鮨廷 (已結業)

今日去開尖沙咀見客，搞到午餐都無時間食，做完嘢响附近搵食，呢間壽司店2:30仲有人等緊位，我又試吓先。店仔細細，裡面大約10個吧枱位，可以見到師傅切魚生整壽司。叫左幾款喜愛嘅壽司，首先係帆立貝壽司，帆立貝爽口清甜，配埋赤醋飯好味火炙過嘅帆立貝又係另一種風味，微微焦香加上鮮爽口感，正。油甘魚油潤帶爽，真不錯。赤貝爽口鮮美，感覺滿足海膽份量多，鮮美豐腴，百吃不厭呀蔥吞拿魚腩肥美軟滑，配埋脆脆紫菜真係絕配。大拖羅肥美潤滑，入口魚味豐盈。焦糖玉子好特別，火炙過嘅玉子面頭有脆焦糖，食落又唔錯喎。店內有玄米茶同麥茶俾客人選擇坐位仲有USB叉電位，好貼心。…查看更多

4月太充實加5月考試又停更sorry🤧回歸第一po介紹一間喺尖沙咀嘅平價omakase先❗️😋▫️鮨廷嘅omakase set做緊優惠，不過我同朋友淨係散叫咗啲壽司，性價比高👍🏻佢哋嘅拖羅較為出色，其他壽司都幾好食，普遍都鮮甜有口感，推介各款拖羅、帆立貝同油甘魚壽司～(˶‾᷄ ⁻̫ ‾᷅˵)▫️（排序根據圖片左至右、上至下）🔸北寄貝 𝗦𝘂𝗿𝗳 𝗦𝗵𝗲𝗹𝗹 $12 🌟6/10爽口，不過其他壽司更出色。▫️🔹油甘魚 𝗬𝗲𝗹𝗹𝗼𝘄𝘁𝗮𝗶𝗹 $28🌟7/10肥厚甘香👍🏻▫️🔸炙三文魚 𝗦𝗲𝗮𝗿𝗲𝗱 𝗦𝗮𝗹𝗺𝗼𝗻 $12 🌟7/10三文魚𠝹咗花紋，令佢喺炙燒時逼出更多魚油，豐富口感👍🏻▫️🔹炙帆立貝 𝗦𝗲𝗮𝗿𝗲𝗱 𝗦𝗰𝗮𝗹𝗹𝗼𝗽 $25 🌟7.5/10帆立貝好厚身又好稔😋▫️🔸蔥拖羅 𝗧𝗼𝗿𝗼 𝘄/ 𝗚𝗿𝗲𝗲𝗻 𝗢𝗻𝗶𝗼𝗻 $25 🌟8/10拖羅肥美，夾埋蔥花更香，廚師仲加咗一片海膽俾我哋😍，海膽鮮甜而且口感又同拖羅幾夾🥰▫️🔹焦糖玉子 𝗖𝗿𝗲̀𝗺𝗲 𝗕𝗿𝘂𝗹𝗲𝗲 𝗧𝗮𝗺𝗮𝗴𝗼 $12 🌟7/10面頭有一層薄薄嘅焦糖，朋友話甜甜地幾好食。▫️🔸中拖羅 𝗦𝗲𝗺𝗶 𝗙𝗮𝘁𝘁𝘆 𝗧𝘂𝗻𝗮 $38 🌟7.5/10油脂分布啱啱好，唔會太肥👍🏻▫️🔹大拖羅 𝗣𝗿𝗶𝗺𝗲 𝗙𝗮𝘁𝘁𝘆 𝗧𝘂𝗻𝗮 $48 🌟7.75/10比中拖羅更肥美更多油脂，入口好滑好嫩👍🏻▫️🔸赤貝 𝗔𝗿𝗸𝘀𝗵𝗲𝗹𝗹 $38 🌟7/10新鮮爽口👍🏻▫️只需要提供電話號碼就可以成為鮨廷會員，喺晚市order omakase有85折優惠。大家去開尖沙咀可以試吓呢間！(≧∇≦)▫️🖊Food 7/10 Atm 6.5/10 Service 8/10 $$ 7/10 CP 7/10…查看更多

