大家姐

今日(2-11-2019 Sat)同老公喺荃灣遊盪,到食飯時間,佢話要食嘢,諗住去食四川風味食粉皮,但行經呢喥時,我嗅到沙爹味,應該係有沙爹串燒食,就停低睇睇,但佢嘅menu寫泰式,我驚好辣嗰隻,老公就問店員係味沙爹醬?佢答係.於是決定喺呢間輕食.我哋行入去,見到係有位但分開嘅,個亞姐似想幫我叫客人坐埋一邊又唔似,都唔知做乜,最後佢都幫我哋叫咗一個客人坐埋一邊,咁我哋就有位坐,我哋研究完後,老公要出去逐樣買,我哋食咗:1. $22.00嘅大碗仔翅熱騰騰嘅,一食就食到好濃嘅冬菇味,味道正常.2. $22.00兩串嘅串燒要豬頸肉同雞肉,沙爹醬都幾稀,又只有甜味,豬頸肉感覺好油膩;雞肉口感比較實.3. $20.00有7件嘅煎釀三寶老公自己要咗魚蛋,豆腐各兩件,尖椒,紅腸,番薯.老公一人食晒條尖椒,其餘嘅我都係黐食,番薯薄薄一件,係正常嘅甜;魚蛋算大粒但唔算爽口;豆腐一般正常.4. $28.00嘅仙草黑糖十字奶舊涼粉好大舊,好飽肚,黑糖份量啱啱好.5. $30.00嘅黑糖珍珠十字奶我只食黑糖珍珠,味道同口感都正常.味道係2.83分, 抵食係1.6分服務:其實我一開始就同老公講要$17.0細嘅碗仔翅,但老公買咗返嚟後,問我細嘅要幾錢?我答咗佢後,佢話亞姐收$22.00,即係佢俾咗碗大嘅佢.如果係我去買,我一定即刻同佢講唔要,叫佢舀個碗細嘅我.而我哋一路食,聽到有個亞婆話要碗仔翅,佢哋又收人$22.00,個亞婆問唔係$19.00咩?個亞姐舉起另一個紙碗佢睇,話$19.00嘅係呢個.係喎,我個碗係比細嘅高啲,亞姐真係唔理客人,迫人買多啲o架,以後都係唔再幫趁佢喇.之後又到嗰個亞姐問堂食嘅客人,邊個叫炸雞翼?完全冇人應佢,佢整起咗嘅,話明明聽到有人叫,佢繼續係咁問,問咗好多次都冇人應佢.我心諗抵佢死,咁鍾意屈人,o衣o家整咗出嚟冇人要.上次我哋幫趁已經係15年嘢事(嗰個食評:https://www.openrice.com/zh/hongkong/review/%E6%94%B9%E7%82%BA%E8%87%AA%E5%8A%A9%E5%BD%A2%E5%BC%8F-e2415421),嗰時佢哋都已經成人想屈人,估唔到今日直頭唔聲唔聲地屈,真討厭!…查看更多

今日下午時段經過呢間鋪頭，見佢剛剛有新鮮出爐嘅雞蛋仔，好啦俾個機會你，等我試吓你好唔好食先，雞蛋仔最重要嘅就係外脆內軟，咦，估唔到一間流水作業嘅鋪頭，都做到呢個效果，真係估唔到，值得一讚，因為我試過好多名不符實仲有呢個煎釀三寶，又平又抵食仲有，佢可以用八達通付款，十分方便！…查看更多

喂！「大家姐」等啦！佢不知不覺間已成為荃灣地標近呢年從新裝修過，不過無論堂食定外賣都係用即棄餐具，好唔環保囉！今日尊登帶定飯盒去買煎釀三寶，當我攞個餐盒俾男店員時佢有少少愕然，我諗真係好少客咁做，其實香港餐廳、外賣店同食客嘅環保意式都需要大大提升。不過該男員工好有禮貌。十蚊四件，叫咗魚旦、矮瓜、紅腸同韮菜角，件件都幾有份量，而且唔似用萬年油，唔會炸到黑麻麻，感覺比較健康，唔會滴油，都幾難得。魚旦足料密度高且彈牙，矮瓜多汁厚身、紅腸脆皮、韮菜角餡料不多但炸得香脆，全部唔加鼓油都好夠味。其實大家姐喺荃灣小食界價位算偏貴，路德圍龍津同東京站普遍平啲，而且質素同服務都唔錯，所以其實我比較少幫襯大家姐，但呢個三寶真係物有所值，值得encore之前都食過佢個串燒，個沙爹汁好好味，好多花生粒，$10~12一串，同樣值得推介。…查看更多