喜膳燒

營業中

休息中

想同媽媽傾下計 所以帶左佢黎食下串燒飲下野 同埋行左陣街覺得攰 咁岩見到呢間串燒店就入左去了 有小小日本feel啲裝修😚提子梳打 $38提子梳打好好飲😚好濃提子味又唔會太甜 食完串燒飲啖呢個 好爽🤪燒大蜆8隻 $88隻隻都好大隻 而且好多汁再配小小既海水咸味😋燒紐西蘭羊架2p $78羊架唔錯 唔會太肥亦唔會有羊騷味😌海鹽燒牛肩胛 $48牛味算濃 好易咬開！海鹽燒皇牌牛舌 $49屬於偏向淋身既牛舌 但個人偏好爽口個重牛舌多啲🤓燒雞全翼 $23一開頭以為係汁燒或者蜜糖燒 原來係鹽燒 都幾有驚喜 燒蒜蓉茄子仔 $28好正 好多蒜蓉 夠曬重口味😝

行完K11去附近搵食，見到有串燒店就想吃了。⭐️燒玉子 $16⭐️海鹽燒秋葵 $24⭐️燒菜心苗 $19⭐️燒紐西蘭羊架 $78⭐️蒜蓉燒廣島生蠔 $68⭐️燒山賊雞翼 $39⭐️海鹽燒皇牌牛舌 $49⭐️燒馬來西亞大蜆 $88⭐️燒龍躉京蔥卷 $68⭐️泰式燒原隻鮮魷魚 $88⭐️自家製冰糖雪耳雪梨水 $32⭐️森美爾 (Samuel Smith) 杏桃水果手工啤酒 $88各項都烤得很可口幾惹味，我比較喜歡生蠔、牛舌、玉子。生蠔很爽口，蒜蓉味好香唔會腥，牛舌大大塊唔會韌，玉子很甜。雪梨水很清甜，能中和燒物的熱氣；手工啤的杏桃味的桃味十足而甜味適中，想來多杯喝🍻。不經不覺都吃了很多種類，打食物表都要手軟了，但又不算十分飽，可能因為每樣份量都不多。裝潢都很日系，而服務也很周到。想食串燒的話是一個不錯選擇👍。

今晚有時間得閒在尖沙咀到處行吓，經常經過寶勒巷都冇入過去行過，原來入面好多娛樂場所和食市行行吓見到路邊有個餐牌介紹串燒燒烤，即刻食指大動想起好耐冇食過，就入去慢慢享受一番先需然地方唔係幾大，但都好有氣氛，睇見樣樣都想食太多選擇，不過最後都選左幾樣想試嘅睇吓得唔得燒馬來西亞大蜆：入囗冇沙，好嫩滑鮮甜還有汁燒煙肉韭菜卷：煙肉唔硬，連埋韭菜一齊食好惹味燒山賊雞翼：外皮脆咯咯，辣辣地好美味燒手切雞腎串（孜然）：雞腎彈牙爽囗，有三款囗味選擇，我選左（孜然）另到雞腎更加惹味頂級海鹽燒多春魚：外脆內嫩，加上海鹽嘅鹹，入囗一流燒雞脾菇（鹽燒）：入囗好juicy燒紐西蘭羊架：燒得剛剛好，肥美甘香，肉質嫩滑，咬落還有肉汁流出還有叫左杯：自家製冰糖雪耳雪梨水（凍），唔太甜剛剛好，食完d串燒燒烤飲番杯，乜嘢熱氣都冇晒好舒服

今日係附近上完堂，就過黎赫德道ｃｈｉｌｌ下，見到有間串燒，一於填飽肚先落下場。店鋪不大，但勝在五臟俱全，播住波食串燒，真係爽皮到一個點。我們點了燒紐西蘭羊架，可以每人一件，唔洗爭！生熟程度岩岩好，完全接受到！沒有羊蘇味，不喜歡嘗羊的，可以試下。我點了燒鵝肝多士，比我想像中份量少了一點，但朋友試完，認為質素中上。牛肩胛、牛舌和一口和牛都不錯，廚師燒得剛剛好，把握火喉，肉質鮮嫩，保持口感。值得一提的是，串燒店會放一塊熱的石頭興住串燒，好有誠意！另外，也點了雞軟骨、燒雞皮、雞腎串。都是串燒必備！亦燒得非常彈牙，可以再試。肉汁都被鎖住。當然也要點我最愛的一口甜薯和牛油蒜蓉焗金菇，甜薯是平常食開紫色的那種小甜薯，燒得岩岩好。正！

由朝早辛苦咗一日到七點，為嘅就係喺呢刻食餐好嘅慰勞自己！串燒店氣氛好重要，呢度有得睇波有得聽歌，夠晒Casual自在。串燒種類多，肉類、海鮮、蔬菜都齊晒，唔想咁heavy仲可以叫烏冬之類嘅主食。鍾意海鮮嘅人一定知蒜蓉燒係最香最鮮。珍寶帶子好大隻，肉好厚，燒完都仲好juicy。粉絲吸晒汁當然係好食啦！串燒肉熱石呈上，keep住嗞嗞聲~牛舌係去到邊都必食嘅串燒，因為牛味濃得嚟又爽口，燒起嚟特別焦香，而且唔會太油。呢度喺豬頸肉係厚切嘅，沙嗲醬汁味道濃陏，甜甜地又有花生香。龍躉卷係呢度喺特色菜。燒過嘅黑豚肉脂肪半溶，脆脆地，醬汁焦糖化，龍躉冇刻意調味，味道主要來自豬肉。而魚肉都大塊，燒完都唔鞋。燒菠蘿賣相有趣，有落過心機。雖然焦糖脆脆地幾得意，但焦糖外皮再加埋加熱後變甜嘅菠蘿，整體對我嚟講實在太sweet喇...玉桂味亦被搶focus。羊架熟度剛好，肥瘦適中，有油香得嚟又啖啖肉。