The BASE (已結業)

早前同朋友食過一次覺得唔錯，所以再次光臨餐廳,試試能否保持水準！上次叫咗二人set都幾飽，今次散叫左食物，部份食物係encore的。咖喱蕃薯條第二次食，覺得上次嘅咖喱醬比今次好食。個人其實偏好沙律醬味重d，而今次食就咖喱味偏重。成份蕃薯條份量多，食到最尾仲食緊所以多人分享更適合。叫咗炸蝦肉釀雞翼珍寶珠，喺餐牌上算係推介食物所以就試一試。個人認為偏鹹，味道亦未算話好吸引，唔認為蝦肉同雞肉特別夾。所以試一次就夠。不過值得一提嘅係佢個松露醬不錯，都能將食材提升嘅。到main course，食米形粉。上次食過松露蟲草花雜菌米形粉，今次食黑松露雞肉雜菌米形粉配溫泉蛋。我想講佢嘅米形粉真係超！好！食！類似risotto 但用米形粉比起用米更岀色！口感一流！十分推介比各位未食過米形粉既朋友！最後叫咗個水果茶都唔錯，水果粒都新鮮，值得一叫。成間餐廳氛圍舒適，亦冇特別限用餐時間。整體食物水準高，會再次光臨。…查看更多

慶祝朋友生日，一班人去左lee間餐廳。係工廠區入面黎講，地方唔算太大，目測只可同時容納20人左右。不過雖然地方細小，但環境唔錯我地叫左一個3-4人set dinner，另外單叫左幾款其他食物。整體食物味道都非常唔錯最欣賞佢個炸蕃薯條，出面真係好少地方可以食到仲有，佢個珍寶珠都好正，有3款sauce可以點，而且係啖啖肉最後每人200幾就食到一餐咁好味嘅西餐，真係好抵食…查看更多

觀塘區有好多工廈，繁忙時間有好多上班一族，人多車多，食市就更加多，可以話想食咩都有，但如果要找一間可以坐耐些少嘅餐廳都可能真係諗到頭暈，唔知點算。今次我有朋友生曰就揀咗呢間，三五知己聚餐，因為太趕冇準備蛋糕，但原來餐廳可以幫我在甜品上寫上生日快樂字句，咁我就唔洗兩頭騰找生曰蛋糕，輕鬆好多，個甜品好好味好特別，餐廳環境好舒適，感覺好寧靜，食物整得好靚又好味，口感又好、賣相又靚，我哋傾得好開心，又影相，全個氣氛都好正，下次一定會再來的。…查看更多

Happy Friday~今晚約左好耐無見既朋友見面。想坐得舒舒服服慢慢傾計,西餐都係不二之選。觀塘工廈真係好多未發崛既好嘢食, 試極都仲有😍。今日就黎到the base環境唔算好大, 只有十張八張枱。裝修大部份都用上木同素色作主調, 感覺幾簡樸舒適。不過星期5晚個場都幾旺,所以最好都係book定位。出邊仲有個幾大既露台, 種左D植物~吹住涼風幾舒服。不過得一個茶几, 睇落都係啱飲野同食煙。如果可以加多D 枱, 其實反而我會揀坐出去。等朋友之際,坐左一段時間, 連水都無支😦唔通要錢? 最後忍唔住問侍應拎,free ge~~ 支水成個感覺好正拉開有成棵薄荷葉, 顏色好green~~好新鮮~~~不過朋友都覺得D水薄荷味好淡~~唔知係咪浸左成日呢😂不過賣相黎講顏值已經好高~~~~~之前都未試過餐牌食物主要有4頁, 款式唔算太多~另外menu 係飲品朋友一黎話好想食薯條, 薯條食得多~~蕃薯條真係未試過~仲要係咖哩😍✨咖哩蕃薯條($58)必食👍👍👍👍👍 : 佢唔係平時薯條果種硬脆~佢係脆得黎好鬆化~甜甜地好好味!!!!