沙嗲軒 (中港城)

話說上個星期行山行了10K，雙腳酸痛得很，然後趁著沙嗲軒做優惠，於是跟老公去好好吃一餐獎勵自己。沙嗲軒出名做東南亞菜式，數到招牌菜式一定是黃金炸魚皮和沙嗲串，吃過它的炸魚皮一定令你一試難忘，吃過再回頭。現在惠顧任何食品，更能半價吃焗胡椒蟹，一隻足一斤重，分量十足，肥美可口，而且胡椒味濃郁，夠惹味。還有肉骨茶、海南雞，一次過品嚐到新加坡和馬來西亞的肉骨茶味，以及軟滑甘香的無骨海南雞飯，簡直是懶人之選。最後當然要準備好第二個胃，品嚐甜品師傅別出心裁的「星洲甜品薈萃」啦！有斑斕蛋糕、黃金香蕉球、椰子雪糕、馬六甲椰汁西米布甸和時令水果，我創新出自家食法，以炸香蕉配椰子雪糕，營造冰火的口感，忍不住一口接一口，好味啊～適逢是食蟹的季節，趁着餐廳做優惠，抓緊食蟹機會😋…查看更多

新加坡美食可說是個小熔爐，聚集中式、印度式與馬來等料理，塑造出獨特的風格，沙嗲、肉骨茶、海南雞飯、黑胡椒蟹等等，香辛惹味，在當地美食中心販檔享用更有風味，縱使可能會食到滿頭大汗，依然捨不得離口！ 講起我已經懷念，可惜在香港主打正宗獅城美食的餐廳不多，唯有一間屹立不倒，就是沙嗲軒，隸屬來自新加坡的信和集團，若然做得不好，都會被人說笑！ 尖沙咀皇家太平洋酒店的店，在現址超過10年，位於平台上，開陽的露天座位，別有風味。 過去在不同平台的亦獲獎無數，店內摩登裝潢，雅致舒適。 今晚正好遇上新菜單＂獅城地道風味菜譜＂，$850 兩位用，但份量非常豐富，我們一行六人點兩份分享亦足夠。先到的小吃已經令我們眼前一亮，免費的蝦片一點也不失禮；繼而是新鮮熱辣的黃金脆魚皮（套餐內），自製的黃金脆魚皮，魔鬼美食，開始了就停不下來，相比熱賣的某牌子更香口，新鮮即炸就是秘訣。家鄉福建薄餅，彷彿回味兒時的回憶，小時候認識一位家鄉夏門的婆婆，曾經請我食過她親手做的福建薄餅，當時一試難忘，非常喜歡它材料豐富、且有甜甜地的味道。餡料豐富至要爆出，蝦粒、蛋絲、紅蘿蔔、青瓜、沙葛等說不完的材料，配合薄而不破的餅皮，重中之重是帶甜味的醬汁，正是我喜歡的。牛肉、豬肉、雞肉沙嗲串，本來只有豬牛拼，我們要求了多加了雞肉，講真，全部肉質鬆軟，食落分別不大；亮點可在沙嗲醬，味道濃郁，香辛層次，非常惹味。肉骨茶湯清味醇厚，沒有濃烈的藥材味，胡椒及肉骨味香濃，一客有四件肉骨頭並無煮至冇味道，有點肥膏吃起來幼滑鬆軟。招牌海南雞飯做法正宗，黑油、薑蓉、辣醬及油飯的配搭，選用黃油雞，皮爽肉滑，細緻有香味。海鮮二選一，焗胡椒蟹或粉絲蝦煲，兩款都做得出色。越南的肉蟹果然有肉地，黑胡椒有份量，香味濃郁，口感有少許辛辣，正好襯托蟹肉的鮮甜，滋味非常。粉絲蝦煲同樣出色，精華盡在粉絲，吃得飽肚。香辣通菜或鹹魚炒銀牙，兩款都炒得有鑊氣。我們多點一碗海鮮喇沙一試，特別地以奶粉調湯，協調平衡，香辣幼滑富層次，水準之上。南洋甜品薈萃更是別具豐富，班蘭蛋糕、馬六甲椰汁西米布甸、黃金香蕉球、椰子雪糕共四拼，我最欣賞自製味十足的椰子雪糕及惹味的黃金香蕉球，口感對比明顯。星馬菜絕對難不到沙嗲軒，地道正宗，心水推薦。…查看更多

