煎慢煮西冷配薯條及沙律

之前要同朋友去開megabox嗰邊買野，之後就去左附近嘅cafe食野～發現左間環境超cozy同慢活嘅隱世cafe, 啲格調勁似傳統日本洋食嘅cafe～同埋啲野飲都好特別，完全冇飲過咁嘅combination ~🐮煎慢煮西冷配薯條及沙律 $188我叫左五成熟， 切開見到都煎得有啲粉紅色嘅🥰～塊牛扒唔會太薄亦都唔會太厚，側邊仲連住啲脂肪，所以牛味同油香味好濃好足夠～肉質都幾鮮嫩，唔會話好韌或者好柴～然後又唔會太乾，切落去都幾juicy~🐷烤慢煮BBQ豬肋扒 $128其實係豬肋骨黎～舊豬肋骨非常入味，充滿BBQ sauce味～又烤到皮脆肉嫩🥰 燒到岩岩好🤩⠀然後都好容易拆骨，又唔會有雪藏味～而配上酸酸甜甜嘅BBQ sauce都令到豬肋骨十分惹味同埋十分醒胃🤩🍼奶醬啡 $42雖然外表有少少普通（好似同其他人嗰杯有少少唔同🤏🏻）但正所謂野飲野食都不可以貌相，味道都幾有驚喜～ 佢個底部有啲朱古力醬，中間亦加左少許花生醬，然後面頭就有奶醬多嘅花生作點綴，奶味濃郁～但又唔會cover到咖啡味，全部野都恰到好處～ 最緊要係：唔會好甜！☕️提拉米蘇咖啡 $48呢個都好有驚喜！好surprised佢都同真嘅tiramisu 一樣有手指餅同埋打到香滑嘅cheese cream層～ 然後下面就係Americano ~所以完全可以balance到上層tiramisu 嘅甜味😍 成杯野飲就好似一個甜品咁，但食完唔會好似食完真嘅tiramisu 一樣感到口渴 ～🧀Cheesecake $32嗰日嘅是日精選蛋糕就係cheesecake~ cheesecake個質地都算綿密結實，都夠滑溜，唔會有粒粒，而賣相都比我expect嘅靚🤩然後份量都好多好足夠，因為我地叫嘅兩個set都有薯條同沙律，所以都真係會捧住個大肚腩走🤣 不過呢間cafe都真係幾隱世，又冇限入座時間，所以最啱同朋友慢慢食慢慢傾下計或者敘吓舊～…查看更多

今日去開九龍灣呢頭，黎左呢間Coti the Bistro既咖啡店食野。 餐牌簡單，有沙律麵包，飯，小食，意粉，主菜，甜品同咖啡茶。今次第一次黎，我地每人叫左一款主菜同一份甜品，另外再叫野飲。烤慢煮BBQ豬肋排 $128 另加一烤慢煮BBQ豬肋排5支骨，果然係慢煮，嫩到可以用刀切，唔洗用手食。豬肋排伴有燒汁，不過本身味道都唔錯，唔加汁食都得。配有熱辣辣厚切薯條同黑醋沙律雜菜，甜甜地既沙律雜菜可以平衡薯條既油膩感，仲體貼配有茄汁比你點薯條。煎慢煮西冷配薯條及沙律 $188 另加一煎慢煮西冷扒超大塊，叫左5成熟，肉質非常嫩口易切，啖啖肉，味道唔錯，唔會乾。同烤慢煮BBQ豬肋排一樣，配有熱辣辣厚切薯條同黑醋沙律雜菜。冷壓蘋果汁 $28 另加一冷壓蘋果汁用杯上，飲落非常鮮甜，味道天然解渴。是日精選蛋糕 $32 另加一是日精選蛋糕係芝士蛋糕。賣相非常有心思。芝士蛋糕大大件，配有少量忌廉，加上食用乾花，再灑上朱古力粉同擠上朱古力醬，最後灑上少少糖霜。呢個芝士蛋糕非常出色，首先質感夠厚身又滑溜而芝士味香濃，特別在外層有燒焦香味，我好鍾意。食既時候配少少香滑忌廉更加令口感有少少濕潤，仲有脆脆乾花增強口感同味道。呢個甜品居然只需$32。總括而言，食物都唔錯，座位舒適，裝修唔差，芝士蛋糕令我回味無窮。…查看更多

