得閒飲茶 (MONTEREY Place)

營業中

休息中

明火煲湯 $58是日湯品係粉葛瘦肉湯，味道濃郁、清甜，好足料，一碗份量足夠2-3人飲—窩貼蝦多士 $88炸蝦多士酥脆唔油，厚薄適中好脆身，仲附有雜果沙律做伴碟豐富整體味道—鵪鶉蛋松露燒賣 $55超級特別嘅燒賣，平時燒賣鵪鶉蛋都係面頭，但呢款燒賣鵪鶉蛋係包喺入邊，仲做到流心蛋嘅效果，食落爆汁，黑松露味好出—焗叉燒包 $38焗包口感同味道都合格，入面叉燒足料，不錯—XO醬炒腸粉 $78炒腸粉好有鑊氣，XO醬微辣香口惹味，腸粉彈牙可口—排骨陳村粉 $48陳村粉同腸粉嘅質地相似，香滑彈牙，配豉油食，味道比較清

藏身將軍澳南MONTEREY商場嘅 DHYC Dimsum 粵式點心，環境光猛卡位寬敞，啱晒一家大細。點心即叫即蒸，款式都好多。🐷焗叉燒包 咬落去酥皮嘅，蜜汁叉燒多到漏！熱辣辣上枱最正～ 🦀 韭菜金錢蟹盒 炸得鬆化唔油膩，蟹肉mix韭菜咬開仲有汁 呢個好好食🤤🥟 鹹水角 外脆內糯夠煙靭，佢新鮮炸好熱食最正！ 🥬 菜苗餃 外皮薄到透光，菠菜苗有勁多粒鮮蝦🍤 蝦餃 蝦肉勁大粒彈牙，皮薄師傅手功好好～ 真心正🦑 蒜蓉粉絲蒸鮮魷 蒜香魷魚厚肉彈牙，粉絲索晒啲鮮甜汁🍰 馬拉糕 鬆軟到似海綿黑糖味濃但吾會好甜樣樣都好食，熱辣辣上枱風味十足。對住過海景色，舒服。

朋友約我去將軍澳飲茶，我還有點驚訝，原來這裡有間點心專門店，就在MONTEREY Place一樓。餐廳裝修簡約優雅，沒有過多裝飾，但窗邊的位置可以看到將軍澳大橋和一片海景，邊吃邊看，感覺挺新鮮。 我們點了幾款經典點心，蝦餃皮薄彈牙，燒賣扎實鮮甜，菜苗餃清爽不膩。馬拉糕鬆軟帶點淡淡焦香，柱侯金錢肚入味又夠腍，韭菜金錢蟹盒外脆內香，焗叉燒包則是微甜的鬆軟口感。 整體來說，這裡的點心沒有花巧，都是傳統做法，但食材新鮮，味道穩定。加上窗外的海景，這頓飯顯得特別悠閒，真是一個不錯的飲茶地點。

大隻仔今次覓食嘅店舖就係💥 DHYC 得閒飲茶 💥大隻仔今日放假，見得閒飲茶，就去咗將軍澳海濱 DHYC 飲茶，餐廳位處海濱長廊，環境清幽寧靜，望住藍天白雲，跨灣大橋，環境優美，日落黃昏時候，柔和陽光照射下，真係好寫意，可以hea 足半日。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蝦餃 $42蝦餃皮薄餡靚，餃皮夠晒煙靭，入面仲有原隻大蝦，蝦仁新鮮彈牙，點少少辣椒油，非常好食。🔥 菜苗餃 $42菜苗餃外皮晶瑩通透，菜苗夠晒多。🔥 松露雜菌餃 $48雜菌餃啱晒食素嘅朋友，餃皮仲用咗黑松露點綴，增加香味。🔥 鍋貼蝦多士 $88蝦多士即叫即炸，多士炸得香脆，表面鋪滿彈牙蝦膠。🔥 韭菜金錢蟹盒 $55韭菜非常惹味，外皮炸到卜卜脆。🔥 蘿蔔絲酥餅 $42蘿蔔絲酥餅外皮酥脆，內裏充滿一絲絲蘿蔔絲。🔥 焗叉燒包 $38焗叉燒包，用上墨西哥包皮，非常鬆軟。溫馨提示：茶位 $15

