Little Vegas

琴晚去咗玩味十足嘅 ❥⧽Little Vegas ❥⧽食飯。餐廳色彩繽紛, 牆上有唔同塗鴉, 周圍都係打卡位, 連Menu 都充滿漫畫風格好有趣。𓊈Combo pizza ✧ 北京填鴨風味煙鴨胸比薩拼喇沙海鮮比薩 $𝟙𝟚𝟠𓊉可以選 2 款唔同口味, 我地決定試吓特別d 嘅北京填鴨風味, Pizza 面層嘅醬同食北京填鴨一樣㗎, 喺煙鴨胸下面舖滿三色椒, 都幾重椒味。另一款就係喇沙海鮮風味, 配料有蝦, 魷魚, 洋蔥同埋豆卜, 豆卜有d 驚喜, 索曬喇沙湯味, 感覺真係好食緊喇沙咁。𓊈秘製醬汁焗豬肋骨 $𝟙𝟚𝟚/半份𓊉半份有 4 條豬肋骨, 醬汁香濃, 豬肋骨好入味, 而且焗得好軟腍, 基本上唔使點切已經離曬骨, 好味呀! 下面仲有薯角墊住, 脆卜卜咁, 所以好加分!𓊈炸魷魚圈 $𝟟𝟞𓊉魷魚圈好香脆, 裡面嘅魷魚好軟腍易咬, 側邊個沙律醬有檸檬香味, 用嚟蘸魷魚圈感覺清新。𓊈炸魚手指 $𝟟𝟞𓊉本來好掙扎好似叫得太多煎炸嘢, 不過好彩有叫到, 魚柳外層酥脆, 魚肉係一梳梳咁, 好好味呀!…查看更多

小編唔係第一次食Little Vegas㗎啦💛餐廳環境色彩豐富，好多細節位都富有濃烈嘅本地特色，約食飯一定唔驚無話題🤪樓上cafe黎講景觀算幾開揚🏙。🌟 忌廉松露野菌燉飯 ($106)份量比上次更多，飯嘅軟硬度適中😙野菌足料而且賣相唔錯，燉飯上面有松露醬汁，味道都香～🌟 黑漆漆墨汁墨魚意粉 ($124)份量都幾多，啲墨魚都彈牙唔會好似橡膠咁。🌟 炸魷魚圈 ($72)香口小食，份量又多😋最適合嗌黎同朋友share！🌟 Rainbow Seven: Sun Set 夕陽無限好 ($52)好啱打卡，裡面係少糖芬達上面有奶泡同雪糕球🍹*另收加一服務費味道：🌕🌕🌕🌕🌗環境：🌕🌕🌕🌕🌗價錢：🌕🌕🌕🌖🌑…查看更多

Little Vegas @littlevegashk📍 銅鑼灣耀華街3號百樂中心25樓.平日Lunch Set好抵，包是日餐湯、主食、飲品😍 飲品可以揀咖啡或其他特色飲品👍🏼 仲可以加小食 啱曬鍾意食西餐嘅朋友😆.🍕賭你運氣...命運Pizza $98: 半溶芝士加上蟹柳、雞肉 、洋蔥 同醬好豐富😋 批邊薄薄地 一個人輕鬆清曬🧡.🍝煙燻三文魚忌廉意大利粉 $88: 煙燻三文魚原來唔係平時沙律食嘅煙三文魚片😊 似用嚟煎原條三文魚個款，唔知點解可以整到咁香煙燻味🤤🤤 三文魚同意粉份量多，蘑菇同忌廉汁好夾 整體不錯 有驚喜!.加咗兩款小食:🦑+$28 炸魷魚圈 : 炸粉唔厚 而且魷魚口感爽彈👍🏼🍗+$42 柚子雞翼: 柚子味清新 而且入味🌟 非常開胃.🥄是日餐湯- 粟米忌廉湯.🍫凍榛子朱古力: 味道似食緊繽粉樂😍 榛子味好香濃 同朱古力好match!.🍵抹茶鮮奶: 抹茶味香而帶微甜 有cafe嘅水凖!…查看更多