夜晚想搵個環境好啲既餐廳同朋友食個飯就諗起coti the bistro，大家叫左兩個主食share，仲一人叫左一個是日精選蛋糕豪華週末早餐酵母麵包 - 麵包夠哂脆，上面應該係一粒粒既牛油果同蕃茄，感覺健康雞扒 - 肉質嫩滑，size合適煙三文魚 - 新鮮美味，仲有煙肉係底襯托松露炒蛋 - 松露味好足而且好平均咁分布係炒蛋上蜜瓜 - 爽甜多汁煎慢煮西冷配薯條及沙律薯條新鮮可口炸脆，薯味亦足非常美味牛扒叫左五成熟，厚度適中肉味足而且多汁，如果可以再嫩滑啲就更perfect 是日精選蛋糕 - 芝士蛋糕質感軟滑，可以配埋旁邊既淡忌廉同芝士味都好夾鮮忌廉朱古力 (凍)朱古力味濃郁，加上鮮忌廉既幼滑，係我朋友超喜愛既飲品果皮冰糖檸檬冷泡茶淡淡的果皮味唔會太甜，有點回甘，岩哂唔鐘意飲咁甜既朋友仔好耐無黎過，menus好似有啲唔同左，多左全日早餐呢一類，選用既配搭都唔錯…查看更多

平時去九龍灣只會在德福或淘大兩處覓食，今次卻來到企業廣場，皆因友人在附近返夜學，所以清楚知道這裏有乜好嘢食。今晚竟然帶我來到一間咖啡店，岩晒我！開放式門口，燈光柔和，睇落蠻有情調。座位分兩邊，有一行二人圓枱及三行四人卡座。我們來到只是五點多，暫時食客不多，故可安排坐梳化卡座，寬敞闊落，坐得舒適。看看各份menu，有All day menu、Drinks menu 和Desserts ，選擇不算多。******************************友人一向喜歡食牛，點了一客煎慢煮西冷配薯條及沙律 Slow-cooked Beef Sirloin Steak with French Fries and Salad ($148)。西泠厚度適中，外表深啡亮澤。煎慢煮果然不同，雖指定七成熟，內肉仍呈鮮粉紅，並沒有流出血水，正合我們心意。肉質挺腍嫩，邊位連帶着一層甘香油潤的脂肪和煙煙韌韌的肉筋膜，最吸引我。牛味香濃，即使不蘸上所配備的牛肉醬汁也很美味。薯條香噴噴，條條炸至金黃，色澤平均，外微脆內粉綿，並不油淋淋，滿有薯香，再蘸些茄醬更好味。還有新鮮清爽的雜沙菜新鮮清爽，配上鮮甜爆汁的車厘茄，淋上份量剛好的醋汁，清新開胃。******************************我這個魚痴當然揀蒲燒鰻魚飯 Grilled Japanese Eel with Rice ($88)，以原條鰻魚上枱，夠晒吸晴！鰻魚沾滿鰻魚醬，色澤亮麗，面頭灑滿紫菜絲和甘香的芝麻，旁邊還配了醬油雞蛋、日式漬蘿蔔和花菇。鰻魚相當墜手，挺有份量。鰻魚肉嫩帶少少柔韌，味道香濃，跟粒粒圓潤的米飯同吃就是最佳配搭，再吃些酸咪咪的爽脆漬蘿蔔以中和魚的油膩感，配搭合宜。雞蛋味道有少少鹹香，若然是溏心蛋的話，相信賣相和味道會更吸引。******************************飯後甜品不能少，最近大熱的窩夫當然是牛角酥窩夫，這客焦糖香蕉窩夫Caramel & Banana with Waffle ($78)也是以牛角酥變成窩夫，再配上幾條焦糖香蕉，份量好足，兩人共享就岩晒。窩夫烘得金黃帶些焦燶，切開分半時發出脆响，雖壓至見不到酥皮的層次，但咬下去那挺香脆，且滿有牛油香，帶些香甜。焦糖香蕉也吸引，香蕉面有一層金黃的焦糖薄脆，味道更香甜美味。******************************來到咖啡室當然要嘆返杯咖啡，這裏的咖啡選擇挺多，仲好有特色添！奶醬多就食得多，奶醬啡 Milk & Peanuts Coffee ($48)就第一次見，單單賣相就好有驚喜！用花生碎和朱古力醬圍繞整個杯邊，而朱古力醬就溶化在杯身，賣相很美! 趁暖笠笠就馬上呷一口，先嚐到花生香，繼而就有奶的香甜，再來是咖啡的香濃，味道沒有所吃的奶醬多咁甜，岩晒我口味。最喜歡是邊喝邊吃到花生碎粒，多份口感，不錯！友人受不了咖啡，故點了杯棉花糖朱古力 Marshmallow Chocolate ($42)，賣相一流！朱古力面拉畫了一隻小熊，再以兩粒棉花糖做小熊的腳板，可愛得很！棉花糖慢慢溶入暖暖的朱古力中，喝時嚐到香濃的朱古力之餘，還有棉花糖的香甜，真係令人甜入心。------------------------------今次走遠一點來到這間舒適咖啡室，令我相當滿意，看來日後不用單單在德福和淘大覓食，四處搵搵，必有新發現。…查看更多

