可可店 (聯威新樓)

聽聞可可店是港大學生的飯堂，每次來總看到幾枱的港大學生。這兒主流香港街邊小食，如咖哩魚蛋﹑煎蘿蔔糕﹑燒賣，腸粉，炸雞腿等，應有盡有。另外亦有一些面食和飯餐，如雲吞麵，撈麵，生滾粥等！特別喜愛這裡的炒粉面，穫氣十足炒得十分香口，而且所有食品價錢合理，又開到淩晨，簡直是西環石果僅存的樂土！炒烏冬穫氣十足，烏冬口感煙韌，讚！煎薄撐的面有點脆，熱辣辣上碟，而且很厚身，比酒樓的好吃得多。煎腸粉加蛋，香港地道美食，必點。…查看更多

可可店呢個名，我細細個就聽過啦。屹立咗係西環n年，不嬲都知佢開得夜，係港大宵夜蒲點，同埋食物選擇多，不過其實都唔係嚟過好多次。今日做嘢夜咗返嚟，心血來潮想食可可店，所以一個人走咗入去。十點幾，成間嘢爆滿，不過一個人搵位都係冇問題，唔駛等。叫咗必點嘅煎腸粉加蛋，而家要成$17。另外揀咗個蠔豉豬骨粥 $19。講真，價錢真係唔平，叫咗嘢嘅時候我已經諗住俾個ok佢。點知，真係好好食！煎腸粉加蛋呢個名物，唔係齋腸，係蔥花蝦米腸，煎得非常香口，加埋豉油、麻醬、甜醬、芝麻，熱辣辣，香、脆、滑。宵夜食到如此水準腸粉，夫復何求。蠔豉豬骨粥，份量細過我諗（唔係平時食粥嗰種大碗），但係好足料。幾件豬骨、蠔豉之外，竟然仲有唔知係咪意外落咗嘅皮蛋。粥身當然唔係生記嗰種綿綿粥，不過啖啖都有料，啖啖都入味。都係水準之作。偏貴，不過值。抵佢生意咁好。p.s. 以佢嘅人流同食嘅嘢，我諗住正常地下會濕濕地唔太乾淨，但係佢keep到枱面地面都非常乾淨，呢點好抵讚。…查看更多

在士美非路街市食完雞煲，一行五人仲未見飽，嚷著要整多碗糖水先滿足，於是再到可可店﹗門面細細，裡面卻別有洞天，地方原來挺大放了廿幾三十張枱，最緊要的是全場爆滿，要搵個位也不易﹗五個大男人迫在細枱仔，我點了腐竹雞蛋糖水加蛋，$12，再加多碟炸雲吞及煎腸粉加蛋大家分享﹗糖水煲得綿滑，腐竹已全溶化，足料大碗，最重要是不太甜，潤喉舒服﹗友人早前在網上介紹此店，重點在炸雲吞，今日一試味道果然不錯﹗炸得恰到好處，雲吞皮酥化香脆，餡料是蝦及豬肉，比例均稱，蘸沙律醬很好吃﹗腸粉加入蛋漿來煎，想不到味道又幾夾，微焦，不錯呢﹗埋單位位$20，極抵食，在西環這一帶飯後的下一場，要推介這可可店﹗…查看更多

今晚在西環飯聚，質素一般，所以飯後走到可可店來點小吃及糖水哩。可可店，由均益街老鋪，擴展通至大街，及至現在的聯威新樓大鋪，大大話話已幫襯近廿年了。小店以白光管、白瓷磚、大圓摺檯等一貫街坊老鋪模式的經營，但食物款式方面卻越來越多，由最初主打糖水及簡單幾款熱食（如煎腸粉、蘿蔔糕等），到現在粥粉麵飯，以至煎蠔餅等食物也一應俱全。沒有品嘗到同行朋友點的甜品，所以只略略一提以下數款： 炸帶子：一共十件，超市質素，不用多提。 煎腸粉加蛋：吃了多年，其實質素只屬一般。腸粉不夠滑溜，但加入了雞蛋、豉油、甜麻辣醬等等，感覺仍良好。 芝麻綠豆沙：芝麻糊只是超市即食貨色，香味欠奉；綠豆沙也缺了海帶香味，只屬一般。有幸不是太甜，熱天吃個凍糖水畢竟也能消消暑吧。 說實話，環境及食物質素均不能稱上為入流，但作為街坊老店，款式多、價錢平，加上營業至凌晨四時，不失為一個街坊宵夜聚腳點，這也解釋了為何多年來仍屹立不倒的原因。…查看更多