迷你毛

於三步一cafe☕嘅深水埗 要突圍而出一啲都唔易位於鴨寮街嘅迷你毛 就以空間大、食物選擇多同鮮明嘅立場三點成功立於不敗之地與同區大部分cafe窄而長嘅店鋪格局相比呢度嘅環境無疑闊落舒適得多 裝潢一邊走文青木系風格 另一邊則大走少女風💕 以粉紅色外牆及近門日處嘅圓形椅 引起各位嘅打卡慾望📸7月係松露季節 今次拜訪 正好可以品嘗一下去年大受歡迎嘅松露料理鮮松露西班牙豬柳配燉菜粒（$148）西班牙豬柳上鋪滿松露片 加上底下嘅松露醬味道相當濃郁 配合狀似他他嘅燉菜粒 非常開胃😋鮮松露炸魚柳夾餅配薯角 （$110） 賣相令人食慾大增 而入面又的確好足料 除咗鋪面嘅松露片 亦加咗松露醬食落每啖都好滋味😍炸雞煎蛋窩夫（$95）一向愛食鹹味窩夫🧇菜式選用最高級嘅日本蛋🥚好味又餘 營養又豐富得多而沙津菜更輔上楓糖漿 令味道大大提升蘋果酥盒（$76）保留一整個蘋果🍎中間放入蘋果粒 爽脆嘅蘋果 加上脆口嘅酥皮配埋拖肥同以蘋果釀製嘅白蘭地🍷難怪會由期間限定 變成常駐甜品啦🤣特濃朱古力（$48）面頭鋪上可可粉、白朱古力條和朱古力塊🍫朱古力奶上亦加入cream飲落冇想像中咁甜同膩 正合我口味火龍果乳酪（$46）純天然無添加 健康又嚟又好飲…查看更多

五點先食全日2nd餐 餓到傻咗，一口氣幫自己嗌咗main同甜品 開心😌✌🏻 人地啲錢攞嚟買衫仔 我賺返嚟拎去食 ʕ•̬͡•ʔ ʕ•̬͡•ʔ🔸炸雞煎蛋窩夫🔸$95比想像中細份 唔開心咗陣(畢竟都唔平欸🥲💸)但食落就知做得好出色💫窩夫只有半份，走實淨硬脆路線，好香窩夫味🤤最令我驚訝嘅都唔係🧇 佢絕對係比炸雞耽誤嘅cafe‼️美式炸雞嚟，炸皮有調味過 勁flavourful，好脆但一啲都唔介口雞肉又厚身嫩滑，仲有肉汁鎖住咗喺入面令成份窩夫由頭食到落尾 都冇一刻覺得乾柴💦🤟🏻加埋糖漿 鹹甜搭配我的菜😚🫶🏻🔸Tiramisu🔸$72呢個反而比想像中大個😂咁傳統嘅甜品無啦啦又興返，到到都出變奏版 呢度都唔例外厚厚的mascarpone cheese cream覆蓋喺外圍，半圓嘅中心先係蛋糕體幾耐冇食過咁重酒味嘅tiramisu😱❕ 喜歡咖啡/可可味>酒味嘅人，應該覺得不太討好我就覺得tiramisu點都要有返啲酒味先似樣😛最最最好食嘅位嚟啦，佢個餅碎底好味到食上癮🍪💓正唔正宗我唔知，但我會界定為一個好出色嘅tiramisu✨［總括而言］無錯 的確價錢貴份量少，我俾錢嘅時候都覺得肉赤🤧 但真心要俾個機會佢 試一次 It worths a try!!…查看更多

疫情下好多小店到面臨緊難關有時間就幫襯一下小店門呢間Cafe空間感好大 枱與枱之間嘅距離比較闊想同朋友暢聚一下不失為一個好地方我哋叫咗香煎帶子黑魚子龍蝦汁闊條麵帶子好鮮 龍蝦汁就唔係好夠味炸雞煎蛋窩夫係一個好神奇嘅組合好少會將一啲鹹嘅同甜嘅嘢放埋一齊而呢幾樣嘢又出奇地咁夾煎蛋嘅蛋汁 流落個炸雞度 熱氣得來又有啲嘢中和返 而個窩夫就好似漢堡包個包皮咁出奇地夾😋辣茄汁豬面肉貓耳朵粉好少Cafe會有呢隻粉食係少少厚 有咬口嘅粉因為佢嘅形狀關係 令到每一啖嘅粉都掛到好多汁 碟豆花柚子梳打正常嘅味道😋…查看更多

