順日本料理 (已結業)

上次聽朋友話呢間嘅厚燒牛舌，又多又厚，燒得又啱啱好，簡直係冇得頂！！今日過開天后，就帶埋媽咪嚟試～我地叫咗一個厚燒牛舌飯定食，一個燒銀鱈魚定食。厚燒牛舌飯定食：一上枱嚇親我！！🤯啲牛舌厚到好似砧板咁！！大大舊～五大件！連飯都睇唔到～～最重要係燒得好香～但係又好嫩滑好淋，一咬就開！！碗麵豉湯係我見過定食入面最大碗嘅～仲要有白蘿蔔紅、蘿蔔同豆腐，用了十足！！仲有前菜同沙律～肯定大男人都夠食👍🏻👍🏻照燒銀鱈魚定食：媽咪唔食牛，所以叫咗個銀鱈魚定食，銀鱈魚又係燒得好靚，滑配埋燒汁好惹味！！餐廳屬於小店形式～環境清靜～份量十足～價錢合理！街坊必選！！

呢晚嚟咗天后嘅名店 帶咗個好鍾意食牛舌嘅友人嚟呢度食個晚飯🥣 餐廳舖面唔大 同友人坐喺吧檯嘅一角🤣厚燒牛舌飯嚟得呢間餐廳一定要食呢個菜式啦 牛舌真係超級厚😳 口感軟腍得嚟又彈牙 仲要有五大片 牛舌上面有少少黑椒 更加帶出牛嘅香味 呢個餐仲會有一份日式沙律 麵豉湯 日式漬物😚 照燒銀鱈魚定食呢個魚嘅魚油都算香 照燒汁味道偏甜🐟 我就將定食本身嘅白飯改咗稻庭烏冬 烏冬係扁身嘅嗰款🍜 呢隻稻庭烏冬比較幼身 但係都幾有口感 同樣有日式沙律 麵豉湯同埋日式漬物香煎鵝肝鵝肝煎得幾好 外面非常香脆夠乾身 唔會食到成口油🫢 鵝肝入面係好Creamy㗎 底下嘅多士就可以令到冇咁油膩飲品特登叫咗杯日本啤酒chill一下🍺 唔飲酒嘅友人就揀咗青檸梳打🍋 好fresh 呢間餐廳嘅牛舌真係幾出色 難怪佢門口有個牛舌天后嘅招牌😂 鍾意牛舌嘅朋友一定要過嚟試吓啊😋

平時喺天后覓食呢間舖頭坦白講有啲不起眼😅 原來係開咗30年嘅日本料理感覺都裝修有啲經典 見到咁多人都推薦佢嘅牛舌就專登嚟試吓🥰 果然有驚喜啱晒我呢個牛舌控 其他菜式選擇都唔少而且好驚喜❤️ 真係非常推薦⭐️ 厚燒牛舌飯 👅見到有五塊超大塊既牛舌就知有幾豐富🤣外面輕輕嘅燒香咬落去非常之軟淋🔥 咁大塊但係一啲都唔韌 配上甜甜地嘅厚燒醬汁點綴係超滿足💞⭐️ 照燒銀鱈魚定食 🐟除咗牛舌出色我覺得其他菜式都被低估😛銀鱈魚新鮮得來油香好豐富😜 入口嫩滑而且照燒醬汁唔會太濃恰到好處🤩⭐️ 廣島蠔鍋 🦪湯底比較清甜🍲更加突出蠔肉嘅飽滿同埋鮮味💙⭐️ 雞肉棒 🍢燒得夠焦香好有口感好有居酒屋嘅風味🍻⭐️ 沖繩海鹽雪糕 🏝️入口Creamy 得黎帶絲絲既海鹽味🧂感覺好清新

估唔到喺天后都有間咁高質嘅地道日式料理🇯🇵佢係行家庭小店風格 好濃嘅人情味😚.📌吉列豬排定食 $118定食會跟白飯,麵豉湯,醃菜,中華沙律🥗個炸豬排真係𝒄𝒓𝒂𝒛𝒚咁大塊 勁厚身🤩炸皮好脆 有少少黑椒味 再點埋檸檬汁幾特別😋個肉質幾嫩滑夠𝒋𝒖𝒊𝒄𝒚 帶點咬口 似平時嘅厚切黑豚肉咁😎不過個皮同肉就分離咗🥺下面底仲有沙律菜 份量好多 吸吓油 又可以解下膩🤤個飯係用咗日本米 有米香🍚麵豉湯幾好飲 有啲白蘿蔔,紅蘿蔔同少少菇喺入面🍲醃蘿蔔同中華沙律唔會好濃味 幾好食😋.📌照燒銀鱈魚定食 $148相對地個魚就真係細咗啲 仲要貴啲🥺魚幾鮮甜 超級滑 個外皮仲燒到脆脆地🥰配埋燒汁同檸檬汁好正😝.📌香煎鵝肝 $105鵝肝冇腥味 煎到外脆內軟🤩勁𝒋𝒖𝒊𝒄𝒚好肥美 但完全唔會好油膩💓底塊多士都烘得幾脆 仲索咗啲鵝肝嘅油 夾埋一齊食 口感好豐富🍞