紅蔥頭

營業中

休息中

星期六約咗朋友去買嘢，然後嚟到附近食下午茶。呢間西餐廳裝修懷舊，價錢十分親民，而且座位都好闊落舒適。 鐵板一口牛🐂醬汁淋喺鐵板上面「炸炸聲」，蒸發咗之後焦香甜味突出。中間嘅薯蓉落咗少少炸蒜喺面，味道即刻變得豐富👍🏻 烤美國安格斯漢堡伴炸薯條🍔牛肉漢堡扒勁厚身！而且juicy唔乾；薯條外脆內軟，薯仔味濃。 咸酥流心芝士吐司🍞邪惡之選！厚多士面層嘅焗芝士香脆，中間嘅流心芝士熱辣辣有拉絲效果，不得了🤤

今日去開深水埗個頭，就順便係呢間紅蔥頭食個午餐先走。餐牌有廚之推介，特餐，品味新嚐。今日一支公，求其叫左個漢堡包餐。烤美國安格斯漢堡伴炸薯條 $79 烤美國安格斯漢堡伴炸薯條用塊木板上枱。烤美國安格斯漢堡用竹籤固定，上下兩塊麵包都滿佈白芝麻粒，雖然唔脆，不過好香同鬆軟。中間安格斯漢保扒好厚身，煎得全熟不過夠腍又唔乾，就咁食就油膩少少，所以有番茄片同生菜加少少沙律醬就可以平衡返。炸薯條係粗身，足有20幾條，我叫左走鹽，食落啖啖澱粉質。另上茄汁比你點。加$6可以加配歐陸式濃湯+牛油法包。歐陸式濃湯係羅宋湯，有好多菜，包括梛菜，紅蘿蔔，紅辣椒，洋蔥，牛肉粒。個湯都辣辣地，好開胃！塊牛油法包香脆，上面加左蒜蓉醬，味道幾好呀。鮮橙汁 加$3個餐包咖啡或茶，或加$3有凍飲，汽水或鮮橙汁。我叫左鮮橙汁，真係有粒粒橙肉，味道又唔會假。整體而言，食物有細個學生餐既感覺，食完真係非常之飽。

餐廳屹立多年，都有有少少歷史，燈光暗暗地，可以坐十幾張四人枱。✨味道60分，環境60分，服務62分。.🔸歐陸式濃湯及牛油法包(+$6)係羅宋湯，入面都唔少材料，菜同肉都有。法包有蒜茸同牛油香。.🔸意大利烤雜菜沙律伴香草雞胸($66)呢個唔錯，雞胸幾大件，咬落唔韌，濃郁香草味。另外有烤過既蔬菜，例如三色椒，茄子，翠玉瓜。烤過蔬菜香口啲，口感腍d，又冇草青味，最底下嘅沙律菜唔夠新鮮，味道有啲苦。另配一小碗酸酸甜甜嘅沙律醋。.🔸烤美國安格斯漢堡伴炸薯條($79)炸薯條幾新鮮，但漢堡同我想像有啲唔同，感覺普通，有生菜，蕃茄，扒偏乾，可煎得香啲。