深水埗難得大大間多座位的一間cafe，好多打卡位，鹹甜食物選擇都好多。炸雞煎蛋窩夫 $95炸雞夠新鮮即炸熱辣辣值得一讚，炸漿唔算太厚，雞肉夠moist而且有足夠調味，沾上蛋汁幾好食。窩夫微脆配糖漿食係不敗的。辣茄汁豬面肉貓耳朵粉 $95喜歡個辣味配pancetta鹹香好夾，貓耳朵粉帶煙韌而且掛汁一流。Tiramisu $72與別不同圓形的外表，外面的mascarpone好light好似泡泡一樣咁airy，裡面的手指餅索哂rum酒同咖啡好濕潤，酒味非常濃，喜歡tiramisu較重酒味的會喜歡。外面有crumble脆脆帶少少咖啡味。薄脆拿破崙 $72薄脆中間的吉士偏甜，反而配個軟雪糕幾正，軟雪糕好厚滑creamy，伯爵茶味出奇地香濃，好鐘意大量hazelnuts同crumble撒係面增添脆感。焙茶燕麥奶朱古力 $45焙茶味比想像中突出，少少朱古力味又幾夾喎，唔錯值得一試。…查看更多

迷你毛 深水埗近年成為年輕人嘅隻中地，coffee shop 同樣非常之多，今次去嘅minimal 亦係其中之一，呢間餐廳特色係佢地方大，佔地2000尺，門口有一個大圓形坐位，比人去打卡。 炸雞煎蛋窩夫$95 Chicken and Waffle 可以話係美國喺嘅經典之作。 首先講吓個煎蛋，蛋黄嘅顏色非常之橙黃。味道嫓美前排好hit 嘅蘭王蛋，非常之甜美同濃郁，嘩.真係估唔到呢🤤！ 窩夫嘅熟度理想，蛋同奶味都非常濃郁。但裏面食落空氣感太過大，冇咗Waffle 裏面軟綿綿嘅口感，外皮凍咗嘅時候係有少少韌嘅。有改善空間。同埋如果有牛油就更加好啦🥲。 炸雞睇相都知非常之厚，大大舊。外層嘅粉漿厚簿適中。炸得金黃香脆，而用咗D紅椒粉同黑椒調味。雞肉嘅品質都唔錯，肉質嫩滑，亦保留到肉汁😋。 慢煮腹肉牛排配芫荽番茄沙沙$135 牛肉用上了腹部，係一個牛之中比較低少少嘅位置，脂肪唔多，多數用黎燒烤用🤫。 牛排煎之前亦有慢煮過，肉質非常之嫰滑，牛味重。熟度亦標準嘅medium rare 。份量都唔少嘅，後面仲有一大排嘅，cp 值高😋。唯一不足之處就係肉汁較為少。 下面嘅紫薯蓉質感綿滑，甜而唔膩，但我覺得可以落多少少cream ，另佢更多脂香感，層次感亦會更加多😛。 紫薯側邊配上一大匙橄欖油，一般貨式，同埋有D太多，最後剩咗一大pat 油。配上蕃茄沙沙，酸中帶爽，呢個唔錯🤩。 泡泡檸檬柚子撻$72 一上枱個個都嘩嘩聲，冇諗過有咁大個泡泡。個泡泡就其實只for 擺盤，實際用途不大。 下面嘅檸檬柚子撻嘅層次好豐富，由餅底，檸檬柚子mosse ，白色嘅cream 同柚子果jam。 餅底由杏仁粉，牛油，麵粉等組成，食落有牛油香，口感鬆化，但如果脆少少就好啦。 檸檬柚子饀嘅質感較為結實，冇想像中咁綿滑。既有柚子嘅清甜又有檸檬嘅酸味，兩隻相輔相成，味道平衡得幾好，食落一D都唔膩，反而非常之清爽🤗。 中間cream 嘅layer 圍繞著個tart 邊去填，好似成個光環咁。食落又smooth 又creamy ，亦有少少甜味。 裏面仲藏著咗個果jam，一入口有柚子果粒嘅香甜，又有lemon嘅酸，又有薄荷葉嘅點綴。再加上甜甜地嘅泡沫，非常之高質🤩。 意大利芝士蛋糕 $72 賣相非常之dirty ，感覺好似就黎會倒塌XD。面頭圓淥淥嘅mascopne cheese 口感非常之foamy ，輕盈。 中間嘅內饀更值得一提，入面有朱古力薄脆，杏仁，朱古力曲奇皮同埋lady's finger，下底仲有一層朱古力醬。 層次感非常豐富，既有lady's finger 嘅濕軟，薄脆同曲奇皮嘅爽脆，又有一浸咖啡洒香同香濃嘅黑朱古力味。 口感複雜但又配合得好好，呢度嘅甜品實力真係好厲害，有創意得黎又不失重點。黎呢度真係主力食甜品。…查看更多