星期五同朋友約咗喺尖沙咀食晏，佢話想食壽司，我就即刻聯想起「鮨廷」，皆因之前食過覺得幾正😝。兩點幾去到啱啱有人埋單走，所以基本上唔使等就入得。唔知我有冇記錯，呢度之前係無位坐、要企嘅立食嚟，但而家有得坐仲舒服啦。雖然座位窄窄地，不過尚算一應俱全，有齊🍵茶包、醬油同碟仔等，但如果加埋個掛鈎喺枱底放袋就更佳。餐廳閒日有推午市套餐，相對抵食啲，可以揀丼飯或者自選壽司🍱。另外，店員仲介紹午市嗌廚師發辦的話，另一午餐可享5折優惠‍；如果晚市食就有85折優惠👨🏻‍🍳。其實幾抵，但我哋太偏食，所以都係嗌Set算。以上優惠只適用於會員，雖然我哋無食Omakase，但都加入咗做會員，因為用電話號碼就得。三文魚親子丼($138)，親子丼賣相吸引，有五片厚切嘅三文魚刺身🐟同埋一大堆三文魚籽。三文魚就算唔係腩位，但都非常肥美；而魚籽就粒粒爆漿，鹹香十足。呢度嘅壽司飯係用上赤醋，所以飯身呈淺啡色，🍚飯粒分明，軟硬適中，又唔會太笠，加上溫度暖暖哋，幾好食。自選壽司定食🍣($148八貫/$178十貫)，壽司共有25款選擇。我哋咁啱全部都要哂軍艦，而包住軍艦嘅紫菜就好脆口。題外話，其實只要揀選$18以上嘅款式就已經可以回本，較平嘅幾款則建議單點吧🙈。1️⃣葱拖羅軍艦，呢個經典款式無令人失望，拖羅蓉口感軟綿。2️⃣松葉蟹肉軍艦，松葉蟹肉好鮮甜，食嘅時候猶如食緊蟹鉗。3️⃣芥辣八爪魚軍艦，芥辣味好到位，少少攻鼻，加埋彈牙嘅八爪魚粒，爽啊。4️⃣蟹棒蟹糕軍艦，蟹羔鮮味唔腥，同蟹棒絲夾埋係一絕。5️⃣明太子帆立貝軍艦，微辣嘅明太子醬配以小貝柱食好好味喎，口感亦同樣正！6️⃣辣三文魚軍艦，呢款一般啦，個人略嫌太辣。7️⃣辣吞拿魚軍艦，同辣三文魚一樣辣。8️⃣三文魚籽軍艦，呢個我就無影相喇，因為同親子丼一樣好食。另外，我哋仲嗌咗兩件火炙三文魚($12)，🔥炙燒完嘅三文魚真係特別香，魚脂滲透哂出嚟，無得輸。焦糖玉子($12)，佢係鮨廷壽司之一，即係餐廳嘅特別推介？呢款每次食都覺得咁好食，焦糖配玉子勁夾，又甜又重蛋香🥚。跟餐嘅味噌湯唔錯，唔太鹹，又夠熱👍。跟餐嘅沙律就正正常常🥗，無乜特別。總括嚟講，鮨廷確係幾高質😋，魚生有應有嘅水平，價錢比連鎖店貴少少，但成個體驗完全唔同。我相信喺度食Omakase都會有一定水準！不過餐廳得好少座位，想食就最好訂定枱喇。…查看更多

今日下午約了朋友吃壽司，餐廳的座位不算多，全部都是吧台。壽司可以單點或點套餐，所有壽司飯可以加了調味，不用蘸醬油都可以。⭐️鰻魚$15鰻魚軟嫩可口。⭐️炙三文魚$12表面有劃花紋，表面炙燒逼出油脂，口感更好。⭐️蟹棒$12蟹棒不像蟹棒，有包裝過的蟹棒看下去更高級。⭐️炙帆立貝$25帆立貝軟腍甘甜。⭐️焦糖玉子$12好味道的焦糖玉子，蛋上面有一層薄薄的焦糖，入口更香甜。⭐️赤蝦$20赤蝦新鮮爽脆。⭐️中拖羅$38接近赤身的位置，入口魚味突出，比較清爽。⭐️加州卷$58加州卷有牛油果、蟹柳和蛋，用料足，外面一層蟹籽，這個價錢抵食。⭐️鰻魚手卷$30紫菜夠脆，鰻魚大大片，米飯和鰻魚配搭絕佳。⭐️芥辣八爪魚$12芥辣八爪魚份量多，入口香辣。⭐️蟹棒手卷$20米飯和蟹棒配搭恰當，加上醬汁，不錯。⭐️飛魚籽$12滿瀉的飛魚籽吃起來才有口感。…查看更多

