Noc Noc

營業中

休息中

大埔舊墟直街出名多嘢食，但食完晚飯想再直落，或者想搵個地方飲嘢、傾計就無乜選擇。已經唔只一次幫襯NOC NOC，呢度好啱飲嘢、傾計。飲料選擇多，仲要唔算貴；一直播住音樂，勁好Feel，但又唔會大聲到騷擾住傾計。有室外坐位，感覺無咁局促，更加Free呢度野食都唔差，無論係想食正餐，或者要送酒佳餚，都一樣ok我最鍾意食呢度嘅Fish and Chips 🦈🍟 $118上枱時配上三款口味嘅調味醬，他他醬、白醋、同埋微辣嘅蛋黃醬，仲可以額外要求茄汁。炸魚外脆內滑，表層炸漿非常蓬鬆有口感，而魚肉有用香草淺醃，即使炸過，但依然結實嫩滑。更出色、特別嘅係薯條🍟，呢度嘅薯條係鴛鴦薯條，分別有一般薯條🥔，而另一款係蕃薯條🍠，非常美味。😋 啤酒炸雞係絕配，飲親啤酒都好想食炸雞🍗 $68，呢度嘅炸雞都唔錯，有時會炸得有少少燶，但平均水準係ok嘅，雞肉都算嫩滑，個醬有少少似千島醬，但一定唔會係純千島醬，因為除左千島醬嘅味之外，仲有d香草? 唔Sure，但總之點醬與否，都同樣係唔錯嘅佐酒小食。 Cocktail 我最鍾意係Snowball 🍹 $88蛋黃酒溝雪碧，簡簡單單，入口好似奶油咁滑，小小甜味，酒精度唔高

👩🏻放工想同朋友傾吓計，呻下每日嘅辛酸咁啱大埔係我哋嘅中間點，咪行吓睇吓有咩食囉事關大埔出名多食肆，行行吓見到有一間貌似酒吧嘅西餐廳🍺有戶外位，環境有少少昏暗，人又唔算太多膽粗粗咁樣入咗去試吓，點知原來誤打誤撞搵到嘅餐廳都唔錯喎，有驚喜😋🔸德國鹹豬手 $198好細心咁樣切埋先上菜，個皮勁脆🐷肉質幾好食又唔會硬佢仲有個秘製醬汁，配埋個鹹豬手簡直一流有少少似蜜糖芥末，係我勁鍾意嘅醬汁呀🍯🔹炸魚薯條 $118一食就知係正宗啤酒炸鱈魚啊，魚質炸到啱啱好🐠🐠完全唔乾身，即叫即炸，新鮮出爐👍🏻脆卜卜，明明係好飽嘅情況之下都唔小心食晒不過因為即叫即炸，等嘅時間都比較耐大約等左都有半個鐘，但係好值得等待🔸炸魷魚圈 $68因為等朋友等得太耐，叫咗個小食食住等朋友未到，已經比我一人獨享食晒啦魷魚圈配啤酒，根本就冇得輸🤭🔹炸水牛芝士條 $78唔係度度都有得食，好有趣嘅一個小食🧀不過就有少少漏，最開心係有得拉絲個一下又好玩又好食！🔸啤酒 $78我諗1664係人都知啦，唔使介紹啦掛😂好啱女仔飲嘅啤酒👩🏻💬好鍾意佢個環境同氣氛，因為早到，位置可以任揀遲少少就可能要坐吧枱啦好貼心嘅一間鋪頭，知道疫情嚴重，仲特別準備

前幾日約左個好耐冇見既朋友食飯，難得大家都住大埔，緊係約返黎食。呢間餐廳一直都好想試，因為睇落好chill仲成日都好多人咁。我地係平日七點去都半滿，一坐低就叫左杯Mojito嘆下先，夠凍又夠味，我飲開酒既fd都話唔錯，之後有機會可以一班人黎飲野吹水。我地主食叫左個炸魚薯條，一黎到比佢嚇親，因為好大件份量足，食落皮脆肉滑，調味又岩岩好，絕對大推，當然冇辦法地第二日可能要飲涼茶。之後我地又叫左個黑松露大啡菇意大利飯，本身諗住叫個最平既飯應該冇咩期待，但一食真係有驚喜，黑松露味香濃又唔會太過火，意大利飯軟硬適中，白汁岩岩好包裹住飯粒，濃而不漏，仲有大大塊大啡菇，兩個人食都差唔多夠，正！