農

營業中

休息中

老人指定動作，一家人就係食中菜今晚成餐飯，我最鍾意嘅係「爆汁乳鴿」啦！呢個真係最好食嘅！乳鴿外皮煎得好脆，每一啖都好香口！其次中意就係「火雲叉燒」，肥瘦岩岩好，叉燒肉質嫩滑多汁，燒得啱啱好，最緊要無濃邊！不過，有啲菜式就一般般啦，譬如「蒜蓉香辣鳳爪」，我覺得普通喇，無必要係呢到食。「田園炒菜」都係麻麻地，真係太油膩，真係唔啱老人家。我地都試左「巴蜀擔擔麵」，麵條本身都係大路野，唔係重點。最緊要係個醬汁，可惜就係有啲唔夠濃郁，我覺得可以再多D麻醬或花生醬。老人家又話秋天點都要食蟹，如果你鍾意蟹嘅話，可以試下「蟹粥」。都係普普通通喇，可以再多啲蟹粉，就更加厚實啦～最後，最最最緊要～～一定要試下「口水彈蛋（鵪鶉蛋）」！呢個真係最難食，個味非常奇怪，怪到我地全家都懷疑佢擺耐左！如果有勇暫有機會食，真係不妨分享下你食到咩味，睇下係我咁唔好彩，定係真係有怪味。

今天去咗一間新派中菜餐廳食午餐，點咗幻彩金鉑蝦餃、乳鴿、蟹粥、轟炸魷魚鬚、南瓜角、爽脆海蜇頭和豬手片！首先是幻彩金鉑蝦餃，外表彩色繽紛的蝦餃看起來就超吸引人！咬落去，鮮嫩多汁的蝦肉，配上綿密的餃皮，真是美味絕頂！接下來是乳鴿，肉質鮮嫩多汁，有水準。蟹粥也是一道獨特的菜品，粥的湯底濃郁鮮美，裡面還有大塊的蟹肉，吃起來鮮甜順滑，給了我一種濃厚的海鮮風味。轟炸魷魚鬚和南瓜角都是一道道創意菜。轟炸魷魚鬚的鮮脆口感真是讓人愛不釋手。南瓜角則是外酥內軟，吃起來甜甜脆脆，帶著淡淡的南瓜香氣，絕對是一個驚喜。爽脆海蜇頭和豬手片都是涼拌菜，非常清爽。海蜇頭口感脆爽，配上醋味的調料，十分開胃。豬手片則是酥軟多汁，入口即化，吃起來真是美味無比。總的來說，這家新派中菜餐廳絕對是一個美食新體驗！

假期入左大埔踩單車，入夜就去左科學園食晚飯，估唔到原來科學園都幾多餐廳，今次搵到間農家菜，超有驚喜😍爆汁乳鴿咬開真係爆肉汁，火喉燒得岩岩好，皮脆肉嫩，乳煲更加係由自家農場14日穀飼既BB鴿🐦而且店家仲準備左即棄手套真貼心，用手食乳鴿零舍滋味鹵水豆腐鹵得好入味，而且豆腐好滑，軟硬適中爽脆海蜇頭麻油味好香濃，海蜇頭口感爽脆，味道鮮甜，做前菜一流拉絲啤梨（芝士）青青綠綠啤梨外型超可愛，糯米外皮入口煙韌唔會太厚，內餡係拉絲芝士，甜甜咸咸既味道幾得意沙薑懶人雞何謂懶人雞？雞肉已經預先去骨，第一次食炸子雞類既菜式會係無骨🐥😂啖啖肉，而家雞皮好脆好香，雞肉脂肪唔會過多，細細既薑粒係雞肉中間，更加中和到膩感肉骨茶超吸睛紫砂茶壺造型🫖將肉骨茶湯倒入功夫茶小杯，每次細細啖更加飲得出肉骨茶濃濃既胡椒同當歸味，而且係紫砂茶壺中既湯水保溫非常厲害，就算食到飯餐尾段啲湯仲熱🔥魚香棋子初初睇到菜式名既時候係一頭霧水😂果然係魚香茄子既friend😆沾滿炸漿既厚切茄子片炸得香脆唔肥膩，上面佈滿魚香肉碎，咸咸香香，係魚香茄子既變奏版田園炒花青苗（XO醬）花青苗好特別，一般餐廳實在少見，有啲似超迷你翠玉瓜既口感，XO醬少少

