Casa Lisboa Gastronomia Portuguesa

營業中

休息中

🇵🇹🍷🍽️Enjoy的葡國菜▫️每位$388+10% 🛎️環境好好，燭光晚餐，而服務都好好，侍應好有禮貌，好主動加水及收碟，上菜時亦會介紹菜式🍴前菜✅自家製肉醬、醃製橄欖、鄉村麵包麵包每人有兩塊，用布袋裝住上，配咗橄欖油，橄欖，同埋自家製嘅魚肉醬，個醬真係好特別，有少少似吞拿魚蓉，幾好味。✅紅菜頭沙津配羊奶芝士呢個沙律好特別，除咗有好多紅菜頭粒，仲有啲蘿蔔粒、牛油果醬、芫荽碎，加上鹹香嘅羊奶芝士，清新得黎都幾特別✅炸馬介休球一份有兩粒，但係都好大粒，新鮮炸起，外皮又薄又脆，而裏面嘅魚肉撈埋薯蓉，好滑，配埋個醬，簡直冇得頂！✅傳統葡萄牙白酒蒜蜆隻蜆好大隻，啲肉好飽滿，個汁特別調配嘅都好好味，除咗有少少白酒味牛油味都好香。✅香烤伊比利亞黑毛豬豬肋眼呢個同樣好出色，烤得剛剛好，外皮有少少焦脆嘅感覺，但係肉咬落就會爆汁，配搭咗個酸酸辣辣嘅醬，好得意。🍽️主菜✅招牌焗鴨飯焗鴨飯真係好香口，用砵仔上，面層嘅飯粒好似飯焦咁脆卜卜，裏面有好多鴨肉，完全融合喺啲飯裏面，上面更有臘腸同埋豬腩肉。✅葡式烤乳豬一份有4件，外皮烤得好脆，但係肉好嫩，易咬，配埋個汁幾好味，仲有個油飯做配搭。🍰甜品✅傳統葡萄牙餅乾朱古力蛋

見到有朋友介紹話呢間葡國菜可以一試就book咗•點完野食好快就上咗麵包，個人覺得無乜特別跟住就上酒包都未食個炸馬介休球就到，感覺好似炸定咁，但食落味道係ok既，唔算太特別$35/件，最少要叫2件傳統葡萄牙白酒蒜蜆 ($168)又係轉頭就到🤣，比我哋既感覺好似好趕時間咁要上晒d野🤔蜆肉好肥美，好大粒，佢個汁都好正，呢個反而幾有驚喜👍🏼食葡國野點可以唔叫乳豬葡式烤乳豬 ($390)上菜嗰時已經覺得好香，d皮烤到脆卜卜，d肉好juicy，好味👍🏼另外叫咗朋友話食過好食既招牌焗鴨飯 ($290)上面d飯焦勁靚，有食煲仔飯既feel下面有好多鴨肉，鴨油好香2條友太弱食唔晒🤣但係甜品都係要食🤣朱古力曲奇餅乾蛋糕配雲呢嗱雪落 ($90)上面係好滑既朱古力，下面個質感幾似Tiramisu 夾埋一齊食唔錯😋食咩都好，最緊要就係飲返杯先😆雖然覺得Green Wine同平時既White Wine好似分別唔大，不過都好飲👍🏼•職員都好friendly有禮貌只係開頭上菜太快 感覺唔係幾好

香港正宗葡萄牙菜唔多，大部份質素總被係澳門店舖拋離。近日朋友推介試依間，位於中環商廈上樓，裝潢葡國風嘅餐廳。門口外已有漁風裝飾、室內座位少且空間感大，令人感覺寧靜高檔。擺設舒適，充斥著海洋氣息及葡國菜風情，可以當女士日常或節日慶祝打卡之地。不過，服務態度有待改善。雖然唔係高級餐廳，但未到性價比可接受程度。食物方面 - 餐前酸種麵包︰麵包質地軟熟，外皮烘得微微脆口又唔會過硬，麵包中間帶有酸種發酵味。3款配包︰基本橄欖油；醃橄欖 (被挑選過嘅質素)，酸咸度平均，欖肉脆口唔會醃到霉晒，比大部份西餐廳提供還要高質；自家製沙律？他他醬？少許沙律油香、微咸、再加入大量好似魚蓉質地，塗滿淡口麵包食，可以感受到廚師連配包醬都講究又有誠意。炸馬介休球︰香脆外層，炸粉做得薄身，油膩感唔重。內餡填滿馬介休蓉，魚蓉比想像中醃得淡口，唔似一般馬介休嘅重鹽咸味。豐富餡料食落舒服，適合用作前菜。葡式烤乳豬︰薄薄豬皮脆到似薯片，皮下又無脂肪，加上橙片果酸減低肥膩，更開胃。香濃鮮豬肉味，被烤後仍鮮嫩多汁、骨肉分離，淋到入口即化。利刀切落去嗦嗦聲，手感已經知有幾層質地。旁邊附上一小碟長米，口感煙韌，配食可以平衡烤豬鹽咸。

朋友由溫哥華返到香港公幹和探親，我邀請佢來這裏食晚餐，點了：1. 葡國燒乳豬$310 - 好正！肉質嫩滑，沒有豬的臭味，卻有豬肉的香味，火爐掌握得很好。2. 紅菜頭沙律$88 - 紅菜頭和其他配菜混合之後，效果清新鮮甜，味道不搶，跟一般美食的紅彩頭沙律做法完全不同。3. 葡國沙甸魚$138 - 用新鮮沙甸魚做的，不知混合了什麼調味料，食到沙甸魚的鮮甜味，不會好像一般葡國餐廳那樣BBQ或者沙甸魚罐頭咁有浸苦味。4. 紅酒燉啤梨$80 - 不會太甜，味道很好！一個兩份share，真係剛剛好！5. 炸馬介休球$60 - 脆而有魚的鮮香味6. 葡國啤酒$58 - 朋友飲的，我沒有問他的意見。7. 無酒精特飲Aromatic Collins - 菲律賓籍的侍應生推介的，正到不得了！我話唔要甜的飲品，因為我不喜歡甜。送麵包籃，麵包外表鬆脆，內心軟熟，正！而且還提供肝醬蘸，還有橄欖和初榨橄欖油。再食甜品紅酒燉啤你之前送的每人一小杯葡萄牙砵酒連我這個不飲酒的人都忍不住全杯飲晒，因為聞落去又香，飲落去有醇，齒頰留香。每位消費435.5，已經包了加一。由於朋友的手機就快冇電，我請求侍應生提我用他的手機打燈