Lava 燒

突然好想食串燒，搵搵下比我搵到呢間lava 燒，呢個位置平時真係好少突登走過黎食野，而家先知呢頭原來有好多酒吧嫁。餐廳裝修幾有格調，枱上放上蠟燭～唔知以為係食緊西餐，早黎既關係食客唔多，好似比我包左場咁😳, 環境幾舒服。唔係好飲得酒就叫左杯mocktail 試下～✨pussy foot($65): 本身唔係好知咩黎，都係亂叫😗 好彩味道唔錯～應該係椰子溝菠蘿果類，飲落酸酸地又有d 似乳酪，幾開胃醒神。✨明太子雞翼（$18/隻）： 賣相飽滿脹卜卜，香噴噴。入邊d 饀夠晒多，辣辣地幾惹味。✨金銀絲扇貝（$26/隻）： 我開頭仲以為係有粉絲，原來金銀絲係d 菜絲同蔥，佢個汁係甜甜地既幾好味，扇貝如果大粒D 就好喇。✨珍寶燒帶子（$68): 超大粒😍食落好彈口鮮味，一啖過食晒好邪惡✨燒大虎蝦（$68/隻）：個蝦好新鮮，肉質結實又鮮甜，入邊仲有d 甜甜地既醬，呢個真係超好食！✨燒蘆筍（$22): 次次食串燒一定叫蘆筍，佢呢個夠粗身，食落爽口多汁好好味，不過食到最後一舊有d 渣。✨磯燒海螺（$24): 呢個我覺得調味料重手左d，不過𡁻一陣之後會食到螺肉既鮮味。✨煙肉芝士燒菇（$28): 一向都好鍾意食大啡菇，呢個賣相勁吸引，切開勁多芝士流出黎，仲好香煙肉味，超juicy!!!必食!!✨香草羊架（$24/件）： 火喉燒得啱啱好，唔會過韌，羊架好香香草味亦唔會太羶。✨韓燒豬五花（$22): 五花肉薄切的但好肥美，但調味料略重。✨燒蘋果（$12): 燒菠蘿食得多，燒蘋果都係第一次試。估唔到係咁好味，佢面頭唔知加左d 咩汁，蘋果食落好香甜，又帶點微微酸，食完咁多油膩野，食番幾件啱晒。✨整體水準真係唔錯~~~~~~除左海鮮有D貴, 其他燒物價錢都算經濟實惠又好味~~而且環境開揚, 坐得舒服~~~想食串燒推薦試下呢間~👍…Read More

今晚約了一個很久沒有見面的朋友，想找一個地方既可以飲酒，又可以坐得舒服又適合傾計的地方。朋友問我除了中環蘇豪區，還有什麼地方可以去？我提議到太子的一間串燒酒吧，這𥚃的裝修和氣氛甚具形格，有多種不同款式和口味的串燒，又有多種飲品選擇，酒吧提供各類形 Cocktail, Bottle Beer，Draught Beer, Shooter, Whisky, Vodka, Tequila 等，非酒精類的罐裝飲料、mocktail 和 juice 亦有提供。串燒種類有燒肉類、海鮮類、蔬菜類等，價錢大眾化。酒吧分為兩個區域，室內區面積比較大，室外區有幾張枱，適合喜歡一邊傾計，一邊望望街景，或是吸煙人仕。一夜干 （$48）👍👍👍👍這個小吃其實是雞泡魚乾，有香甜的蜜糖燒烤香味，切了條狀的魚乾亦可佐以沙律醬同吃，佐酒最佳。******************自選串燒燒玉子 （$18x2)👍👍👍👍本身味道甜甜地的玉子，面層掃上燒烤汁，令玉子增添一層燒烤味道。椒串牛柳 （$26x2)👍👍👍👍牛柳切成厚塊，串連青椒和洋蔥片，牛柳粒由於厚切，所以肉汁還能夠保留其中。烤牛肉串 （$16x2)👍👍👍👍價錢超值，牛肉口感較牛柳硬，但肉味也絕不遜色於牛柳。燒牛舌 （$22x2)👍👍👍👍牛舌不是以薄片燒，而是切成粒狀，吃起來比薄片較有嚼勁。燒鮮菠蘿 ($22)👍👍👍👍👍吃了那麼多肉，點了這個燒新鮮菠蘿，可以平衡一下燒肉的飽滯。燒蘋果 （$12）👍👍👍👍切薄片的蘋果撒上甜甜的肉桂，蘋果片還能保持爽脆的口感。*********************自選燒物明太子雞翼 （$18x2)👍👍👍👍去骨的雞翼，醸滿明太子，微辣的味道，作為佐酒小食就最適合。珍寶松葉蟹棒 （$18x2)👍👍👍👍巨型的蟹棒有七至八吋長，蟹棒燒後，還加了少許蟹膏增加鮮味。脆炸杏片松葉蟹鉗 （$18x2)👍👍👍👍香脆的杏仁片，配合啖啖肉的蟹鉗，外脆內軟。軟殻蟹 （$35）👍👍👍👍👍薄薄的炸漿，鮮甜的軟殻蟹，簡單又美味的炸物。Heineken ($26)👍👍👍👍燒物配啤酒，最佳拍檔。Salty Dog ($78)👍👍👍👍這杯 cocktail 有 Vodka, Grapefruit juice 和 Lemon juice, 杯邊沾上海鹽，酸酸地、鹹鹹地，味道醒神。室外用餐區室內用餐區餐牌…Read More