科學園對於我呢啲市區人嚟講真係好～遠～平時最常經過科學園嘅時候就係踩單車嘅時候喺外圍經過😆真係一次都冇踏足過科學園嘅內部！嗰日咁啱約咗一個喺科學園做嘢嘅朋友食飯就由科學園地膽帶我覓食食好西😎唔嚟真係唔知道原來入面有咁多餐廳！朋友知道我鍾意打卡 所以帶咗我嚟呢一間靚靚新式fusion中餐廳——農🤍店舖嘅面積都算大 位置同位置間都幾寬敞 仲有户外位置添🍽️而且入邊燈光明亮 天花板上邊仲有啲類似太陽能板嘅裝置郁緊 我估係配合返科學園呢個科研匯聚地方嘅主題🤣而menu方面真係有好多唔同嘅選擇🤩由前菜、小炒、肉類、海鮮類、飯麵類、湯品、甜品到飲品每個category都有至少3至4個菜式供客人選擇～可想而知成個menu究有幾多樣野食😂使用QR code落單 仲可以好方便咁睇到唔同餸菜咩樣 好user friendly👍🏻揀到我同我朋友選擇疲勞🥱火雲叉燒 $238見到個名嘅時候已經覺得好架勢 所以就叫咗嚟試吓點知一上枱嘅時候 佢竟然點火🔥😱佢個叉燒真係好啱我胃口 因為我本身唔係好好食肥膩嘢唔會有太多肥膏得嚟 啖啖肉 肉質又唔會好韌 完全贏得我歡心😍漁公火箭桶 $88漁公火箭桶即係魷魚筒🦑好impres

今日去左白石角探朋友原來隔黎嘅科學園有好多餐廳！我地揀左農呢間中菜館食點心🥢.🌟蒜蓉香辣鳳爪鳳爪係用蒜蓉辣椒醃製少少辣🌶️ 而且冇骨好易食.🌟口水彈蛋 呢個用咗鵪鶉蛋製成皮蛋 再加埋麻辣醬 一粒一口 非常惹味😋.🌟汽鍋雞汽鍋雞用左紫砂茶壺盛載🫖 好保溫唔會咁易凍裏面喺椰子雞湯 充滿椰子味🥥加埋雞肉落去煲 令到個湯更加鮮甜.🌟鴛鴦薯酥外層紫心蕃薯再包住黃心番薯🍠外型好似鹹水角 可以一次過食到兩種番薯 好有心思😳.🌟爆汁乳鴿凡惠顧兩位送乳鴿一隻肉質嫩滑 非常入味👍🏻.🌟火雲叉燒 叉燒上枱後店員就會點火🔥 氣勢一流半肥瘦叉燒大大嚿 肉質彈牙加埋醬汁一起食味道更加濃郁☺️.🌟避風塘軟殼蟹軟殼蟹炸得好脆 再加埋大量嘅蒜蓉🦀🧄非常惹味 份量又多 值得推介🌟蓮藕苗炒臘肉 我地第一次食蓮藕苗 原來非常嫩而爽脆加埋臘肉炒送飯一流🤩🌟烈焰菠蘿炒飯 呢個炒飯係打卡之選📸原隻菠蘿上枱再點火🔥成個菠蘿火光熊熊 非常吸睛🍍炒飯用上瑤柱、蛋、菠蘿 粒粒分明又有鑊氣🌟貓山王榴槤 外型非常精緻 係充滿榴槤味奶凍啱晒鐘意食榴槤嘅朋友😉.🌟牛榛仔 呢隻可愛嘅牛牛係朱古力流心包🐮一啖咬落去朱古力醬就流晒出嚟🍫所以食嗰陣時要小心啲

