Green Orange

朋友話今晚請我食生蠔，本身仲諗點解無啦啦咁豪氣😳原來上環竟然有餐廳係1蚊1隻生蠔😱法國1蚊生蠔 ⭐️⭐️⭐️⭐️⭐️只要嗌主菜或二人餐就可以享受1蚊隻生蠔嘅優惠，咁睇梗係要食啦！我哋每人嗌咗3隻，我鍾意食海水味濃嘅生蠔，簡單落檸檬汁就食到佢嘅鮮味，真係太抵食啦🦪黑松露蟹肉多士 ⭐️⭐️⭐️⭐️⭐️蟹肉好多但黑松露味唔算好重，不過咁樣反而食落好清新，配埋泳料有青菜、青瓜同小蕃茄，夾埋法包係一個好好嘅前菜👍🏻燒BBQ美國豬肋骨 ⭐️⭐️⭐️⭐️超大份量而且勁厚肉嘅豬肋骨，燒烤程度剛剛好唔會乾！我自己鍾意食醬汁，所以如果佢可以更多醬汁會更好！值得一提嘅係薯條係超班馬，香脆度同調味都係一流❣️阿根廷紅蝦海膽扁意粉 ⭐️⭐️⭐️⭐️⭐️紅蝦大大隻，經過烤焗後肉質彈牙好新鮮，偏綠色嘅醬汁好濃郁，而且扁意粉掛汁效果好好，係一個令人滿意嘅意粉👍🏻長腳蟹配蟹膏忌廉汁意大利飯 ⭐️⭐️⭐️⭐️⭐️長腳蟹唔算好大隻，但鮮味足夠！意大利飯al dente程度剛剛好，連埋大量蘑菇同芝士嘅忌廉汁，落少少Tabasco更正🤣焙茶焦糖燉蛋 ⭐️⭐️⭐️⭐️焦糖燉蛋唔會太甜都ok~ 呢度有畫碟服務，但畫功就略嫌普通簡單，不過審美觀呢樣嘢各有各唔同嘅🤣

好耐冇食過Green Orange啦 之前系附近工作成日食 咁岩經過上環 又可以encore啦😋🦪法國 吉拉多 生蠔 $138 (2隻)幾爽口 味道鮮甜 海水味濃 又肥厚加少少檸檬汁 好fresh😇食完之後餘韻仲系口腔到👏🏼🐥煙燻水牛城辣雞翼 $78一字骨 方便食 味道辣辣地 幾開胃 🍄 黑松露蟹肉沙律多士 $95多士脆脆 上面鋪滿左黑松露醬 以為會好膩 松露太搶 但加入車厘茄 沙律菜 又幾balance 好清新既感覺🦐燒阿根廷紅蝦海膽扁意粉 $278有4️⃣隻紅蝦 幸福☺️肉質彈牙 有啲火炙香味海膽醬creamy 好有飽腹感🍖燒BBQ美國豬肋骨 $288好大嚿😂肉嫩BBQ sauce入面加左啲蕃茄粒 味道特別啲薯條新鮮炸好 好食配菜都有心思 全部烤過 好似食bbq咁👍🏻💭餐廳環境舒適 又靜靜地 幾岩黎食下野 傾下計🤪

- 上環｜Green Orange -「LUNCH SET」▪️是日餐湯🥣、餐包🍞、廚師沙律🥗是日餐湯係蘑菇湯，入口綿滑，味道香濃。另外仲有件蒜蓉包，幾香口，啱晒點湯一齊食。而沙律亦都好新鮮▪️慢煮北海道帶子配芝士檸檬忌廉汁意大利飯🧀🍋🍚有四粒帶子，煎得外面少少焦香，入面保持鮮嫩。意大利飯熟度唔錯，微微硬，幾有咬口，配上芝士檸檬忌廉汁，檸檬味幾出，感覺好清新▪️燒BBQ美國豬肋骨🐷豬肋骨塗滿BBQ醬，食落肉質軟腍。伴碟除咗有香脆薯條，仲有蕃茄、西蘭花，同埋醃青瓜，可以中和膩感▪️熱檸檬茶🍋▪️熱檸檬水🍋Green Orange📍上環永樂街50號昌盛大廈2樓

這間高級餐廳位於上環的昌盛大廈，主打精緻的意大利菜式，提供多款紅白餐酒。店內環境寬敞舒適，裝潢以陸歐式為主，擺放燭光充滿浪漫氣氛，適合約會或慶祝。晚市時段設有二人套餐，亦有單點項目的餐牌，甜品更可特別要求畫碟慶祝生日。是日餐湯 - $58/1是日為幼滑細膩的洋蔥忌廉湯，伴隨著淡淡洋蔥的香甜。香煎北海道帶子沙律 - $168四粒肥美飽滿的刺身級帶子嫩滑富彈性，有著純淨的甘甜；新鮮翠綠的沙律菜伴以酸酸甜甜的果醋，還有芒果肉、車厘茄及蟹籽等等。燒BBQ美國豬肋骨 - $288超大塊豬肋骨油花分布均勻，口感軟嫩不柴，充滿豐富的肉汁，輕易便切出骨肉分離，塗滿惹味的美式BBQ醬充滿鹹香；金黃酥脆的薯條特別有口感，更撒上調味粉，還有一大塊蕃茄扒香甜多汁平衡肉膩感。北海道帶子忌廉意大利飯 - $228四隻雪白厚肉的鮮帶子煙煙韌韌好香甜，粒粒圓潤飽滿的意大利米吸滿濃稠的忌廉芝士汁，還有青醬酸勁的草香好清新。意大利提拉米蘇 - $88傳統意大利甜品，撒滿濃郁的朱古力醬，濕潤的手指餅吸飽醇香的咖啡汁，還有幼滑細膩的Mascarpone芝士富奶香。焙茶焦糖燉蛋 - $78琥珀色的焦糖好香脆，帶有一股焦香味，甜