焦糖香蕉窩夫

平時去九龍灣只會在德福或淘大兩處覓食，今次卻來到企業廣場，皆因友人在附近返夜學，所以清楚知道這裏有乜好嘢食。今晚竟然帶我來到一間咖啡店，岩晒我！開放式門口，燈光柔和，睇落蠻有情調。座位分兩邊，有一行二人圓枱及三行四人卡座。我們來到只是五點多，暫時食客不多，故可安排坐梳化卡座，寬敞闊落，坐得舒適。看看各份menu，有All day menu、Drinks menu 和Desserts ，選擇不算多。******************************友人一向喜歡食牛，點了一客煎慢煮西冷配薯條及沙律 Slow-cooked Beef Sirloin Steak with French Fries and Salad ($148)。西泠厚度適中，外表深啡亮澤。煎慢煮果然不同，雖指定七成熟，內肉仍呈鮮粉紅，並沒有流出血水，正合我們心意。肉質挺腍嫩，邊位連帶着一層甘香油潤的脂肪和煙煙韌韌的肉筋膜，最吸引我。牛味香濃，即使不蘸上所配備的牛肉醬汁也很美味。薯條香噴噴，條條炸至金黃，色澤平均，外微脆內粉綿，並不油淋淋，滿有薯香，再蘸些茄醬更好味。還有新鮮清爽的雜沙菜新鮮清爽，配上鮮甜爆汁的車厘茄，淋上份量剛好的醋汁，清新開胃。******************************我這個魚痴當然揀蒲燒鰻魚飯 Grilled Japanese Eel with Rice ($88)，以原條鰻魚上枱，夠晒吸晴！鰻魚沾滿鰻魚醬，色澤亮麗，面頭灑滿紫菜絲和甘香的芝麻，旁邊還配了醬油雞蛋、日式漬蘿蔔和花菇。鰻魚相當墜手，挺有份量。鰻魚肉嫩帶少少柔韌，味道香濃，跟粒粒圓潤的米飯同吃就是最佳配搭，再吃些酸咪咪的爽脆漬蘿蔔以中和魚的油膩感，配搭合宜。雞蛋味道有少少鹹香，若然是溏心蛋的話，相信賣相和味道會更吸引。******************************飯後甜品不能少，最近大熱的窩夫當然是牛角酥窩夫，這客焦糖香蕉窩夫Caramel & Banana with Waffle ($78)也是以牛角酥變成窩夫，再配上幾條焦糖香蕉，份量好足，兩人共享就岩晒。窩夫烘得金黃帶些焦燶，切開分半時發出脆响，雖壓至見不到酥皮的層次，但咬下去那挺香脆，且滿有牛油香，帶些香甜。焦糖香蕉也吸引，香蕉面有一層金黃的焦糖薄脆，味道更香甜美味。******************************來到咖啡室當然要嘆返杯咖啡，這裏的咖啡選擇挺多，仲好有特色添！奶醬多就食得多，奶醬啡 Milk & Peanuts Coffee ($48)就第一次見，單單賣相就好有驚喜！用花生碎和朱古力醬圍繞整個杯邊，而朱古力醬就溶化在杯身，賣相很美! 趁暖笠笠就馬上呷一口，先嚐到花生香，繼而就有奶的香甜，再來是咖啡的香濃，味道沒有所吃的奶醬多咁甜，岩晒我口味。最喜歡是邊喝邊吃到花生碎粒，多份口感，不錯！友人受不了咖啡，故點了杯棉花糖朱古力 Marshmallow Chocolate ($42)，賣相一流！朱古力面拉畫了一隻小熊，再以兩粒棉花糖做小熊的腳板，可愛得很！棉花糖慢慢溶入暖暖的朱古力中，喝時嚐到香濃的朱古力之餘，還有棉花糖的香甜，真係令人甜入心。------------------------------今次走遠一點來到這間舒適咖啡室，令我相當滿意，看來日後不用單單在德福和淘大覓食，四處搵搵，必有新發現。…查看更多