👦🏻👧🏻第二次嚟到沙田「農」中菜館食晚飯，最令我哋念念不忘嘅係爆汁乳鴿同農仔荷葉飯，同埋呢度舒服嘅環境，室內有大量卡位，仲有戶外位置可以選擇。爆汁乳鴿 皮脆肉嫩，超多肉汁🤤，而且鹹度適中，必食！檸檬鳳爪爽脆彈牙嘅無骨鳳爪，配上檸檬嘅酸甜汁🍋，仲有啲辣味。口水彈蛋(鵪鶉蛋）鵪鶉蛋晶瑩剔透🥚，蛋黃有溏心既感覺，配咗辣椒油，一入口就覺得超級辣🥵，但質感幾好食。拉絲啤梨（芝士）啤梨外層質感似鹹水角🍐，脆脆地同有啲煙韌感，入面係芝士拉絲🧀，有芝士嘅鹹香。上面啤梨定係用朱古力百力滋，造型可愛😆！火雲叉燒上枱時店員會用火槍點着叉燒底盤，營造火焰效果🔥，再自行淋上甜豉油。叉燒頭尾位脂肪較瘦，中間既叉燒肥瘦相隔，配上甜甜嘅豉油汁。氣鍋雞用茶壺載着椰子雞湯🥥🐤，令雞湯保持熱既温度。椰子味香濃，打開茶壺見到雞肉好足料，俾我地飲到一滴不留😝！鹽焗聖子聖子肉脹卜卜，肥美多汁，簡單嘅鹽焗製法保留左聖子嘅鮮味😍。田園炒花青苗(X0醬）口感爽脆🥬，xo醬惹味。農仔荷葉飯荷葉飯份量多而且非常足料！有冬菇、蝦肉、雞肉、瑤柱絲等等，真係色香味俱全😍！BB雞（流沙奶皇）雞仔造型超級可愛啊🐣！包身軟熟，入面有流沙奶黃，仲有啲蛋

科學園農餐廳提供多款特色農家菜,採用時令當地食材,味道鮮美。今日和家人去食多款菜式，他們也十分享受 ！爆汁乳鴿肉質滑嫩多汁,配上檸檬鳯爪酸甜開胃。盤栽冰菜清脆爽口,牛油果蝦春卷外脆內鬆。懶人雞用沙薑調味,肉質軟嫩,搭配傳統肉骨茶最佳。鹽焗聖子肉質鮮美,XO醬烹調的田園炒花青苗香氣濃郁。瑤柱菠蘿蛋白炒飯口感豐富變化,奶皇流沙的BB雞外皮脆香,肉汁馥郁。椰香拉絲充滿椰香口感酥脆,桂花和白桃烏龍茶香濃郁,是餐後消食佳品。農餐廳用心烹調,為食客帶來頂級的農村美食體驗，剛巧在科學園湖邊，一邊看着優美風景一邊吃着新鮮的菜色，別有一番風味。

