野川拉麵の深燒食堂

星期四晚上最適合同朋友gathering，我們來到了這間位於元朗又新街的野川拉麵の深燒食堂用餐~餐牌內食物款式超多，喜歡吃炸物的我實在相當開心; 至於喜歡吃串燒的友人，亦相當滿意~見到餐牌有很多不同種類的飲品，可惜近幾年已戒酒，比著以前，一定飲杯Hoegaarden再諗下食乜😊熱蜂蜜生薑茶因為養生關係，先飲杯熱蜂蜜生薑茶暖暖胃~活乳酸奇異果沙冰芝士奶蓋友人則選了活乳酸奇異果沙冰芝士奶蓋，超級大杯，影相一流~ 鹹香芝士奶蓋上放了爆珠增加口感，酸酸甜甜的奇異果沙冰實在相當透心涼!!大蝦天婦羅一客6隻的大蝦天婦羅，炸衣薄薄的，蝦肉爽口，每人吃3隻也絕不過份~軟殼蟹天婦羅一客2隻的軟殼蟹天婦羅，亦是新鮮炸起，熱辣辣送上，每人吃一隻夠哂滿足!!鮮帶子刺身一客10片的帶子刺身，相當新鮮，輕輕沾上wasabi豉油已經很好吃~三文魚軟殼蟹卷一客6件的三文魚軟殼蟹卷，新鮮厚切的三文魚，面層舖上一層晶瑩剔透的蟹籽，內裡捲著香脆可口的軟殼蟹，賣相相當吸引!!蟹籽沙律大大一盤的蟹籽沙律，內裡有爽脆的青瓜絲、蟹柳絲，混和蟹籽& 沙律醬，清新又消膩~厚燒牛舌即燒的牛舌相當厚身，爽口又不韌，擠上檸汁更為可口!脆脆鰻魚串即燒的鰻魚串，魚肉新鮮，爽口彈牙，魚皮亦很香脆，友人表示相當滿意😊燒日本甜薯一客6粒的日本甜薯，我一人就獨享5粒，用上蜜糖來烤的甜薯，作為飯後甜品就最適合不過!與朋友閒談、享受美食，就係每星期最期待的時光😊…查看更多

呢幾日天氣轉冷，就同老best決定食好西，飲杯生啤開心吓，而#野川拉麵の深燒食堂 有刺身、小吃、壽司、串燒、鍋物應有盡有。室內仲設有一個大投影器，正在播放著K-Pop，好有feel。亦設有室外座位，方便有毛孩既食客用膳。✅ALE PREMIUM 700ML贈送-串燒/小食✅豚肉泡菜鍋鍋內有齊足夠配料，冬菇、豆腐、白菜、金菇，仲有粉底，泡菜鍋一D都唔辣，加上豚肉入口實在一流。全部入曬味!✅揚出雞柳配綠茶冷麵有芥末同埋鵪鶉蛋調味，配埋甜豉油入口爽口。雞柳岩岩炸起，入口熱辣辣。送酒一流!!✅鮑魚2隻以優惠價就食到咁肥美鮑魚，冇理由唔叫喇!✅牛油蒜蓉焗蜆 蜆算多亦冇沙，每一粒都係索滿牛油味，呢個價錢都好抵食！✅燒油金魚頭1客最期待燒油金魚頭，富含滿滿膠質，豐富油脂，肉質嫩滑，擠上檸檬汁提鮮。鮮味十足，啖啖滿足!✅脆脆鰻魚串2串✅招牌雞翼串2隻呢個值得一試！白鰻皮燒得很香脆，魚肉嘅質地係爽口，肉質厚實得嚟口感係彈牙，食落覺得乾身！✅爆醬芝士腸2串✅蜜汁燒牛丸2串✅燒日本甜薯6粒✅自選雪糕2球（*曲奇*朱古力）✅熱雪梨蜂蜜…查看更多

前陣子公司忙完單大嘢，老闆請客話想食串燒，就揀咗間公司附近嘅日式串燒店慶功。之前聽朋友講野川拉麵の深燒食堂啲串燒唔錯，價錢又抵。今次就自肥幫老闆訂位，試我想試好耐嘅餐廳。餐廳位於元朗又新街，港鐵站步行十分鐘左右就到，非常方便！用餐時間係星期六晚上六點，餐廳大約六成滿，但愈食門外就愈多人等位，建議想食就先訂位比較好。- 四品刺身盛合¹⁷⁹三文魚味道鮮味爽甜富甘香，魚油豐膄，肉質新鮮，極之爽口！活赤貝光澤亮麗，口感爽脆幼嫩，鮮甜厚肉彈牙！北寄貝味道甘甜，肉質肥厚，口感極佳！甜蝦肉質晶瑩剔透，入口質感嫩滑，味道極之鮮甜！- 牛肉壽喜燒¹⁰⁰牛肉口感爽嫩軟滑，牛味細緻油花適中。除了牛肉外，有金菇菜、粉絲、冬菇、蔬菜，豆腐等等，相當足料！而壽喜燒湯底鹹甜度適中，粉絲索晒湯汁一齊食都唔覺過濃，非常美味！- 帆立貝刺生六片⁴⁴帆立貝肉厚富彈性，味道鮮甜，口感豐富！- 芝麻雞翼三隻³⁹雞翼經炙燒後外皮變得金黃香脆，肉質嫩滑，肉汁滿滿，非常滿足！表面加有芝麻令整體味道提升不少！- 燒油甘魚頭⁸⁰油甘魚頭外皮燒得非常香脆，魚油脂香氣十足，肉質嫩滑鮮甜！- 脆脆鰻魚串⁴⁴鰻魚燒得金黃香脆，肉質肥美，口感彈牙！- 蒜蓉燒聖子⁵⁰燒聖子味道濃郁，加上蒜蓉燒到相當香口，而聖子肉鮮味十足又夠飽滿！- 燒韮菜串²⁴韮菜口感爽嫩，表面加有孜然燒起上來非常香口！- 燒日本甜薯²⁴外皮燒得香脆，口感軟糯，味道香甜濃郁。一口一隻，細細粒容易食！- 綠茶雪糕紅豆冰⁶⁰綠茶雪糕味道濃郁，紅豆煮得夠軟身，粒粒起沙。食完串燒解渴必選！- 忌廉紅豆奶茶⁵⁰奶茶醇香，忌廉綿滑！整體餐廳評分很高。餐廳環境闊落舒適，枱與枱距離充足，卡位很多好適合一大班朋友飯聚。店員服務態度好又夠細心，食材新鮮，款式又夠多樣化，唔止有串燒仲有刺身，壽司，拉麵等等，價錢非常經濟。係一間好值得推介嘅日本餐廳！…查看更多