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻 /5🛋 環境：👍🏻👍🏻👍🏻👍🏻 /5近年深水埗cafe林立，有很多間都非常吸引，有裝潢吸睛的，有食物高質的，有走健康路線的，林林總總，應有盡有～ 一直想試這間Minimal，終於試過了，食品算是值得推介，可是服務卻令人極之失望，某女店員由頭至尾都板著臉對客人，收款時更將收據和後來找贖的零錢掉在檯上給我！😡 好嬲啊！如店員態度不改善的話，相信日後只會繼續「趕客」😫 💋 炸雞煎蛋窩夫 ($95)看似很一般的炸雞和窩夫，原來兩者都做得外脆內軟，咸味炸雞醃味不錯，而雞肉亦出奇地嫩滑，在窩夫上再加蜜糖和煎蛋的蛋汁，咸、甜味道意外地配搭得宜，整體來說很不錯 🧇👍🏻💋 鮮奶伯爵茶 ($40)伯爵茶底味足夠，帶著香滑鮮奶味，暖暖的，味道不錯 ☕️…查看更多

之前去過幾間深水埗嘅Cafe都係以甜品同輕食為主，Menu上無咩真係食得飽肚嘅嘢，所以當去到迷你毛見到有咁多主食揀時真係好驚喜ヽ(*´∀｀)除咗主食夠多選擇，佢哋嘅甜品同咖啡都非常高質，地方又大坐得舒適，實在係非常值得推薦嘅一間Cafe✨✧ 芝麻脆脆牛油忌廉𝗰𝗿𝗼𝗳𝗳𝗹𝗲 $𝟞𝟝今次係我第一次食Croffle，Croffle即係Crossiant加Waffle，將Crossiant嘅麵糰放入窩夫機到壓做一個平面嘅牛角包形狀。其實點呢樣嘢嘅時候完全係零期望，純粹想試吓呢樣風靡韓國嘅甜品係咩料，點知原來勁好食😻😻😻 雖然佢係waffle嘅樣，但完全保留到Crossiant嗰種層次分明嘅酥軟感，加上面層濃厚嘅牛油忌廉同香脆嘅芝麻薄片&堅果糖，每一啖唔同口感嘅衝擊同香味，真係完全俘虜咗我 💖✧ 炸雞煎蛋窩夫 $𝟡𝟝個炸雞嘅皮比想像中稍硬同唔太脆，但雞肉keep到嫩滑。Waffle唔算鬆軟同蛋香味唔夠，算係不過不失🧇 雖然可能會有人覺得唔落楓糖漿會好食d，但個人覺得如果唔落嘅話個炸雞同窩夫嘅味好似各不相干咁，同埋兩樣嘢食都會太乾，所以都係建議食時落返楓糖漿試吓先啦 🤗✧ 意大利芝士蛋糕 $𝟟𝟚雖然佢係一個菠蘿包嘅形狀咁，但佢其實都係一個好好味嘅tiramisu嚟🌊 最外面嗰層係Mascarpone Cheese，口感細緻滑溜而不甜膩，中間嘅手指餅充滿kahlua咖啡酒香，加埋面頭嗰啲朱古力脆脆真係無得頂🥰 不過始終有大量嘅Mascarpone Cheese，食完都比較滯，所以想食嘅話記得留肚唔好叫咁多Main食呀🤗…查看更多

