SUKIYA すき家主打平價牛肉飯，所以經常見到有唔少人排隊，我去嘅時候係平日2點，依然有條長龍。•🥢 熱溶三式芝士牛丼 $45 (M size)牛肉飯配芝士都有兩種選擇，可以揀有無熱溶芝士，呢個牛肉飯揀咗配熱溶三式芝士，溶咗嘅芝士鋪滿牛肉上面，包住啲牛肉，好易同飯撈勻，芝士同牛肉份量都唔少，芝士嘅鹹香味好濃，飯入面都好多醬汁，食到最後會有啲膩同濃味，所以正常食量嘅叫M size都好足夠啦！•🥢 三式芝士燒肉丼 $48 (M size)燒肉丼嘅牛肉同普通牛肉飯嘅牛都有啲唔同，燒肉嘅會大塊大啲啲，肥膏部分會少啲，有燒肉汁嘅味，牛味都比另一個濃啲啲(不過唔知芝士份量有冇影響到🙈)，唔加熱溶芝士都會有三式芝士，個飯嚟到即刻襯熱撈都可以撈到，不過芝士嘅份量就比有熱溶嘅少啲，芝士味無咁濃，但燒肉汁本身都有味，芝士唔咁搶會好啲😛 另外我覺得牛肉飯入面嘅洋蔥煮得唔夠淋，感覺爭咗少少🤏🏼•🥢 套餐: 菜/沙律/炸雞+飲品 +$10加咗一個菜一個沙律，本身以為菜係冷盤前菜，但原來係蒜茸炒通菜，中式調味炒法🤣 不過呢個通菜就太鹹啦👎🏻 沙律就配胡麻醬，感覺日式啲，配牛肉飯都夾啲😉飲品可以揀紅茶/罐裝汽水/麵豉湯～…查看更多
