麵鮮醬油房周月 (海光街)

營業中

休息中

🇭🇰麵鮮醬油房周月·呢間我之前啲同事好鍾意食 不過因為我自己唔算好鍾意醬油底既沾麵 所以我已經好耐冇食過啦🤣🤣之前係附近唔知食咩好就決定再食佢 我自己覺得鰂魚涌分店好食過中環個間😈😈不過唔知係咪太耐冇食 佢加咗價 我覺得佢好似貴咗好多咁🫢·燒黑豚沾麵$136 l 香蔥拉麵$102我自己覺得佢個沾麵好食啲 因為佢個麵質真係勁彈牙 口感好好 而且好掛湯🍜之後佢個湯底係真係食得出佢個帆立貝油既香味 係有少少背類既回甘 我自己幾鍾意 之後佢個燒黑豚係燒到好香口 有入口即化嘅感覺嘅 不過就真係偏肥少少🐷🫢另外一個香蔥拉麵真係超多蔥 所以係連個湯底都好香蔥味 不過原來呢個拉麵係真係得蔥同拉麵既姐 係無豚肉既 所以我自己覺得真係唔係咁抵食🙊🙊·#rbyeat#rby日本菜 #rby拉麵#rby鰂魚涌 #rby銅鑼灣 #rby中環·📍鰂魚涌海光街30號地舖📍銅鑼灣景隆街30-34號海殿大廈地下6號舖📍中環歌賦街5號地舖

聽同事講鰂魚涌有間好出名既沾麵店，日日lunch都排晒長龍難得今日早收工，就過黎試試佢餐牌選擇唔多，主要都係沾麵同拉麵。每種沾麵同拉麵都可以簡濃汁，淡汁。而沾麵仲可以簡冷湯定熱湯同埋份量（100g,200g,300g) 建議最少嗌200g份量，因為我本身簡周月沾麵100g, 但店員建議一般都會嗌200g, 因為100太少而男朋友就簡左燒黑豚肉沾麵。有凍水供應，同埋店員會將麵擺上枱，客人要自己拎個麵返自己枱，十足十日本既拉麵鋪男朋友嗌既燒黑豚肉沾麵，其實只係比我嗌既周月沾麵多3舊豬腩肉😅貴25蚊不過舊肉都幾好味，半肥瘦，又夠厚，25蚊3舊，都可以接受既 講返個沾麵汁，好濃郁，入面有d豬肉粒同蔥。就咁飲就太濃太咸，配上麵條就成個balance返味道。 麵條有咬口，但又唔會死死實實，幾煙韌溏心蛋熟度岩岩好 男朋友200g麵唔係好夠食，建議男士們可以嗌300g食完d麵之後可以叫店員拎清雞湯，倒入沾麵湯，就可以飲。同事話加左清雞湯就會變左周月拉麵個湯底，個人覺得都係偏咸，下次可能要嗌返淡味總括而言，味道幾特別，有日本風味，價錢略嫌少貴，性價比不算高。不過係冇得去旅行既時候，黎感受下日本風情都係唔

沾麵我食唔少，暫時食過最好食係深水埗某商場入面嘅沾麵小店，今次就試下周月。睇到門口有幾多米芝蓮推介，就估到應該唔會差得去邊。一入到店內要量體溫方可入座，每三個座位有一塊隔板隔住，都算衞生。廚房係開放式，完全可以睇到師傅製作工序同準備材料。之前唔知脆筍原來要事先炒香，真係大開眼界👀❤️ 燒黑豚沾麵 $119揀咗濃汁同涼麵。周月嘅沾汁比較濃香而且獨特，每啖都有好濃鮮味；原來係因為加入咗沙甸魚粉及鮪魚粉，再加入咗帆立貝油去令沾汁味道昇華。沾汁內有幾條豚肉同脆筍。麵條方面亦相當講究，麵條粗而有硬度，可以話係相當有煙韌。味玉唔算係好完美，醬油味唔突出。麵上亦有三塊燒黑豚，黑豚食落有炭燒味，富有油香，但燒得偏乾身。加$26蚊比三細片豬唔太值，下次會叫返‘周月沾麵’🤨好食度：⭐️⭐️⭐️✨(3.5/5)✅食完麵後可以叫侍應喺沾汁中加入雞湯。❤️ 香辣沾麵 $93面層有層好厚嘅辣油，個辣味比較單調，辣味蓋過本身沾汁嘅味，後勁強。唔食辣嘅朋友盡量唔好試，有一定嘅辣度！😅沾汁入面嘅肉偏肥，而且份量好少。好食度：⭐️⭐️⭐️(3/5)餐廳推薦度：⭐️⭐️⭐️(3/5)雖然係米芝蓮推介，但我覺得水準一般般，有少少失落。

今晚終於黎試呢間攞米芝蓮既周月沾麵啦。叫左周月沾麵同燒黑豚沾麵，後者只係比前者多左三塊黑豚，但黑豚肉真係好好食，好嫩滑，入口即溶。我嫌沾麵汁有d咸，其他都好滿意。特別係可以揀100/200/300g既份量，滿足晒大細食既人。