［再度 Encore］Minimal最簡單 · 可以吃的 · 藝術品呢間真係大推呀 😋😋😋炸雞窩夫😋$95 之前食過水準仍然👍🏻 歡迎睇番我嘅舊post 牛肝箘貓耳朵 $95牛肝箘味道好濃好突出👍🏻貓耳朵好掛到汁😋慢煮香煎澳洲豬扒配芥末籽巴黎汁 $125 單是擺盤已經好吸引，豬扒肉質好鮮嫩Juicy 👍🏻仲有紫薯蓉同洋蔥圈 😋 好豐富嘅層次牛油果香煎蝦多士配芒果醬 $95個芒果醬好好食😋有陣陣香茅味，好泰feel~多士烘得好脆口👍🏻👍🏻 好fresh 好清新Tiramisu $72好特別，同我認知中嘅Tiramisu 好唔同😂mascarpone cheese 有好強嘅空氣感，食到個味，又唔會好膩，食完好想再食🤣🤣咖啡味好濃，食到淡淡的酒香，配埋朱古力脆脆，好有層次👍🏻芒果乳酪 $36 (跟餐減$10）百分百鮮果製成👍🏻唔會太甜，啱晒夏天飲Rose Latte 我冇飲，但飲者話飲到淡淡嘅玫瑰味😌☺️食嗰日「當時」仲有蘋果日報，佢見我哋睇緊，就減咗我哋$10 😭😭😭😭😭😭😭😭😭😭基本上係呢間餐廳食過嘅所有嘢都好好味😋環境闊落坐得舒服😌❤️❤️❤️非常打卡able…查看更多

呢間新cafe係難得一見超大間嘅cafe‼️野食主打「鹹waffle🥞」、「意粉🍝」同「Tiramisu」等，岩哂啦🤣✨：-1️⃣「炸雞煎蛋窩夫🐔 🍳🧇($95)」煎蛋嘅蛋黃流心，炸雞外脆內嫩🍗，配沾上楓糖漿嘅窩夫好夾！可惜煙肉我只見到滿滿嘅「致癌物🥓🤡」~Fried chicken, sunny-side up egg, crackling ham (? -> bacon) 👍🏻-2️⃣「煙三文魚班尼迪窩夫🍣🧇($95)」見到兩隻水波蛋超治癒🤤💖，流心效果唔錯，係必勝組合，但炸雞個款特別d～Egg Benedict with smoked salmon👍🏻-3️⃣「牛肝菌貓耳朵🍄🐱($95)」呢款好香牛肝菌味👻‼️不過可以在煙韌d~Porcini, onion, mushrooms, orecchiette👍🏻-4️⃣「香煎帶子黑魚籽龍蝦汁闊條麵🦞🍝($138)」帶子超嫩✨🤪，可更掛汁，意粉唔夠咬口TT~-5️⃣「藜麥煙三文魚沙律🥗($72)」健康之選，有5大塊煙三文魚🍣~Quinoa, smoked salmo, cherry tomatoes 🍅…查看更多

📍Minimal 迷你毛💛• HK• 慢煮腹肉牛排配莞茜蕃茄沙沙• 莞茜苗香辣大蝦扁意粉• 炸雞煎蛋窩夫• 意大利芝士蛋糕• 薄脆拿破崙• 火龍果乳酪 | 特濃朱古力個人頗喜歡「慢煮腹肉牛排配莞茜蕃茄沙沙」牛腹肉雖然有少少根但肉質都軟嫩，與底層幼滑的紫薯蓉味道還蠻搭的；其餘兩款主食就相對一般，意粉略嫌味道較淡而炸雞窩夫就正正常常咁囉。反而甜品幾有驚喜喎！「意大利芝士蛋糕」賣相圓轆轆的好可愛～入口先吃到幼滑輕盈的mascarpone cheese，繼而是充滿咖啡酒香的手指餅、朱古力醬及朱古力脆脆，整體層次感豐富亦甜而不膩，不錯！「薄脆拿破崙」一層層的薄脆片夾著吉士醬和香脆的榛子核桃碎，最驚喜是伯爵茶扭紋雪糕裡有爆炸糖🤩至於飲品「特濃朱古力」賣相好吸引但飲落無想像中咁濃咁甜；「火龍果乳酪」味道清新微甜是健康之選。…查看更多