喺九龍灣竟然比我搵到間坐得舒服，卡位又多，環境寧靜既cafe放假仲要無咩人，可以傾住計慢慢食，甜品仲要係最有驚喜▪️烤慢煮BBQ豬肋排 ($128)蘸滿醬汁既豬肋排好惹味，以慢煮方式煮到肉質嫩滑，而且好入味！仲要有熱辣辣既薯條🍟伴碟，份量剛好▪️香脆軟殼蟹漢堡伴椰菜絲沙律 ($98)原隻軟殼蟹炸到好鬆脆，有椰菜絲沙律、蕃茄同生菜夾埋一齊食，重點係❗️連個包都係脆架😋▪️焦糖香蕉窩夫 ($78)用牛角包🥐整成既窩夫🧇好酥脆，焦糖香蕉🍌加忌廉好perfect▪️提拉米蘇窩夫 ($88)咖啡同朱古力香並重，口感軟滑，窩夫同樣用牛角包整成，一樣香脆▪️棉花糖泡泡咖啡 ($48)香濃咖啡配上棉花糖泡泡，好有層次感整體性價比不錯，窩夫🧇絕對係必試😬…查看更多

呢間餐廳環境清潔，幾寧靜，甜品同咖啡幾好味，適合gathering。👍🏻試意推薦比大家☺️1.煎慢煮安格斯西冷配薯菜Order五成熟😀肉色粉嫩，火候控制得剛剛好。牛肉味香，有牛油味但不油膩，易咬，不錯👍🏻粗薯外脆內有薯蓉👍🏻2.慢煮烤雞配霹靂葡汁、雜錦沙律烤雞肉質同樣粉嫩，無雪藏味，點上霹靂葡汁之後酸辣酸辣咁，味道幾刺激。3.焦糖香蕉窩夫4.提拉米蘇窩夫原來呢度既窩夫係用牛角包整嫁！正！😍提拉米蘇唔會太甜，底下既餅碎充滿酒味👍🏻👍🏻5.焦糖布甸咖啡表面有一層焦糖，喺飲咖啡時同時飲到甜甜地咁！😋😋👍🏻👍🏻6.奶醬啡有花生粒喺杯邊，飲咖啡既時候增添香味😋…查看更多

餐廳鄰近MegaBox，距離港鐵站約十分鐘步程，人流較少，環境舒適可以靜靜地慢慢坐，嘆下超正。 餐湯、蒜蓉包（跟餐）餐湯蕃茄味道濃郁，酸酸地幾開胃，配埋蒜蓉包好食。豪華週末早餐 $118有黑松露炒蛋、煎雞扒、煙肉、煙三文魚、牛油果醬多士、沙律菜同哈蜜瓜，非常豐富，雞扒外皮煎得香脆，哈蜜瓜香甜。 慢煮64C溫泉蛋卡邦尼意粉 $88意粉軟硬適中，温泉蛋汁同醬汁撈勻後掛滿每一條意粉，每啖充滿忌廉同芝士味，仲有不少煙肉同菇菌，好味好味。 提拉米蘇窩夫 $88窩夫大大塊，非常酥脆有層次，蘸上軟綿滑溜的tiramisu，啖啖充滿咖啡芳香，一齊食有感幸福。 焦糖香蕉窩夫 $88 窩夫另一食法確有特色，夾埋焦糖香蕉淡忌廉，甜甜地味道都好夾。奶醬啡 $48香濃咖啡味加上花生醬味，味道相當特別，飲落仲有不少花生碎增添了口感。紅豆鮮奶咖啡 $48紅豆甜而不膩口配上香滑咖啡，啖啖滋味。…查看更多