🐤BB雞 $49除咗賣相可愛 估唔到味道都💯 流沙奶皇餡料 奶皇同蛋黃味夠濃郁👍🏻🐮牛榛仔 $49牛仔造型 榛子朱古力餡料🍫 一met開朱古力醬爆哂出嚟💥🍍烈焰波蘿炒飯 $128上菜之後待應會點火 非常吸睛以瑤柱蛋白炒飯 蛋白好香 炒飯粒粒分明 配上大量嘅菠蘿粒 酸酸甜甜非常開胃！😋🔥火雲叉燒 $238 上菜時職員會即場點火 唔怪得叫做火雲叉燒啦！上網見到叉燒係以西班牙伊比利亞🇪🇸黑毛豬代替一般嘅叉燒 半肥瘦厚切 食落啖啖肉 *只供晚市🐓 氣鍋雞 $78以紫砂茶壺嘅造型🫖湯呈奶白色 濃郁香滑 椰子味好香🥥見到湯渣好多 非常足料 好好飲😋🔶爆汁乳鴿 $68火侯啱啱好 肉質嫩滑多汁 夠哂惹味 店舖仲有提供手套 夠哂細心🍠鴛鴦薯酥盆栽嘅造型🪴泥土係朱古力餅碎 配上三件蕃薯酥🍠外表鬆化 又唔油膩👍🏻內餡係蕃薯泥 質感綿密 甜度啱啱好 🚀漁火箭桶5大條魷魚筒🦑 以竹籤串住 真係成枝火箭咁大！質地爽口彈牙 不過食落都幾辣🌶️ 唔食得辣嘅要小心！🥦求其芥蘭 $68芥蘭翠綠爽脆 好有鑊氣！食落sok sok聲 仲要𠝹咗花 一啲都唔求其🥬 盤栽冰菜 $58冰菜真係唔係周圍都有🧊 食落爽脆 配上日式芝麻醬

🖐🏻蒜蓉香辣鳳爪 $68🥚口水彈蛋 (鵪鶉蛋) $48辣辣哋 冰涼清新嘅前菜🥣氣鍋雞 $78好特別咁用紫砂壺上保溫效果好到我哋食到最後一道菜都仲係暖嘅質地偏濃稠厚身 而且有好濃郁嘅椰子味依家有個特別優惠係兩位惠顧就會送1隻乳鴿～🍗爆汁乳鴿乳鴿烤到油令令色澤光亮肉質鮮嫩彈牙而且鎖住到肉汁 🍐拉絲啤梨 $48原本以為咁精緻嘅啤梨造型入面會係啤梨蓉 但原來係拉絲芝士 超級有驚喜！外殼好似鹹水角 香脆軟糯帶啲甜味裏面嘅芝士好香奶味 上面仲搽咗枝朱古力百力支 增加甜味得嚟毫無違和感！🍄松露懶人雞 $148揀咗半份都超級多料～懶人雞係完全去骨嘅 直接啖啖肉大大塊雞皮切成一格格正方形 薄脆可口唔會過份油膩下面蓋住撕成一條條粗條狀嘅雞肉 嫩滑有口感中間仲收埋咗啲沙薑粒同埋青瓜絲黑松露唔淨係喺雞皮上面有細細篤 而係撈勻咗喺雞肉裏面真係啖啖都有黑松露菇菌香味🦀️避鳳塘軟殼蟹 $108軟殼蟹炸到鬆脆可口 薄薄炸皮入面係鮮嫩嘅蟹肉表面鋪滿避風塘嘅重點——辣椒同大量炸蒜！令整體層次更豐富之餘都超級惹味🍍烈焰菠蘿炒飯 $128火焰菠蘿非常吸睛 隔離枱兩個姐姐都喺度偷影我哋個飯😌掀起菠蘿蓋入面其實係入面其實瑤柱蛋白炒

難得去到科學園， 今晚就到"農" 食晚餐，位於沙田白石角香港科學園第二期科技大道西10號浚湖樓地下S041A號舖。 科學園這邊環境舒適， 餐廳讓人有度假的感覺。"農" 是一間主打農家菜的中菜館， 菜式是由利苑廚師班底主理🧑🏻‍🍳， 款式亦有很多。晚餐🥢 ～ 爆汁乳鴿、 檸檬鳳爪、 口水彈蛋、 小豬嘜叉燒包、 火雲叉燒、 氣鍋雞、 鹽焗蟶子、 田園炒花青苗、 烈焰菠蘿炒飯、 貓山王榴槤、 瑰荔堂煌、 桂花烏龍。 🔸爆汁乳鴿 ～ 乳鴿肉質嫩滑， 肉汁非常豐富。 🔸檸檬鳳爪 ～ 口感彈脆，酸香美味。 🔸口水彈蛋 ～ 其實是鵪鶉蛋， 口感Q彈，麻香味濃， 辣中帶香。 🔸小豬嘜叉燒包 ～ 叉燒包有可愛趣緻的造型， 小豬嘜好睇又好味， 叉燒餡料很豐富。 🔸火雲叉燒 ～ 店員送上叉燒之後，會在客人面前點上火， 製造火焰效果非常有氣氛， 酒香更能帶出肉味，叉燒味道甜甜的，肉質鬆化。 🔸氣鍋雞 ～ 用紫砂茶壺承載的湯， 保持湯的溫度， 湯料豐富， 椰子的甜和雞肉的香兩者味道好夾 ，湯頭好鮮味。 🔸鹽焗蟶子 ～ 味道鹹鮮， 原汁原味。 🔸田園炒花青苗 ～ 第一次食花青苗， 口感爽脆，用xo醬炒，越食越惹味