本身其實好抗拒去深水埗𝗰𝗮𝗳𝗲 𝗵𝗼𝗽𝗽𝗶𝗻𝗴，但實在太多人推薦 @minimal_cafehk 而且見到佢哋嘅食物好似好有特色，所以決定去試吓！餐廳裝修簡約，以白色為主，原來位置都幾多下，不過今日閑日嘅下晝去都好多人啊！ღ 炸雞煎蛋窩夫 $𝟵𝟱𝗙𝗿𝗶𝗲𝗱 𝗖𝗵𝗶𝗰𝗸𝗲𝗻, 𝗦𝘂𝗻𝗻𝘆 𝗦𝗶𝗱𝗲 𝗨𝗽 𝗘𝗴𝗴, 𝗖𝗿𝗮𝗰𝗸𝗹𝗶𝗻𝗴 𝗛𝗮𝗺炸雞高質，好好食！外脆內嫩，重點係唔油膩～窩夫微脆，鬆軟～配埋糖漿鹹鹹甜甜，好好食👍🏻╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬ღ 香煎帶子龍蝦汁闊條麵 $𝟭𝟮𝟴𝗦𝗰𝗮𝗹𝗹𝗼𝗽𝘀, 𝗟𝗼𝗯𝘀𝘁𝗲𝗿 𝗦𝗮𝘂𝗰𝗲, 𝗙𝗿𝗲𝘀𝗵 𝗣𝗮𝗽𝗽𝗮𝗿𝗱𝗲𝗹𝗹𝗲龍蝦汁味道香濃，但如果再多啲醬汁就正啦！略嫌有少少乾，食到中段闊條麵會黐埋一舊，但口感都係好正XD╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 意大利芝士蛋糕 $𝟳𝟮𝗧𝗶𝗿𝗮𝗺𝗶𝘀𝘂感覺上呢個𝗧𝗶𝗿𝗮𝗺𝗶𝘀𝘂係佢哋嘅招牌！！個個都必點ಠ_ಠ店員提醒我哋要快啲食，𝗺𝗮𝘀𝗰𝗮𝗿𝗽𝗼𝗻𝗲嘅部份先會有疏乎厘鬆軟嘅口感！整體咖啡酒香味都香濃，果然係招牌！╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 芝士蛋糕芭菲 $𝟳𝟮𝗖𝗵𝗲𝗲𝘀𝗲𝗰𝗮𝗸𝗲 𝗣𝗿𝗼𝗳𝗮𝗶𝘁-𝗥𝗮𝘀𝗽𝗯𝗲𝗿𝗿𝘆去嘅當日熱到要死，叫番個芭菲就最適合～𝗦𝗼𝗳𝘁 𝗦𝗲𝗿𝘃𝗲口感順滑，淡淡嘅奶香👍🏻𝗥𝗮𝘀𝗽𝗯𝗲𝗿𝗿𝘆醬仲有粒粒口感，酸酸甜甜有肋解膩～如果芝士蛋糕芝士味再重啲就𝗽𝗲𝗿𝗳𝗲𝗰𝘁𝗼𝗼𝗼𝗼，有少少俾𝗥𝗮𝘀𝗽𝗯𝗲𝗿𝗿𝘆醬嘅味道蓋過！╰┈➤ 𝘁𝗮𝘀𝘁𝗲: 𝟳.𝟯/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳/𝟭𝟬ღ 雪糕波子汽水 $𝟰𝟲𝗥𝗮𝗺𝘂𝗻𝗲 𝘄𝗶𝘁𝗵 𝗩𝗮𝗻𝗶𝗹𝗹𝗮 𝗦𝗼𝗳𝘁 𝗦𝗲𝗿𝘃𝗲要讚一讚呢到𝗻𝗼𝗻-𝗰𝗼𝗳𝗳𝗲𝗲飲品選擇好多，仲要好特別添！波子汽水好清爽，好正！加埋𝗦𝗼𝗳𝘁 𝗦𝗲𝗿𝘃𝗲解熱一流～不過𝗦𝗼𝗳𝘁 𝗦𝗲𝗿𝘃𝗲溶得好快，快手試幾啖再溶落汽水度另一番風味～╰┈➤ 𝘁𝗮𝘀𝘁𝗲: 𝟳.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟮/𝟭𝟬𝗠𝗶𝗻𝗶𝗺𝗮𝗹 迷你毛 @minimal_cafehk✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟴/𝟭𝟬╰┈➤ 📍#BELLYwongs_shamshuipo✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.𝟴/𝟭𝟬╰┈➤ #BELLYwongs_cafes #BELLYwongs_western✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳.𝟮/𝟭𝟬╰┈➤ #BELLYwongs_midprice • $𝟮𝟯𝟬/𝗽𝗽✵ 𝒔𝒆𝒓𝒗𝒊𝒄𝒆 𝟳.𝟴/𝟭𝟬✵ 𝒓𝒆𝒗𝒊𝒔𝒊𝒕 ᴍᴀʏʙᴇ 😇…查看更多

