Grill Tajimaya

營業中

休息中

由於今日落大雨, 因此與同事試左呢間新的日式西餐廳 (其實已經開張1年, 只是一直未有機會試試), 我地相約 lunch time 1點, 裡面環境很闊落, 座位亦多, 加上天雨, 所以今日完全不用排隊。我地點了2個set lunch, 燉煮芝士漢堡扒及香煎北海道 夢之大地豚西冷扒。 兩個午餐都可以跟麵包或飯, 以及沙律+飲品。 推薦大家跟麵包, 因為是2片厚切的自家製意式麵包, 非常香口,  正! 份量十足 ! 之後主角出場了! 燉煮芝士漢堡扒, 一入口十分juicy, 肉汁流晒出來, 有香的和牛味, 而且入口即溶, 肉質軟稔, 焗薯亦很香脆, 絕對值得一試。 同事點的香煎北海道 夢之大地豚西冷扒亦十分好食, 肉質彈牙, 但又唔會過硬, 其他配菜亦非常配搭得很出色。如此出色的日式西餐廳, 絕對值得推介!

😱餐廳入面有野餐區？🏕勁開心發掘到新野餐地方😆依到唔使坐地下 又唔使帶嘢食 啱哂菲姐呢啲懶到出汁嘅人🤟🏻其實Grill Tajimaya 依個又唔係真係正宗野餐區 只係佢有個户外地方 有大遮⛱又有草地毯🌱又有滕枱櫈 好有野餐感🤣仲有少少海景睇添！(不過如果要出戶外食就要外賣先得)主打食手工漢堡扒同牛扒嘅Grill Tajimaya 室內可以望住廚師整漢堡扒㗎👀真係即叫即做！4款漢堡扒 叫左3款 個個都勁厚 勁juicy😳最愛芝士🤤勁濃厚芝味🧀 而招牌漢堡扒個汁勁香 上面有粒牛肋肉超入味😍最痴線係午市先$169 有沙律🥗、飯/麵包、大大個漢堡扒、飲品🥤漢堡扒仲要跟個勁巨大焗薯🥔同大蕃茄🍅意想不到伴菜都勁好食！！！🤩 #飽到扶牆 真心推介👍🏻✨聽聞呢到個大廚好猛料👨🏻‍🍳 唔怪之得食物咁高質🤤

之前聽講灣仔開左間日式鐵板漢堡扒店，一直都想去試，今日終於有機會試到入到去一坐低，餐廳同事就會放上主餐牌同Lunch Set Menu，而且仲好主動向我地一一推介，好貼心 仲會好細心咁同我地講解menu上面唔同套餐嘅特色之處 好似我呢D選擇困難證嘅人，聽完介紹都做唔到決擇嘅人，餐廳同事又會好細心咁觀察到，好快咁比到建議我地，考慮到我地同行三人，建議我地每人都可以點唔同嘅餐，盡可能比我地試到唔同嘅美食 好感動個炸雞小食好有驚喜，個人建議檸檬汁可以唔洗唧都得，因為本身已經有七味粉調味，可以先食一啖原味，之後再試一啖沾左一個有香草嘅汁(本人唔太清楚係咩汁)，就會發覺意外嘅夾味食得差唔多之後就上主菜了招牌漢堡扒上菜時錫紙係包住，但係有專人係客人面前切開，D汁慢慢流落鐵板到，聽到啲滋滋聲，真係夠曬吸引之後就上埋另一份，聽餐廳員工講，當中包含有三種芝士，對於我呢D芝士控黎講， 簡直就係天堂， 趁熱切開裏面啲肉仲係粉嫩粉嫩的之後再繼續黎一個香煎北海道夢之大地豚 西冷扒， 聽職員講係用日本黑毛豬， 認真夠講究， 除咗要試必然嘅漢堡扒，本人對於呢個西冷扒都幾推薦食完主菜之後，餐廳職員有主動推介另一款 美

星期六去左灣仔的grill tajimaya 食漢堡扒，我地叫左兩個lunch set，包沙律同餐飲，可以揀配飯/意粉/麵包招牌漢堡扒係用鐵板上的，上面果件係牛肋肉，煮到好冧好入味，配埋個紅酒汁好濃好好食燉煮芝士漢堡扒佢係有三種芝士係漢堡扒上面，醬汁係茄汁黎，啖啖都係芝士味，不過我都係鐘意招牌果個紅酒汁多d間鋪的坐位好闊，坐得好舒服，食物又好食，會再去