咖哩味反而唔係好重, 小小辣幾過癮~~如果個醬係蜜糖就好喇~~又或者落咖哩粉可能更加突出~✨炸蝦肉釀雞翼珍寶珠($88) :見到係熱門菜式, 黎之前已經鎖定要試。其實唔多唔少係因為覺得佢個名幾得意😂超級熱辣辣~~~個炸粉好薄好鬆脆😍蝦味其實唔係好覺, 可能已經同雞肉搞埋一堆, 但入邊好嫩好多汁。醬汁有辣蕃茄醬同薑蔥醬~~~~個薑蔥醬味道好似平時點白切雞果種味😂 我覺得呢個菜式雖然唔係我最愛, 但未食過可以試一次✨燒原隻魷魚釀墨魚汁意大利飯($158) : 賣相好吸引~!!未食已經見到木魚絲向我舞動招手😆一早已經切好左一件件💕入邊墨魚飯有紫菜包住左~~~無咁易散墨魚飯有咬口~~不過魷魚無咩味。 最正反而係個汁, 帶點酸酸地~~仲有D粟米仔做配菜個汁用黎撈飯點薯條~~正👍✨黑松露雞肉雜菌米形粉配温泉蛋($128): 必食👍👍👍👍👍個雞幾好食, 估唔到個皮係好薄同脆!! 重點一定係米形粉, 未食過唔知係乜東東~~~~~形狀真係一粒米~但比平時D米大幾倍😍加上香濃黑松露汁, 雜菌同cheese 好好味~!!!!温泉蛋流心度仲好高~~~~5 鍾意蛋既話可以轉做大啡菇✨食物方面其實唔錯, 感覺配搭幾創新, 有花心思。蕃薯條同米形粉都係我encore之選😍環境黎講~可能因為樓底矮人又多(是日約滿7成人),真係好嘈~~~~我同4個朋友一齊傾計都真係傾得幾辛苦, 聽唔係幾到大家講乜😣等齊朋友8點先開始食~9點已經last order, 侍應都有吹促我地有野食仲想叫要快D~~~同埋要埋左張單先雖然收十點~但9點9已經要我地離開了~感覺真係好急住收工..............感覺有D意猶未盡~~~~~~~~…查看更多

短期內幫襯左呢間餐廳兩次，因為食物質素高，值得得encore 。今次叫左燒原棵羅馬生菜，有驚喜，燒既時間剛剛好，不太生不太老，好juice。燒牛骨髓配燒香草蕃茄.脆多士，剛入口會覺得牛骨髓有D油，但配上多士恰到好處，吸左D油，而且texture好夾。炸蝦肉釀雞翼珍寶珠，上次試左好好食，今次又encore!。黑松露大啡菇雜菌波菜扁麵，好香黑松露，麵質好彈牙。慢煮加拿大豬鞍配甜酸豬腩，豬腩入口既溶，豬鞍都幾爽口，:)。整體都好好味…查看更多

本來和朋友的約會定在12月初， 但是我很不爭氣地感冒了，還病了很久， 結果我們的約會都變成為在23號的聖誕聚餐了 (笑) 既然見面的日子很近聖誕，當然會很想吃點西式的應一應節， 於是朋友在網上搜尋了數間在觀塘口碑不錯的工廈餐廳， 最後我們鎖定了這間The BASE。 正如之前所說的，因為臨近聖誕節也有點怕會full booking， 所以事前我打電話到餐廳預約了位子， 嘛，我是有一點焦慮症，預約好了所有東西都辦妥了才安心。 預約了晚上7時半，來到的時候已經正好7時半， 所以沒有在門外仔細看看木箱上擺放的東西就進去了。 進店後跟店員說預約了位子，之後店員就帶我們到枱子就坐。 我們的枱子位於餐廳的角落，正好可以拍一下餐廳的環境。 