十和田 (已結業)

難得今日終於搞掂一個project，可以準時收工，唔洗在公司食外賣，於是同teammate 一齊食返餐好的!到公司附近的mikiki覓食，之前食過呢度的午市丼，咁今次就試下堂食的晚餐先!標準動作，入店前量體溫，酒精搓手店內採用簡潔裝潢，全店木系簡約色調採用QR點單，方便又快捷，兼且有圖有真相狂風掃落葉咁點嘢食，壽司、刺身、小食、卷物 無一倖免話咁快，食物陸續送上來個大合照，笑一笑海膽茶碗蒸茶碗蒸一向是我的至愛😍😍呢個海膽茶碗蒸，只係$38咋，平時食一件海膽軍艦都唔至呢個價呢，比普通的茶碗蒸都係多$10左右，真係超值之選!海膽極之鮮甜，甚有光澤蒸蛋滑浖浖，兼且材料豐富，仲有魚片🍥，蟹柳🦀，香菇🍄推薦度💯% 燒明太子雞翼雞翼漲卜卜，表面香口不油膩，內裏肉質嫰滑Juicy，明太子微辣又惹味甜蝦刺身 甜蝦大大隻🦐，肉質爽彈鮮甜，仲有不少蝦膏呢壽司🍣同卷物都陸續上枱不得不提的是 這店採用赤醋 (赤酢) 作壽司飯，原來赤醋壽司飯不是新事物，是在傳統江戶前時代已經使用，赤醋是以酒粕為原料，酸味會比較柔和，沒有普通米醋或白醋的刺鼻，醇香味也會增加，不會搶去海鮮的鮮味松葉蟹三味壽司最鍾意這些三味壽司set….一次可以試到唔到款式，三味壽司包括 🦀蟹肉蟹膏軍艦、🦀蟹棒壽司 & 原條🦀蟹腳壽司蟹肉蟹膏軍艦入口滿滿的蟹肉，加上鮮甜的蟹膏，好滿足!原條蟹腳壽司蟹肉質地都飽滿，配埋酸薑都好正呀!帆立貝壽司、赤蝦壽司帆立貝又是我的至愛，大大粒帆立貝舖在赤醋飯上，輕輕的加了一點醬油用來提味，真的不用多帆立貝就是要享受它的鮮及甜!!赤蝦大大隻，肉質飽滿爽口彈牙!海鰻卷一份6件，海鰻肉質較紥實，味道亦比較濃郁，掃上甜甜的蒲燒汁，格外惹味加埋中間包住青瓜同卷蛋，口感豐富總括而言，刺身壽司類都令人眼前一亮✨小食驚喜萬分，性價比超高，可以一戰!BTW, 發現有壽司套餐takeaway…lunch開餐又多一個新選擇…查看更多

我同男朋友突然發覺好耐冇食日本野，心思思openrice search下，見到呢間十和田好多好評喎，一於去check it out:)！赤蝦(左上)，蝦身唔算大隻，不過係鮮甜既，喜歡帶點黏黏膠膠既感覺；油甘魚(右上)，味道一般般，個人覺得就唔夠油香啦:(；八爪魚(右下)，恐怖既事情要發生啦！入口韌到好誇張！係咬唔開架！香葱吞拿魚腩丼呢個吞拿魚腩丼真係不得了！我同男朋友都非常推介！吞拿魚腩份量非常慨，每啖飯都會食到吞拿魚腩架！吞拿魚腩肥美，入口滿滿魚油香，$118一碗來講絕對係性價比高！食多幾啖會有d滯，所以2個人share岩岩好。季節墨魚入口爽彈，帶點鮮甜，不過一件要$25就唔太值啦。火炙牛肉赤蝦卷牛肉燒好嫩，而裡面就有赤蝦同青瓜，好特別的配搭，味道都唔錯。個人覺得青瓜換做牛油果應該會更加好味！燒明太子雞翼雞翼漲卜卜好可愛！裡面滿滿明太子，味道帶點微辣，雞翼亦燒得剛剛好，肉質好juicy，雞皮燒得香脆。…查看更多

我和朋友第一次來這個商場，走了一個圈，發現商場內有不少食店，最後也選了這一間日本餐廳。這家餐廳的座位挺寬敞，很適合跟朋友/家人一邊吃、一邊聊天。餐廳內每張桌也有獨立的pad，客人們可以隨時拿著pad慢慢選擇想吃的食物。分享一下我們的菜單：難得來到一間有水準的日本餐廳，當然要試一試頂級的刺身這一款是店內最昂貴的吞拿魚刺身，果然一分價錢一分貨，3塊刺身的魚肉和脂方的比例恰到好處，需且上枱時雖然沒有冰底鎮著，但仍保持鮮味，值得一試這個香蔥吞拿魚腩丼，實際上使用的是吞拿魚腩蓉，入口即溶，就像在日本旅行時所吃到的感覺吞拿魚蓉一般價錢都挺高的，但這一碗丼，餐廳並沒有吝嗇食材，吞拿魚蓉的份量大得很呢！！（下圖可見）吃了兩道魚生，吃一吃火炙三文魚吧，火炙系列最重要是即叫即燒，然後立刻上枱，這樣食材便能保持一定溫度，這時便會有入口即溶的感覺，這一碟絕對達到這個要求吉列炸蝦卷的性價比非常高，是「大件夾抵食」，而且外會有很多飛魚子，令到整個口感更加爽口燒明太子雞翼很好吃，雞翼內釀了很多明太子，咬下去時有兩種口感和味道，沒有令我們失望:)日本出品的桃味飲品一向都有很高的評價，這個也不例外，桃味恰到好處，不會太甜豆腐雪糕味道很清新，雖然前面吃了不少主菜和小食，再吃一道雪糕沒有很滯的感覺呢！…查看更多

