂花蚌份量多。但係頭盤份量比較細份，我覺得份量不足以四人食，分量多d就更加好。乳豬整得幾好，皮脆肉嫩。不過整體上都好滿意，服務態度好好。 …查看更多
