上海豆漿大王

營業中

休息中

自從畢業後就冇食過上海豆漿大王，好懷念。點咗最愛之一嘅糖醋排骨麵配雪菜。排骨同麵係分開上。糖醋排骨嘅味道真係令人回味，超入味，酸中帶甜。不過咁多年排骨都係有少少嚡。麵係上海粗麵，一般黎講我都唔太鐘意亦唔會主動叫粗麵，因為冇味，難吸湯汁，感覺似食麵粉。不過呢間因爲有最愛嘅糖醋汁及雪菜配麵食，食落味道唔會話淡到一個點。如果同我都有呢個重口味嘅問題嘅人，就建議配粉絲喇。成碗麵好大碗，食咗一半已經飽。另外叫咗兩份鍋貼（總共：6件）同屋企人share食。鍋貼個皮脆口，咬落都有肉汁。但皮有d厚。從個碟底亦睇到幾多油下。豆漿要散點。一杯凍，兩杯熱。我飲咗一啖凍豆漿就決定比阿爸飲。實在甜，甜味蓋咗豆味。以前唔太鐘意飲熱豆漿，因為佢本身冇加糖，要自己一匙一匙落砂糖，變相就會發覺覺己飲咗好多糖分，有罪惡感。因為呢個原因我今次就冇落糖。飲落有淡淡豆香。唔知係唔係人大咗，比糖分嘅接受程度減少咗，唔落糖嘅豆漿味道剛剛好，都已經有甜味。水準多年都保持到👍🏻👍🏻有機會要再黎回味下。

為食豬係呢間老式上海麵店嘅常客，今日機緣巧合下一齊黎左呢度食晏今次叫左炸菜雲吞上海排骨麵加肉絲 ($37) 同上海排骨粢飯 ($24)麵嘅湯底偏淡，為食豬多數都會加肉絲調味，另外再加辣豆瓣醬就好濃味呢度啲雲吞係為食豬最愛，雲吞皮夠薄之餘又夠大粒，菜肉餡個調味偏咸，同偏淡嘅湯底好夾上海排骨就好乾身同偏薄，好似得塊皮咁上海排骨用黎做粢飯餡都幾有創意，可惜呢度啲上海排骨太乾身令到粢飯食落好dry呢度啲熱豆漿 ($8) 係用碗上，不過豆味偏淡