蟹膳

結婚周年，老公話帶我食好西！經店員介紹，我地決定食啖啖肉嘅鱈場蟹set.頭盤，先黎個海膽蟹肉粟米凍湯。一開始有點擔心，以前飲過蕃茄凍湯，覺得湯係要熱先好飲。店員說明綠色三點係密瓜味，拌勻一齊飲。在沒有期望下，非常喜出望外。粟米味香甜，海膽甘香，蟹肉夠鮮，每啖仲飲到密瓜香味，層次分明之餘又非常match！我係松子仁愛好者，加埋落去好加分！燒蟹腳，肉會相對難拆少少，有點痴殻，但絕對不影響味道。蟹肉鮮甜，再帶有燒的香味。店員介紹可以點醋或者滴少許檸檬汁，但建議先試了原味。我非常認同不沾任何汁，因為蟹本身真係好鮮甜，反而試過點醋後覺得會喧賓奪主。由於最近皮膚易出瘡，我最近都唔敢食炸物，但呢個天婦羅令我愛不惜手。天婦羅是熱呼呼，薄薄嘅脆面配上啖啖厚蟹肉，雖然炸，但又唔覺油膩，仲食到蟹甜味，一流！店員介紹炸蛋黃要一啖食，因為裡面係流質，但就不燙口，沾上少少綠茶鹽即可享用。女士都可以一啖食哂！口腔內咬開蛋黃汁四溢，當然充滿蛋香，外層脆就固之然啦，食落中間有層蛋黃封住蛋黃汁，三重質感。其實食緊蟹天婦羅，我已經開始飽，都叫老公幫手食，但佢話每款佢都覺得各有千秋，叫我自己食埋。最後三件疏菜天婦羅，同樣沾綠茶鹽。先見到綠色一塊，老公話食完唔知係咩疏菜，眼望外圍，有點似炸過的秋葵，但形狀不似瘦長的秋葵，呢個係圓圓的，咬開，見到好多蟹肉，又係啖啖滋味。之後問返店員，原來係用紫蘇葉包住。老公都好欣賞南瓜同蕃薯天婦羅，但我就覺得蕃薯比較甜，變相南瓜稍為遜色了一點。整道天婦羅非常讚，食完無覺得熱氣、油膩，脆面厚度剛好，不同材料會建議食客配天婦羅汁或綠茶鹽，食得出經過精心考慮。店員介紹完Shabu-shabu 材料後，會幫忙先放所有疏菜和蟹肉餃於鍋內，隨後就自行放蟹肉入去烚。昆布湯底，不加味精，可以食出蟹本身的鮮甜，而今次沾醋食會提升鮮味。烚蟹相對較燒的食法容易拆肉，基本上我都一大塊肉拆出黎，食落好滋味。疏菜待吸收蟹味後，咁食法就好甜。店員再用剩湯煮粥，我地選了稀粥，感覺似湯飯。不加任何調味而煮成，可以食出蟹有多鮮。應該所有人食到最後一道已經好飽，所以店員會主動提議食客take away剩餘的粥。食埋柚子雪葩和芝麻雪糕，真係大滿足。老公話最初會諗淨食蟹會否唔夠，但試過就知，係飽有餘的。好欣賞一款蟹用上多種煮法，每款食法都有驚喜，亦絕對保留到蟹的鮮甜。服務水平很高，店員為每道菜作出介紹，不時加茶（我飲水/茶的速度是很快的）。由於周年紀念，當然會拍下一些照片，店員還會貼心取角度呢！不論食物或服務都係一流！…查看更多