餐廳：DHYC Dimsum Restaurant地點：將軍澳澳南海岸菜式：點心小菜餐牌：時令廚師精選，晚市精選，煎焗炸點、蒸點、腸粉、素食、益新臻品、小食、青菜、粉麵飯、甜品糖水，多款茶，無酒精飲品，酒精飲品，飲品。茶位每位$15，包括陳皮普洱茶及其他汁醬小食。窩貼蝦多士 $88 另加一窩貼蝦多士一客五件，賣相唔錯。多士好脆口又香口，蝦味濃又彈牙，好味道，感覺唔會太油膩。伴有水果沙律可解膩，好貼心。焗叉燒包 $38 另加一焗叉燒包一客三件，熱辣辣上枱，整得皮脆餡多，唔會太乾。蒜蓉粉絲蒸鮮魷 $55 另加一蒜蓉粉絲蒸鮮魷熱辣辣上枱。超嫩口滑溜鮮魷配惹味蒜蓉汁，味道少少辣。粉絲吸嗮d汁，好正。韭菜金錢蟹盒 $55 另加一韭菜金錢蟹盒一客三件，整得好似金錢形狀，好意頭。炸得外皮香脆，咬落去韭菜味香，仲食到爽口蝦肉，口感味道豐富。菜苗餃 $42 另加一菜苗餃一客三件，熱辣辣蒸起。餃子皮晶瑩透亮，明顯見到入面嫩綠菜苗同蝦肉。食落係外滑內爽脆，蝦肉一咬就開，係好正既口感，而入面豆苗真係好新鮮。蟹肉大良炒鮮奶 $148 另加一蟹肉大良炒鮮奶超滑溜，肉眼都見到好多蟹肉，仲加有蘑菇片加添爽脆口感。另上

難得平日放假，天氣又好好☀️，梗係要黎海旁Chill下啦！ 平時好少兩口子去飲茶，今日就黎個"得閒飲茶"啦😋！門面走比較西式既路線，岩晒我地呢d年輕人！我地被安排望住海飲茶😍 環境唔會好似傳統酒樓咁擠迫同埋嘈吵。可以靜靜咁傾下計，嘆下茶！前面枱有隻狗仔同主人黎一齊飲茶！好cute!!!鬆脆既墨西哥皮配上叉燒餐包，幾時都係冇得輸！！叉燒餡夠晒多，唔會得醬喺入面！ 讚！蘿蔔千絲酥唔係度度都有得食！做起上黎應該好巧功夫！炸得酥脆既外皮，配上甜甜軟軟的蘿蔔絲，呢個鮮明既對比係我既最愛！！😋姐姐好好咁提我地影完相就好襯熱食喇😂 入面超多湯！好好味呀！！補上爆湯相😋😋好脆好脆！岩晒鐘意食炸物既你地！飲茶必點！睇到餐牌介紹，呢個牛肉球既牛肉係店家親自入手新鮮牛肉，再喺店度絞肉！新落肉質係彈牙d! 🐂 唔錯！！呢個蝦多士一定要介紹！！我地食完成碟，嗰張吸油紙係冇油喺上面咁濟！！！ 炸得好靚！ 食落都唔會覺得油膩，再配上生果沙津醬，開胃！金錢肚炆得好入味！好怕d金錢肚超多醬，呢個醬汁既比例岩岩好！ 下面墊底既蘿蔔好清甜😋總結，如果大家怕左去傳統酒樓既環境，但又想食點心，呢度的確係一個好好既選擇！環境好，食