深水埗近排開咗好多間咖啡店呀，話咁快就變咗文青必到嘅地區，不過大部分其實都偏細，今次呢間就好大好寬敞啦，裝修又哂光猛 👍🏻 又多打咭位，點可以錯過呀 💞特濃朱古力 📍$48朱古力超濃，底層應該係用咗無糖朱古力，所以嘔會好甜，中間有一層cream，上面再放咗勁多朱古力碎，一次過入口，朱古力嘅甜味岩岩好Caramel Cappuccino 📍$40見唔見到上面層cream 幾厚身 😍面頭再燒咗啲焦糖，甜甜地嘅咖啡 😬 飲落好舒服Tiramisu 📍$72好好食好好食！一定要留肚呀！佢地用咗秘製配方，啲cream 打得特別滑身厚身，底層仲有啲朱古力脆脆，口感好豐富之餘，味道又好食松露水波蛋什菌多士 📍$92呢到啲主菜真係好大份 😜黑松露加蛋汁，滲哂入去下面個sourdough 到，好正 😋 食到停唔到！炸雞煎蛋窩夫 📍$95炸雞同窩夫都好脆，再加啲蛋汁同焦糖糖漿，甜甜地又咸咸地，個炸雞又外脆內軟，成件事好夾…查看更多

呢間咖啡店，年三十開爐試業，我就初五去幫襯。見到白色嘅簡潔店舖，大大塊落地玻璃窗，店內座位比我想像中多位，但估不到係下午2點左右，入面係坐滿9成(可坐嘅位)，好有人氣喎！坐下看餐牌，以為同其他咖啡店一樣都係得一至兩頁紙，好驚訝佢有6頁紙咁多🙀，有多款多士、窩夫、沙律、乳酪 (忘記影呢張)、意粉、肉扒、甜品、咖啡和其他飲品！真係好多嘢食，攪到我嘅選擇困難症又發作啦😹炸雞煎蛋窩夫 (HK$85)．呢個賣相有點面善，似唔似中環嗰間嘅鴨腿窩夫呢？．不過，我覺得呢個容易食啲，因為炸雞係外脆內軟，啖啖肉，唔需要先拆肉㗎👍🏻．窩夫大件，幾脆口．靚靚太陽蛋，一篤就流晒啲蛋黃出嚟😻．將糖漿、蛋黃、炸雞、窩夫，全部一口食，鹹、甜、脆、嫩，多感口福呀～．加些少糖漿在那一片薄脆煙肉，呢個配搭係perfect池．伴有菠菜黑醋沙律，可以減少肥膩感焦糖拿鐵 (跟嘢食HK$28，單點HK$38)．有可愛嘅天鵝拉花．焦糖甜味適中，甜而不太甜．呢度用玻璃杯，而不是咖啡杯，好特別喎．與其中之一個老闆聊天時，佢話用玻璃杯上咖啡係澳洲風格，哦，學到野了😸，不過我比較喜歡看有耳嘅咖啡杯飲拿鐵多啲🤭意大利芝士蛋糕 (HK$72)．白蘑菇似的賣相，好可愛．上面鋪滿咖啡粉和碎曲奇餅粒．白色嘅部份係意大利軟芝士，我覺得不夠凍，同埋可以再cream啲濃啲就好了．一切開就有驚喜，中心係有蛋糕，而蛋糕係濕潤軟身有咖啡酒香．底層也有碎曲奇餅粒，幾好味㗎😋．提提你，呢個甜品需時製作，要早點叫呀～…查看更多