近年科學園開左好幾間好靚嘅餐廳, 今晚附近街坊帶路, 黎到FARM食飯, 據說店家嘅菜式非要精緻, 就咁睇menu圖已經教人垂涎三尺🤤. 我地坐喺靠落地玻璃梳化位好cozy呢, 好鐘意樓底咁高嘅餐廳.🫖冷泡茶天氣咁熱, 一人at least飲一枝冷泡茶, 既解渴又解肥膩.🥢爆汁乳鴿 如題, 皮脆, 乳鴿肉一啲都唔Dry, 感覺每隻乳鴿都揀過, size比較平時酒樓食嘅大隻, 連翼尖都有肉食, 成件乳鴿肉亦好易咬出. 而家門口寫住每2位就送一隻好抵.🥢氣鍋雞以紫砂茶壺🫖keep住雞湯溫度, 隨時斟出和黎都可以熱辣辣地飲. 煲到白色嘅清甜濃香嘅椰子🥥雞湯好味又健康.🥢我地食左蒜蓉香辣鳳爪同冰菜li兩款小食, 即使係小食個擺盆都好靚呢, 鳳爪充滿蒜香+辣好惹味, 冰菜平時好少見到梗係try try, 原來用一個放滿冰底嘅缽插滿哂芝蔴醬涼拌冰菜爽口美味.🥢甜甜嘅鴛鴦薯酥: 好cute地將3件甜薯酥放喺”花盆🪴😂”睇真啲係滿滿oreo碎, 我地仲點埋啲碎食yum.🥢必食之選避風塘軟殼蟹勁有避風塘feel, 超多炸蒜粒辣椒粒, 2隻肥美軟殼蟹切半都好大隻啖啖肉, 推介; 另外XO醬炒花青苗同樣驚喜

今日去科學園揾舊同事聚舊，佢地推介食呢間高水準中菜館，餐廳裝橫幾靚，食物選擇好多，有多款特色創意菜式，我地試左以下幾款💕爆汁乳鴿🐥即叫即炸，一上枱熱辣辣，皮脆肉嫩，香口多汁香口明符其實嘅爆汁💕蒜蓉香辣鳳爪蒜香味很濃，帶點微辣，味道幾惹味💕盆栽冰菜🥬擺盤好靚，冰鎮冰菜一上台好似茂盛盆栽，非常之翠綠新鮮，入口爽脆多汁，再加上沙律麻醬汁，讓人胃口大開💕湘炒筍煲🍲筍好新鮮香脆，份量算足料，調味適中帶點甘辣，好惹味💕拉絲啤梨🍐三大粒啤梨造型的點心，多層酥脆，內裡清甜軟糯，我好喜歡🤩💕沙薑懶人雞🐔上層係炸子雞的薄脆雞皮，下層喺拆曬骨啖啖雞肉嘅手撕雞，唔怪之得叫懶人雞🤣沙薑味幾濃郁，份量都幾多💕氣鍋雞🥣呢個湯好有驚喜，以可愛的茶壺盛載，椰子味超香濃，雞湯香甜，每飲一啖都好滋潤💕鹽焗聖子聖子粒粒都非常大隻，肥美肉厚，啖啖鮮味爆汁💕烈焰菠蘿炒飯🍍一上枱，店員為原隻菠蘿淋酒點火，火焰菠蘿即刻震撼眼球，非常有氣氛而且好吸精，內裡嘅瑤柱菠蘿蛋白炒飯非常足料，炒得夠乾身，粒粒分明，亦富有蛋香，值得推介💕猫山王榴槤造型可愛逼真，榴槤味非常濃郁，榴槤控實鍾意💕柚子花精凍味道清甜，帶有淡淡柚子清香，口感彈牙如果凍💕白