Auntie喺某飲食雜誌睇倒一編介紹蟹膳既報道，所以就帶埋XO仔去試新野。因為想襯未坐滿客人既時候影多幾幅相，所以當日好早就到左，點知老細之一既Tim好客氣地帶我地周圍睇。閒談中得知蟹膳係佢同位叫Kelvin既朋友一齊開既，我地去食嗰日都只係開左四個月倒；佢地另外重有兩間喺銅鑼灣同大坑專食牛肉既分店。三間舖既牛肉全部都係由仙台黎，日本嗰邊同佢地簽左張獨家專營權合約。環境衛生：滿分非常傳統既日式正門，入到去已經可以見倒餐廳既主打，蟹！活生生咁喺個池到玩！餐廳中心係張吧枱，每個位都有一個爐，中間永遠都有個人幫客人手。樓上有三間房，分別係比六人，八人，同十人用既；最低消費為六千，八千，同一萬（等同一人一千，其實入得黎好容易就過）。地方打理得幾乾淨，而且碗碟擺設都好別緻，睇得出佢地花左好多心思。服務：滿分餐廳入面全部都係後生仔女，意外地個個都好落力，而且非常友善細心；唔知係咪因為老板喺到既關係呢？見女士們一抽二抽，佢地好自動自覺地攞左幾個黑箱黎比大家擺野。我地研究餐牌既時候，佢地都會解答我地既問題，順便介紹佢地既招牌菜。食物黎到重好有心機地教我地不同既食法。味道：四分　蟹肉豆腐：熱食既前菜；微甜既蟹肉湯同豆腐本身好清淡，所以另外跟左碟紫菜比大家自己加料調咸Ｄ，幾得意。　燒鱈場蟹：雖然都食得出蟹既甜味，不過就乾左少少，感覺好似有少少“口徒”料囉。（先扣半分）　鱈場蟹天婦羅：蝦天婦羅就食得多，鱈場蟹同溫泉蛋天婦羅都係第一次食倒，真係食過返尋味呀！雖然經炸過，但係鱈場蟹都能夠保持嫩度，第一讚！天婦羅炸得一Ｄ都唔油膩，層粉又夠薄，所以好脆好鬆化，非常香口，第二讚！用綠茶鹽作為鱈場蟹既調味料之一，新潮得黎又不失和風味，果然潮得起，第三讚！北海道既溫泉蛋都可以造埋流心天婦羅（又名「炸蛋（炸彈）」），配搭新穎，第四讚！（加返被扣嗰半分）　鱈場蟹火鍋：蟹肉鮮甜，唔洗講野，食野得啦！好夠份量既蟹膏就用左黎煲粥。　仙台牛肉火鍋：牛肉賣相夠哂marble，食落重好軟熟，肉味都好濃mmm…不過可以再切薄少少。　蟹肉湯餃子：可能因為之前嗰幾道餸實在太精彩，真係食唔出餃子入面既蟹肉味。（又扣返一分）　蟹膏粥：好足料，而且簡直係甜到入心呀，無得彈！　柚子Sorbet：從未食過咁多柚子肉既柚子Sorbet架，正！後記：1) 雖然開瓶費為每樽$150，但係酒牌上既酒種類唔多，客人好難唔帶自己既酒bor。例如：香檳只係得兩款，唔係Dom Pérignon就係Krug，Sake就好似得三款。不過值得一提既係Auntie留意倒Sake牌上居然有一款街都冇得買既「十四代」，聽講話要網上投架。2) 為保證Ｄ蟹夠新鮮，佢地逢星期二四六入貨，多客嗰個禮拜重會入四日添。3) 普通唔飲酒，如果一人叫一個餐都要成千蚊落樓，感覺可能好貴。不過諗深一層，佢地既材料全部都係日本空運過黎既，鱈場蟹同仙台牛都真係好新鮮，而且食完餐飯大家都好飽，所以覺得價錢其實算合理既。…查看更多

灣仔一條很普通街上,背著福臨門既高級食肆, 出現了它.......蟹膳 曾經去過多次日本, 最喜歡吃到新鮮海鮮, 來到這裡令我想起在三角市場吃鱈場蟹的日子,進入門口, 一個大池裹面大約幾十隻游水鱈場蟹, 自己好架勢,點了一個鱈場蟹餐鮮蟹肉豆腐- 蟹肉清甜沒有帶走豆腐香滑, 很匹配鱈場蟹腳刺身- 老闆話人太多這個菜式做不來, 有幸我一早6:00來到, 可以試到, 我覺得跟日本吃差不多, 一定用新鮮才有肉質實身既感覺燒鱈場蟹- 日本用炭燒的, 雖然這樣沒有但已經做得好好, 燒既火喉不會太過時, 肉質彈牙, 蟹肉新甜, 夠水份不會太乾身鱈場蟹天婦羅- 估不到炸粉很薄很脆, 另外, 在外面從未吃過溫泉蛋天婦羅, 小心熱, 蛋黃滿瀉.....鱈場蟹粥- 如果已經很飽不要放兩碗飯來煲粥, 清而鮮甜.蕃薯雪榚- 日本蕃薯雪榚.... 正勁滿足一天…查看更多

與好友M及C公子一行三人一齊晚飯，M帶我來此處，完全不知道『福X門』後有間食蟹專門店。點了一個鱈場蟹套餐：~~~1蟹肉豆腐豆腐不是凍食，豆腐是熱食配類似蟹肉羹，放紫菜同食。2燒鱈場蟹(蟹腳、蟹鉗)蟹肉頗鮮甜，又啖啖肉，好正。3鱈場蟹天婦羅炸過的蟹肉亦另有風味，仲有一款蛋黃天婦羅！好特別！似食炸彈！值得一提，有一個葉子包蟹肉的天婦羅︳炸得好好味。4鱈場蟹火鍋都幾大碟，烚左好耐才食完，搞到餐飯食左二個鐘！5蟹肉湯餃子只有四大隻，餃子包住的蟹膠好彈牙，但好好味！6雜菜盤好正常的一盤蔬菜，又有三數種菇類，最得意係有好一種好似粗粉絲的物體，熟左會似一條好長透明滑潺潺的鼻涕！好得意！7雜燴粥所有食物食完，才用蟹黃煲的粥，又係要放紫菜同食。8甜品雪糕(有三種口味芝麻、綠茶、蕃薯)或柚子雪芭本身好鍾意食蟹，乜蟹都鍾意食。呢餐真係食得好開心，啖啖都係蟹肉！我個肚入邊全部都係蟹肉啦！謝謝M請我食餐咁正的蟹宴！HAPPY！(又：鳴謝C公子拍的照片)…查看更多

第一次品嘗日本鱈場蟹，用不同烹調方法去食，好有新鮮感！每隻蟹超過2kg, 一隻蟹足夠兩人食。第一道菜燒鱈場蟹香噴噴， 蟹肉豆腐粉絲煲啲豆腐好正，蟹肉鮮甜就不用多講。啲蟹糕多到成個殼都係，因為旺季，啲蟹有好多蟹子，睇落去係黑色，但做shabu shabu 經紙火鍋係變成橙紅色，口感豐富! 重有蟹肉餃子，雜燴粥....個肚以經好滿足火鍋湯鮮甜到 wa.....正到甜品有芝麻雪糕, 好香芝麻，又滑!…查看更多