星期日book咗位2:30pm，果日我地2:05pm早到咗，諗住睇吓如果早有位就早d入去，如果未有位就諗住係附近行下，2:30pm再返去鋪頭。門口負責帶位的男士同我地說已經有人埋咗單，話等一陣就入得。於是我地就無行開，一直企係門口等。我發現那位帶位的男士，原來對任何剛到的客人都會同佢地講已有枱埋單，轉頭就有位。如是者，我地在門口一等就半個鐘。雖然比我地book位時間只係遲左5分鐘入，但如果佢一早同我地講2:30pm先有枱，咁我地可以在附近逛下，唔洗在門口呆等。我地入到去，職員就比咗一壺茶我地。我地點咗4款點心：焗叉燒包、蘿蔔絲酥餅、黑松露醃春蛋燒賣、蒜蓉粉絲蒸魷魚。焗叉燒包、蘿蔔絲酥餅味道都唔錯的，黑松露醃春蛋燒賣就略嫌乾咗D。蒸蒜蓉粉絲蒸魷魚的魷魚吃落去感覺是落了很多生粉去醃製，有點杰嘅感覺。我地夾魷魚下的粉絲來吃，更凝固了一塊（如圖），是不夠熱所致還是太多生粉容易凝固？於是我地將情況告訴職員，他都即刻講唔好意思，並換咗一籠新的比我地。新的一籠比較好，但仍有少量粉絲跟汁一起凝固了的情況，不過我地都照食了。呢間店是寵物友善的，如果帶寵物來坐戶外位吃點心都是不錯。但食物選擇並不算多，而當

去完朋友屋企，佢帶我去呢間可以食點心餐廳，可以看到無敵大靚景好chill，適逢呢一晚係三號風球🤣叫咗幾個小餸和點心吃😍陳皮普洱茶啲陳皮味好勁好香，茶葉質地好滑。啫啫大澳蝦乾椰菜苗- 聞到勁香蝦醬味道，幾條蝦乾超大條，大澳蝦乾果然好味🤤椰菜苗我第一次食，但係非常好味好爽口新鮮。脆炸魚柳配粟米汁及糖醋汁- 炸粉炸得剛剛好，外層脆口，魚柳每一條份量適中，配上自家製糖醋汁及粟米汁兩種味道配搭都好味，個人喜歡糖醋汁，因為酸酸甜甜開胃。鵪鶉蛋松露燒賣-中西合璧配搭松露，咬一啖已見到成粒鵪鶉蛋，味道唔會鹹。招牌小籠包- 真係做皮薄餡靚，小籠包琅琅下又唔會穿出來。焗叉燒包- 菠蘿包皮焗至香口，叉燒肥厚適中。 蒜蓉粉絲蒸鮮魷- 蝦醬好香，鮮魷很大片新鮮彈牙好入味，粉絲吸滿蝦醬的味道。

原來DHYC 係得閒飲茶既拼音縮寫。而且餐廳位於海傍，對住個海景食點心都幾舒服。焗叉燒包有別於茶樓既叉燒包，佢地係焗製，包面有一層薄脆，食落似菠蘿包。蘿蔔絲酥餅外皮唔厚身，咬落酥脆唔油膩👍🏻入面既白蘿蔔絲好juicy及香甜，食落唔膩口。咁精緻又清甜嘅酥餅都係第一次食到🤩懷舊灌湯餃一籠兩大粒，比傳統中式茶樓既大好多，我地都俾個尺寸嚇親😯皮薄餡多，一咬就爆湯汁！入面都好足料，雖然唔太識分，但有蝦仁同其他配料，飲落湯頭鮮甜感覺好養顏😍加上佢係「餃包湯」，咁懷舊真係值得一試！鵪鶉蛋松露燒賣燒賣底部有粒少少流心既鵪鶉蛋，口感好嫩口😋松露唔止係面頭，燒賣肉都有混入，夾埋一齊食好香濃既松露味！韭菜金錢蟹盒呢個係店員推介，鐘意食韭菜既朋友一定唔可以錯過，韭菜既香濃同蟹肉既鮮甜味好配合，食落好舒服，而且炸漿上得好薄。菠蘿咕嚕肉醬汁酸甜度好平衡，幾開胃。有啲咕嚕肉係用排骨黎整，呢間食落似係用半肥瘦既梅肉咕嚕肉炸得啱啱好，就算加左汁，都食得出外脆內軟。總結黎講，由店名到裝潢已經見到老闆好著重中西fusion。我都係一個好鐘意飲茶食點心既人，但依家好多傳統酒樓既點心一式一樣，而老闆係傳統既點心上都會加入自己既

