Vision 8

「Vision 8」西餐廳一直於OpenRice荃灣區排名名列前茅📈果然一試下名不虛傳，完全感受到餐廳用心製作，真材實料🫶🏻.🍴法式芝士焗洋蔥湯🧅💰$68以一碗久違嘅法式洋蔥湯作晚餐嘅開端🎬洋蔥湯新鮮焗整🔥焦糖色湯頭充滿洋蔥香氣，亦有洋蔥鮮甜😌湯裡有大量洋蔥絲，足料👍🏻湯面放上一片麵包&已融化芝士，芝士味突出又黏軟🧀三種食材交織下，令人一口又一口停不下來🤤.🍴法式干邑龍蝦湯🦞💰$88橙紅色嘅龍蝦湯賣相已經令人垂涎三尺🤤湯底質感濃稠，啖啖充滿龍蝦鮮味😚內裡嘅龍蝦肉好彈牙👍🏻.🍴餐包🍞雖然係附送但絕對冇揸流攤🤪三款包都好有小麥味🌾而且有黑松露牛油提供，同麵包好夾🥰.🍴燒牛肉羅馬生菜炸洋蔥圈配蜂蜜芥末蛋黃醬🥗💰$148羅馬生菜+蜂蜜芥末蛋黃醬配搭下非常清新😙醬汁嘅酸甜味令人更開胃😆美中不足係牛肉燒得過咗候有啲韌🥲如果生返啲就完美😌.🍴巴馬火腿薄餅🍕💰$138薄餅餅底邊緣烤得焦香，中央柔軟😌蕃茄醬酸甜醒胃🍅芝士份量恰到好處，乳香味足🧀再加埋巴馬火腿嘅鹹香，味道層次豐富😚絕對係高質嘅薄餅👍🏻.🍴蘋果木燒西班牙黑毛豬鞍扒💰$258炭燒製嘅豬鞍扒散發着淡淡嘅蘋果木香，外面佈滿網紋格，睇見已經即刻想咬

今日喺荃灣做完嘢，就搵個附近返工嘅朋友食個飯見吓面，地膽就帶我嚟呢間Vision 8。朋友話呢間西餐廳喺區內都幾受歡迎，好彩我哋入座時間尚早，7:30後已經座無虛席。點菜後，店員先奉上餐包，係三款唔同嘅麵包，有軟身有脆口，再配埋軟牛油一齊食，已經能夠喚醒我哋嘅味蕾。同女性朋友食飯，就特別鍾意叫個沙律，餐廳嘅黑板上寫上廚師推介嘅燒牛肉羅馬生菜炸洋蔥圈配蜂蜜芥茉蛋黃醬，我哋就一於試吓。平時食開嘅沙律通常都係配煙三文魚或者燒雞之類，呢個沙律係配燒牛肉加炸洋蔥圈，配搭清新唔油膩，燒牛肉配上佢嘅蜂蜜芥茉蛋黃醬就更加開胃。我想食生蠔，但朋友唔食生嘢，所以就叫咗酥炸生蠔，新鮮炸起外脆內軟而且好鮮味，配合他他醬一齊食真係非常夾。主菜我哋就揀咗小元貝西蘭花忌廉汁燴意大利飯配加拿大海膽。帶子同海膽都好鮮甜，意大利飯混入忌廉汁，再加上西蘭花等蔬菜，可以減去油膩感。另外仲叫咗蘋果木燒西班牙黑毛豬鞍扒，份量非常多。燒烤過嘅西班牙黑毛豬鞍扒有格仔紋理，充滿香烤嘅味道，而內裏仍然保持住肉汁。旁邊除咗有蔬菜，仲有忌廉薯片，比起薯蓉或薯條更加惹味吸引。

作為荃灣友咁耐，竟然唔知有呢間餐廳，今餐一遇，相逢恨晚呀呢間疫情過後開返晚市，都仲有咁多捧場客，可見質素係有保證呢間嘅豬毛豬鞍，厚身但好嫩，齋用刀切都切得好暢快黃金肥瘦比例，瘦位都唔會嚡，浸吓紅酒汁真不錯底下有一堆薯片蓉，夠軟夠香口，加上捲心菜仔，成碟係完美比目魚食得出真係香煎，外皮香脆，肉質鮮嫩油香，菠菜忌廉汁係唔容易掌握嘅醬汁，但同天使麵混為一體，令麵身完全入味又唔會變糊，功力不淺呀呢間嘅湯亦非常耍家，龍蝦湯嘅顏色，相信絕對係用龍蝦熬出嚟，香濃嘅程度，加上有蝦肉在內，大胃實在唔需要懷疑野菌忌廉湯嘅濃郁味道，同黑松露油融為一體，要兩碗湯之中揀一碗，不如兩碗都要連沙律都正過人，蜂蜜芥末蛋黃醬感覺清甜，炸洋蔥圈好脆口，燒牛肉一啲都唔韌，停唔到口，送沙律真係幾好麵包都冇揸流攤，製作認真又高汁，尤其薄片麵包烘得脆卜卜，其他麵包都有熱又綿仲有黑松露牛油，食到冇剩原本想食蘋果金寶，最後一份俾隔離檯叫咗，退而求其次食心太軟，連第二選擇都好好味，非常之綿，雲呢拿雪糕質感冰甜而不膩

