Pizza Pan

營業中

休息中

之前去過觀塘見到「愛琴海」呢層好多野食，夜晚就去睇下有咩食～被pizza pan的油畫design吸引了😍好美的少女風畫原來有抵食2餐，$188 有小食、自選pizza、意粉、汽水🥤！🌟小食點了焗田螺配特色荷蘭汁：單價買都只係$38，但出乎意料地非常好食！薯蓉整到有少少焦，好香，個特色荷蘭汁好香cheese味，好特別。🍕自選pizza- 揀了三色椒+mushroom sauce 同parma ham，感覺好健康的pizza😝三色椒好甜同爽口，parma ham都好香，而且是即叫即製的。🌟蕃茄海鮮意粉：好香蕃茄味，而且青口都好鮮味，仲有大大隻🦐，算是小驚喜😋2人份量剛剛好，而且只是$188，經濟之選～有堂食還可去愛琴海打卡😂

觀塘搵食第三天，今日同buddy慶祝最後一日流放生活，所以又食吓好西，今日嚟到Pizza Pan。由於時間尚早，所以任坐可以慢慢嘆。呢度嘅壁畫仲好有文化氣息，我同buddy仲喺度一路自拍扮文青。Combo for 2 有Pizza, Pasta & Snack連飲品，只係$188，一於叫呢個餐！大概等5分鐘已經有得食。首先食個焗田螺，薯蓉好香牛油味，而田螺上面淋上荷蘭汁，少少酸酸哋幾好味！Pizza有莎樂美腸同意大利辣肉腸，仲有肉丸，熱辣辣好美味！卡邦尼意粉好足料，有好多煙肉同磨菇，正！就係咁就完全咗我嘅觀塘搵食之旅

都有一段時間冇食pizza，因為兩個人食就一定食到好飽，呢間有二人餐，仲要包好多嘢食，心思思就同朋友坐低試吓。環境好似一個food court咁，成層都係餐廳，而座位都係open area。餐牌二人套餐 $188 包括小食一份、薄餅一份、意粉一份及汽水兩罐。小食：焗田螺配特色荷蘭汁都有5-6隻，荷蘭汁通常係用蛋黃、牛油同檸檬汁調製而成，醬汁十分creamy，田螺大大粒，食落唔會腥，仲有薯蓉做襯托，淨係呢個小食都好飽肚。意粉：辣汁蕃茄蜆肉意粉 仲想食啲開胃少少嘅嘢，所以叫呢款辣汁蕃茄蜆肉意粉 。芝士唔係成塊咁蓋住個面，而係睇到條狀嘅芝士，至於辣味係來自Tabsco辣汁，底部仲有啲辣汁水，可以再乾身啲。薄餅：食肉獸材料有芝士莎樂美腸、意大利辣肉腸、肉丸、車厘子、三色辣椒，用BBQ汁做調汁。Pizza外觀10分吸引， size都唔細，有六件，夠晒飽肚。每一啖都幾香茄醬嘅味道，啖啖肉，餅底唔太厚唔太薄，口感啱啱好，以呢個價錢來講性價比十分高！總括而言，我同朋友都表示會再返嚟食，因為性價比高，每人$100都唔使，但食齊小食、意粉及薄餅，食到捧住個肚走，加上環境唔算多人，可以同朋友食住慢慢傾偈。

今日再黎愛琴坊，發現之前日頭做咖啡三文治，夜晚做酒吧嘅呢間餐廳已經轉型全日做薄餅意粉了！獵奇心態重嘅我，又決定要係度食個晚餐探個究竟。今晚我同朋友就揀左二人餐（$188）。等大概10分鐘就有。期間不斷見到外賣員黎攞外賣，似乎外賣生意唔錯。前菜揀左焗田螺配特色荷蘭汁（原價$38）。呢個前菜好有驚喜，田螺已經全部脫殼，配合薯蓉同啲帶芝士忌廉味嘅醬，真係超正！Pizza Pan食肉獸薄餅（原價$98），呢個要加$10先有，上面就有肉丸、辣肉腸等等，最多肉類嘅選擇。味道方面，肉類同芝士嘅味道幾平衡，唔會太膩。番茄大蝦意粉（原價$68），有四五隻大蝦，好彈牙，全部已經剝殼。蕃茄味就唔算重，略嫌味道偏淡。飲品方面，有可樂、雪碧同忌廉，我地就揀左Coke Zero（原價$15/罐)，薄餅同汽水永遠都係咁夾。呢度係先比錢後上菜，無加一。仲有好大個螢幕播緊英超，可以黎睇埋波。