同屋企人行街，突然佢話想食壽司，見到附近有間日式餐廳就入去啦！餐牌有壽司、火炙壽司、軍艦、手卷、卷物等等，我哋就見咗唔同壽司試下。壽司師傅會喺你面前製作壽司。我哋叫咗真鯛($22/件)、赤蝦($20/件)、帆立貝($25/件)、油甘魚($28/件)、深海池魚($30/件)、芥辣八爪魚($12/件)、蟹棒蟹膏($25)、焦糖玉子($12/件)，師傅都係由淡到濃味奉上，仲會按進餐速度而提供下一件壽司。油甘魚、深海池魚都有油份，而軍艦個紫菜好脆之餘，滿滿的芥辣八爪魚好吸引。特別要提焦糖玉子，面層是脆脆的焦糖，下面是玉子，一次過食哂兩種口感。臨走時店員仲同我講，只要用電話號碼就可以成為會員，午餐叫Omakase就會有半價優惠，晚餐Omakase就有85折，下次有機會再試下。…查看更多

一直以為Omakase好貴，沒想到這間位處尖沙咀鬧區的壽司店，吃到飽都是人均300元不到，性價比確實不錯。原本看食評都是立食，但現在就有位坐，雖然是高腳椅，但亦舒服好多，朋友介紹果然有保證。——————————🔹鮨廷刺身丼 $220招牌刺身丼由師傅精選9款刺身，搭配自家調製的醬油壽司飯，今次就有三文魚、池魚、牡丹蝦、真鯛等，以魚肉為主，整體鮮味十足。特別喜歡牡丹蝦，肉質爽脆鮮甜！🔸炙三色壽司盛合 $88一向喜歡炙燒壽司，最愛就是其獨特的焦香味！大拖羅油脂豐富，入口滑嫩；右口魚邊甘香，入口即化；三文魚相對普通，但亦算不錯。🔹三文魚壽司 $12與炙三文魚相比，三文魚壽司就更為出色，入口油潤，脂香濃郁。🔸北寄貝壽司 $12北寄貝爽滑彈牙，肉質緊緻鮮甜。🔹大拖羅壽司 $48拖羅油香豐富，甜滑，偶而有筋，但魚味更突出。🔸焦糖玉子 $12表面是脆焦糖，下層是蛋香重的玉子，口感豐富有趣。…查看更多

轉左師傅好食過以前😍絕對有驚喜👍🏻新師傅好用心整每件壽司，仲細心介紹每一款。最鍾意嘅白子，好新鮮，加埋個酸汁鮮味更出👐🏻加左芝麻碎，好夾好有層次！好有驚喜😋呢度嘅赤貝真係冇得輸🤩金目鯛，唔記得左上面係咩，但好好食，從冇食過咁好味嘅金目鯛，哈哈，好誇張，但認真好好味！油甘魚，同樣出色！每次都以焦糖玉子做總結😚感覺轉左新師傅，食物更有水準，更勝從前！好抵讚！…查看更多

第一次來這家店，選了自選6件壽司再追加幾件喜歡的壽司。自選系列的選擇一般，所以選擇單點其他的。魚料吃得出是新鮮的，比如吞拿魚赤身，吃下去香甜軟滑。但可惜的是，幫我做壽司的那位師傅刀功一般，感覺魚料有點厚薄不一。尤其是那塊油甘魚，給的部位多筋而且看下去也不甚美觀。然後一頓過後，也沒有哪一件壽司特別驚豔。不過以性價比來說，這家是還不錯的，只是感覺沒有特別需要回頭再吃的原因。整體環境是衛生乾淨的，只是位置的確偏少，等了半個小時才有位置。…查看更多

初次嘗試立食壽司，呢間店係自助形式，檯上有玄米茶同綠茶粉可自助沖茶，填好點餐紙後交比面前的師傅。選了午餐的自選壽司定食10件 ($165)，已包括沙律同麵豉湯。師傅係你面前即場製作新鮮壽司，見你食完一件再整下一件比你。全部壽司都好新鮮，特別係帆立貝同甜蝦，勁鮮甜，絕對會再來光顧！！三文魚深海池魚+油甘魚赤身+帆立貝勁鮮甜蟹棒+玉子甜蝦好大隻鮮甜+鰻魚芥辣八爪魚軍艦赤蝦松葉蟹肉軍艦蔥拖羅軍艦蟹棒蟹膏軍艦三文魚籽軍艦另外追加左焦糖玉子，脆脆的焦糖加上甜甜的玉子，配搭起來係好好食的飯後甜點…查看更多