想食一餐好的不是必然，有些標榜有幾多粒車軚人星星也不外如是，對我來說，重點是我有沒有渴望或慾望心思思久不久就想去食佢一餐。講真，香港地嘅餐廳食肆有如繁星，有好有唔好，之前朋友介紹佢係尖沙咀試過一間叫【十和田】既日式餐廳係高質，見佢有間分店係Mikiki，即刻同朋友去試一試。.新蒲崗區，比較地道風也味重，同Mikiki既感覺都幾有差別，【十和田】既門面開揚，我呢個鍾數可能太早了所以唔洗排隊可以順利入座，人流未係時候出現。店內裝修簡約，普遍跟日本食堂式餐廳一樣都係用木色主打，竹支亦算是新既元素，環境都幾闊落，如果下午到來相信有埋自然光照進來會特別舒服喔。因為落地大玻璃永遠對我來說都是非常吸引的。.平均一張張 4至 6 人枱，有少量卡座及吧枱位置，近距離觀賞食物製作過程。睇睇有咩食既時候發現係用平板電腦落單，概環保又方便，隨意加單，圖片多多，分類又仔細，最Buy環保。♻️🔹火灸帆立貝 $28刺身受火槍洗禮之後釋放出甘香既油脂，燒完後鮮味不減 ，火灸過的帆立貝,比起生的帆立貝多了一層煙韌的口感,但又和全熟的帆立貝質感不同。🔹火灸左口邊魚裙邊 $64火灸魚邊是比較可口的, 左口魚邊一向是我最愛的其中一樣日本既魚類。呢度未算超級厚切，但入口完全滿足到口感，淡淡魚香又帶點魚油膩，入口即溶！，真係好正！果然左口邊魚壽司最得我歡心。🔹火炙壽司拼盤 $108壽司拼盤有五款壽司，以木盤盛上，經過炙燒後魚生嘅油份都逼晒出嚟，非常香。「火炙芝士蝦壽司, 、火炙三文魚壽司, 火炙左口魚壽司」都可清楚看到油脂平均「，每件都可以入口油脂充滿口腔，只是魷魚比較乾身，全部睇落食落都好新鮮。因為不新鮮的話，容易有腥味，所以絕對高品質，新鮮美味。欣賞佢既壽司飯是淺啡色的，因為調教後既味道真係好夾爽司，食落又微微暖既感覺。不錯！🔹三色丼 $178呢個係我最期待既一款食物，因為好似好細但其實足料又飽肚，包括有香蔥吞拿魚腩丼、海膽丼同蟹膏蟹肉丼。每款都小小碗，兩個人Share慢慢食就最開心，移開面層既料先食到飯，所以上面既料絕對令你會滿足。✨香蔥吞拿魚腩丼，吞拿魚腩丼油香重，豐富魚油令整體很有黏度，食落好香口連埋飯食會較易入口，實係食多左都唔知架，✨海膽丼，又真係唔錯因為第一海膽唔會有腥臭味，第二 入口即溶仲帶點鮮甜，平時我都覺得海膽咁少可咁好食架啦，又真係OK Bor...✨蟹膏蟹肉丼，呢知幾驚喜，蟹肉蟹膏非常鮮甜，比例調較得剛好，既可食到蟹肉絲，又可食到蟹黃的鮮香，味道味道好濃而且口感豐富真係好足料。鮮美鹹香！！！Good...🔹中吞拿魚腩 $42香港人最愛吃吞拿魚刺身，當中的大吞拿魚腩更視為極品中的極品。在高級日本料理吃拖羅，客人的要求特別高。但呢度既中吞拿魚腩油脂豐富，筋亦較少，魚味較濃，挺優質的！🔹穴子 $38呢條穴子睇MEnu個陣已經好吸引，不過起初我有誤會，因為跟鰻魚很相似，在日本，鰻是高級食材，當地人愛在炎炎夏日食用，有補充體力之效。在日本，只有以蒲燒方法製作河鰻，才可稱為「鰻」。壽司店提供的則是海鰻，稱為「穴子」，價錢相對便宜。黎到見到真係份量都唔少，流晒口水！肉質會較軟腍及鮮味唔同平時食開既鰻魚咁有油脂較豐富既感覺，兩者在味道上略有分別。🔹燒明太子雞翼 $38雞翼去骨後包入明太子及雞肉，表面燒得非常香脆，入口散發陣陣香味，明太子嘅量好多睇相就知道了，而雞肉都能保持肉汁，微辣嘅明太子配上燒得香脆嘅雞皮，啖啖肉，口感一流。日式店有咩甜點，呢度有款幾特別既雪糕🔹芝士雪糕 $18 甜甜地, 奶味少許，但我覺得幾「芝」味架，食到最後都唔膩，加埋蒻蒟中和番同增加口感，都幾值得試。🔹黑芝麻雪糕 $18朋友既黑芝麻雪糕都唔錯，黑芝麻超濃郁！意外地吸引。聽聞之前有個$98抵食壽司套餐可以試勻好多款壽司又會送麵豉湯及蒸蛋，但而加好似冇左了，不過唔緊要，因為我下次黎既原因係【十和田】既刺身壽司，食材都好新鮮，屬正宗日本壽司店。所以，遇到有好師傅，好地方又keep到水準既話，我真係唔介意去多幾趟呢。…查看更多