在九龍灣的商業大樓內，竟然有一家擁有浪漫燈光及寬闊座位的西餐廳，一看氣氛就覺得很適合情侶約會！所以呢，我和男友就進去了~煎慢煮西冷配薯條及沙律 $188牛扒大大一片，因為是慢煮的關係，它沒有煎的痕跡和金黃色，而是熟牛的淺啡色。點了七成熟，牛扒中心只有一小部分嫩紅的位置，煮得剛剛好。薄身的牛扒易切，有實在的質感和肉汁，每口都有濃郁的牛味！即炸的薯條外脆內嫩，表面很香、薯肉充足，太邪惡了。幸好有清新的沙律菜來平衡一下，還有酸甜的柚子汁搭配，味道更清爽。烤慢煮BBQ豬肋排 $128佈滿燒烤醬的烤豬肋排大概有五到六條骨的份量，伴以額外的醬汁，個人認為最適合拌意粉吃，因為肉上已裹滿醬汁了。酸甜的燒烤醬讓豬肋骨十分惹味，粉嫩的肉質頗為柔軟、容易起骨，咬下去除了醬汁的酸甜、也有豬肉及輕微油脂的酥香味道。提拉米蘇窩夫 $88窩夫是即叫即焗的，外型及質感跟平常吃的工整形狀窩夫不同。它們的顏色雖不均勻，但氣味及味道都充滿牛油香，質感如牛角包般有多層的酥皮，咬下去相當酥脆，有驚喜！Tiramisu則是原杯上的，最底層不是浸過咖啡的餅乾，而是直接用了齋啡，味道相當濃郁芳香！所以我覺得這道甜點的吃法是直接將窩夫沾進提拉米蘇中混著吃~咖啡慕絲蛋糕 $32咖啡豆形狀造型可愛，旁邊還有玫瑰和幼滑的忌廉裝飾。可可粉下是綿滑的咖啡慕絲，還有啫喱般的餡料和蛋糕層，口感豐富。棉花糖朱古力 $42這是男友點的，有小熊圖案和以棉花糖作立體的熊手也太可愛~ 滿載甜蜜的濃厚朱古力，要拌勻喝呢！天然蜂巢咖啡 $48知道這店主打咖啡，所以點了一杯來試，這杯是要自己把咖啡吸蜂蜜蜂巢融合到奶泡中。齋啡充滿香氣、味道甘香，加上綿密奶泡和香甜的蜂蜜剛剛好，不會有苦味。飲飽食醉的美好約會，就是如此。…查看更多

行完megabox想食西餐，就上網搵附近有咩cafe可以坐耐小小又有西餐，就搵到依間飲品好似幾特別，西餐又幾平民價，就去試左🤣。-🤍半乾蕃茄雞肉意粉$86🤍煎慢煮西冷配薯條及沙律$188🤍是日蛋糕$32🤍棉花糖朱古力$42🤍焦糖布甸咖啡$42✨設加一服務費-🤍半乾蕃茄雞肉意粉⭐⭐⭐⭐依款餐廳新推出，所以決定試下😝。半乾蕃茄睇落顏色深到好似牛肉😂，食落原來係超酸蕃茄😂，雞肉呈條狀，食落肉質結實，而意粉較為濕潤有咬口😋味道酸酸地幾開胃。.🤍煎慢煮西冷配薯條及沙律⭐⭐⭐⭐西冷我哋叫左7成熟，切開時有微微既粉紅色，肥膏唔算多，肥瘦適中，筋位會多小小，但帶有嚼勁而不油膩。薯條屬粗身，如果熱啲會更好食。.🤍棉花糖朱古力⭐⭐⭐⭐中意飲甜野既人一定會中意依個。頂層吱滿忌廉同灑左可可粉，仲掛左粒棉花糖係到，賣相真係幾吸引😍。味道黎講就成杯都係濃郁朱古力味🍫，但棉花糖味就唔算岀。.🤍焦糖布甸咖啡⭐⭐⭐⭐幾個層次既咖啡🥰，面層焦糖脆口，有小小薄片口感，布甸份量比較小，相對味道唔算岀，下層咖啡幼滑，味道甘甜。-環境：7/10服務：7/10好味指數：7/10回頭率：7/10…查看更多