上次對呢間三文魚籽手卷同灸右口魚邊壽司念念不忘，今日經過決定要再食😋上次食左手卷，三文魚籽多到由頭食到尾都有，今次叫軍艦睇下師傅係咪繼續禁重手 🤣 一上碟就知正！仲有一堆伴碟😂😂😂 啖啖咸香不腥嘅三文魚籽多到有啲過份，粉絲一定要點！炙右口魚邊壽司即叫即整， (上網睇左口同右口不太大分別），燒左啲魚油出黎好香好滑，都係必點之選。今次黎到要食新嘢，試左海膽軍艦，$68，望價錢係貴左少少，但佢真係俾返呢個價錢嘅份量😂 海膽有上下兩款，都幾鮮唔會有腥臭，可試一次～但未去到要下次再encore.都點左焦糖玉子，其實普通玉子再加焦糖燒一燒，如果師傅再燒耐少少令玉子暖啲就好 😯😯但呢個配搭幾特別～呢度店員服務好好～可能隔離另一間店較出名，所以唔使點排隊。但我鍾意呢間多啲，因為食過兩次水準都好穩定👍👍(為荷包着想，當然不能常吃啦，但都會繼續幫襯😂😂)…查看更多

正如劇集《孤獨的美食家》中既男主角一樣，每個打工仔一收工都同樣歸心似箭，寧可一個人沉澱心靈。呢間立食壽司係我近期發現、真正可以感受到寧靜既落腳處，店內播住輕鬆既純音樂，無嘈雜既交談聲，大家都只專注眼前既美食同師傅細膩認真既手藝。價錢以香港壽司店黎講屬於中高檔，但每件都係即叫即製、真材實料。午市套餐送日式沙律，簡單既食材同調味帶黎清新輕盈既口感，作為前菜過下口癮之餘唔會遮蓋魚生既味道。香港既吞拿魚好多時都唔夠新鮮，食落有腥味，呢度既赤身細嫩鮮美，真係有同舌頭交融既感覺油甘魚肥美厚滑，油香滿滿，一咬即化。第一次試池魚，食落有啲似鯛魚既口感，屬於有咬口既質感，入口伴隨住獨特既海水味。一上板就聞到鰻魚既焦香外面燒到微微焦脆，嫩滑無骨，入口即融。拖羅屬於油脂較豐富既位置，最岩用黎做魚蓉，口感綿密細緻，而且份量十足，成舊啪入口滿滿既魚香，必試呢度既軍艦全部都好足料，睇下啲蟹膏蟹肉幾多食落好重蟹鮮味呀！黑板上仲有啲季節限定，愛食蛋既我忍唔住嗌左份玉子燒表面既焦糖即叫即燒，同時食到表面薄脆微溫既甘甜同下層冰凍綿密既蛋香，層次鮮明，當甜品食為呢餐一人午膳畫上完美句號一人既浪漫，又點止豆腐火腩飯反而呢種黎自日本既立食方式更岩繁忙響往寧謐既都市人！…查看更多

我從來都覺得立食係一件好攰既事，但基於香港有土地問題，以致立食壽司店越開越有，為左想試下連鎖店以外既壽司，搵返正宗日本壽司感覺，今日都終於決定要獻出我既第一次！啲精選全部都好吸引店舖環境企理乾淨，一入內店員就主動幫我地放遮，話我地知枱底可以掛袋，又介紹枱面有咩，仲可以揀飲綠茶定玄米茶，服務超周到雖然舖頭細細但五臟俱全，呢度就算企滿人都一啲唔覺得逼，反而有種築地市場內壽司店既親切感第一件先上場既係令我地見到都流哂口水既三文魚壽司，外表肥美不在話下，油脂分明，再塗上餐廳既特製醬油，令到成件事個鮮甜味再昇華左一個level，入口有果種豐厚既感覺真係好感動而且！仲要只係9蚊！性價比超高第二件上場就係赤蝦壽司，上面既黑魚子既咸鮮味令成隻蝦既鮮甜再level up，聰明！帆立貝壽司又係食材新鮮到令人欲罷不能，師傅同我地講仲加左青檸，令到成件事非常鮮甜睇住師傅即燒既火灸三文魚又係另一佳作，佢唔會好似連鎖店果啲咁一咬落去就係即刻溶哂，師傅岩岩好燒左最面果一層，而且佢有咁上下厚度，令到人仲會食到三文魚果種甜味再上柚子既點輟非常清香左口魚邊食得多喇，右口魚邊係第一次！感覺上右口魚口感比較滑溜甘甜，唔怪得右口魚係比左口魚貴幾倍！值得一試！見到佢堆到咁高真係感覺好開心！蔥吞拿魚軍艦係食親日本野必點既一位，呢度既白芝麻好香，配堆吞拿魚軍蓉個吞拿魚味餘韻真係一流texture好full!呢個盛盒只係差火炙大拖羅未介紹，燒完之後果種吞拿魚既魚澀味出哂黎，好！貨源非常唔錯！玉子本身係凍既，燒左陣焦糖係面之後就有種冰火交融既感覺，個口感仲有啲似食緊蛋糕用佢作結係一流！總算食到一餐滿意既立食壽司店，第一印象良好，推薦！…查看更多