不過原來工廈餐廳的生意會是這麼冷清， 將近聖誕節仍然有空枱，不過還是訂了枱比較安心吧！ 餐廳面積不算大，就是眼見這麼大， 大約有10來張枱子的數量吧，中間還有一張大桌子。 而每張枱的距離不會太近，不會聽到鄰桌的聊天內容， 我們之間的說話也不會傳到去鄰桌，私隱度不錯。 室內位置不算大，但是餐廳還有室外位子， 不過當日客人不多就沒有開放了。 旁邊好像還有洗手間，看見很多人出出入入的， 但是我們沒有在這裡上洗手間所以就不清楚環境和衛生情況了。 在我們看著餐牌煩惱著吃甚麼時， 店員端來了一瓶detox water和杯子，很有質感。 不過這其實也不算是甚麼detox water啦，只是加了薄荷葉的水而已。 水的味道有點像刷完牙漱口時的小清新薄荷味， 唔...味道有點微妙，但喜歡的人會很喜歡啦 (廢話XD) 餐牌用板夾夾著，只有2頁，其中1頁是食物、1頁是飲品。 款式選擇不夠多，也沒有Dinner Set提供， 不過工廈餐廳為了控制成本也是可以理解的。 最後我們決定要了1款沙律、1款小食和2款主食。 沙田柚木瓜藜麥沙律 HK$68 有點小清新的沙律，柚子味道帶點苦， 配合木瓜絲和生菜很爽口，入口感覺很fresh。 不過柚子的苦味太搶，所以我們不太喜歡這味道， 蒜蓉包則很香，完全沒有油膩的感覺。 炸蝦肉釀雞翼珍寶珠 HK$88 起初我們覺得這款菜式的名字很有趣，沒想太多就點了。 送來後我們都恍然大悟原來珍寶珠是這個意思， 餐廳很有心思地將雞翼弄成單骨雞翼， 再釀入蝦肉，令口感和味道更豐富， 然後再炸至金黃色，還配上兩款醬汁供客人選擇。 這道我們都很喜歡，只是炸物吃多了還是感到有點熱氣， 回家後發現面上冒了兩顆痘痘，好有罪惡感XD 黑松露雞肉雜菌菠菜扁麵 HK$118 這道菜雖然是眾多菜式中賣相最普通的一款， 但卻是最好吃的一道，我們都超喜歡！ 雞肉表皮微微煎至金黃色，十分香脆， 同時雞肉肉質仍能保持鮮嫩多汁，肉質很軟腍。 另外配上大量雜菌，感覺完全不膩， 黑松露本身就是和雜菌很搭，再撒上了數片芝士， 整體配合得天衣無縫，十分豐富。 三層芝士大啡菇漢堡 HK$158 當這個漢堡端來的時候都吸引了鄰桌的目光， 無疑地這個漢堡的確吸睛度極高，用來呃Like一流！ 漢堡還配上份量不少的脆薯格，又脆又熱，超好吃 (心) 漢堡包十分鬆軟，裡面還夾有煎蛋，十分豐富。 本來我們以為其中一層啡色的是牛肉， 沒想到原來兩層都是大啡菇，對我們來說太heavy了... 到最後完全吃到怕，太多大啡菇食到有點濟orz 爆炸乳酪野莓 HK$48 飲品方面我們各自點了餐廳的特色飲品， 這款是我點的爆炸乳酪野莓，口感有點像沙冰。 爆炸的意思原來是裡面有爆炸糖，好刺激XDD 不過這款真的超甜，有點像喝糖水，我不太喜歡。 英國玫瑰紅茶 HK$45 朋友點了英國玫瑰紅茶，我都好喜歡！ 要不是怕晚上喝了之後會睡不好我也會選擇這個呢～ 除了一壺玫瑰花茶外，連杯子本身都有玫瑰花瓣！ 所以當朋友倒出來時，我們都聞到很香濃的玫瑰花味， 實在是太浪漫太犯規了！ 