老厝邊

營業中

休息中

餐廳：老厝邊地點：銅鑼灣渣甸街菜式：古早味台灣菜餐牌：牛肉麵，便當類，粉麵類，飯類，蛋餅類，炸物類，拼盤類，涼菜同小食類，價錢平民。飲品有柚子，珍珠，爽口，鮮奶，古早味，蜂蜜，鮮奶茶同果汁。無加一。招牌牛三寶麵 $86牛三寶即牛腱，牛筋，牛肚。厚厚嘅牛腱有兩大件，少肥多瘦，食落都稔帶牛筋。牛筋有三大件左右，超稔滑，入口即化咁滯，好正。牛肚都有三大件，厚身大塊，質感都幾好。蔬菜有小棠菜兩條同清甜白蘿蔔一大舊，葱花鹹菜放係匙羹度另上。麵可選不同口味湯麵或者拌麵，我揀左蔥油乾拌麵，麵條上嗮色，幼身較淋，味道好入味，好惹味。香噴噴炸雞排 $42香噴噴炸雞排兩大塊，一開四。連皮炸，炸得皮脆肉嫰，無雞胸肉架，味道剛好唔過鹹。香蔥牛肉起司蛋餅 $44香蔥牛肉起司蛋餅熱辣辣上枱，一客六件已經切好。薄薄嘅外皮煎得少少薄脆，入面有層薄薄雞蛋，加上入面有香蔥，牛肉同芝士，食落蛋香十足，牛肉乾身口感絲狀，外皮少脆而內餡豐富。點另上嘅香汁提味之後更加好味！燙青菜 $26燙青菜係生菜加上少少醬汁，有微微蒜蓉味，健康好味。總括而言，食物味道好好，價錢非常實惠。小店用餐時間60分鐘，星期五晚市六點幾已經要等位。

餐廳：老厝邊地點：銅鑼灣渣甸街菜式：古早味台灣菜餐牌：牛肉麵，便當類，粉麵類，飯類，蛋餅類，炸物類，拼盤類，涼菜同小食類，價錢平民。飲品有柚子，珍珠，爽口，鮮奶，古早味，蜂蜜，鮮奶茶同果汁。無加一。半筋半肉麵 $78半筋半肉麵有牛腱同牛筋各三件。牛腱非常稔，仲食到有筋，滿滿骨膠原，好味道。牛筋好有彈性，味道入味。麵可選不同口味湯麵或者拌麵，我揀左蔥油乾拌麵，麵條上嗮色，幼身較淋，味道好入味，少少辣，好惹味呀。鹹菜放係匙羹度另上。我覺得蔥油乾拌麵加鹹菜味道好好。蔬菜有小棠菜兩條同白蘿蔔一大舊，最後灑上葱花。呢碗麵保持一貫水準。起司肉鬆蛋餅 $40起司肉鬆蛋餅一客六件已經切好，入面有勁多肉鬆同芝士！薄薄嘅外皮煎得薄脆，微微燶，入面有層薄薄雞蛋，加上拉絲芝士同肉鬆，口感層次豐富。點另上嘅醬汁提味之後更加好味！燙青菜 $26燙青菜係生菜加上少少醬汁，有微微蒜蓉味，健康好味。柚子芒果冰沙 $32柚子芒果冰沙用外賣膠杯裝，係好香甜柚子味既冰沙，有好多碎冰咬，叫左微甜同微冰，甜度適中。椰果蜂蜜檸檬 $24椰果蜂蜜檸檬下底好多爽口椰果粒。飲品顏色呈淺黃色，味道酸酸甜甜，一樣叫左微甜同微冰，甜度適中。總

想快速係銅鑼灣醫肚除咗粉麵店外呢間都係選擇之一一個人叫左個細滷肉飯不過不失滷肉飯相對一定會帶多一點肥肉味道稱職 飯粒口感ok健康一點叫了一個青菜因為滷肉飯相對濃味所以青菜就不要任何醬油了想叫多一個小食但蛋餅又太飽最後決定叫肉鬆皮蛋豆腐呢個小食屋企都容易整到最緊要係睇個醬汁呢到醬汁係用左麻醬我自己就唔太喜歡會偏向喜歡蠔油豉油麻油的醬汁而豆腐夠滑 整體都係幾抵食的小食之前已食過總店一次個次有試埋蛋餅味道都係一般屬快速醫肚 諗唔到食咩的選擇之一