望住海景🏝️吹住海風🌬️飲茶食點心🥢將軍澳真係太多餐廳，俾我搵到呢間可以望住海景慢慢chill住食點心🫖有得坐戶外或者室內😎為咗望海景揀咗坐室外😝雖然天氣咁熱，但都唔驚！因為有海風同埋每張枱都會有個風扇對住～有別於一般酒樓🗣️🗣️靜靜地真係幾舒服😌仲見到有人帶埋狗狗一齊食添🐶Pet-friendly 呢#窩貼蝦多士 🍤🍞❣️用咗蝦膠代替原隻蝦放多士上，可以每一啖都食到蝦膠同多士😚蝦膠彈牙多士脆口🤩炸得乾身唔油膩～唔會一咬成口油！仲要配左個雜果沙律，代替一般沙律醬🤗呢個配搭一流🤤HKD88#鵪鶉蛋松露燒賣 🪺❣️鵪鶉蛋燒賣就見過😃鵪鶉蛋松露燒賣真係第一次見🤩重點係入邊嘅鵪鶉蛋係流心㗎～～～～ 首先食到松露味，跟住就食到好香濃嘅鵪鶉蛋味😍小心爆蛋汁🤣HKD55#懷舊灌湯餃 🥟呢度嘅灌湯餃係真係行懷舊風，一般酒樓都係將隻餃放入湯度再蒸🙈正宗懷舊嘅灌湯餃，應該係將啲湯罐喺餃入邊😌第一次食正宗懷舊灌湯餃😎好特別😗HKD68#焗叉燒包 叉燒包既皮唔厚，叉燒半肥瘦～HKD38#韭菜金錢蟹盒 🦀見到一絲絲蟹肉，但韭菜味超濃郁，所以有啲蓋過咗蟹肉味😝HKD55#鮮竹卷 🫔鮮竹卷係fafafoodie鐘意既少肉多菜餡

同🐧🐧 朋友仔黎到位於將軍澳，景觀超靚嘅新式點心餐廳😍❤️ 餐廳採用半開放式裝橫，座位採用渡假風設計，直面將軍澳海濱公園，藍天白雲加上一片汪洋，景觀美侖美奐非常悅目❤️ 🐧🐧 選了多款餐廳推薦嘅點心一嚐😋 蒸點有懷舊灌湯餃、牛肉球、小籠包同埋鵪鶉蛋松露燒賣😍 全部都係即叫即蒸，上枱時熱烘烘香噴噴😘 🐧 最喜歡當中嘅牛肉球😋 圓碌碌超大粒🥰 食落彈牙有嚼感，啖啖肉好滿足😚 牛肉味道濃郁又惹味❤️ 中間夾雜嘅馬蹄，令整體口感更豐盈✅ 炸點叫了蘿蔔絲酥餅、韭菜金錢蟹盒同埋窩貼蝦多士❤️ 🐧🐧 最喜歡誠意推薦嘅窩貼蝦多士🫶 炸得酥香啖啖脆口👍 內餡蝦肉彈牙滑溜，鮮美無比😆 再沾上附有嘅水果沙律醬，滋味無比惹味😚 特意㨂多了一項包點✅ 要了一份焗叉燒包🤭 外層味道有點類似墨西哥包，脆脆地甜甜地🫶 內餡滿滿嘅叉燒粒加上濃稠香甜嘅醬汁，超級惹味😋 茶飲㨂咗玫瑰烏龍🥰 玫瑰嘅清幽加上烏龍嘅沈穩，飲落清新又解膩🫶 消滯良伴🤭

間唔中會想飲夜茶🥹住將軍澳嘅朋友介紹咗依間靚景又pet friendly 既新派點心餐廳😍真係好chill~🌌依到有好多款茶可以揀，我地揀左桂花觀音同人蔘烏龍～大推人蔘烏龍🉐飲完會回甘👍🏻食物方面整體都好高質😋feel到係有心機去整👏🏼唔係得個樣窩貼蝦多士👍🏻$88蝦多士炸得金黃鬆脆～唔油膩😋蝦肉彈牙另外仲可以加埋沙律醬一齊食～焗叉燒包 👍🏻$38好鬆軟～又多叉燒餡，唔肥膩懷舊灌湯餃👍🏻$68勁大舊🫢非常足料😋配埋紅醋👍🏻小籠包🆗 $48 都係皮薄多汁蘿蔔絲酥餅🆗 $42 酥皮好酥化，咬開入面有好多蘿蔔絲😌依款會比較飽肚😂韭菜金錢蟹盒👍🏻 $55炸得勁靚，勁香脆🤤爆多韭菜🫢但好似唔係好食到蟹味紫菜鮮蝦腐皮卷🆗 $42依個配搭好似幾韓式🤡都係炸得好好👍🏻唔油膩鵪鶉蛋松露燒賣👍🏻$55彈牙紮實，鵪鶉蛋同平時唔同..係收埋係入面😂配住依個靚景，加埋d食物幾高質～下次可以帶屋企人黎嘆下💖