臨急抱佛腳嘅母親節晚飯，一早已經想試下星馬菜，立即下午5點幾先打去book檯，慶幸8點鐘有位去到就立即點菜，呢度係用平板電腦睇餐牌，好快我地就點咗"蝦餅，肉骨茶，參峇燒魔鬼魚，香辣通菜，焗胡椒蟹，沙嗲，海南雞飯，油酥餅，星洲咖哩雞", 飲品方面就點咗椰青2個同1支$400嘅澳洲紅酒。但因為掛住食嘅關係，影相影得6款食物。味道方面極力推介：海南雞飯 (油飯好香，雞好滑又冇骨)肉骨茶 (第一次試，覺得足料好好飲)星洲咖哩雞 (南薑味好重，但我地好鍾意，加配油酥餅黎食，一流)其他菜色都好味，但未至於好驚喜如果飲酒嘅人，不妨點支紅酒，因為感覺抵過你叫啤酒(啤酒賣$6x/杯) 服務一流，無論點菜或其他要求，侍應們都立即做好服務，抵讚!環境嗰度其實好靚，有室外有室內，但今日落大雨，無得坐室外享受下個feel! 由於價錢合理，下次有機會再想試下其他菜式…查看更多

獲邀出席試食會, Thank you~餐廳分室內同室外, 如果同另一半o黎, 我會揀室外, 一邊吹海風一邊欣賞維港夜景, 曬吓月光, 好浪漫呀~ 服務員嘅制服好星馬Feel, 望住佢地覺得自己好似去咗Resort渡緊假咁, Relax到暈...未人齊, 叫杯飲品飲吓先...熱薏米水--好好飲呀, Unexpected, 煲得好溶, 唔太甜, 好有薏米味, Good Good!!! 薏米勁多, 勁腍, 我狂食囉, Refill壺仔入面都勁多薏米, 如果唔係要留肚享用美食, 我一定會再Encore囉...開餐啦!!! 好o野!!!肉骨茶 Bak Kut Teh [廚師推介] -- 嘩!!! 上枱已經聞到好勁當歸味, 見到配料有當歸、南棗、杞子、唐排, 足料到呢... 個湯真係好得, 材料有中藥同香料, 用秘方煮成o架!!! 顏色雖然好深, 但係一D都唔混濁, 一入口, 好似將成條當歸放入口咁, 好甘香, 唔苦澀, 正呀!!! 鐘意香口嘅朋友, 可以將肉骨茶個Friend--油炸"檜"... 撈埋肉骨茶一齊食, 好好味o架~牛、豬、雞沙嗲 [廚師推介] -- 串燒燒得啱啱好!!! 香口, 肉嫩, 少少焦, 好味!!! 比起舊年10月係間米豬連印尼餐廳食過嘅串燒焦炭, 呢度真係好食多多聲!!! 要選出全碟最好味嘅, 我會揀... 菠蘿!!! 我夾一舊o黎食吓, 嘩嘩嘩... 超超超超超香甜呀!!! 大廚, 請問... 可唔可以上一碟淨菠蘿呀, Arhahaha...家鄉福建薄餅 Hokkien Pohpia -- 吓?!! 薄餅?!! 我覺得似春捲多d喎... 薄薄嘅外皮, 包住香葉、蝦、豬肉、花生、瓜、粉絲、蛋花, 好香口, 口感豐富, 好味!!! 食完濃味嘅串燒再食呢個, 可以清一清味蕾, 讚!!! 今日又熱又濕, 食呢度菜感覺好清新, 悶氣全消...星洲蘿蔔糕 Fried Carrot Cake [廚師推介] -- 又一超讚菜式!!! 蝦炒得好香, 個醬好冶味, 蘿蔔糕比較腍身, 可能有人會嫌太腍冇口感, 但係我偏偏最鐘意!!! 最憎出面d蘿蔔糕一食落口硬骨骨, 成口粉一d蘿蔔味都冇...福建蝦湯麵 Hokkien Prawn Mee -- 越南虎蝦好大隻好結實!!! 蛋麵有d似車仔麵嘅油麵, 都幾彈牙!!! 蝦湯超得, 我成碗飲晒!!! 湯底好清一d都唔深色, 出奇地蝦味好香濃, 聽大廚講, 湯底係用越南虎蝦殼、上骨、燒骨熬2小時以上, 唔怪得咁好飲啦!!! 以前試過2次蝦湯都有Bad Memories, 第1次餐廳A, 碗蝦湯超深色, 入口無味, 清水咁, 成碗都冇食就鬆人, 唔想成肚色素... 第2次餐廳B, 嘩, d蝦湯苦嘅, 又係全碗唔食就鬆人...