冰搖荔枝鮮紅茶 HK$40 另一位朋友本來想要喝茉莉綠茶，但是當時沒有提供， 所以改為要了冰搖荔枝鮮紅茶， 她說味道沒甚麼特別，好就這樣XD 餐廳位於工廈所以營業時間短，9時last order、9時半就關門， 但像我們都是早歸的好孩子都沒有太大問題XD 最後埋單盛惠$622，平均每人$208。 唔...本來覺得價錢有點少貴， 但回頭看看我們吃了這麼多東西，其實也差不多吧！ 朋友碎碎念說要等食物到齊後來個大合照， 拍出來果然是很豐富很美麗的畫面呢。 將所有食物列在一起合照果然覺得很和諧啊！ 這就是我們女子會的聖誕聚餐了。…查看更多

好姊妹在觀塘區一帶工作，自不然會發掘這裡的新餐廳！ 當晚，她帶我們靚女四人幫，走到開業四個月的工廈樓上新餐廳 The BASE！當我們一行四人走進裝潢簡約風，以木色餐桌椅為主的餐廳，這裡有八張枱，7:30pm 已坐了一半食客，以工業區的樓上新餐廳來說，已是好成功！而且比預期旺！而其中一張枱呈三角形，就好像店名的 Logo，成為店中亮點！ 另有個室外的優閒小空間！別有洞天！ 店員則安排一張小圓枱給我們！:)桌上已備有加入薄荷葉的清水，品嚐晚餐前，先清一清味蕾，店子安排貼心！這裡供應以基本菜色加上創意的特色美饌，讓食客更有新鮮感！ 選擇貴精不貴多！Skin cold pressed juice $42健康而營養豐富的冷壓果汁近年來大行其道，記得曾經幫襯過兩間位於中環的冷壓果汁店！幾十元一支的確不平宜！意想不到這間餐廳也有供應，實在驚喜！  我急不及待要點番杯具護膚功效的冷壓果汁， 以菠蘿、蘋果、青瓜打製而成，滿載天然果酸及香甜，清新健康！芝士焗蕃茄莎莎大啡菇 $58配上一片火箭菜，賣相色彩繽紛起來！ 大啡菇肉厚多汁！芝味濃郁，與蕃茄莎莎配搭之下更加滋味無窮！ 一濃水淡恰到好處！炸蝦肉釀雞翼珍寶珠 $88師傅巧妙地把雞翼去了一條骨，釀入蝦肉，外型做到成粒珍寶珠，既精緻又方便進食！ 就算女生品嚐也不失儀態！ 雞肉與蝦肉混合起來，前者肉質滑而多汁，後者爽口彈牙，雙重口感集於一身！ 香脆惹味，最敗筆卻是入口鹹了些小！大家也一致認同！ 醃至酸咪咪的椰菜絲，有助中和作用。:)燒味噌三文魚配香梨沙律、香煎加拿大冰湖野米 $168 香梨沙律的梨切幼絲，口感依然清爽！:) 以味噌烹調的三文魚，提升鹹鮮味，食落也不會覺得嚡口！加拿大冰湖野米份量很少！:(慢煮加拿大豬鞍拼甜酸燜豬腩 $238以迷你椰菜、西蘭花、甘筍、法邊豆作點綴，顯得美輪美奐！ 慢煮豬鞍約八成熟，保持水份鎖住肉汁，粉嫩的肉質肉嫩多汁！ 燜豬腩脂肪與瘦肉相間，甘香豐腴肉質鬆化！兩者同樣令我難以抗拒呢！黑松露雞肉雜菌菠菜扁麵 $118輕微的黑松露味道不及芝士那麼霸道！香氣洋溢！ 這是芝士、黑松露、雞肉、雜菌、菠菜的組合，口感豐富！ 單看起來，扁意粉似乎被豐盛的配料掩蓋了！ 扁意粉軟硬適中帶煙韌又入味，雞件皮脆肉嫩，整體是水準之作！我們完全感受到師傅烹調的心思與誠意，亦欣賞其創意，把基本菜色加上創意做成特色美饌！讓食客大飽口福！ 我們食得滿意又飽足！ 平均消費二百多元也是物有所值！…查看更多