今年聖誕節鎖定的目標西餐廳為於荃灣內街，閒時經過看到餐牌頗為吸引，決定聖誕一試，早於2星期前預定與男朋友慶祝聖誕節。內裡主要以灰黑色為主，牆上掛著手寫餐牌富有外國西式餐廳風格，還掛有聖誕燈色增添聖誕氣氛。餐廳面積細小大約可容納20人，枱與枱之間較狹窄，能隱約聽見鄰座的談話內容，我倆之2人枱面亦空間有限，餐廳也細心地留意我們的飲食進度，逐碟呈上品嘗。有3款已烘脆口麵包及黑松露牛油提供，雖然牛油企身，較難搽抹於麵包上，但帶有淡淡牛油香及黑松露味，確實為麵包增添惹味度，不知不覺用光了牛油也搽不完餐包，十分邪惡的製作。小食拼盤包括炸魚柳、雞翼、魷魚圈及薯條，為3人份量，而醬汁則有海鮮沙律醬、黑松露沙律醬及茄汁。炸魚柳適合配搭較甜及清新的海鮮沙律醬，有助提鮮之餘不會覆蓋魚柳味道，而黑松露醬汁與茄汁同為百搭醬汁，黑松露沙律醬較茄汁溫和，慢慢滲出黑松露味。帶輕甜的蜂蜜芥末蛋黃醬撈勻生菜，令生菜口感更順滑，燒牛肉屬涼拌外啡內呈粉嫩色，絲絲嫩肉質感，略嫌牛肉與炸洋蔥圈大件，未能融合於沙律一同品嘗。切開成八片的薄餅為薄批，番茄醬與芝士份量適中，不會互相覆蓋味道，而且餅底薄身更顯餡料豐富，脆口餅邊不易覺飽溜

今日同住喺荃灣嘅朋友嚟到呢間西餐廳食飯～🍴店雖小，但係食物、氣氛、同服務態度都好好～☺️ 平日晚飯時間都好多熟客陸續嚟幫襯、全場好快就full晒！🐷 蘋果木燒西班牙黑毛豬鞍扒豬扒大大塊、好厚肉，邊位帶肥、油香滿溢、肉質鮮嫩～🥗 燒牛肉羅馬生菜炸洋蔥圈配蜂蜜芥末蛋黃醬食完咁多肉當然要食番份沙律平衡吓～ 沙律菜幾新鮮，燒牛肉大約五成熟、牛味十足～👍🏼🍝 香煎帶子配牛肝菌意大利麵帶子好大粒而且煎得好香～🤩 意大利粉份量好大，兩個人淨係食碟意粉都夠晒飽～ 🦪 酥炸生蠔生蠔炸得好酥脆、外脆內嫩好邪惡🤤😋 整體來講今餐食得好滿足，下次再嚟想試埋佢嘅心太軟同beef wellington，見到隔離枱食好似好好味！

荃灣搵食話咁易，但要食到CP值高嘅西餐一啲都唔容易，今日誤打誤撞入咗呢間餐廳，真係絕對超值！餐湯係南瓜忌廉湯，呢個湯熱辣辣少少Creamy但唔係杰身，反而我鍾意呢種質感同溫度，飲落亦冇咁滯膩。餐包有三種，烘熱嘅麵包香軟，其中一款薄薄一片充滿牛油香味有香脆，仲有黑松露牛油提供，完全係我意料之外。揀咗比較特別嘅燒牛肉羅馬生菜炸洋蔥圈配蜂蜜芥末蛋黃醬，燒牛肉份量多，牛肉纖維幼細有牛味，沙律醬汁非常出色，有芥末嘅刺激又有蛋黃醬嘅香甜，仲有幾個香脆即炸嘅洋蔥圈，好味！跟住落嚟兩個主菜我都係非常滿意嘅，蘋果木燒西班牙黑毛豬鞍扒（芥末汁），咁大塊豬燒得平均、保持肉汁及肉質鬆軟、聞落真係有少少蘋果香，豬鞍下面係芝士薯仔片，整個主菜豐富又好睇，亦好好食。煎比目魚煎得非常出色，薄薄嘅比目魚皮燒得非常脆口，但係肉質仍然非常軟滑而又唔會散開，天使麵沾滿菠菜忌廉汁，熟度剛好保留彈牙，菠菜忌廉汁香濃但唔會覺得太滯口，呢個都算係我食過算得上係好食嘅香煎比目魚配菠菜忌廉汁燴天使麵！唯一失色係枱面唔夠大，叫多兩樣嘢嘅時候枱面都唔夠擺嘢，不過侍應基本上都留意住每一道菜食完就會收返啲碟，再上另一道菜，最重要係普通西餐價錢已