成日睇IG都覺得呢間餐廳好吸引，食過先知道佢真係睇得又食得😍～火雲叉燒🐷半肥瘦嘅蜜汁叉燒🍯，好食得嚟又有視覺享受🤩爆汁乳鴿🕊️星期一至五每枱兩人就送一隻👍🏻，新鮮出爐熱辣辣，外皮香脆裡面好juicy💦小豬嘜（叉燒包）叉燒香甜而且肉質鮮嫩，造型精緻🐷烈焰菠蘿炒飯🍍視覺效果幾震撼🔥，而且用上新鮮菠蘿塊去炒飯，特別鮮甜😋肉骨茶燉湯🍖用茶壺上嘅香濃肉骨茶，保溫又吸睛🫖田園炒花青苗（XO醬）青瓜苗好爽脆，配上XO醬、磨菇同三色椒，好惹味🥒🍄盤栽冰菜🥬好少見嘅蔬菜，冰涼又爽脆，好消暑🏖️口水彈蛋🥚金黃色晶凝通透嘅鵪鶉蛋，入口彈牙又帶點麻辣🌶️鹽焗聖子🐚肉質鮮嫩，記得要趁熱食貓山王榴連🍮賣相好精美嘅榴槤布甸，每口都充滿榴槤香🤤牛榛仔（朱古力流心)香甜嘅朱古力流心包，入口似食緊金莎朱古力🤭白桃烏龍：冷泡茶入口有桃香，好fresh🍑瑰麗堂皇：清香嘅玫瑰冷泡茶🌹，女士之選～

之前老細請我同其他同事黎呢間食lunch，都覺得佢啲食物唔錯，所以今次我帶朋友黎呢度食dinner，估唔到平日夜晚都幾多人黎科學園呢度食飯，今次試咗好多唔同款式嘅野，樣樣都幾有水準，有啲賣相仲好得意🌟檸檬鳳爪叫咗呢個酸酸地嘅開胃小食，鳳爪去哂骨，食落爽口🌟盤栽冰菜第一次食冰菜，外表幾特別，葉同莖都佈滿了晶瑩剔透嘅水珠，加上底下冰鎮住咁一盤上，真係幾似盆栽，而冰菜原來好有營養🌟拉絲啤梨Share俾朋友睇時，佢地真係俾個賣相呃咗以為係真，實際上係一碟點心，食落有啲似甜版鹹水角，入面係拉絲芝士，而個啤梨柄係用朱古力百力枝整，呢碟睇得又食得🌟爆汁乳鴿呢隻乳鴿係因為兩位堂食就送，外皮少少脆，肉質入味而且仲好juicy，所以無需配淮鹽🌟松露懶人雞（半隻）懶人雞即係去骨手撕雞，雞皮油脂唔多，炸到好香脆放喺面，而底下蓋住嘅係充滿好香黑松露嘅雞肉，雞肉醃得幾啱味道🌟肉骨茶呢個係馬來式肉骨茶，藥材足料，味道香濃，用紫砂茶壺裝住幾特別🌟鹽焗蟶子鐵板裝住一堆鹽，上面放咗8隻蟶子，一來保持度溫度，二來有少少鹹味可以吊出蟶子嘅鮮味🌟田園炒花青苗（XO醬）未食過呢隻菜，所以叫黎試下，口感有啲似豆角，而配埋三色椒同菇