(荔枝角站B1出口)行6mins,又或者（長沙灣站C2出口）行6mins,小店設於小行間。*溫馨提示:如果大家用google map搜地址，輸入（長沙灣曉悅）會更準確。
日式小店環境舒適柔和的綠色配原木嘅裝修，帶日式氣氛之餘，有一點大自然嘅氣息，我同朋友坐係店內卡位即沙化椅，店面寬闊，店內約有5-6張卡位枱及沙化椅，也有不少活動式枱及椅，係一個放工後同朋友閒聊休息嘅好地方。昔日令人著迷的蟹籽沙律（$38）一直都好喜歡日式嘅蟹籽沙律， 切咗做絲嘅青瓜，同一絲絲嘅蟹柳一直都係最佳拍擋，唔知由幾時起屋企樓下間元×賣嘅蟹籽沙律係切成扇形，個人認為切絲嘅蟹籽青瓜蟹柳絲沙律先最能保留到沙律嘅精髓。一絲清爽嘅青瓜，配合軟綿綿嘅蟹柳絲，一個開胃嘅前菜，如同一個清涼嘅冷麵，酷熱天氣警告下，係街到行到身水身汗時，依個小食就最討喜。嫩肉甜湯有菜有肉安格斯牛肉鍋（$92）一個定食，有湯有飯，有前菜（中華沙律）及沙律（柚子醋沙律）。 安格斯牛肉片肥瘦均勻，比平時食嘅肥牛更勝一籌質，嫩滑可口又唔似平時啲肥牛有膏冇肉食。鍋內有褔袋（ 腐皮夾齋菜）又有清甜爽口黃芽白， 菜同肉嘅份量達至平衡。 麵豉湯有豆腐粒仲有海帶，咸香好味，一啖湯配一啖飯一流。柚子醋沙律酸酸甜甜，非常開胃。朋友特別鍾意呢個壽喜燒湯底， 鹹甜剛好，仲有少少柴魚嘅香味，最後仲飲到一滴不漏。 酥脆可口軟殼蟹（$42）炸蟹嘅脆漿比較硬身， 但炸蟹嘅烹煮時間啱啱好， 連蟹蓋蟹腳都非常之鬆脆可口， 熱辣辣新鮮出爐食，令人再三回味。炸芝士年糕（約$30）賣相漲卜卜， 外脆內軟嘅拉絲芝士年糕， 芝士年糕一放入口芝士醬，一湧而出， 熱辣辣嘅芝士年糕外脆內軟， 係芝士迷嘅必點之選， 小心上碟時，太熱會辣親個嘴。甘甜香口麥茶店內嘅茶非常香口，店主話係佢地走遍多個地區先物識到番黎。大家黎食飯，可以認真品嘗兩杯先走。 喜歡嘅朋友可以添飲多幾杯，其他地方未必有咁甘香嘅茶可以飲。輕鬆嘅一個聚餐，大家都食得心滿意足。…查看更多
店面不大，但氛圍溫馨，被我鍾意既青檸色包圍，令人心安💚😌清雅柔和的竹紋和紙吊燈。坐定定，先歎一啖熱茶🍵，似乎比一般麥茶更甘香。問老闆茶中是否有玄機，原來茶底係用麥茶+綠茶，難怪茶湯綠綠地，仲有少少綠茶既草青味🌿開場白就不落俗套，更加期待接下來的戲肉了🤨燒芝士年糕（$30）一直覺得燒芝士年糕介乎鹹點和甜點之間，這間是偏向鹹點，但不是靠重鹽，而是落胡椒粉來提味，頗有個性。年糕有油香但不油膩，芝士份量也剛好，細嚼慢嚥之下，竟然有少少失落已久的年味。7種野菜天婦羅（$42）今晚好恨食炸野，於是又叫了野菜天婦羅，七種蔬菜分別係：蕃薯、南瓜、茄子、金菇、冬菇、秋葵同埋⋯粗壯健康、甘甜多汁既大蔥！炸金菇係今日的No.1❤️炸金菇之所以好食，全靠菇菇豐富的氨基酸同糖經過美納反應量變產生質變，由菇味變成肉味！但又唔可以炸得過火，怕失去鮮嫩的口感。呢到既金菇剛好炸到上脆下嫩，爆出一絲絲甘甜，係烚水最易流失的珍貴風味～朋友亦很欣賞切成厚片、煙韌粉甜既炸蕃薯🍠同南瓜🎃可惜茄子🍆切得較薄，無得爆漿sosad整體黎講，佢炸功同味道都正常，但係圍返6蚊一件，大家可以揀自己鍾意既菜，仲有大蔥呢種稀有掉落（誤），真係抵·到·爛，止口痕過口癮之選😋！！！明太子玉子燒（$42）蛋有些老，明太子超重口味，唔似日式，似韓式巴辣明太子？？但又無奶香黎中和鹹味，點醬油就更鹹了😅鰻魚炒飯（$80）人間美味，絕對唔hea炒架！我最怕蛋+飯only既【悶蛋炒飯】，所以咁豐富足料既炒飯正中我下懷😍鰻魚肥美鬆軟，份量肉眼可見的慷慨，飯粒中還藏著蛋碎、洋蔥、紅蘿蔔、青椒、蔥花，粒粒都切得極細碎，添香之餘也保持整體鬆軟口感，不會有突兀的大舊食材喧賓奪主，破壞和諧。主角米飯是細珍珠米，濕潤而鬆軟，醬油味溫柔，是稱職的療癒食物（Comfort Food）。如果用一個詞形容呢碟炒飯，應該就是「圓潤」吧。出門口先發現，原來真係有潭活水喔！即刻吟返句詩先：問渠那得清如許，為有源頭活水來XD 埋單人均$90，性價比真係超超超超超高🤤呢個價位睇黎都係做街坊生意，如果店家可以保持咁既食物水準及誠意，相信一定長做長有，細水長流🤗～～～（P.S. 下次想試月見牛爆丼！）…查看更多