和朋友們來到在開源道上的樓上店吃晚飯，隨著越來越多的樓上店，官塘區有越來越多高質素的餐廳，在官塘區上班的我也越來越多的選擇。地方很寬闊，主要以木椅和木櫈為主，看上去乾淨整齊。當天是平日的晚上，但已坐滿食客，人頭湧湧。幸好朋友己一早訂了座位，無需等位。:)芝士焗蕃茄莎莎大啡菇 $58.00厚厚的香菇舖上厚厚的芝士，口感豐富，芝士味濃。炸蝦肉釀雞翼珍寶珠 $88.00這是餐廳特別推介，外表炸得好脆，中間是蝦肉，新鮮彈牙。無需配上沙律醬已經好夠味！紅酒燉牛面肉配牛油薯蓉 $218.00 燉牛肉再配上紅酒後帶出牛肉的香味，牛肉有中國原素，好入味，好嫰，像港式牛腩的味道。意大利餛飩內也以牛肉味為主。小量的配菜平衡了整道菜的味道。薯蓉有很香滑。 密糖洛神花茶 $42.00紅色洛神花茶加上蜜糖後，淡淡的香味，酸酸甜甜好開胃，幫助消化。…查看更多

今次嚟到The BASE搵食！ 屋企同公司附近食到悶悶哋～決定又踏足最多工廈cafe嘅觀塘～雖然The BASE呢座工廈唔算近地鐵站～但佢喺男朋友舊公司對面～可以放心跟住男朋友行！上到工廈～the BASE都將自己收得好埋～轉角再轉角先見到佢簡潔嘅裝修～食物種類不多～但都幾有創意及特色👍🏻飲品以花茶、菓茶為主黑松露大啡菇雜菌菠菜扁麵 （$118）本身配料係雞肉～不過亦可轉大啡菇～黑松露嘅香味實在令人難以抗拒！大啡菇火喉剛好～亦冇出水現象～扁麵彈牙亦creamy～雜菌同菠菜等配料份量充足～整體來說不錯！炸蝦肉釀雞翼珍寶珠 （$88）果然係珍寶珠嘅様子～平時食過不少釀東西入雞翼嘅菜式～蝦肉真係比較少見～而且形狀竟然能變成圓形～真係要相機食先！一咬下去就見到蝦肉～而雞肉亦鮮嫰～炸粉不算厚～配上沙律醬或千島醬可帶出另一風味～澳洲M級肉醬和牛芝士漢堡 （$178）餐牌上嘅推介～而我哋亦被佢嘅名字吸引！一上枱真係嚇倒～漢堡包好厚～厚到快滿瀉！切開咗可見饀料嘅豐富！和牛果然係和牛～非常地juicy～食得出肉係手打的！芝士雖然濃郁～但都掩蓋唔到和牛嘅香氣～好在蕃茄同菜都夠新鮮～中和一下肉味！而麵包亦預先烤好2面～香脆！薯格份量亦頗多～好味道！蜜糖洛神花茶 （$42）坊間少見嘅洛神花花茶～自從同事買過洛神花乾請我哋食～就迷上咗呢個酸酸甜甜嘅味道！而呢杯花茶係微酸～但以旁邊嘅蜜糖調味～可按自己口味來調校酸甜度～一杯清雅幽香嘅菓茶～室外仲有一個吸煙區～好多花花草草呢～本身好喜歡店內嘅氣氛～仲有小燭光都幾浪漫～可惜當天有一班太太不斷喧嘩～完全破壞氣氛～美中不足呢⋯…查看更多

昨晚約左位起觀塘上班既朋友仔交收,順便就叫佢介紹埋有咩好餐廳食餐飯吹下水約我前, 佢做好功課, 起openrice搵到呢間新餐廳, 仲要係無喊臉, 一場黎到, 就緊係要試試啦!地點起駱駝漆行前多一個街口, 過咗The Wave就係架啦原來同座都有幾間食肆, 之前都起觀塘工廈區內試過幾間新餐廳, 印象都唔錯! (相信朋友帶得我來今晚的, 都不錯)大約晚上7.30來到, 估唔到都幾多人, 幸好都有位比我地安排坐起餐廳中央的大飯檯, 要同其他食客share, 所以下次來前, 記得要訂位呀!