焗胡椒蟹 Pepper Crab -- 嘩, 好大隻呀!!! 隻蟹個樣好似"查"完黑椒太陽油再帶頂草帽嘅大隻佬咁, 好搞o野~ 食落好重黑椒味, 香而不辣, Very Nice!!! 隻蟹多肉又結實仲好新鮮, I Love It!!!星洲辣椒蝦 Chili Prawns -- 仲以為係辣嘅, 點知一D都唔辣, 睇落似蕃茄炒蛋, 味道都幾好, 我仲覺得有D甜甜地, 好特別... 隻蝦好大隻好結實~沙嗲軒海南雞飯 Hainanese Chicken Rice [廚師推介] -- 大廚話佢地係用三黃雞, 肉嫩皮薄, 厚豉油就響星加坡訂番o黎... 食雞食慣血淋淋嘅朋友會覺得佢唔夠滑嫩, 我就覺得佢火喉掌握得恰到好處, d雞肉唔見血得o黎又唔鞋, 啱晒我口味!!! 點厚豉油食真係幾夾, 我就最鐘意點酸甜醬, 薑蓉都好OK... 仲有海南雞飯一定唔少得嘅雞油飯, 大廚話除咗用雞油爆香d蒜蓉再落米之外, 仲會落班蘭葉同香茅... 嘩, 落咁多香料, 唔怪得碗雞油飯咁香啦~蒜蓉咸魚炒芥蘭 Fried Kale w/ salty fish and garlic -- 好強勁嘅香蒜味, 咸魚好香, 好味!!! 之但係... 點解d芥蘭冇葉嘅呢?!! 唔通星馬果邊興咁食法?!!試食包括紅豆冰, 我好大鄉里咁唸係平時"大快樂"茶餐果d紅豆冰, 所以要求走冰... 點知... 經理話係刨冰, 成座冰山咁, 冇得走冰嘅呢~星洲紅豆冰 Ice Kachang [廚師推介] -- 外型好吸引, 夏天食透心涼!!! 配料有紅豆、珍多、亞答子, 第一次食亞答子, 口感似椰果, 味道甜d, 好好味~ 大廚... 可唔可以o黎1碗淨亞答子呀?!!嚤嚤喳喳 Buboh Cha Cha -- 再次大鄉里出城!!! 我以為係好多雜豆嘅喳喳, 原來係芋頭、蕃薯、椰奶... 外表唔吸引, 但係入口好好味, 芋頭超粉, 讚!!!椰香黑糯米 Buboh Hitam -- 廣受大眾歡迎... 涼粉雪糕 Chin Chow w/ Ice Cream -- 3度大鄉里出城!!! 我心目中嘅涼粉係立方體形狀, 呢度嘅涼粉竟然係條狀嘅?!! 其他食家試完之後話涼粉碎上撈埋雪糕食, 好味過立方體形狀嘅涼粉... 今日真係大開眼界喇~食飽飽, 大廚請各位食家比d意見, 大家都好讚賞今晚嘅食物, 如果要係雞蛋裡面挑骨頭的話, 就係海南雞唔夠滑, 蘿蔔糕唔夠咬口...大廚解釋酒店任何人客都有, 食物一定要做到最安全... 呢樣我最Buy呀!!! 細菌好容易滋生, 食物嘅安全性好重要!!!成班食家坐埋一齊, 走唔甩要交流吓搵食心得, 又傾吓旅遊, 又傾吓波經, 又影相又試食, 時間過得勁快...…查看更多

UFood X 沙嗲軒呈獻的星洲滋味遊...帶來不一樣的官能享受有幸成為其中一坐上客...深感興奮這一激...絕對擊中我心佳餚當前...也有所謂的美酒才子相伴...飯局就是要吃氣氛試食精選肉骨茶 [$70]雜錦沙嗲 [$88半打]家鄉福建薄餅 [$58]星洲炒蘿蔔糕 [$83]福建蝦湯麵 [$83]焗胡椒蟹 [$320]星洲辣椒蝦 [$280]沙嗲軒海南雞飯 [$98]星洲紅豆冰 [$65]蒜蓉咸魚炒芥蘭 [$70]椰香黑糯米 [$48]涼粉雪糕 {$48][另附上價錢以供參考]這夜店方精選星洲獨有美食...