趁住今日放假，帶埋我家umi同家母去屋企附近飲啖茶食個包🫖🥢餐廳就痴住將軍澳donki，都好易搵😌帶住寵物就可以坐係出面望住海景食野，好鬼chill😌😌當然唔帶寵物都可以坐出去啦🤭因為起身咩都未食好鬼肚餓，茶方面我揀左四季春🫖野食我地就叫左好鬼多😳眼闊肚窄結果兩個捧住個肚走🤣韮菜金錢蟹肉盒🦀韮菜好鬼香，但又唔會蓋過晒蟹肉味👍🏻蟹肉份量都唔少一啲郁唔孤寒😋而且外面炸到好鬆脆又唔油，大推🙌🏻焗叉燒包🐖叉燒餡熱辣辣，調味唔會過重太咸👍🏻窩貼蝦多士🦐上面係蝦肉下面係麵包，應該係成件一齊炸，但可以做到完全唔油膩🤩墊碟張紙都唔算多油，食三四件都唔會覺heavy，呢個都大推🙌🏻🙌🏻鵪鶉蛋松露燒賣上枱時叫我地食果陣小心熱會流汁，仲諗緊燒賣有咩汁流🤔又，諗緊粒鵪鶉蛋去鬼左邊🤔一咬落去原來內有乾坤😳粒鵪鶉蛋巧妙地放左入去粒燒賣度，仲要係流心😳😳真係估佢唔到🙈招牌小籠包小籠包皮夠薄😍而且成粒啪落口成口都係湯汁🤩🤩非常之正🤤🤤XO醬炒腸粉欣賞佢調味唔會太咸，又有XO醬輕微辣吊一吊味，令到碟腸粉更加惹味😋蝦餃蝦餃一樣皮夠薄👍🏻啲蝦又好鬼彈牙🤩真係好鬼正，好彩有四粒一人兩粒😋😋蒜蓉粉絲蒸鮮魷睇得出食得出係屎筒（即

將軍澳海景粵式點心🥧室內都享受到戶外既氣息，就算落雨都唔怕！餐廳容許攜帶寵物🐱🐶餐廳環境有別於一般茶樓,反傳統cafe簡約風,坐擁無敵大海景,日頭可以伴隨柔和陽光海風,夜晚可以睇住寧靜夜景,好適合放假休息飲下茶，嘆下～原來DHYC Dimsum係入選米芝蓮推介60年中菜老字 號「益新美食館」的副線,所以食物質素有返咁上下😎👍🏻大飽口福!餐廳每樣點心都即叫即蒸即炸！上菜每一碟都係新鮮滾熱辣👍🏻好正！⭐️鵪鶉蛋松露燒賣 燒賣內餡飽滿多汁,咬落去鵪鶉蛋溢滿口中,配上淡雅的松露香氣,層次豐富,淡而有味!⭐️韭菜金錢蟹盒 平時酒樓食呢啲..多數都淋曬,唔好食!呢間真係即叫即炸!!!炸得超級脆!!!外皮金黃酥脆包住鮮甜的蟹肉及濃味韭菜,好好食🥹!⭐️懷舊灌湯餃 真心值得一試!超級正‼️外皮薄如紙,一咬即穿,濃郁湯汁即刻流出黎,爆晒汁…記得一定要趁熱食！⭐️柱侯金錢肚 金錢肚滑嫩多汁,咀嚼間層層纖維紋理清晰可見,好味👍🏻⭐️焗叉燒包一啖咬開後飽滿多汁的叉燒肉餡,香甜鹹香交織,令人會忍唔住連續食曬三個🙈⭐️手打墨魚餅 ⭐️紫菜鮮蝦腐皮卷 ⭐️懷舊雞包仔⭐️芝士蒜蓉蝦春卷