當然人多的話, 大飯檯就有其好處啦~在等位的時候, 拎了張傳單, 話新開張優惠, 只要like/follow佢地fb, 晚餐會有九折添喎有著數的, 緊係立即做啦好, 坐下立即望過Menu, Menu唔會太多頁, 第一頁是食物, 第二頁便是飲品對於我呢d有選擇困難症既人好有幫助雖說這樣, 但食物種類都分得仔細, 有snack, main course, salad, dessert, pasta等, 每組都有幾款選擇呢度既價錢都合理, 唔會話太貴行到熱, 先點杯冰凍飲品先爆炸乳酪野莓, 名字很特別其實是沙冰類, 正好比我降溫侍應遞過來時, 我聽到有d "si si"聲, 飲一啖, oh, 原來入面有爆炸糖, 雖然唔係咩新野, 但係咁既mix & match都係第一次飲! 而佢呢度既沙冰打出黎唔會話飲幾飲就變成無味既冰 就算我飲到尾都有莓味架~ 另外面頭果2粒藍莓好大粒, 係平時既2倍大好啦, 同朋友商議後, 決定點得平衡d (盡量 XD) 所以先來個沙律火燒原棵羅馬生菜 (冬蔭功沙律汁) , 另有日式芝麻汁, 因為未試過以冬蔭功造的沙律醬來到的presentation都很吸引, 食物不是用碟上, 而是印著餐廳名字的木板上菜Menu上已寫明是原棵, 無錯, 來的時候真是原棵沙律竟然是要用刀切開去食, 都係第一次呢, 非常特別至於冬蔭功汁唔會太刺激, 加埋泰式木瓜沙律上的花生乾蒜粒, 有點泰式口味整體唔錯, 只係覺得可以再多添一點沙律汁, 又或者用小碗另上額外的醬汁清清味蕾後, 熱氣的食物送上, 亦是大部份人喜歡吃的食物芝士薯格 (另有咖哩蕃薯條, 可惜朋友不好咖哩)有幾層高的薯格, 唔只面頭淋上芝士, 每層都有芝士架!勁熱辣加適量既芝士醬, 又唔會話超漏仲有仲有, 怕肥但又要食, 都知香口炸物都是高卡食物, 不過目測同入口都唔覺油淋淋, 減低罪惡感, 個心好過d, 哈哈另外呢份, 見到餐廳內很多客人都有點, 於是我地又想試埋 炸蝦肉釀雞翼珍寶珠外型搞笑, 又係熱氣的炸物, 所以每枝珍寶珠下面都墊上酸椰菜, 可以減低油膩感香脆的外皮包住雞和蝦肉, 內裡肉質有點實, 個人認為一般, 唔夠嫩及juicy唔知係咪點多咗, 2個人吃得有點吃力我食完一隻後, 又加上薯格, 已有點飽肚感最後的60度慢煮手撕雞漢堡終於上場噢, 原來也是跟薯格一同送上 (這個我已同老闆提出意見了, 因Menu沒註明)份量十足都只是$158, 用了多層不同的配料你睇下, d雞肉多到要走出黎啦~慢煮出來的肉質是很嫩滑, 絕對唔會痴牙雖然漢堡通常都比人一種很多肉的感覺, 但呢個都加入青瓜生菜, 仲有原隻大蘑菇, 罪惡感又即時下降唔小心整爆左蛋黃值得一提, 平時可能唔會點食個麵包, 不過由於呢度烘過後都好鬆軟, 我竟然連蛋食哂面頭果片雖然朋友仔沒點飲品, 餐廳都有水供應也會為客人添加的連水樽都包裝得一絲不笱黎到呢度, 標題我指出的"工廈中的神秘花園"在那裡呢?就是餐廳玻璃門後的風景了~是一個室外的地方, 放了一點綠色植物, 放工後同朋友來吹水飲兩杯食口煙, 即時好似放低壓力…查看更多