不間斷一一奉上特色飲品如椰青,青檸梳打任意暢飲食家們喜見難得一遇的Tiger Beer...更是喝得開懷以馳名海外的肉骨茶作第一道菜...其代表性無庸置疑肉骨茶帶濃濃的藥材味...濃郁香醇...質感順滑最道地的吃法必配上油條...吸滿湯汁份外香脆酥化沙嗲串燒從來都深得民心...無人不愛這裡的串燒以豬肉最得我心...炭燒味最出眾牛肉以粒狀呈現亦有其獨特處...風味有異雞肉串燒較兩者失色一點點...若肉汁豐沛一些會更出釆跟家鄉福建薄餅還屬第一次會面...吃那麼多次星馬菜始終沒嚐過以軟軟的薄皮包裹著多款餡料...清香怡人...適合愛清淡的一族眾餡料各有特質...卻誰也沒搶過誰...味道甚為匹配星洲炒蘿蔔糕永遠是不可或缺的一角...前題是以黑豉油弄製因黑豉油從來都是星馬菜焦點所在...有著點亮菜式的功效蘿蔔糕雖是主角...但值得重視的是那些蛋絲配料吸盡精華...惹味中帶清甜...蘿蔔甜混上醬汁的甜...甜上加甜福建蝦湯麵有看得出的心思...單嗅己能嗅出廚師的用心色澤吸引...香濃誘惑...蝦味洋溢...色香味俱全也湯底以豬骨,燒豬骨,虎蝦頭殼煮製近兩小時...先爆炒帶出膏香難怪一喝就蝦膏味四溢...每吃這等蝦湯麵...干掉湯底是絕對的行為想不到蝦麵以這高質素的蝦作配...蝦肉嫩滑迷人唯是夜只吃一個小份量...或許分配時有點失手美中不足的是炸蒜片添放太多...比例不合...湯偏蒜味...有微影響最愛海鮮...對胡椒蟹是充滿期待的不知會是何種風格...因遇到的每一家口味都不一樣這裡著重香...而非烈...多了和諧感...不帶刺激的輕辣以牛油爆香胡椒...帶出蟹肉鮮味這味胡椒蟹連怕辣的都有幸可嚐...本人愛辣...倒期望被刺激一下橙黃色的星洲辣椒蝦意態潦人...極為閃耀動人新鮮越南大虎蝦...爽彈香甜...肉質意想不到的嬌嫩相信很多人單看辣椒蝦這名字...會對其又愛又怕...實為偏酸甜的沒辣椒的辣...只有其色...味其實蠻溫和...很討人歡心相信是店方刻意改良...降低菜色辛辣程度...得以讓大眾都能品嚐嗜辣的一眾也許可要求加辣...多感受那正宗原風味上湯浸三黃雞製成的海南雞...雞肉香滑...雞皮爽脆精髓當然在於黑豉油...絕配也慣以少許酸辣醬伴飯...甜中添幾分酸...味道更為有趣油飯製作過程猜不到的繁複...先以雞油爆香蒜頭...加入飯伴炒下調味再混入浸雞的湯汁...最後加上班蘭葉與香茅小小一個油飯...竟最能吃出廚師的心意店方服務態度友善...慷慨大方額外提供試食精選以外的菜色與甜品...讓大家吃個痛快對蒜蓉咸魚炒芥蘭很是欣賞...愛其小創意兩者配合有加乘效果...美味度倍增...比單一蒜蓉或咸魚炒來得精彩甜品以星洲紅豆冰...最具星洲色彩椰香黑糯米凍吃在我而言屬高分之作...值得一試椰汁濃郁而不過甜...黑糯米質感咬口剛好第一次吃芒果黑糯米而忘卻芒果的存在...視黑糯米為主角涼粉雪糕賣相討好...幼條狀涼粉罕見...應該也很不錯這晩惹笑話題一個接一個...聊得興起...坦白說真有點不願離去小角色如我沒什麼記憶點...或許最大貢獻就是帶來陣陣的笑聲說真的...離開前一秒...我還在笑最愛與眾同樂的感覺...若每隔一段時間都有這樣的飯聚你說多好面對一眾殿堂級食評家...小妹只屬食評界初哥還可算是個小小食家...只因從小愛吃會煮...跟食物早結下不解之緣希望有口福天天吃不停...時時被美食圍繞著加入這大家庭...作小評論大分享期望以後常有機會參與飯局聚會...時刻與美食為伴謝謝眾人給我這難忘的一夜...也期待下一次的相聚傾城星級宴傾情星洲夜…查看更多