讚好呢間社交平台及留言，可以用半價呢張紙點串燒，壽司，燒物，炸物等。日本榴槤汽水淡淡榴槤清香。赤貝壽司壽司飯軟熟，赤貝爽脆新鮮。自製叉燒拉麵，叉燒肉質淋又夠入味，拉麵夠煙韌，豬骨湯底香濃。燒日本甜薯，甜薯甜甜的幾好味。燒鮑魚鮑魚好新鮮，鮑魚燒到好爽彈又鮮甜。小食拼盤有北海道濃芝士薯餅，甜薯香芋丸和香脆蝦三角，薯餅芝士香濃，香芋丸外脆內嫩又甜甜地，蝦三角皮鬆脆又有啖啖蝦肉。香蒜大茄燒，茄子燒到好淋又好香口又夠入味。肥牛金菇串燒到好香口美味可口。…查看更多

元朗又新街, 出哂名係食街, 雖然我唔係住元朗, 但都會成日入黎同FD食野😋。今日就同朋友黎試下呢間餐廳。由於我地係晚上過去食, 所以餐廳外面的霓虹光管💡都著哂, 就咁睇鋪頭名, 俾我既感覺一間日式餐廳, 但現場睇又有少少工業風+韓風🇰🇷 (Projector仲要播BTS), 幾得意。另外, 由於餐廳面積都幾大, 所以座位同座位之間都有一定既距離, 食都食得安落D。 極上牛肉拉麵配芝士辣湯底 ($72)既然餐廳名叫「野川拉麵」, 我地就決定叫一個拉麵黎試試。芝士辣湯底比我想像中好味, 因為本身個湯底好濃郁, 面頭仲有一大塊芝士🧀, 正呀! 另外加左D辣味🌶之後就更香, 而且辣度唔算好辣, 連朋友唔太食得辣都覺得OK。配料方面, 牛的份量都算多, 唔會韌。另外溏心蛋🥚做到爆漿效果, 好正好好食! 甲羅燒伴燒鱈魚乾 ($88)我真係好中意食甲羅燒🦀! 次次去日式居酒屋都會點黎食, 因為蟹膏的味道真係好香, 而且鮮味好濃厚, 太適合我呢D中意重口味既人🤤。呢碟甲羅燒除左個蟹膏之外, 個鱈魚乾令我幾surprise。本身就咁睇佢個樣好似普通梳打餅咁, 但食落去係好香鱈魚味, 越咬越香。即使最後蟹膏已經俾我沾哂, 就咁咬鱈魚乾都好OK! 香蒜牛油芝士流心蛋粟米 ($38)我好耐無食過牛油粟米, 所以有少少懷念。本身點呢個菜式既時候仲以為得好細碟, 點知原來都幾大。隻蛋做到好流心, 唔錯。不過將所有野撈埋之後, 其實食唔係好出蛋香味, 反而芝士🧀、粟米🌽同蒜🧄的味道比較突出。不過用左蛋漿黎撈, 令粟米更濕潤有光澤, 唔會乾曾曾。 日式燒半殼蠔(黃金燒) ($38)呢隻蠔既size大概係我2/3隻手掌咁大, 燒完之後既蠔當然會有少少縮水🦪, 但都OK大隻。我揀左黃金燒, 本身以為係用咸蛋黃, 最後似係用芝士+少少咸蛋黃粒, 所以整體食落係芝士味的。 燒安格斯牛肉串 ($45)朋友點左呢個串燒🍢, 見佢燒完之後面頭都有光澤, 好似縛好, 所以我試左少少。不過可以我攤左一陣先食, 所以有少少乾。 燒日本甜薯 ($15)一啖一隻日式燒甜薯, 口感好綿, 又甜又好食! 忌廉紅豆冰 ($38)綠茶雪糕配綠茶紅豆冰 ($48)朋友唔中意食芝士奶蓋, 所以叫左忌廉紅豆冰, 而我就叫左綠茶雪糕配綠茶紅豆冰。我一直都覺得綠茶同紅豆好夾, 所以好中意飲。呢杯飲品既紅豆份量算多, 幾足料。唯一美中不足就係D冰比較碎, 用飲筒都會吸到碎冰。…查看更多