𝑪𝒐𝒕𝒊 𝒃𝒊𝒔𝒕𝒓𝒐𝑲𝒐𝒘𝒍𝒐𝒐𝒏𝒃𝒂𝒚 𝑺𝒍𝒐𝒘 𝒄𝒐𝒐𝒌𝒆𝒅 𝒃𝒆𝒆𝒇 𝒔𝒊𝒓𝒍𝒐𝒊𝒏 𝒔𝒕𝒆𝒂𝒌煎慢煮安格斯西冷配薯菜$188薄而大片的西冷扒以65度慢煮，幾花心思時間，配菜有薯條🍟沙律🥗𝑫𝒆𝒍𝒖𝒙𝒆 𝒘𝒆𝒆𝒌𝒆𝒏𝒅 𝒃𝒓𝒆𝒂𝒌𝒇𝒂𝒔𝒕 全日豪華早餐$118整體賣相好靚食慾大增，有煙三文魚、黑松露炒蛋、煎雞扒、 酵母麵包配牛油果醬、哈密瓜、煙肉同沙律酵母麵包🥯好岩口味，同我一樣鐘意歐陸麵包的話應該都鐘意食呢款～哈密瓜🍈切片，好甜!𝑪𝒂𝒓𝒂𝒎𝒆𝒍 & 𝒃𝒂𝒏𝒂𝒏𝒂 𝒘/ 𝒘𝒂𝒇𝒇𝒍𝒆焦糖香蕉窩夫$78香蕉🍌同𝒄𝒓𝒆𝒂𝒎一齊食甜蜜又軟綿綿好正🤤窩夫並非平時食開格仔餅的鬆軟質感，而是更加酥脆，配合忌廉食落脆中帶軟～𝑪𝒉𝒆𝒆𝒔𝒆𝒄𝒂𝒌𝒆是日精選蛋糕$48旁邊有朱古力醬和忌廉，同芝士蛋糕幾夾𝑻𝒓𝒊𝒎𝒂𝒔𝒖 𝒄𝒐𝒇𝒇𝒆𝒆提拉米蘇咖啡$48幾驚喜😍 𝑻𝒓𝒊𝒎𝒂𝒔𝒖好食，同下面的咖啡混合一齊中和齋啡的苦澀𝑰𝒄𝒆𝒅 𝒎𝒂𝒕𝒄𝒉𝒂 𝒍𝒂𝒕𝒕𝒆抹茶鮮奶$42抹茶味好出，奶味及甜味不重～…查看更多

週末找家Cafe，將步伐放慢下來，是生活節奏急促香港人所需要的，星期六我就來位於九龍灣的Coti the Bistro寫意地度過一個下午。餐廳裝修風格時尚，氣氛悠閒，坐得寬敞舒適。星期六供應Brunch Menu，選擇不少。隨餐附送是日餐湯及蒜茸包。是日餐湯為羅宋湯，酸酸的蕃茄味，開胃極致。慢煮烤雞配霹靂葡汁、雜錦沙律 $118霹靂葡汁香料味突出，微辣惹味，配合雜錦沙律亦可中和肉食的油膩感。雞皮薄如蟬翼，烤雞燒得夠乾爽，尤其是雞脾位夠啖啖肉，沒有絲毫雪味。燒慢煮BBQ豬肋排 $128配菜有懷舊風的曲薯條，炸得金黃酥脆，肉心軟綿細密。豬肋骨不算太厚肉，但勝在肉質軟腍嫩滑，咬一口肉輕易便離骨，不會過韌。吃完brunch 後追加了兩份甜品，帶來滿足視覺及味覺的甜蜜享受。提拉米蘇窩夫 $88tiramisu質感細緻濕潤，入口即化，撒上苦香可可粉，咖啡香氣濃得化不開，可說是歷久彌新的經典美味。這裡窩夫原來是Croffle，即是 Croissant （牛角包）＋ Waffle （窩夫）的混合體，切開時鬆脆得發出清脆的「咔嚓」聲，牛油香氣濃盛。焦糖香蕉窩夫 $88完熟香蕉與表面焦糖各自的甜味互相平衡，使甜味昇華至另一層次。Croffle口感比傳統窩夫更酥脆鬆軟，保留牛角包一層層的酥軟分明層次。cafe除了有一系列的咖啡飲品外，還提供不少特式飲料。咖啡果皮茶配蜜糖 $52咖啡果皮茶其實是咖啡果實的果皮乾燥後形成的果殼，沖泡後色澤如蘋果汁般清澈透亮。果皮茶的味道與咖啡截然不同，取而代之的是淡淡的水果茶香，混合天然甘點的蜜糖份外清甜潤喉。抹茶鮮奶 $42入口綿柔，茶香比奶味更重，散發抹茶的微瀝回甘。…查看更多