雖然銅鑼灣愈來愈多新餐廳，不過朋友就反而想約我去Little Vegas開餐，因為上次同佢聚會就係喺呢度，而且玩味十足，無論係裝潢定餐牌都充滿趣味。午餐係湯、主菜同飲品，$78起，有輕食如沙律到飽肚的燉飯都有，如果肚皮需要仲可以加錢額小食。海鮮沙律 $88有帶子、魷魚、大蝦、蟹柳、沙律菜等，另外有芝麻醬提供，可以按自己喜好而加入醬料份量，好fresh。菠菜蟹肉松露野菌燉飯 $88食落唔太見菠菜同蟹肉，但松露香氣濃郁，入口creamy滑順，值得一試！粟米湯隻碗已經充滿趣味性，印住「賭海無邊，回頭是岸」，配合返餐廳Vegas主題。粟米湯都唔錯，仲有少少粟米。水牛城雞翼 $42微辣帶有酸甜的醬汁包着整隻雞翼，相當惹味開胃，而且午餐加配的價錢竟然份量有6隻，記得預要同朋友分享。炸魷魚圈 $28一客有四件，炸至金黃香脆，轉眼間食哂。骰子朱古力(左)朱古力味好濃郁，唔會因為凍飲而變淡，面層的忌廉好滑，仲有粒粒啫喱增加口感。玫瑰鮮奶茶(右)喝下去味蕾立即感受到淡淡清香的玫瑰味，奶茶味道恰好，亦不過於甜膩，奶茶控會愛上。…查看更多

平日夜晚嚟都唔使等位，呢度裝修好有特色💛明太子味濃郁，啲汁癡晒落啲天使麵度，一擺入口勁滿足！份量都算正常😋呢個青口超高分，唔單止份量多，每隻青口仲要勁新鮮勁大隻！連埋個白酒忌廉汁，勁濃郁但佢係重忌廉味多個重酒味嘅！☺️☺️呢個炸魷魚係即叫即炸，所以勁酥脆！點埋佢個沙律醬一齊食超夾😋但呢個份量就比較少，價錢好似都要70幾蚊，所以抵唔抵就見仁見智啦！另外餐廳有最低消費，好似係每人要嗌一個嘢食同一杯嘢飲！…查看更多

今晚卡米拉趁便參加晚上飲宴前的空檔，來到早前吃過午餐和晚餐的Little Vegas 休息一下。Little Vegas店內播放熱奏比較強勁的音樂，令人振奮！店員一開始就說每人至少要點一杯飲品及用餐時間為九十分鐘。店內採用鮮色設計，牆壁上還有壁畫，很有玩味。店內還有桌遊可供使用，雖然沒有玩，但是卡米拉打開看了一下是齊整的。今次的點菜以小食為主，預期稍後的飲宴會吃得滿腹啊！卡米拉平日沒有什麼運氣，還是放棄命運賭城小食拼盤，寧願貴一點都點自己想吃的。荔枝梳打（$48）（左）及蜂蜜梳打（$48）（右）兩款梳打也是預期的味道，有一小塊青檸提升味道，份量都是比較大杯。雞翼好多重奏 ($78) 雞翼可在四款口味（水牛城、玫瑰、柚子、麻辣）中最多選擇三款。我們選了水牛城及柚子，各款有四隻。水牛城雞翼帶著微辣，十分惹味。另一邊廂，柚子雞翼被炸成金黃色帶著柚子的甜味，味道比較清新。炸魷魚圈 （$68）魷魚圈沾上炸粉及木魚，咬下去脆囗有鮮味。原隻焗生蠔 （$86）一碟有三隻生蠔，份量算是多的。生蠔鋪滿芝士，鮮甜味美。總括而言，Little Vegas玩味十足，絕對是輕鬆消閒的好去處。…查看更多