丸十寿司日本食堂

營業中

休息中

晚飯想食餐好d嘅😋入朗豪坊揀咗呢間日本菜食，見到佢嘅裝修已經覺得非常特別，有日本嘅味道，師傅喺吧枱即席咁煮食，係視覺同味覺嘅雙重享受👍🏻等咗大約10分鐘，就有二人吧枱位可以坐，我哋一人點咗一個飯，分別係一個雞肉飯同一個豚肉飯，然後見到隔離食緊一個好誇張、望落去好足料嘅卷，於是就點埋呢個丸十究極之卷，價錢其實唔算便宜，但上面有幾款海鮮料，都算好足料！👍🏻兩個飯都用咁北海道米，口感非常特別，十分美味😋

周末旺角，條街人山人海，唯一朗豪坊頂樓幾層的食肆，可以講係一片淨土，所以一於去試試一間上次經過時，已經覺得佢sell「精米」好特別，可以一試的日式食店——丸十壽司日本食堂。大概係因為用米做賣點，餐牌的確好多米食：米漢堡、壽司、丼飯。咁，我就揀左最多飯量既丼啦！角切魚生飯方面，唔好睇碗仔細細，飯同魚生份量都幾多，加上魚油偏滯，亦可能係咁，所以佢地用左醋飯底。是日魚生，正在冇常見的三文魚，刺身粒粒都切得好厚身；上面仲有吞拿魚蓉，好少見角切飯都有，要加分呀！另外燒日本地雞飯，呢個用返白米飯，或許真係採用走地雞，雞皮底冇脂肪又燒得香脆，非常好味。食完個飯太飽，本身想食甜品都食唔到。呢間絕對值得再試。

小弟最喜歡吃壽司和日本菜，自從朗豪坊頂層的「明星壽司」結業後，只淨下美食廣場的連鎖店壽司⋯⋯早前行過見到水牌有新店開張，主打日本料理，所以就去試菜一探虛實！😆😆在商場的高層位置，長電梯轉個彎可以直接到達！位置闊落，感覺開揚，即使晚餐的繁忙時間坐無虛席，亦不會覺得擠迫👍👍魚生沙律：平時沙律就食得多，但魚生沙律就第一次吃，而且大大份很足料，有甜蝦、帶子、三文魚、吞拿魚等等，配上沙律菜和酸醋吃很夾呢，酸甜開胃，準備開餐😆😆雞泡魚乾：燒得很香，魚乾本身又硬身很好咬口，作為餐前小吃，或者佐酒零食也是一流呢！😜😜燒雞串拼盤：有雞軟骨、免治雞肉、雞翼等等、整個拼盤來說都算扺食，而且火喉控制得十分好，不會過生或過熟！小弟最喜歡吃雞軟骨和免治雞肉，有軟骨好咬口，吃入口就是「卜卜脆」的感覺！😋😋煎餃子：普普通通，沒甚麼特別的菜式！燒走地雞飯：值得推薦的一個飯！採用了日本珍珠米，而且走地雞又燒得香口好味，貌似平平無奇的一個飯，原來都可以好滋味呢！走地雞外皮薄脆，入口嫩滑，又夠大塊，厚度十足，配上燒汁和珍珠飯吃，絕對為今晚的晚餐劃上完美句號呢！👍🏻👍🏻