【#飲食】C+搵食團 || 酒吧別有洞天的美食 - 太子Lava 燒 今日同朋友係太子看完8:00場的戲，看完戲都差不多十點多，看戲之前沒有先吃晚飯，但看完戲後又過了餐廳的Last Order 時間，所以我們兩人慢慢走過去太子酒吧街，看看有什麼好吃。 去到太子酒吧街，蠻多店都是以酒吧為主，不過我們突然發現萬綠叢中一點紅，發現了一間以串燒為主打的酒吧，於我們未醫肚的情況下，走進了Lava 燒。 Lava 燒比起其他同街上的酒吧設計較為光猛，而且坐位之間有較寬，酒吧採取半開放式設計，如果吸煙的朋友可以坐外面半露天的位置。 看看Lava 燒的餐牌，是以串燒為主打，所以酒吧內的廚房，用上大玻璃設計，可以看到廚房的燒烤情況，值得一贊的是餐廳雖然是以串燒燒烤為主，但抽氣系統相當不錯，吃完之後並沒有一身串燒味，相信就算冬天穿冷衫去也不怕。 飲品方面，酒吧當然少不啤酒、汽水那些，所以飲品就不多介紹。ms. C覺得Lava 燒主打介紹食物會更加吸引。 食物方面，串燒的種類也非常之多，豬、牛、羊、雞，甚至海鮮也有，而且價格也不算太貴，只是最貴的拼盤和燒鰻魚也不過 $88。 我們叫了很多東酒吃，和大家介紹數款，值得私心推介的食品。 「珍寶燒刺身帶子」：這個超大的帶子，大過 $5硬幣，而且整得到內嫩外香的效果，帶一點半生熟的效果，吃得出帶子香烤味道外，同時吃得到帶子的鮮味。 「雞拼盤」：燒烤必備的雞肉是不少得，除了一般燒雞肉、雞腎、軟骨類之外，這裡還有燒雞Patpat，ms. C人生第一次吃雞Patpat，以為會好油，但燒烤的效果很好，把雞油燒得很香，同時不會帶來很油膩的感覺。另一款也是ms. C第一次吃到的「雞」部份，就是燒雞頸肉，大家也知道雞頸位置的肉很少，不知道要多少隻雞才有一款少串。雞頸肉燒出來的質感薄薄的，有少少煙韌咬口。 燒水果大家最常試的，當然是「燒菠蘿」，這裡的燒菠蘿是用上新鮮的菠蘿，厚切之外，燒完之後，果糖的香氣盡出，十分之甜。另外，就是「燒蘋果」，將蘋果切薄片後，加上玉桂粉，同樣是兩隻味道十分之配合，帶出蘋果的香甜味道。 ▾▿▾▿▾▿▾▿▾▿▾▿▾▿▾▿ Lava 燒 || 太子西洋菜北街320號地舖 ▴▵▴▵▴▵▴▵▴▵▴▵▵▴…Read More