在工貿大廈睇完人哋拍戲就到mikiki找間食肆食晚飯，發覺這間十和田比尖沙咀總店更加大，而且座位都闊，感覺更加舒服。燒明太子雞翼是我的最愛小吃，雞翼燒得香味十足，中間包着的明太子有口感又辣辣地。鯛魚湯平常不太多日本餐廳供應，魚湯很有新鮮的魚味，又不至於很腥，夾埋軟豆腐，超正！三文魚親子丼三文魚一舊舊方形，咬落肥美，中間還有三文魚子，兩款口感和味道交替。火炙三文魚和火炙帆立貝端上來還有燒香的油脂味道！三件素食壽司都幾有特色，特別是牛油果和冬菇不常見。吉列炸蝦卷加了青瓜口感不太夾，我都是喜歡只有炸蝦天婦羅在中間。完熟桃子梳打桃的味道很重！配煎炸嘢食一流！食物不錯，用iPad落單都非常方便，希望有多啲分店在其他地方開張。…查看更多

今日約了朋友來到Mikiki 逛街，為了慶祝本小姐生日，朋友讓我選了一間高級日本料理，比起連鎖店，服務同食物比較好。坐位很多，店內都有不少客人，可以放心享用。桌上有電腦點菜，可以慢慢左右推選食物。 生日當然要喝酒，選了香港少見日本三得利啤酒。喜歡味道清爽不會太苦，入口有帶甜回甘。活鮑魚刺身$58，真的很爽口，帶海水味甜甜很鮮，超喜歡而且價錢平民。我第1次吃活鮑魚刺身，一試愛上。吞拿魚三味壽司$108開頭我懷疑三味意思，3種味道，但原來三種不同吞拿位置才對，用了大吞拿魚腩，中吞拿，同普通吞拿。這道菜最明顯就是突出不同位置部位分別，大吞拿魚腩紋理已經相當漂亮，入口油花滿滿很鮮又柔軟海鮮丼，適合貪心的人，因為有魚籽，海膽，鮮帶子，牡丹蝦，甜蝦，玉子，吞拿魚蓉，劍魚腩厚切有圖有真相，真的很好吃!小食我們選了2樣，只是$38好抵食喎吉列生蠔$38味道很鮮咸咸地，感覺醃過，很脆內爆汁超熱!燒明太子雞翼$38嘩!勁脆又沒有油膩感，明太子帶少少辣，惹味!總括我們2人吃了約500多，但非常高質，驚喜!…查看更多

我係一個好鍾意食魚生嘅人,之前同朋友食過尖沙咀嘅十和田總本店之後念念不忘,價錢唔貴但係質素好好。知道佢係新蒲崗開咗新分店之後即刻同朋友仔相約再食,依度依舊係用電腦平板落單夠晒方便。火焰牛肉赤蝦卷,反卷包住左赤蝦同青瓜增加口感,外層用咗輕輕被火槍燒過嘅火焰牛肉,雙重口感。燒明太子雞翼巳去骨嘅雞翼包住滿滿嘅明太子,微辣嘅鮮味明太子加上啖啖雞肉,令人有大大嘅滿足感。朋友叫咗個北海道帆立貝松葉蟹丼,松葉蟹肉同蟹膏多到滿瀉,食極都仲有,絕對係啖啖都食到蟹肉,而且帆立貝肉身好豐厚好大隻,味道鮮爽帶甜。依度嘅壽司飯用左赤醋,所以帶有少少醬油啡色。我就選擇左不論係影相打卡或者係味道都相當出色嘅三色丼,雖然睇落每款都好似的的骰骰甘,但係實質份量真心多。而且每款嘅刺身都好似唔駛錢咁用得非常大方,只能夠見到好似成座山咁嘅刺身,完全見吾到飯嘅存在。海膽入口即溶好鮮甜唔會有腥味。軟綿綿吞拿魚蓉加上香蔥,引發左美妙嘅化學作用,食落好香口。松葉蟹肉依舊多到滿瀉,食極都仲有。…查看更多