釜山炸雞批薩

週末齊人外賣韓食美食回家食，主打炸雞和批薩味道唔錯，而且份量都幾多。泡菜煎餅 $108煎餅呈橙紅色口感軟淋，加上泡菜酸辣好有韓式風味。韓式炸餃子(8件) $88餃子皮薄香脆，餡料十足有菜肉粉絲，估唔到又幾好味。韓式烤肉批薩 $169批薩12寸薄批，餅底口感煙韌，塗滿茄汁相當開胃，仲有層芝士芝味十足，配料豐富有牛肉粒、火腿粒、青椒絲、橄欖等，面層有燒烤醬甜辣惹味，味道唔錯。炸雞二重奏 $219特色甜辣 + 蜜糖芥末炸雞炸雞揀咗無骨啖啖肉，唔會炸得好乾，加上醬汁兩款口味，特色甜辣經典美味，蜜糖芥末甜美可口，都幾好食。另送前菜(醃蘿蔔、酸青瓜)和汽水。…查看更多

偶然在聚會中食過 釜山炸雞批薩嘅炸雞，好有驚喜，呢日經開馬鞍山，特地到店食過夠，再打包炸雞回家跟家人分享！🐮辣牛肉湯（配白飯）$78店內所有食物都是即點即煮，牛肉湯熱辣上枱，薄片牛肉唔會太老，湯頭加入洋蔥，秀珍菇，增香增鮮，酸酸辣辣，很開胃。🍜炸醬麵 $68炸醬麵要價親民，香濃醬汁包住爽滑麵條～配料薯仔豬肉入味，唔錯！泡菜煎餅 $108橙紅的泡菜煎餅，混入泡菜汁煎製！外脆內軟，口感煙韌酸辣，好飽肚！炸雞二重奏 $219炸雞二重奏可以選擇2款口味，今次點了蜜糖芥末+蒜香醬油各半份，份量超大！唔係講笑，剛剛炸起，趁熱食真係好脆，好多肉汁！蒜香醬油甜甜地，醬油味道剛剛好，唔會過鹹；蜜糖芥末醬好滑，香甜蜂蜜加上芥末滋味，令人難以抗拒！韓式炸雞，配上韓式飲品，一流！…查看更多

聽朋友介紹呢間韓國餐廳由韓國人主理，咁食物水準應該有返咁上下，於是過黎食下先得😉今次叫左人蔘雞湯($98)、辣炒豬軟骨($118)、炸雞二重奏($219)、樂天桃味果汁($15)、水蜜桃氣泡酒($38)內裡座位唔算好多，但空間寬敞，仲有電視KEEP住播韓國MV有歌聽下，唔錯😄前菜：蘿蔔、泡菜醃得入味，酸酸辣辣地幾醒胃😄炸雞二重奏：見MENU分別想食特色甜辣同蜜糖芥末口味，但見佢預設組合係冇，於是問下老闆得唔得，好彩老闆易話為肯安排俾我地😝一上碟見成份炸雞份量十足，真係見到都覺得飽，超級抵食🤩炸雞外層香脆而唔會太厚粉，食落啖啖肉夠JUICY，加埋惹味嘅醬汁調味，我特別推介蜜糖芥末口味，勁正🤤人蔘雞湯：夠晒熱辣辣，碗湯嘅人蔘味甘口回味，雞肉煲得非常軟腍又入味，加埋冬菇片令個湯更鮮😍😋辣炒豬軟骨：同樣地大大碟，豬軟骨切絲連埋洋蔥絲一齊炒，調味均勻，辣得過癮，啱晒中意食辣嘅朋友😋樂天桃味果汁：桃味唔會過濃，味道清新水蜜桃氣泡酒：呢個桃味香甜D，酒精濃度唔高，易入口😍大合照🤩由於食物即叫即製，所以要稍微等一下，不過都絕對值得，食物水準出色😋用心小店值得再ENCORE，下次一於再黎食佢個PIZZA先得補MENU…查看更多