早幾年曾在中港城上班,附近的食肆亦光顧得七七八八,而皇家太平洋酒店就多數是自助餐.今次得網頁與沙嗲軒合辦的星級試食會邀請,實在要說聲謝謝,亦對這晚是充滿期待.店內陳設簡約適合朋友間閒聊,反而在店外有露天茶座,吹吹風,感受一下和煦的陽光挺不錯.席前先來一個椰青,即開即飲,清甜新鮮,作為濃口味的星馬菜色清清味蕾,實在最好不過.由於試食的款式太多,如果每款以正常一人份量呈上,相信不到三四回合,已經有人投降,所以肉骨茶 (Bak Kut Teh) 都是一人一小碗剛剛好,說起來,肉骨茶源自華人在當地工作,加入藥材抗風濕,更有人用來當早點;在深沉潤澤的顏色下,透出絲絲藥材的香味,相當對辦,呷一口,更有甘甜的味道,金沙骨煮得軟糯,不用費力已經可以輕輕咬開;又可以下油條粒拌食,但個人是偏好用來下飯.說到星馬菜,沙爹當然少不了,雜錦沙爹 (雞,牛,豬) (Chicken,Beef or Pork Satay) 三種,其實醃得夠入味,亦不見到有過份燒焦的情況,沙爹醬調配得出色,花生粒香口,似乎比烤肉更吸引.早年往星馬一帶的華人,以福建人最多,所以有家鄉福建薄餅 (Hokkien Pohpia) 這道菜,用新鮮春卷皮包裹花生酥,米粉,紅蘿蔔絲,椰菜,鮮蝦及豬肉,賣相雖然簡單,但食味豐富有層次感.席間有人不大喜歡星洲炒蘿蔔糕 (Fried Carrot Cake) 的糕底太綿,欠了少許嚼勁,但自已曾在另一間名店試過較煙韌的糕底,反而是黏性太強,不大好受.不論咸魚青菜,各有所愛,今次混入蝦仁及雞蛋來炒,味道確實夠香口,一試亦無妨吧!其實福建蝦湯麵 (Hokkien Prawn Mee) 這道菜的精華,在於蝦湯之內,將海蝦頭及蝦鼓煎香再熬,鮮濃的蝦味,每口都是精華,把油麵底及蝦仁都比下去,每口湯都是那麼精彩,結果是麵還未吃完,湯已經喝光.焗胡椒蟹 (Pepper Crab) 其實真的香口惹味,用牛油去炒更是一絕,香味都滲入蟹肉之內,只可惜肉蟹的肉質未夠飽滿,這是來貨的問題,當造的話,食味會更好.雖說是星洲辣椒蝦 (Chili Prawns) , 但辣味真的太輕了,大海蝦從背開煎香,醬汁用蕃茄及蛋花煮成,微酸增添了食味.押上自家名號的沙爹軒海南雞飯 (Hainanese Chicken Rice) ,果然沒有令大家失望,新鮮三黃雞皮嫩肉滑,汆冰水處理得相當準繩,雞油飯顆粒分明飽滿,雞味香濃;加上來自星洲的黑醬油,起了提鮮的作用,再來一碗清雞湯,才是一份完整的雞餐,比起香港不少打正旗號,卻連一碗雞湯都欠奉的不知所謂餐廳認真得多,而且定價亦只不過一百圓左右,非常合理.賣相確有南亞風味的星洲紅豆冰 (Ice Kachang) , 置底是紅豆及亞答子,上面是大量刨冰及灑上少許綠色粉條(加入色素的綠豆粉搓成),然後澆上雙色漿汁,在炎炎夏日下來一杯,消暑清熱.另一款甜品是涼粉雪糕,涼粉切得極幼細,雪糕是雲尼拿雪糕,黑白相對比,既清香,又滑溜.最後是芒果黑糯米,糯米煮得剛好有嚼口,只嫌芒果份量太少,令味道未夠特出,有點可惜.整個晚宴的菜色,大部份都表現出高水準,翻看餐牌,性價比高,當中蝦湯及油雞更是足以令人回味,看來是時候來一個飯局了.…查看更多